| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๘. สตฺตาหปพฺพชิตเตฺถรอปทานํ
8. Sattāhapabbajitattheraapadānaṃ
๓๓.
33.
‘‘วิปสฺสิสฺส ภควโต, สโงฺฆ สกฺกตมานิโต;
‘‘Vipassissa bhagavato, saṅgho sakkatamānito;
พฺยสนํ เม อนุปฺปตฺตํ, ญาติเภโท ปุเร อหุฯ
Byasanaṃ me anuppattaṃ, ñātibhedo pure ahu.
๓๔.
34.
‘‘ปพฺพชฺชํ อุปคนฺตฺวาน, พฺยสนุปสมายหํ;
‘‘Pabbajjaṃ upagantvāna, byasanupasamāyahaṃ;
สตฺตาหาภิรโต ตตฺถ, สตฺถุสาสนกมฺยตาฯ
Sattāhābhirato tattha, satthusāsanakamyatā.
๓๕.
35.
‘‘เอกนวุติโต กเปฺป, ยมหํ ปพฺพชิํ ตทา;
‘‘Ekanavutito kappe, yamahaṃ pabbajiṃ tadā;
ทุคฺคติํ นาภิชานามิ, ปพฺพชฺชาย อิทํ ผลํฯ
Duggatiṃ nābhijānāmi, pabbajjāya idaṃ phalaṃ.
๓๖.
36.
‘‘สตฺตสฎฺฐิมฺหิโต กเปฺป, สตฺต อาสุํ มหีปตี;
‘‘Sattasaṭṭhimhito kappe, satta āsuṃ mahīpatī;
สุนิกฺขมาติ ญายนฺติ, จกฺกวตฺตี มหพฺพลาฯ
Sunikkhamāti ñāyanti, cakkavattī mahabbalā.
๓๗.
37.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา สตฺตาหปพฺพชิโต เถโร อิมา คาถาโย อภาสิตฺถาติฯ
Itthaṃ sudaṃ āyasmā sattāhapabbajito thero imā gāthāyo abhāsitthāti.
สตฺตาหปพฺพชิตเตฺถรสฺสาปทานํ อฎฺฐมํฯ
Sattāhapabbajitattherassāpadānaṃ aṭṭhamaṃ.
