| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
109. сад̇д̇аахагаран̣ийяаануж̇аананаа
109. Sattāhakaraṇīyānujānanā
187. ат̇а ко бхаг̇аваа рааж̇аг̇ахз яат̇аабхиранд̇ам̣ вихарид̇ваа язна саавад̇т̇и д̇зна жааригам̣ баггаами. анубуб̣б̣зна жааригам̣ жарамаано язна саавад̇т̇и д̇ад̣̇авасари. д̇ад̇ра суд̣̇ам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна госалзсу ж̇анабад̣̇з уд̣̇знзна убаасагзна сан̇гхам̣ уд̣̇д̣̇исса вихааро гаараабид̇о ход̇и. со бхигкуунам̣ санд̇игз д̣̇ууд̇ам̣ баахзси – ‘‘ааг̇ажчанд̇у бхад̣̇анд̇аа, ижчаами д̣̇аанан̃жа д̣̇аад̇ум̣, д̇хамман̃жа сод̇ум̣, бхигкуу жа бассид̇у’’нд̇и. бхигкуу звамаахам̣су – ‘‘бхаг̇авад̇аа, аавусо, бан̃н̃ад̇д̇ам̣ ‘на вассам̣ убаг̇анд̇ваа буримам̣ ваа д̇змаасам̣ бажчимам̣ ваа д̇змаасам̣ авасид̇ваа жааригаа баггамид̇аб̣б̣аа’д̇и. ааг̇амзд̇у уд̣̇зно убаасаго, яаава бхигкуу вассам̣ васанд̇и. вассам̣вудтаа ааг̇амиссанд̇и. сажз банасса ажжааяигам̣ гаран̣ийяам̣, д̇ад̇т̇зва ааваасигаанам̣ бхигкуунам̣ санд̇игз вихаарам̣ бад̇идтаабзд̇уу’’д̇и. уд̣̇зно убаасаго уж̇жхааяад̇и кияяад̇и вибаажзд̇и – ‘‘гат̇ан̃хи наама бхад̣̇анд̇аа маяаа бахид̇з на ааг̇ажчиссанд̇и. ахан̃хи д̣̇ааяаго гаараго сан̇гхубадтааго’’д̇и. ассосум̣ ко бхигкуу уд̣̇знасса убаасагасса уж̇жхааяанд̇асса кияяанд̇асса вибаажзнд̇асса. ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, сад̇д̇аннам̣ сад̇д̇аахагаран̣ийязна бахид̇з г̇анд̇ум̣, на д̇взва аббахид̇з. бхигкусса, бхигкунияаа, сигкамаанааяа, сааман̣зрасса, сааман̣зрияаа, убаасагасса, убаасигааяа – ануж̇аанаами, бхигкавз, имзсам̣ сад̇д̇аннам̣ сад̇д̇аахагаран̣ийязна бахид̇з г̇анд̇ум̣, на д̇взва аббахид̇з. сад̇д̇аахам̣ саннивад̇д̇о гаад̇аб̣б̣о’’.
187. Atha kho bhagavā rājagahe yathābhirantaṃ viharitvā yena sāvatthi tena cārikaṃ pakkāmi. Anupubbena cārikaṃ caramāno yena sāvatthi tadavasari. Tatra sudaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena kosalesu janapade udenena upāsakena saṅghaṃ uddissa vihāro kārāpito hoti. So bhikkhūnaṃ santike dūtaṃ pāhesi – ‘‘āgacchantu bhadantā, icchāmi dānañca dātuṃ, dhammañca sotuṃ, bhikkhū ca passitu’’nti. Bhikkhū evamāhaṃsu – ‘‘bhagavatā, āvuso, paññattaṃ ‘na vassaṃ upagantvā purimaṃ vā temāsaṃ pacchimaṃ vā temāsaṃ avasitvā cārikā pakkamitabbā’ti. Āgametu udeno upāsako, yāva bhikkhū vassaṃ vasanti. Vassaṃvuṭṭhā āgamissanti. Sace panassa accāyikaṃ karaṇīyaṃ, tattheva āvāsikānaṃ bhikkhūnaṃ santike vihāraṃ patiṭṭhāpetū’’ti. Udeno upāsako ujjhāyati khiyyati vipāceti – ‘‘kathañhi nāma bhadantā mayā pahite na āgacchissanti. Ahañhi dāyako kārako saṅghupaṭṭhāko’’ti. Assosuṃ kho bhikkhū udenassa upāsakassa ujjhāyantassa khiyyantassa vipācentassa. Atha kho te bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, sattannaṃ sattāhakaraṇīyena pahite gantuṃ, na tveva appahite. Bhikkhussa, bhikkhuniyā, sikkhamānāya, sāmaṇerassa, sāmaṇeriyā, upāsakassa, upāsikāya – anujānāmi, bhikkhave, imesaṃ sattannaṃ sattāhakaraṇīyena pahite gantuṃ, na tveva appahite. Sattāhaṃ sannivatto kātabbo’’.
