| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
109. сад̇д̇аахагаран̣ийяаануж̇аананагат̇аа
109. Sattāhakaraṇīyānujānanakathā
187. сад̇д̇аахагаран̣ийязсу звам̣ винижчаяо взд̣̇ид̇аб̣б̣од̇и яож̇анаа. ‘‘сад̇д̇аахагаран̣ийязнаа’’д̇и бад̣̇асса сад̇д̇амийсамаасан̃жа анийяасад̣̇д̣̇асса гаммад̇т̇ан̃жа д̣̇ассзнд̇о ааха ‘‘сад̇д̇аахаб̣бханд̇арз яам̣ гад̇д̇аб̣б̣а’’нд̇и . д̇ад̇т̇а ‘‘сад̇д̇аахаб̣бханд̇арз’’д̇и иминаа сад̇д̇амийсамаасам̣ д̣̇ассзд̇и, ‘‘гад̇д̇аб̣б̣а’’нд̇и иминаа гаммад̇т̇ам̣. ‘‘сад̇д̇аахаб̣бханд̇арз’’д̇и иминаа сад̇д̇аахасса аб̣бханд̇арам̣ сад̇д̇ааханд̇и уд̇д̇арабад̣̇алобам̣ д̣̇ассзд̇и. бахид̇з г̇анд̇унд̇и зд̇т̇а бахид̇зсад̣̇д̣̇асса гад̇д̇угаммаани д̣̇ассзд̇ум̣ вуд̇д̇ам̣ ‘‘бхигкуаад̣̇ийхи д̣̇ууд̇з’’д̇и. д̇ад̇т̇а ‘‘бхигкуаад̣̇ийхий’’д̇и иминаа гад̇д̇аарам̣ д̣̇ассзд̇и, ‘‘д̣̇ууд̇з’’д̇и иминаа гаммам̣. сад̇д̇ааханд̇и зд̇т̇а уд̇д̇арабад̣̇алобан̃жа бхуммад̇т̇з убаяог̇аважанан̃жа д̣̇ассзнд̇о ааха ‘‘анд̇осад̇д̇аахзязваа’’д̇и. д̇ад̇т̇зваад̇и д̇асмим̣ бахид̇адтаанзязва. ‘‘на удтаабзд̇аб̣б̣о’’д̇и иминаа ‘‘сад̇д̇аахзязваа’’д̇и зд̇т̇а звасад̣̇д̣̇асса палам̣ д̣̇ассзд̇и.
187. Sattāhakaraṇīyesu evaṃ vinicchayo veditabboti yojanā. ‘‘Sattāhakaraṇīyenā’’ti padassa sattamīsamāsañca anīyasaddassa kammatthañca dassento āha ‘‘sattāhabbhantare yaṃ kattabba’’nti . Tattha ‘‘sattāhabbhantare’’ti iminā sattamīsamāsaṃ dasseti, ‘‘kattabba’’nti iminā kammatthaṃ. ‘‘Sattāhabbhantare’’ti iminā sattāhassa abbhantaraṃ sattāhanti uttarapadalopaṃ dasseti. Pahite gantunti ettha pahitesaddassa kattukammāni dassetuṃ vuttaṃ ‘‘bhikkhuādīhi dūte’’ti. Tattha ‘‘bhikkhuādīhī’’ti iminā kattāraṃ dasseti, ‘‘dūte’’ti iminā kammaṃ. Sattāhanti ettha uttarapadalopañca bhummatthe upayogavacanañca dassento āha ‘‘antosattāheyevā’’ti. Tatthevāti tasmiṃ pahitaṭṭhāneyeva. ‘‘Na uṭṭhāpetabbo’’ti iminā ‘‘sattāheyevā’’ti ettha evasaddassa phalaṃ dasseti.
189. расо зд̇асмим̣ ад̇т̇ийд̇и расавад̇ийд̇и вуд̇д̇з бхад̇д̇аг̇зхам̣ г̇ахзд̇аб̣б̣анд̇и ааха ‘‘бхад̇д̇аг̇зхам̣ вужжад̇ий’’д̇и. бхад̇д̇аг̇зханд̇и бхад̇д̇абажанаг̇зхам̣. бурааяам̣ суд̇д̇анд̇од̇и зд̇т̇а бураа аяанд̇и бад̣̇ажчзд̣̇ам̣ гад̇ваа бураасад̣̇д̣̇о яаавабарияааяод̇и ааха ‘‘яаава аяам̣ суд̇д̇анд̇о’’д̇и. на балуж̇ж̇ад̇ийд̇и зд̇т̇а луж̇ад̇хаад̇у винаасад̇т̇од̇и ааха ‘‘на винассад̇ий’’д̇и. барисан̇кад̇анд̇и барисан̇карид̇аб̣б̣ам̣. саб̣б̣ад̇т̇аад̇и саб̣б̣зсу бахид̇зсу. иминаава габбияаважанзнаад̇и иминаа зва габбиязна д̇иваагяасан̇каад̇зна важанзна. зд̇зсанд̇и зд̇зсам̣ д̇ин̣н̣ам̣ ваагяаанам̣. взважанзнаад̇и ‘‘яан̃н̃ан̃жа яаж̇ид̇ум̣, суд̇д̇ан̃жа уг̇г̇ан̣хид̇ум̣, саман̣з жа д̣̇ассид̇у’’нд̇и барияааязна. сад̇д̇асууд̇и убаасага убаасига бхигкубхигкуний сигкамаана сааман̣зра сааман̣зрий сан̇каад̇аасу сад̇д̇асу.
189. Raso etasmiṃ atthīti rasavatīti vutte bhattagehaṃ gahetabbanti āha ‘‘bhattagehaṃ vuccatī’’ti. Bhattagehanti bhattapacanagehaṃ. Purāyaṃ suttantoti ettha purā ayanti padacchedaṃ katvā purāsaddo yāvapariyāyoti āha ‘‘yāva ayaṃ suttanto’’ti. Na palujjatīti ettha lujadhātu vināsatthoti āha ‘‘na vinassatī’’ti. Parisaṅkhatanti parisaṅkharitabbaṃ. Sabbatthāti sabbesu pahitesu. Imināva kappiyavacanenāti iminā eva kappiyena tivākyasaṅkhātena vacanena. Etesanti etesaṃ tiṇṇaṃ vākyānaṃ. Vevacanenāti ‘‘yaññañca yajituṃ, suttañca uggaṇhituṃ, samaṇe ca dassitu’’nti pariyāyena. Sattasūti upāsaka upāsika bhikkhubhikkhunī sikkhamāna sāmaṇera sāmaṇerī saṅkhātāsu sattasu.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 109. сад̇д̇аахагаран̣ийяаануж̇аананаа • 109. Sattāhakaraṇīyānujānanā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / сад̇д̇аахагаран̣ийяаануж̇аананагат̇аа • Sattāhakaraṇīyānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сад̇д̇аахагаран̣ийяаануж̇аананагат̇ааван̣н̣анаа • Sattāhakaraṇīyānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / сад̇д̇аахагаран̣ийяаануж̇аананагат̇ааван̣н̣анаа • Sattāhakaraṇīyānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вассуубанааяигаануж̇аананагат̇аад̣̇иван̣н̣анаа • Vassūpanāyikaanujānanakathādivaṇṇanā
