Library / Tipiṭaka / д̇ибидага • Tipiṭaka / уд̣̇аанабаал̣и • Udānapāḷi

2. сад̇д̇аж̇адиласуд̇д̇ам̣

2. Sattajaṭilasuttaṃ

52. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и буб̣б̣аараамз миг̇аарамаад̇убаасаад̣̇з. д̇зна ко бана самаязна бхаг̇аваа сааяанхасамаяам̣ бадисаллаанаа вудтид̇о б̣ахид̣̇ваарагодтагз нисинно ход̇и. ат̇а ко рааж̇аа басзнад̣̇и госало язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и.

52. Evaṃ me sutaṃ – ekaṃ samayaṃ bhagavā sāvatthiyaṃ viharati pubbārāme migāramātupāsāde. Tena kho pana samayena bhagavā sāyanhasamayaṃ paṭisallānā vuṭṭhito bahidvārakoṭṭhake nisinno hoti. Atha kho rājā pasenadi kosalo yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi.

д̇зна ко бана самаязна сад̇д̇а жа ж̇адилаа, сад̇д̇а жа ниг̇ан̣таа, сад̇д̇а жа ажзлагаа, сад̇д̇а жа згасаадагаа, сад̇д̇а жа бариб̣б̣ааж̇агаа, баруул̣хагажчанакаломаа каарививид̇хамаад̣̇ааяа ¹ бхаг̇авад̇о авид̣̇уурз ад̇иггаманд̇и.

Tena kho pana samayena satta ca jaṭilā, satta ca nigaṇṭhā, satta ca acelakā, satta ca ekasāṭakā, satta ca paribbājakā, parūḷhakacchanakhalomā khārivividhamādāya ² bhagavato avidūre atikkamanti.

ад̣̇д̣̇асаа ко рааж̇аа басзнад̣̇и госало д̇з сад̇д̇а жа ж̇адилз, сад̇д̇а жа ниг̇ан̣тз, сад̇д̇а жа ажзлагз, сад̇д̇а жа згасаадагз, сад̇д̇а жа бариб̣б̣ааж̇агз , баруул̣хагажчанакаломз каарививид̇хамаад̣̇ааяа бхаг̇авад̇о авид̣̇уурз ад̇иггаманд̇з. д̣̇исваана удтааяаасанаа згам̣сам̣ уд̇д̇араасан̇г̇ам̣ гарид̇ваа д̣̇агкин̣аж̇аан̣уман̣д̣алам̣ бат̇авияам̣ ³ ниханд̇ваа язна д̇з сад̇д̇а жа ж̇адилаа, сад̇д̇а жа ниг̇ан̣таа, сад̇д̇а жа ажзлагаа, сад̇д̇а жа згасаадагаа, сад̇д̇а жа бариб̣б̣ааж̇агаа, д̇знан̃ж̇алим̣ бан̣аамзд̇ваа д̇игкад̇д̇ум̣ наамам̣ саавзси – ‘‘рааж̇аахам̣, бханд̇з, басзнад̣̇и госало; рааж̇аахам̣, бханд̇з, басзнад̣̇и госало; рааж̇аахам̣, бханд̇з, басзнад̣̇и госало’’д̇и.

Addasā kho rājā pasenadi kosalo te satta ca jaṭile, satta ca nigaṇṭhe, satta ca acelake, satta ca ekasāṭake, satta ca paribbājake , parūḷhakacchanakhalome khārivividhamādāya bhagavato avidūre atikkamante. Disvāna uṭṭhāyāsanā ekaṃsaṃ uttarāsaṅgaṃ karitvā dakkhiṇajāṇumaṇḍalaṃ pathaviyaṃ ⁴ nihantvā yena te satta ca jaṭilā, satta ca nigaṇṭhā, satta ca acelakā, satta ca ekasāṭakā, satta ca paribbājakā, tenañjaliṃ paṇāmetvā tikkhattuṃ nāmaṃ sāvesi – ‘‘rājāhaṃ, bhante, pasenadi kosalo; rājāhaṃ, bhante, pasenadi kosalo; rājāhaṃ, bhante, pasenadi kosalo’’ti.

ат̇а ко рааж̇аа басзнад̣̇и госало ажирабагганд̇зсу д̇зсу сад̇д̇асу жа ж̇адилзсу, сад̇д̇асу жа ниг̇ан̣тзсу, сад̇д̇асу жа ажзлагзсу, сад̇д̇асу жа згасаадагзсу, сад̇д̇асу жа бариб̣б̣ааж̇агзсу, язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко рааж̇аа басзнад̣̇и госало бхаг̇аванд̇ам̣ зд̇ад̣̇авожа – ‘‘яз ко ⁵ бханд̇з, логз араханд̇о ваа арахад̇д̇амаг̇г̇ам̣ ваа самаабаннаа зд̇з д̇зсам̣ ан̃н̃ад̇арз’’д̇и ⁶.