188. ид̇ха бана, бхигкавз, убаасагзна сан̇гхам̣ уд̣̇д̣̇исса вихааро гаараабид̇о ход̇и. со жз бхигкуунам̣ санд̇игз д̣̇ууд̇ам̣ бахин̣зяяа – ‘‘ааг̇ажчанд̇у бхад̣̇анд̇аа, ижчаами д̣̇аанан̃жа д̣̇аад̇ум̣, д̇хамман̃жа сод̇ум̣, бхигкуу жа бассид̇у’’нд̇и, г̇анд̇аб̣б̣ам̣, бхигкавз, сад̇д̇аахагаран̣ийязна, бахид̇з, на д̇взва аббахид̇з. сад̇д̇аахам̣ саннивад̇д̇о гаад̇аб̣б̣о.
188. Idha pana, bhikkhave, upāsakena saṅghaṃ uddissa vihāro kārāpito hoti. So ce bhikkhūnaṃ santike dūtaṃ pahiṇeyya – ‘‘āgacchantu bhadantā, icchāmi dānañca dātuṃ, dhammañca sotuṃ, bhikkhū ca passitu’’nti, gantabbaṃ, bhikkhave, sattāhakaraṇīyena, pahite, na tveva appahite. Sattāhaṃ sannivatto kātabbo.
ид̇ха бана, бхигкавз, убаасагзна сан̇гхам̣ уд̣̇д̣̇исса ад̣дхаяог̇о гаараабид̇о ход̇и…бз… баасаад̣̇о гаараабид̇о ход̇и… хаммияам̣ гаараабид̇ам̣ ход̇и… г̇ухаа гаараабид̇аа ход̇и… баривзн̣ам̣ гаараабид̇ам̣ ход̇и… годтаго гаараабид̇о ход̇и… убадтаанасаалаа гаараабид̇аа ход̇и… аг̇г̇исаалаа гаараабид̇аа ход̇и… габбияагуди гаараабид̇аа ход̇и… важжагуди гаараабид̇аа ход̇и… жан̇гамо гаараабид̇о ход̇и … жан̇гаманасаалаа гаараабид̇аа ход̇и… уд̣̇абаано гаараабид̇о ход̇и … уд̣̇абаанасаалаа гаараабид̇аа ход̇и… ж̇анд̇аагхарам̣ гаараабид̇ам̣ ход̇и… ж̇анд̇аагхарасаалаа гаараабид̇аа ход̇и… богкаран̣ий гаараабид̇аа ход̇и… ман̣д̣або гаараабид̇о ход̇и… аараамо гаараабид̇о ход̇и… аараамавад̇т̇у гаараабид̇ам̣ ход̇и. со жз бхигкуунам̣ санд̇игз д̣̇ууд̇ам̣ бахин̣зяяа – ‘‘ааг̇ажчанд̇у бхад̣̇анд̇аа, ижчаами д̣̇аанан̃жа д̣̇аад̇ум̣, д̇хамман̃жа сод̇ум̣, бхигкуу жа бассид̇у’’нд̇и, г̇анд̇аб̣б̣ам̣, бхигкавз, сад̇д̇аахагаран̣ийязна, бахид̇з, на д̇взва аббахид̇з. сад̇д̇аахам̣ саннивад̇д̇о гаад̇аб̣б̣о.
Idha pana, bhikkhave, upāsakena saṅghaṃ uddissa aḍḍhayogo kārāpito hoti…pe… pāsādo kārāpito hoti… hammiyaṃ kārāpitaṃ hoti… guhā kārāpitā hoti… pariveṇaṃ kārāpitaṃ hoti… koṭṭhako kārāpito hoti… upaṭṭhānasālā kārāpitā hoti… aggisālā kārāpitā hoti… kappiyakuṭi kārāpitā hoti… vaccakuṭi kārāpitā hoti… caṅkamo kārāpito hoti … caṅkamanasālā kārāpitā hoti… udapāno kārāpito hoti … udapānasālā kārāpitā hoti… jantāgharaṃ kārāpitaṃ hoti… jantāgharasālā kārāpitā hoti… pokkharaṇī kārāpitā hoti… maṇḍapo kārāpito hoti… ārāmo kārāpito hoti… ārāmavatthu kārāpitaṃ hoti. So ce bhikkhūnaṃ santike dūtaṃ pahiṇeyya – ‘‘āgacchantu bhadantā, icchāmi dānañca dātuṃ, dhammañca sotuṃ, bhikkhū ca passitu’’nti, gantabbaṃ, bhikkhave, sattāhakaraṇīyena, pahite, na tveva appahite. Sattāhaṃ sannivatto kātabbo.
