| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
сад̇д̇аахагаран̣ийяаануж̇аананагат̇аа
Sattāhakaraṇīyānujānanakathā
187-8. сад̇д̇аахагаран̣ийязсу – сад̇д̇аахагаран̣ийязна г̇анд̇унд̇и сад̇д̇аахаб̣бханд̇арз яам̣ гад̇д̇аб̣б̣ам̣ д̇ам̣ сад̇д̇аахагаран̣ийяам̣, д̇зна сад̇д̇аахагаран̣ийязна гаран̣абхууд̇зна г̇анд̇ум̣ ануж̇аанаамийд̇и ад̇т̇о. бахид̇з г̇анд̇унд̇и имзхи сад̇д̇ахи бхигкуаад̣̇ийхи д̣̇ууд̇з бахид̇зязва г̇анд̇ум̣ ануж̇аанаамийд̇и ад̇т̇о. сад̇д̇аахам̣ саннивад̇д̇о гаад̇аб̣б̣од̇и сад̇д̇аахзязва саннивад̇д̇ид̇аб̣б̣о, адтамо арун̣о д̇ад̇т̇зва на удтаабзд̇аб̣б̣од̇и ад̇т̇о.
187-8. Sattāhakaraṇīyesu – sattāhakaraṇīyena gantunti sattāhabbhantare yaṃ kattabbaṃ taṃ sattāhakaraṇīyaṃ, tena sattāhakaraṇīyena karaṇabhūtena gantuṃ anujānāmīti attho. Pahite gantunti imehi sattahi bhikkhuādīhi dūte pahiteyeva gantuṃ anujānāmīti attho. Sattāhaṃ sannivatto kātabboti sattāheyeva sannivattitabbo, aṭṭhamo aruṇo tattheva na uṭṭhāpetabboti attho.
бхигкунисан̇гхам̣ уд̣̇д̣̇иссаад̇и ид̇о бадтааяа важжагуди ж̇анд̇аагхарам̣ ж̇анд̇аагхарасаалаад̇и имаани д̇ийн̣и барихийнаани.
Bhikkhunisaṅghaṃ uddissāti ito paṭṭhāya vaccakuṭi jantāgharaṃ jantāgharasālāti imāni tīṇi parihīnāni.
189. уд̣̇осид̇аад̣̇ийни уд̣̇осид̇асигкаабад̣̇аад̣̇ийсу вуд̇д̇аанзва. расавад̇ийд̇и бхад̇д̇аг̇зхам̣ вужжад̇и. ваарзяяам̣ сан̃жарид̇д̇асигкаабад̣̇з вуд̇д̇амзва. бурааяам̣ суд̇д̇анд̇о балуж̇ж̇ад̇ийд̇и яаава аяам̣ суд̇д̇анд̇о на балуж̇ж̇ад̇и, яаава аяам̣ суд̇д̇анд̇о на винассад̇и. ан̃н̃ад̇арам̣ ваа банасса гижжам̣ ход̇и гаран̣ийяам̣ ваад̇и зд̇зна барисан̇кад̇ам̣ яам̣гин̃жи гаран̣ийяам̣ сан̇г̇ахид̇ам̣ ход̇и. саб̣б̣ад̇т̇а жа ‘‘ижчаами д̣̇аанан̃жа д̣̇аад̇ум̣ д̇хамман̃жа сод̇ум̣ бхигкуу жа бассид̇у’’нд̇и иминаава габбияаважанзна бзсид̇з г̇анд̇аб̣б̣ам̣, зд̇зсам̣ ваа взважанзна. бзяяаалаггамо бана звам̣ взд̣̇ид̇аб̣б̣о, яат̇аа ‘‘убаасагзна сан̇гхам̣ уд̣̇д̣̇исса вихаараад̣̇аяо гаараабид̇аа хонд̇и, самб̣ахулз бхигкуу уд̣̇д̣̇исса, згам̣ бхигкум̣ уд̣̇д̣̇исса, бхигкунисан̇гхам̣ уд̣̇д̣̇исса, самб̣ахулаа бхигкунияо, згам̣ бхигкуним̣, самб̣ахулаа сигкамаанааяо, згам̣ сигкамаанам̣, самб̣ахулз сааман̣зрз, згам̣ сааман̣зрам̣, самб̣ахулаа сааман̣зрияо, згам̣ сааман̣зрим̣ уд̣̇д̣̇исса ад̇д̇ано ад̇т̇ааяа нивзсанам̣ гаараабид̇ам̣ ход̇ий’’д̇и вуд̇д̇ам̣; звамзва ‘‘убаасигааяа, бхигкунаа, бхигкунияаа, сигкамаанааяа, сааман̣зрзна, сааман̣зрияаа сан̇гхам̣ уд̣̇д̣̇иссаа’’д̇и саб̣б̣ам̣ вад̇д̇аб̣б̣ам̣. зд̇зсу сад̇д̇аббагаарзсу гаран̣ийязсу бахид̇з г̇анд̇аб̣б̣ам̣.
189.Udositādīni udositasikkhāpadādīsu vuttāneva. Rasavatīti bhattagehaṃ vuccati. Vāreyyaṃ sañcarittasikkhāpade vuttameva. Purāyaṃ suttanto palujjatīti yāva ayaṃ suttanto na palujjati, yāva ayaṃ suttanto na vinassati. Aññataraṃ vā panassa kiccaṃ hoti karaṇīyaṃ vāti etena parisaṅkhataṃ yaṃkiñci karaṇīyaṃ saṅgahitaṃ hoti. Sabbattha ca ‘‘icchāmi dānañca dātuṃ dhammañca sotuṃ bhikkhū ca passitu’’nti imināva kappiyavacanena pesite gantabbaṃ, etesaṃ vā vevacanena. Peyyālakkamo pana evaṃ veditabbo, yathā ‘‘upāsakena saṅghaṃ uddissa vihārādayo kārāpitā honti, sambahule bhikkhū uddissa, ekaṃ bhikkhuṃ uddissa, bhikkhunisaṅghaṃ uddissa, sambahulā bhikkhuniyo, ekaṃ bhikkhuniṃ, sambahulā sikkhamānāyo, ekaṃ sikkhamānaṃ, sambahule sāmaṇere, ekaṃ sāmaṇeraṃ, sambahulā sāmaṇeriyo, ekaṃ sāmaṇeriṃ uddissa attano atthāya nivesanaṃ kārāpitaṃ hotī’’ti vuttaṃ; evameva ‘‘upāsikāya, bhikkhunā, bhikkhuniyā, sikkhamānāya, sāmaṇerena, sāmaṇeriyā saṅghaṃ uddissā’’ti sabbaṃ vattabbaṃ. Etesu sattappakāresu karaṇīyesu pahite gantabbaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 109. сад̇д̇аахагаран̣ийяаануж̇аананаа • 109. Sattāhakaraṇīyānujānanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сад̇д̇аахагаран̣ийяаануж̇аананагат̇ааван̣н̣анаа • Sattāhakaraṇīyānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / сад̇д̇аахагаран̣ийяаануж̇аананагат̇ааван̣н̣анаа • Sattāhakaraṇīyānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вассуубанааяигаануж̇аананагат̇аад̣̇иван̣н̣анаа • Vassūpanāyikaanujānanakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 109. сад̇д̇аахагаран̣ийяаануж̇аананагат̇аа • 109. Sattāhakaraṇīyānujānanakathā
