| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਸਤ੍ਤਾਹਕਰਣੀਯਾਨੁਜਾਨਨਕਥਾ
Sattāhakaraṇīyānujānanakathā
੧੮੭-੮. ਸਤ੍ਤਾਹਕਰਣੀਯੇਸੁ – ਸਤ੍ਤਾਹਕਰਣੀਯੇਨ ਗਨ੍ਤੁਨ੍ਤਿ ਸਤ੍ਤਾਹਬ੍ਭਨ੍ਤਰੇ ਯਂ ਕਤ੍ਤਬ੍ਬਂ ਤਂ ਸਤ੍ਤਾਹਕਰਣੀਯਂ, ਤੇਨ ਸਤ੍ਤਾਹਕਰਣੀਯੇਨ ਕਰਣਭੂਤੇਨ ਗਨ੍ਤੁਂ ਅਨੁਜਾਨਾਮੀਤਿ ਅਤ੍ਥੋ। ਪਹਿਤੇ ਗਨ੍ਤੁਨ੍ਤਿ ਇਮੇਹਿ ਸਤ੍ਤਹਿ ਭਿਕ੍ਖੁਆਦੀਹਿ ਦੂਤੇ ਪਹਿਤੇਯੇવ ਗਨ੍ਤੁਂ ਅਨੁਜਾਨਾਮੀਤਿ ਅਤ੍ਥੋ। ਸਤ੍ਤਾਹਂ ਸਨ੍ਨਿવਤ੍ਤੋ ਕਾਤਬ੍ਬੋਤਿ ਸਤ੍ਤਾਹੇਯੇવ ਸਨ੍ਨਿવਤ੍ਤਿਤਬ੍ਬੋ, ਅਟ੍ਠਮੋ ਅਰੁਣੋ ਤਤ੍ਥੇવ ਨ ਉਟ੍ਠਾਪੇਤਬ੍ਬੋਤਿ ਅਤ੍ਥੋ।
187-8. Sattāhakaraṇīyesu – sattāhakaraṇīyena gantunti sattāhabbhantare yaṃ kattabbaṃ taṃ sattāhakaraṇīyaṃ, tena sattāhakaraṇīyena karaṇabhūtena gantuṃ anujānāmīti attho. Pahite gantunti imehi sattahi bhikkhuādīhi dūte pahiteyeva gantuṃ anujānāmīti attho. Sattāhaṃ sannivatto kātabboti sattāheyeva sannivattitabbo, aṭṭhamo aruṇo tattheva na uṭṭhāpetabboti attho.
ਭਿਕ੍ਖੁਨਿਸਙ੍ਘਂ ਉਦ੍ਦਿਸ੍ਸਾਤਿ ਇਤੋ ਪਟ੍ਠਾਯ વਚ੍ਚਕੁਟਿ ਜਨ੍ਤਾਘਰਂ ਜਨ੍ਤਾਘਰਸਾਲਾਤਿ ਇਮਾਨਿ ਤੀਣਿ ਪਰਿਹੀਨਾਨਿ।
Bhikkhunisaṅghaṃ uddissāti ito paṭṭhāya vaccakuṭi jantāgharaṃ jantāgharasālāti imāni tīṇi parihīnāni.
੧੮੯. ਉਦੋਸਿਤਾਦੀਨਿ ਉਦੋਸਿਤਸਿਕ੍ਖਾਪਦਾਦੀਸੁ વੁਤ੍ਤਾਨੇવ। ਰਸવਤੀਤਿ ਭਤ੍ਤਗੇਹਂ વੁਚ੍ਚਤਿ। વਾਰੇਯ੍ਯਂ ਸਞ੍ਚਰਿਤ੍ਤਸਿਕ੍ਖਾਪਦੇ વੁਤ੍ਤਮੇવ। ਪੁਰਾਯਂ ਸੁਤ੍ਤਨ੍ਤੋ ਪਲੁਜ੍ਜਤੀਤਿ ਯਾવ ਅਯਂ ਸੁਤ੍ਤਨ੍ਤੋ ਨ ਪਲੁਜ੍ਜਤਿ, ਯਾવ ਅਯਂ ਸੁਤ੍ਤਨ੍ਤੋ ਨ વਿਨਸ੍ਸਤਿ। ਅਞ੍ਞਤਰਂ વਾ ਪਨਸ੍ਸ ਕਿਚ੍ਚਂ ਹੋਤਿ ਕਰਣੀਯਂ વਾਤਿ ਏਤੇਨ ਪਰਿਸਙ੍ਖਤਂ ਯਂਕਿਞ੍ਚਿ ਕਰਣੀਯਂ ਸਙ੍ਗਹਿਤਂ ਹੋਤਿ। ਸਬ੍ਬਤ੍ਥ ਚ ‘‘ਇਚ੍ਛਾਮਿ ਦਾਨਞ੍ਚ ਦਾਤੁਂ ਧਮ੍ਮਞ੍ਚ ਸੋਤੁਂ ਭਿਕ੍ਖੂ ਚ ਪਸ੍ਸਿਤੁ’’ਨ੍ਤਿ ਇਮਿਨਾવ ਕਪ੍ਪਿਯવਚਨੇਨ ਪੇਸਿਤੇ ਗਨ੍ਤਬ੍ਬਂ, ਏਤੇਸਂ વਾ વੇવਚਨੇਨ। ਪੇਯ੍ਯਾਲਕ੍ਕਮੋ ਪਨ ਏવਂ વੇਦਿਤਬ੍ਬੋ, ਯਥਾ ‘‘ਉਪਾਸਕੇਨ ਸਙ੍ਘਂ ਉਦ੍ਦਿਸ੍ਸ વਿਹਾਰਾਦਯੋ ਕਾਰਾਪਿਤਾ ਹੋਨ੍ਤਿ, ਸਮ੍ਬਹੁਲੇ ਭਿਕ੍ਖੂ ਉਦ੍ਦਿਸ੍ਸ, ਏਕਂ ਭਿਕ੍ਖੁਂ ਉਦ੍ਦਿਸ੍ਸ, ਭਿਕ੍ਖੁਨਿਸਙ੍ਘਂ ਉਦ੍ਦਿਸ੍ਸ, ਸਮ੍ਬਹੁਲਾ ਭਿਕ੍ਖੁਨਿਯੋ, ਏਕਂ ਭਿਕ੍ਖੁਨਿਂ, ਸਮ੍ਬਹੁਲਾ ਸਿਕ੍ਖਮਾਨਾਯੋ, ਏਕਂ ਸਿਕ੍ਖਮਾਨਂ, ਸਮ੍ਬਹੁਲੇ ਸਾਮਣੇਰੇ, ਏਕਂ ਸਾਮਣੇਰਂ, ਸਮ੍ਬਹੁਲਾ ਸਾਮਣੇਰਿਯੋ, ਏਕਂ ਸਾਮਣੇਰਿਂ ਉਦ੍ਦਿਸ੍ਸ ਅਤ੍ਤਨੋ ਅਤ੍ਥਾਯ ਨਿવੇਸਨਂ ਕਾਰਾਪਿਤਂ ਹੋਤੀ’’ਤਿ વੁਤ੍ਤਂ; ਏવਮੇવ ‘‘ਉਪਾਸਿਕਾਯ, ਭਿਕ੍ਖੁਨਾ, ਭਿਕ੍ਖੁਨਿਯਾ, ਸਿਕ੍ਖਮਾਨਾਯ, ਸਾਮਣੇਰੇਨ, ਸਾਮਣੇਰਿਯਾ ਸਙ੍ਘਂ ਉਦ੍ਦਿਸ੍ਸਾ’’ਤਿ ਸਬ੍ਬਂ વਤ੍ਤਬ੍ਬਂ। ਏਤੇਸੁ ਸਤ੍ਤਪ੍ਪਕਾਰੇਸੁ ਕਰਣੀਯੇਸੁ ਪਹਿਤੇ ਗਨ੍ਤਬ੍ਬਂ।