ид̇ха бана, бхигкавз, убаасагзна самб̣ахулз бхигкуу уд̣̇д̣̇исса…бз… згам̣ бхигкум̣ уд̣̇д̣̇исса вихааро гаараабид̇о ход̇и… ад̣дхаяог̇о гаараабид̇о ход̇и… баасаад̣̇о гаараабид̇о ход̇и … хаммияам̣ гаараабид̇ам̣ ход̇и… г̇ухаа гаараабид̇аа ход̇и… баривзн̣ам̣ гаараабид̇ам̣ ход̇и… годтаго гаараабид̇о ход̇и… убадтаанасаалаа гаараабид̇аа ход̇и… аг̇г̇исаалаа гаараабид̇аа ход̇и… габбияагуди гаараабид̇аа ход̇и… важжагуди гаараабид̇аа ход̇и… жан̇гамо гаараабид̇о ход̇и… жан̇гаманасаалаа гаараабид̇аа ход̇и… уд̣̇абаано гаараабид̇о ход̇и… уд̣̇абаанасаалаа гаараабид̇аа ход̇и… ж̇анд̇аагхарам̣ гаараабид̇ам̣ ход̇и… ж̇анд̇аагхарасаалаа гаараабид̇аа ход̇и… богкаран̣ий гаараабид̇аа ход̇и… ман̣д̣або гаараабид̇о ход̇и… аараамо гаараабид̇о ход̇и… аараамавад̇т̇у гаараабид̇ам̣ ход̇и. со жз бхигкуунам̣ санд̇игз д̣̇ууд̇ам̣ бахин̣зяяа – ‘‘ааг̇ажчанд̇у бхад̣̇анд̇аа, ижчаами д̣̇аанан̃жа д̣̇аад̇ум̣, д̇хамман̃жа сод̇ум̣, бхигкуу жа бассид̇у’’нд̇и, г̇анд̇аб̣б̣ам̣, бхигкавз, сад̇д̇аахагаран̣ийязна, бахид̇з, на д̇взва аббахид̇з. сад̇д̇аахам̣ саннивад̇д̇о гаад̇аб̣б̣о.
Idha pana, bhikkhave, upāsakena sambahule bhikkhū uddissa…pe… ekaṃ bhikkhuṃ uddissa vihāro kārāpito hoti… aḍḍhayogo kārāpito hoti… pāsādo kārāpito hoti … hammiyaṃ kārāpitaṃ hoti… guhā kārāpitā hoti… pariveṇaṃ kārāpitaṃ hoti… koṭṭhako kārāpito hoti… upaṭṭhānasālā kārāpitā hoti… aggisālā kārāpitā hoti… kappiyakuṭi kārāpitā hoti… vaccakuṭi kārāpitā hoti… caṅkamo kārāpito hoti… caṅkamanasālā kārāpitā hoti… udapāno kārāpito hoti… udapānasālā kārāpitā hoti… jantāgharaṃ kārāpitaṃ hoti… jantāgharasālā kārāpitā hoti… pokkharaṇī kārāpitā hoti… maṇḍapo kārāpito hoti… ārāmo kārāpito hoti… ārāmavatthu kārāpitaṃ hoti. So ce bhikkhūnaṃ santike dūtaṃ pahiṇeyya – ‘‘āgacchantu bhadantā, icchāmi dānañca dātuṃ, dhammañca sotuṃ, bhikkhū ca passitu’’nti, gantabbaṃ, bhikkhave, sattāhakaraṇīyena, pahite, na tveva appahite. Sattāhaṃ sannivatto kātabbo.
ид̇ха бана, бхигкавз, убаасагзна бхигкунисан̇гхам̣ уд̣̇д̣̇исса…бз… самб̣ахулаа бхигкунияо уд̣̇д̣̇исса…бз… згам̣ бхигкуним̣ уд̣̇д̣̇исса…бз… самб̣ахулаа сигкамаанааяо уд̣̇д̣̇исса…бз… згам̣ сигкамаанам̣ уд̣̇д̣̇исса…бз… самб̣ахулз сааман̣зрз уд̣̇д̣̇исса…бз… згам̣ сааман̣зрам̣ уд̣̇д̣̇исса…бз… самб̣ахулаа сааман̣зрияо уд̣̇д̣̇исса…бз… згам̣ сааман̣зрим̣ уд̣̇д̣̇исса вихааро гаараабид̇о ход̇и…бз… ад̣дхаяог̇о гаараабид̇о ход̇и… баасаад̣̇о гаараабид̇о ход̇и… хаммияам̣ гаараабид̇ам̣ ход̇и… г̇ухаа гаараабид̇аа ход̇и… баривзн̣ам̣ гаараабид̇ам̣ ход̇и… годтаго гаараабид̇о ход̇и… убадтаанасаалаа гаараабид̇аа ход̇и… аг̇г̇исаалаа гаараабид̇аа ход̇и … габбияагуди гаараабид̇аа ход̇и… жан̇гамо гаараабид̇о ход̇и… жан̇гаманасаалаа гаараабид̇аа ход̇и… уд̣̇абаано гаараабид̇о ход̇и… уд̣̇абаанасаалаа гаараабид̇аа ход̇и… богкаран̣ий гаараабид̇аа ход̇и… ман̣д̣або гаараабид̇о ход̇и… аараамо гаараабид̇о ход̇и… аараамавад̇т̇у гаараабид̇ам̣ ход̇и. со жз бхигкуунам̣ санд̇игз д̣̇ууд̇ам̣ бахин̣зяяа – ‘‘ааг̇ажчанд̇у бхад̣̇анд̇аа, ижчаами д̣̇аанан̃жа д̣̇аад̇ум̣ , д̇хамман̃жа сод̇ум̣, бхигкуу жа бассид̇у’’нд̇и, г̇анд̇аб̣б̣ам̣, бхигкавз, сад̇д̇аахагаран̣ийязна, бахид̇з, на д̇взва аббахид̇з. сад̇д̇аахам̣ саннивад̇д̇о гаад̇аб̣б̣о.