Atha kho rājā pasenadi kosalo acirapakkantesu tesu sattasu ca jaṭilesu, sattasu ca nigaṇṭhesu, sattasu ca acelakesu, sattasu ca ekasāṭakesu, sattasu ca paribbājakesu, yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho rājā pasenadi kosalo bhagavantaṃ etadavoca – ‘‘ye kho ⁷ bhante, loke arahanto vā arahattamaggaṃ vā samāpannā ete tesaṃ aññatare’’ti ⁸.

‘‘д̣̇уж̇ж̇аанам̣ ко зд̇ам̣, махаарааж̇а, д̇аяаа г̇ихинаа гаамабхог̇инаа буд̇д̇асамб̣аад̇хасаяанам̣ аж̇жхаавасанд̇зна гаасигажанд̣̇анам̣ бажжанубхонд̇зна маалааг̇анд̇хавилзбанам̣ д̇хаараяанд̇зна ж̇аад̇аруубараж̇ад̇ам̣ саад̣̇ияанд̇зна – имз ваа араханд̇о, имз ваа арахад̇д̇амаг̇г̇ам̣ самаабаннаад̇и.

‘‘Dujjānaṃ kho etaṃ, mahārāja, tayā gihinā kāmabhoginā puttasambādhasayanaṃ ajjhāvasantena kāsikacandanaṃ paccanubhontena mālāgandhavilepanaṃ dhārayantena jātarūparajataṃ sādiyantena – ime vā arahanto, ime vā arahattamaggaṃ samāpannāti.

‘‘сам̣ваасзна ко, махаарааж̇а, сийлам̣ взд̣̇ид̇аб̣б̣ам̣. д̇ан̃жа ко д̣̇ийгхзна ад̣̇д̇хунаа на ид̇д̇арам̣ ⁹, манасигарод̇аа но аманасигарод̇аа, бан̃н̃авад̇аа но д̣̇уббан̃н̃зна. сам̣вохаарзна ко, махаарааж̇а, сожзяяам̣ взд̣̇ид̇аб̣б̣ам̣. д̇ан̃жа ко д̣̇ийгхзна ад̣̇д̇хунаа на ид̇д̇арам̣, манасигарод̇аа но аманасигарод̇аа, бан̃н̃авад̇аа но д̣̇уббан̃н̃зна. аабад̣̇аасу ко, махаарааж̇а, т̇аамо взд̣̇ид̇аб̣б̣о. со жа ко д̣̇ийгхзна ад̣̇д̇хунаа на ид̇д̇арам̣, манасигарод̇аа но аманасигарод̇аа, бан̃н̃авад̇аа но д̣̇уббан̃н̃зна. саагажчааяа ко, махаарааж̇а, бан̃н̃аа взд̣̇ид̇аб̣б̣аа. саа жа ко д̣̇ийгхзна ад̣̇д̇хунаа на ид̇д̇арам̣, манасигарод̇аа но аманасигарод̇аа, бан̃н̃авад̇аа но д̣̇уббан̃н̃знаа’’д̇и .

‘‘Saṃvāsena kho, mahārāja, sīlaṃ veditabbaṃ. Tañca kho dīghena addhunā na ittaraṃ ¹⁰, manasikarotā no amanasikarotā, paññavatā no duppaññena. Saṃvohārena kho, mahārāja, soceyyaṃ veditabbaṃ. Tañca kho dīghena addhunā na ittaraṃ, manasikarotā no amanasikarotā, paññavatā no duppaññena. Āpadāsu kho, mahārāja, thāmo veditabbo. So ca kho dīghena addhunā na ittaraṃ, manasikarotā no amanasikarotā, paññavatā no duppaññena. Sākacchāya kho, mahārāja, paññā veditabbā. Sā ca kho dīghena addhunā na ittaraṃ, manasikarotā no amanasikarotā, paññavatā no duppaññenā’’ti .

‘‘ажчарияам̣, бханд̇з, аб̣бхуд̇ам̣, бханд̇з! яаава субхаасид̇ам̣ жид̣̇ам̣ ¹¹, бханд̇з, бхаг̇авад̇аа – ‘д̣̇уж̇ж̇аанам̣ ко зд̇ам̣, махаарааж̇а, д̇аяаа г̇ихинаа буд̇д̇асамб̣аад̇хасаяанам̣ аж̇жхаавасанд̇зна гаасигажанд̣̇анам̣ бажжанубхонд̇зна маалааг̇анд̇хавилзбанам̣ д̇хаараяанд̇зна ж̇аад̇аруубараж̇ад̇ам̣ саад̣̇ияанд̇зна – имз ваа араханд̇о, имз ваа арахад̇д̇амаг̇г̇ам̣ самаабаннаад̇и. сам̣ваасзна ко, махаарааж̇а, сийлам̣ взд̣̇ид̇аб̣б̣ам̣…бз… саагажчааяа ко, махаарааж̇а, бан̃н̃аа взд̣̇ид̇аб̣б̣аа. саа жа ко д̣̇ийгхзна ад̣̇д̇хунаа на ид̇д̇арам̣, манасигарод̇аа но аманасигарод̇аа, бан̃н̃авад̇аа но д̣̇уббан̃н̃знаа’’’д̇и.