189.Udositādīni udositasikkhāpadādīsu vuttāneva. Rasavatīti bhattagehaṃ vuccati. Vāreyyaṃ sañcarittasikkhāpade vuttameva. Purāyaṃ suttanto palujjatīti yāva ayaṃ suttanto na palujjati, yāva ayaṃ suttanto na vinassati. Aññataraṃ vā panassa kiccaṃ hoti karaṇīyaṃ vāti etena parisaṅkhataṃ yaṃkiñci karaṇīyaṃ saṅgahitaṃ hoti. Sabbattha ca ‘‘icchāmi dānañca dātuṃ dhammañca sotuṃ bhikkhū ca passitu’’nti imināva kappiyavacanena pesite gantabbaṃ, etesaṃ vā vevacanena. Peyyālakkamo pana evaṃ veditabbo, yathā ‘‘upāsakena saṅghaṃ uddissa vihārādayo kārāpitā honti, sambahule bhikkhū uddissa, ekaṃ bhikkhuṃ uddissa, bhikkhunisaṅghaṃ uddissa, sambahulā bhikkhuniyo, ekaṃ bhikkhuniṃ, sambahulā sikkhamānāyo, ekaṃ sikkhamānaṃ, sambahule sāmaṇere, ekaṃ sāmaṇeraṃ, sambahulā sāmaṇeriyo, ekaṃ sāmaṇeriṃ uddissa attano atthāya nivesanaṃ kārāpitaṃ hotī’’ti vuttaṃ; evameva ‘‘upāsikāya, bhikkhunā, bhikkhuniyā, sikkhamānāya, sāmaṇerena, sāmaṇeriyā saṅghaṃ uddissā’’ti sabbaṃ vattabbaṃ. Etesu sattappakāresu karaṇīyesu pahite gantabbaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੧੦੯. ਸਤ੍ਤਾਹਕਰਣੀਯਾਨੁਜਾਨਨਾ • 109. Sattāhakaraṇīyānujānanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਸਤ੍ਤਾਹਕਰਣੀਯਾਨੁਜਾਨਨਕਥਾવਣ੍ਣਨਾ • Sattāhakaraṇīyānujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਸਤ੍ਤਾਹਕਰਣੀਯਾਨੁਜਾਨਨਕਥਾવਣ੍ਣਨਾ • Sattāhakaraṇīyānujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / વਸ੍ਸੂਪਨਾਯਿਕਅਨੁਜਾਨਨਕਥਾਦਿવਣ੍ਣਨਾ • Vassūpanāyikaanujānanakathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੦੯. ਸਤ੍ਤਾਹਕਰਣੀਯਾਨੁਜਾਨਨਕਥਾ • 109. Sattāhakaraṇīyānujānanakathā