Idha pana, bhikkhave, upāsakena bhikkhunisaṅghaṃ uddissa…pe… sambahulā bhikkhuniyo uddissa…pe… ekaṃ bhikkhuniṃ uddissa…pe… sambahulā sikkhamānāyo uddissa…pe… ekaṃ sikkhamānaṃ uddissa…pe… sambahule sāmaṇere uddissa…pe… ekaṃ sāmaṇeraṃ uddissa…pe… sambahulā sāmaṇeriyo uddissa…pe… ekaṃ sāmaṇeriṃ uddissa vihāro kārāpito hoti…pe… aḍḍhayogo kārāpito hoti… pāsādo kārāpito hoti… hammiyaṃ kārāpitaṃ hoti… guhā kārāpitā hoti… pariveṇaṃ kārāpitaṃ hoti… koṭṭhako kārāpito hoti… upaṭṭhānasālā kārāpitā hoti… aggisālā kārāpitā hoti … kappiyakuṭi kārāpitā hoti… caṅkamo kārāpito hoti… caṅkamanasālā kārāpitā hoti… udapāno kārāpito hoti… udapānasālā kārāpitā hoti… pokkharaṇī kārāpitā hoti… maṇḍapo kārāpito hoti… ārāmo kārāpito hoti… ārāmavatthu kārāpitaṃ hoti. So ce bhikkhūnaṃ santike dūtaṃ pahiṇeyya – ‘‘āgacchantu bhadantā, icchāmi dānañca dātuṃ , dhammañca sotuṃ, bhikkhū ca passitu’’nti, gantabbaṃ, bhikkhave, sattāhakaraṇīyena, pahite, na tveva appahite. Sattāhaṃ sannivatto kātabbo.
189. ид̇ха бана, бхигкавз, убаасагзна ад̇д̇ано ад̇т̇ааяа нивзсанам̣ гаараабид̇ам̣ ход̇и…бз… саяанигхарам̣ гаараабид̇ам̣ ход̇и… уд̣̇осид̇о гаараабид̇о ход̇и… аддо гаараабид̇о ход̇и… маал̣о гаараабид̇о ход̇и… аабан̣о гаараабид̇о ход̇и… аабан̣асаалаа гаараабид̇аа ход̇и… баасаад̣̇о гаараабид̇о ход̇и… хаммияам̣ гаараабид̇ам̣ ход̇и… г̇ухаа гаараабид̇аа ход̇и… баривзн̣ам̣ гаараабид̇ам̣ ход̇и… годтаго гаараабид̇о ход̇и… убадтаанасаалаа гаараабид̇аа ход̇и… аг̇г̇исаалаа гаараабид̇аа ход̇и… расавад̇ий гаараабид̇аа ход̇и… жан̇гамо гаараабид̇о ход̇и… жан̇гаманасаалаа гаараабид̇аа ход̇и… уд̣̇абаано гаараабид̇о ход̇и… уд̣̇абаанасаалаа гаараабид̇аа ход̇и… богкаран̣ий гаараабид̇аа ход̇и… ман̣д̣або гаараабид̇о ход̇и… аараамо гаараабид̇о ход̇и … аараамавад̇т̇у гаараабид̇ам̣ ход̇и… буд̇д̇асса ваа ваарзяяам̣ ход̇и… д̇хийд̇уяаа ваа ваарзяяам̣ ход̇и… г̇илаано ваа ход̇и… абхин̃н̃аад̇ам̣ ваа суд̇д̇анд̇ам̣ бхан̣ад̇и. со жз бхигкуунам̣ санд̇игз д̣̇ууд̇ам̣ бахин̣зяяа – ‘ааг̇ажчанд̇у бхад̣̇анд̇аа, имам̣ суд̇д̇анд̇ам̣ барияаабун̣иссанд̇и, бурааяам̣ суд̇д̇анд̇о на балуж̇ж̇ад̇ий’д̇и. ан̃н̃ад̇арам̣ ваа банасса гижжам̣ ход̇и – гаран̣ийяам̣ ваа, со жз бхигкуунам̣ санд̇игз д̣̇ууд̇ам̣ бахин̣зяяа – ‘‘ааг̇ажчанд̇у бхад̣̇анд̇аа, ижчаами д̣̇аанан̃жа д̣̇аад̇ум̣, д̇хамман̃жа сод̇ум̣, бхигкуу жа бассид̇у’’нд̇и, г̇анд̇аб̣б̣ам̣, бхигкавз, сад̇д̇аахагаран̣ийязна, бахид̇з, на д̇взва аббахид̇з. сад̇д̇аахам̣ саннивад̇д̇о гаад̇аб̣б̣о.