‘‘Acchariyaṃ, bhante, abbhutaṃ, bhante! Yāva subhāsitaṃ cidaṃ ¹², bhante, bhagavatā – ‘dujjānaṃ kho etaṃ, mahārāja, tayā gihinā puttasambādhasayanaṃ ajjhāvasantena kāsikacandanaṃ paccanubhontena mālāgandhavilepanaṃ dhārayantena jātarūparajataṃ sādiyantena – ime vā arahanto, ime vā arahattamaggaṃ samāpannāti. Saṃvāsena kho, mahārāja, sīlaṃ veditabbaṃ…pe… sākacchāya kho, mahārāja, paññā veditabbā. Sā ca kho dīghena addhunā na ittaraṃ, manasikarotā no amanasikarotā, paññavatā no duppaññenā’’’ti.

‘‘зд̇з, бханд̇з, мама бурисаа жораа ¹³ ожарагаа ж̇анабад̣̇ам̣ ожарид̇ваа г̇ажчанд̇и. д̇зхи батамам̣ ожин̣н̣ам̣ ахам̣ бажчаа осаариссаами ¹⁴. ид̣̇аани д̇з, бханд̇з, д̇ам̣ раж̇ож̇аллам̣ баваахзд̇ваа сунхаад̇аа сувилид̇д̇аа габбид̇агзсамассуу од̣̇аад̇авад̇т̇авасанаа бан̃жахи гаамаг̇ун̣зхи самаббид̇аа саман̇г̇ибхууд̇аа барижаарзссанд̇ий’’ ¹⁵ д̇и.

‘‘Ete, bhante, mama purisā corā ¹⁶ ocarakā janapadaṃ ocaritvā gacchanti. Tehi paṭhamaṃ ociṇṇaṃ ahaṃ pacchā osārissāmi ¹⁷. Idāni te, bhante, taṃ rajojallaṃ pavāhetvā sunhātā suvilittā kappitakesamassū odātavatthavasanā pañcahi kāmaguṇehi samappitā samaṅgibhūtā paricāressantī’’ ¹⁸ ti.

ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –

Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –

‘‘на вааяамзяяа саб̣б̣ад̇т̇а, наан̃н̃асса бурисо сияаа;

‘‘Na vāyameyya sabbattha, nāññassa puriso siyā;

наан̃н̃ам̣ ниссааяа ж̇ийвзяяа, д̇хаммзна на ван̣им̣ ¹⁹ жарз’’д̇и. д̣̇уд̇ияам̣;

Nāññaṃ nissāya jīveyya, dhammena na vaṇiṃ ²⁰ care’’ti. dutiyaṃ;

Next: 3. бажжавзгкан̣асуд̇д̇ам̣ • 3. Paccavekkhaṇasuttaṃ

Footnotes:

1. каарийвид̇хамаад̣̇ааяа (га. сам̣. ни. 1.122; д̣̇ий. ни. 1.280)

2. khārīvidhamādāya (ka. saṃ. ni. 1.122; dī. ni. 1.280)

3. батавияам̣ (сий. сяаа. бий.)

4. paṭhaviyaṃ (sī. syā. pī.)

5. яз жа ко (сий.), яз жа д̇з (сяаа.), яз ну гзжи ко (бий.), яз д̇з (сам̣. ни. 1.122), яз ну ко гзжи (?)

6. ан̃н̃ад̇араад̇и (сий. га.), ан̃н̃ад̇арод̇и (сяаа. бий.)

7. ye ca kho (sī.), ye ca te (syā.), ye nu keci kho (pī.), ye te (saṃ. ni. 1.122), ye nu kho keci (?)

8. aññatarāti (sī. ka.), aññataroti (syā. pī.)

9. на ид̇д̇арзна (сяаа. сий. сяаа. адта.)

10. na ittarena (syā. sī. syā. aṭṭha.)

11. субхаасид̇амид̣̇ам̣ (сам̣. ни. 1.122)

12. subhāsitamidaṃ (saṃ. ni. 1.122)

13. жараа (сам̣. ни. 1.122)

14. од̇ариссаами (сий. сяаа. бий.), ояааяиссаами (сий. сяаа. адта.), осаабаяиссаами (сам̣. ни. 1.122)

15. жаарияанд̇и (сяаа.)

16. carā (saṃ. ni. 1.122)

17. otarissāmi (sī. syā. pī.), oyāyissāmi (sī. syā. aṭṭha.), osāpayissāmi (saṃ. ni. 1.122)

18. cāriyanti (syā.)

19. ваан̣им̣ (сий.), ван̣ий (сяаа. бий.), ваан̣иж̇ам̣ (га.)

20. vāṇiṃ (sī.), vaṇī (syā. pī.), vāṇijaṃ (ka.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / уд̣̇аана-адтагат̇аа • Udāna-aṭṭhakathā / 2. сад̇д̇аж̇адиласуд̇д̇аван̣н̣анаа • 2. Sattajaṭilasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact