| Library / Tipiṭaka / තිපිටක • Tipiṭaka / අපදානපාළි • Apadānapāḷi |
8. සත්‌තාහපබ්‌බජිතත්‌ථෙරඅපදානං
8. Sattāhapabbajitattheraapadānaṃ
33.
33.
‘‘විපස්‌සිස්‌ස භගවතො, සඞ්‌ඝො සක්‌කතමානිතො;
‘‘Vipassissa bhagavato, saṅgho sakkatamānito;
බ්‍යසනං මෙ අනුප්‌පත්‌තං, ඤාතිභෙදො පුරෙ අහු.
Byasanaṃ me anuppattaṃ, ñātibhedo pure ahu.
34.
34.
‘‘පබ්‌බජ්‌ජං උපගන්‌ත්‌වාන, බ්‍යසනුපසමායහං;
‘‘Pabbajjaṃ upagantvāna, byasanupasamāyahaṃ;
සත්‌තාහාභිරතො තත්‌ථ, සත්‌ථුසාසනකම්‍යතා.
Sattāhābhirato tattha, satthusāsanakamyatā.
35.
35.
‘‘එකනවුතිතො කප්‌පෙ, යමහං පබ්‌බජිං තදා;
‘‘Ekanavutito kappe, yamahaṃ pabbajiṃ tadā;
දුග්‌ගතිං නාභිජානාමි, පබ්‌බජ්‌ජාය ඉදං ඵලං.
Duggatiṃ nābhijānāmi, pabbajjāya idaṃ phalaṃ.
36.
36.
‘‘සත්‌තසට්‌ඨිම්‌හිතො කප්‌පෙ, සත්‌ත ආසුං මහීපතී;
‘‘Sattasaṭṭhimhito kappe, satta āsuṃ mahīpatī;
සුනික්‌ඛමාති ඤායන්‌ති, චක්‌කවත්‌තී මහබ්‌බලා.
Sunikkhamāti ñāyanti, cakkavattī mahabbalā.
37.
37.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා සත්‌තාහපබ්‌බජිතො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā sattāhapabbajito thero imā gāthāyo abhāsitthāti.
සත්‌තාහපබ්‌බජිතත්‌ථෙරස්‌සාපදානං අට්‌ඨමං.
Sattāhapabbajitattherassāpadānaṃ aṭṭhamaṃ.