189. Idha pana, bhikkhave, upāsakena attano atthāya nivesanaṃ kārāpitaṃ hoti…pe… sayanigharaṃ kārāpitaṃ hoti… udosito kārāpito hoti… aṭṭo kārāpito hoti… māḷo kārāpito hoti… āpaṇo kārāpito hoti… āpaṇasālā kārāpitā hoti… pāsādo kārāpito hoti… hammiyaṃ kārāpitaṃ hoti… guhā kārāpitā hoti… pariveṇaṃ kārāpitaṃ hoti… koṭṭhako kārāpito hoti… upaṭṭhānasālā kārāpitā hoti… aggisālā kārāpitā hoti… rasavatī kārāpitā hoti… caṅkamo kārāpito hoti… caṅkamanasālā kārāpitā hoti… udapāno kārāpito hoti… udapānasālā kārāpitā hoti… pokkharaṇī kārāpitā hoti… maṇḍapo kārāpito hoti… ārāmo kārāpito hoti … ārāmavatthu kārāpitaṃ hoti… puttassa vā vāreyyaṃ hoti… dhītuyā vā vāreyyaṃ hoti… gilāno vā hoti… abhiññātaṃ vā suttantaṃ bhaṇati. So ce bhikkhūnaṃ santike dūtaṃ pahiṇeyya – ‘āgacchantu bhadantā, imaṃ suttantaṃ pariyāpuṇissanti, purāyaṃ suttanto na palujjatī’ti. Aññataraṃ vā panassa kiccaṃ hoti – karaṇīyaṃ vā, so ce bhikkhūnaṃ santike dūtaṃ pahiṇeyya – ‘‘āgacchantu bhadantā, icchāmi dānañca dātuṃ, dhammañca sotuṃ, bhikkhū ca passitu’’nti, gantabbaṃ, bhikkhave, sattāhakaraṇīyena, pahite, na tveva appahite. Sattāhaṃ sannivatto kātabbo.
190. ид̇ха бана, бхигкавз, убаасигааяа сан̇гхам̣ уд̣̇д̣̇исса вихааро гаараабид̇о ход̇и. саа жз бхигкуунам̣ санд̇игз д̣̇ууд̇ам̣ бахин̣зяяа – ‘‘ааг̇ажчанд̇у аяяаа, ижчаами д̣̇аанан̃жа д̣̇аад̇ум̣, д̇хамман̃жа сод̇ум̣, бхигкуу жа бассид̇у’’нд̇и, г̇анд̇аб̣б̣ам̣, бхигкавз, сад̇д̇аахагаран̣ийязна, бахид̇з, на д̇взва аббахид̇з. сад̇д̇аахам̣ саннивад̇д̇о гаад̇аб̣б̣о.
190. Idha pana, bhikkhave, upāsikāya saṅghaṃ uddissa vihāro kārāpito hoti. Sā ce bhikkhūnaṃ santike dūtaṃ pahiṇeyya – ‘‘āgacchantu ayyā, icchāmi dānañca dātuṃ, dhammañca sotuṃ, bhikkhū ca passitu’’nti, gantabbaṃ, bhikkhave, sattāhakaraṇīyena, pahite, na tveva appahite. Sattāhaṃ sannivatto kātabbo.
ид̇ха бана, бхигкавз, убаасигааяа сан̇гхам̣ уд̣̇д̣̇исса ад̣дхаяог̇о гаараабид̇о ход̇и…бз… баасаад̣̇о гаараабид̇о ход̇и… хаммияам̣ гаараабид̇ам̣ ход̇и… г̇ухаа гаараабид̇аа ход̇и… баривзн̣ам̣ гаараабид̇ам̣ ход̇и… годтаго гаараабид̇о ход̇и… убадтаанасаалаа гаараабид̇аа ход̇и… аг̇г̇исаалаа гаараабид̇аа ход̇и… габбияагуди гаараабид̇аа ход̇и… важжагуди гаараабид̇аа ход̇и… жан̇гамо гаараабид̇о ход̇и… жан̇гаманасаалаа гаараабид̇аа ход̇и… уд̣̇абаано гаараабид̇о ход̇и… уд̣̇абаанасаалаа гаараабид̇аа ход̇и… ж̇анд̇аагхарам̣ гаараабид̇ам̣ ход̇и… ж̇анд̇аагхарасаалаа гаараабид̇аа ход̇и… богкаран̣ий гаараабид̇аа ход̇и… ман̣д̣або гаараабид̇о ход̇и… аараамо гаараабид̇о ход̇и… аараамавад̇т̇у гаараабид̇ам̣ ход̇и. саа жз бхигкуунам̣ санд̇игз д̣̇ууд̇ам̣ бахин̣зяяа – ‘‘ааг̇ажчанд̇у аяяаа, ижчаами д̣̇аанан̃жа д̣̇аад̇ум̣, д̇хамман̃жа сод̇ум̣, бхигкуу жа бассид̇у’’нд̇и, г̇анд̇аб̣б̣ам̣, бхигкавз, сад̇д̇аахагаран̣ийязна, бахид̇з, на д̇взва аббахид̇з. сад̇д̇аахам̣ саннивад̇д̇о гаад̇аб̣б̣о.
Idha pana, bhikkhave, upāsikāya saṅghaṃ uddissa aḍḍhayogo kārāpito hoti…pe… pāsādo kārāpito hoti… hammiyaṃ kārāpitaṃ hoti… guhā kārāpitā hoti… pariveṇaṃ kārāpitaṃ hoti… koṭṭhako kārāpito hoti… upaṭṭhānasālā kārāpitā hoti… aggisālā kārāpitā hoti… kappiyakuṭi kārāpitā hoti… vaccakuṭi kārāpitā hoti… caṅkamo kārāpito hoti… caṅkamanasālā kārāpitā hoti… udapāno kārāpito hoti… udapānasālā kārāpitā hoti… jantāgharaṃ kārāpitaṃ hoti… jantāgharasālā kārāpitā hoti… pokkharaṇī kārāpitā hoti… maṇḍapo kārāpito hoti… ārāmo kārāpito hoti… ārāmavatthu kārāpitaṃ hoti. Sā ce bhikkhūnaṃ santike dūtaṃ pahiṇeyya – ‘‘āgacchantu ayyā, icchāmi dānañca dātuṃ, dhammañca sotuṃ, bhikkhū ca passitu’’nti, gantabbaṃ, bhikkhave, sattāhakaraṇīyena, pahite, na tveva appahite. Sattāhaṃ sannivatto kātabbo.
ид̇ха бана, бхигкавз, убаасигааяа самб̣ахулз бхигкуу уд̣̇д̣̇исса…бз… згам̣ бхигкум̣ уд̣̇д̣̇исса…бз… бхигкунисан̇гхам̣ уд̣̇д̣̇исса…бз… самб̣ахулаа бхигкунияо уд̣̇д̣̇исса…бз… згам̣ бхигкуним̣ уд̣̇д̣̇исса…бз… самб̣ахулаа сигкамаанааяо уд̣̇д̣̇исса…бз… згам̣ сигкамаанам̣ уд̣̇д̣̇исса…бз… самб̣ахулз сааман̣зрз уд̣̇д̣̇исса…бз… згам̣ сааман̣зрам̣ уд̣̇д̣̇исса…бз… самб̣ахулаа сааман̣зрияо уд̣̇д̣̇исса…бз… згам̣ сааман̣зрим̣ уд̣̇д̣̇исса…бз….
Idha pana, bhikkhave, upāsikāya sambahule bhikkhū uddissa…pe… ekaṃ bhikkhuṃ uddissa…pe… bhikkhunisaṅghaṃ uddissa…pe… sambahulā bhikkhuniyo uddissa…pe… ekaṃ bhikkhuniṃ uddissa…pe… sambahulā sikkhamānāyo uddissa…pe… ekaṃ sikkhamānaṃ uddissa…pe… sambahule sāmaṇere uddissa…pe… ekaṃ sāmaṇeraṃ uddissa…pe… sambahulā sāmaṇeriyo uddissa…pe… ekaṃ sāmaṇeriṃ uddissa…pe….
191. ид̇ха бана, бхигкавз, убаасигааяа ад̇д̇ано ад̇т̇ааяа нивзсанам̣ гаараабид̇ам̣ ход̇и…бз… саяанигхарам̣ гаараабид̇ам̣ ход̇и… уд̣̇осид̇о гаараабид̇о ход̇и… аддо гаараабид̇о ход̇и… маал̣о гаараабид̇о ход̇и… аабан̣о гаараабид̇о ход̇и… аабан̣асаалаа гаараабид̇аа ход̇и… баасаад̣̇о гаараабид̇о ход̇и… хаммияам̣ гаараабид̇ам̣ ход̇и… г̇ухаа гаараабид̇аа ход̇и… баривзн̣ам̣ гаараабид̇ам̣ ход̇и… годтаго гаараабид̇о ход̇и… убадтаанасаалаа гаараабид̇аа ход̇и… аг̇г̇исаалаа гаараабид̇аа ход̇и… расавад̇ий гаараабид̇аа ход̇и… жан̇гамо гаараабид̇о ход̇и… жан̇гаманасаалаа гаараабид̇аа ход̇и… уд̣̇абаано гаараабид̇о ход̇и … уд̣̇абаанасаалаа гаараабид̇аа ход̇и… богкаран̣ий гаараабид̇аа ход̇и… ман̣д̣або гаараабид̇о ход̇и… аараамо гаараабид̇о ход̇и… аараамавад̇т̇у гаараабид̇ам̣ ход̇и… буд̇д̇асса ваа ваарзяяам̣ ход̇и… д̇хийд̇уяаа ваа ваарзяяам̣ ход̇и… г̇илаанаа ваа ход̇и… абхин̃н̃аад̇ам̣ ваа суд̇д̇анд̇ам̣ бхан̣ад̇и. саа жз бхигкуунам̣ санд̇игз д̣̇ууд̇ам̣ бахин̣зяяа – ‘‘ааг̇ажчанд̇у аяяаа, имам̣ суд̇д̇анд̇ам̣ барияаабун̣иссанд̇и, бурааяам̣ суд̇д̇анд̇о балуж̇ж̇ад̇ий’’д̇и. ан̃н̃ад̇арам̣ ваа банассаа гижжам̣ ход̇и гаран̣ийяам̣ ваа, саа жз бхигкуунам̣ санд̇игз д̣̇ууд̇ам̣ бахин̣зяяа – ‘‘ааг̇ажчанд̇у аяяаа, ижчаами д̣̇аанан̃жа д̣̇аад̇ум̣, д̇хамман̃жа сод̇ум̣, бхигкуу жа бассид̇у’’нд̇и, г̇анд̇аб̣б̣ам̣, бхигкавз, сад̇д̇аахагаран̣ийязна, бахид̇з, на д̇взва аббахид̇з. сад̇д̇аахам̣ саннивад̇д̇о гаад̇аб̣б̣о.
191. Idha pana, bhikkhave, upāsikāya attano atthāya nivesanaṃ kārāpitaṃ hoti…pe… sayanigharaṃ kārāpitaṃ hoti… udosito kārāpito hoti… aṭṭo kārāpito hoti… māḷo kārāpito hoti… āpaṇo kārāpito hoti… āpaṇasālā kārāpitā hoti… pāsādo kārāpito hoti… hammiyaṃ kārāpitaṃ hoti… guhā kārāpitā hoti… pariveṇaṃ kārāpitaṃ hoti… koṭṭhako kārāpito hoti… upaṭṭhānasālā kārāpitā hoti… aggisālā kārāpitā hoti… rasavatī kārāpitā hoti… caṅkamo kārāpito hoti… caṅkamanasālā kārāpitā hoti… udapāno kārāpito hoti … udapānasālā kārāpitā hoti… pokkharaṇī kārāpitā hoti… maṇḍapo kārāpito hoti… ārāmo kārāpito hoti… ārāmavatthu kārāpitaṃ hoti… puttassa vā vāreyyaṃ hoti… dhītuyā vā vāreyyaṃ hoti… gilānā vā hoti… abhiññātaṃ vā suttantaṃ bhaṇati. Sā ce bhikkhūnaṃ santike dūtaṃ pahiṇeyya – ‘‘āgacchantu ayyā, imaṃ suttantaṃ pariyāpuṇissanti, purāyaṃ suttanto palujjatī’’ti. Aññataraṃ vā panassā kiccaṃ hoti karaṇīyaṃ vā, sā ce bhikkhūnaṃ santike dūtaṃ pahiṇeyya – ‘‘āgacchantu ayyā, icchāmi dānañca dātuṃ, dhammañca sotuṃ, bhikkhū ca passitu’’nti, gantabbaṃ, bhikkhave, sattāhakaraṇīyena, pahite, na tveva appahite. Sattāhaṃ sannivatto kātabbo.
192. ид̇ха бана, бхигкавз, бхигкунаа сан̇гхам̣ уд̣̇д̣̇исса…бз… бхигкунияаа сан̇гхам̣ уд̣̇д̣̇исса… сигкамаанааяа сан̇гхам̣ уд̣̇д̣̇исса… сааман̣зрзна сан̇гхам̣ уд̣̇д̣̇исса… сааман̣зрияаа сан̇гхам̣ уд̣̇д̣̇исса … самб̣ахулз бхигкуу уд̣̇д̣̇исса… згам̣ бхигкум̣ уд̣̇д̣̇исса… бхигкунисан̇гхам̣ уд̣̇д̣̇исса… самб̣ахулаа бхигкунияо уд̣̇д̣̇исса… згам̣ бхигкуним̣ уд̣̇д̣̇исса… самб̣ахулаа сигкамаанааяо уд̣̇д̣̇исса… згам̣ сигкамаанам̣ уд̣̇д̣̇исса… самб̣ахулз сааман̣зрз уд̣̇д̣̇исса… згам̣ сааман̣зрам̣ уд̣̇д̣̇исса… самб̣ахулаа сааман̣зрияо уд̣̇д̣̇исса… згам̣ сааман̣зрим̣ уд̣̇д̣̇исса… ад̇д̇ано ад̇т̇ааяа вихааро гаараабид̇о ход̇и…бз… ад̣дхаяог̇о гаараабид̇о ход̇и… баасаад̣̇о гаараабид̇о ход̇и… хаммияам̣ гаараабид̇ам̣ ход̇и… г̇ухаа гаараабид̇аа ход̇и… баривзн̣ам̣ гаараабид̇ам̣ ход̇и … годтаго гаараабид̇о ход̇и… убадтаанасаалаа гаараабид̇аа ход̇и… аг̇г̇исаалаа гаараабид̇аа ход̇и… габбияагуди гаараабид̇аа ход̇и… жан̇гамо гаараабид̇о ход̇и… жан̇гаманасаалаа гаараабид̇аа ход̇и… уд̣̇абаано гаараабид̇о ход̇и… уд̣̇абаанасаалаа гаараабид̇аа ход̇и… богкаран̣ий гаараабид̇аа ход̇и… ман̣д̣або гаараабид̇о ход̇и… аараамо гаараабид̇о ход̇и… аараамавад̇т̇у гаараабид̇ам̣ ход̇и. саа жз бхигкуунам̣ санд̇игз д̣̇ууд̇ам̣ бахин̣зяяа… ‘‘ааг̇ажчанд̇у аяяаа, ижчаами д̣̇аанан̃жа д̣̇аад̇ум̣, д̇хамман̃жа сод̇ум̣, бхигкуу жа бассид̇у’’нд̇и, г̇анд̇аб̣б̣ам̣, бхигкавз, сад̇д̇аахагаран̣ийязна, бахид̇з, на д̇взва аббахид̇з. сад̇д̇аахам̣ саннивад̇д̇о гаад̇аб̣б̣од̇и.
192. Idha pana, bhikkhave, bhikkhunā saṅghaṃ uddissa…pe… bhikkhuniyā saṅghaṃ uddissa… sikkhamānāya saṅghaṃ uddissa… sāmaṇerena saṅghaṃ uddissa… sāmaṇeriyā saṅghaṃ uddissa … sambahule bhikkhū uddissa… ekaṃ bhikkhuṃ uddissa… bhikkhunisaṅghaṃ uddissa… sambahulā bhikkhuniyo uddissa… ekaṃ bhikkhuniṃ uddissa… sambahulā sikkhamānāyo uddissa… ekaṃ sikkhamānaṃ uddissa… sambahule sāmaṇere uddissa… ekaṃ sāmaṇeraṃ uddissa… sambahulā sāmaṇeriyo uddissa… ekaṃ sāmaṇeriṃ uddissa… attano atthāya vihāro kārāpito hoti…pe… aḍḍhayogo kārāpito hoti… pāsādo kārāpito hoti… hammiyaṃ kārāpitaṃ hoti… guhā kārāpitā hoti… pariveṇaṃ kārāpitaṃ hoti … koṭṭhako kārāpito hoti… upaṭṭhānasālā kārāpitā hoti… aggisālā kārāpitā hoti… kappiyakuṭi kārāpitā hoti… caṅkamo kārāpito hoti… caṅkamanasālā kārāpitā hoti… udapāno kārāpito hoti… udapānasālā kārāpitā hoti… pokkharaṇī kārāpitā hoti… maṇḍapo kārāpito hoti… ārāmo kārāpito hoti… ārāmavatthu kārāpitaṃ hoti. Sā ce bhikkhūnaṃ santike dūtaṃ pahiṇeyya… ‘‘āgacchantu ayyā, icchāmi dānañca dātuṃ, dhammañca sotuṃ, bhikkhū ca passitu’’nti, gantabbaṃ, bhikkhave, sattāhakaraṇīyena, pahite, na tveva appahite. Sattāhaṃ sannivatto kātabboti.
сад̇д̇аахагаран̣ийяаануж̇аанад̇аа нидтид̇аа.
Sattāhakaraṇīyānujānatā niṭṭhitā.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / сад̇д̇аахагаран̣ийяаануж̇аананагат̇аа • Sattāhakaraṇīyānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сад̇д̇аахагаран̣ийяаануж̇аананагат̇ааван̣н̣анаа • Sattāhakaraṇīyānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / сад̇д̇аахагаран̣ийяаануж̇аананагат̇ааван̣н̣анаа • Sattāhakaraṇīyānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вассуубанааяигаануж̇аананагат̇аад̣̇иван̣н̣анаа • Vassūpanāyikaanujānanakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 109. сад̇д̇аахагаран̣ийяаануж̇аананагат̇аа • 109. Sattāhakaraṇīyānujānanakathā
