| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
2. сад̇д̇аж̇адиласуд̇д̇аван̣н̣анаа
2. Sattajaṭilasuttavaṇṇanā
52. д̣̇уд̇ияз б̣ахид̣̇ваарагодтагзд̇и баасаад̣̇ад̣̇ваарагодтагасса б̣ахи, на вихаарад̣̇ваарагодтагасса. со гира баасаад̣̇о лохабаасаад̣̇о вияа саманд̇аа жад̇уд̣̇ваарагодтагабаривуд̇о баагаарабаригкид̇д̇о. д̇зсу баажийнад̣̇ваарагодтагасса б̣ахи баасаад̣̇ажчааяааяам̣ баажийналогад̇хаад̇ум̣ ологзнд̇о бан̃н̃ад̇д̇авараб̣уд̣̇д̇хаасанз нисинно ход̇и. ж̇адилаад̇и ж̇адааванд̇о д̇аабасавзсад̇хаарино. ниг̇ан̣таад̇и сзд̇абаданиг̇ан̣таруубад̇хаарино. згасаадагаад̇и згасаадаганиг̇ан̣таа вияа згам̣ билод̇игакан̣д̣ам̣ хад̇т̇з б̣анд̇хид̇ваа д̇знааби сарийрасса буримабхааг̇ам̣ бадижчаад̣̇зд̇ваа вижаран̣агаа. баруул̣хагажчанакаломаад̇и баруул̣хагажчаломаа баруул̣ханакаа баруул̣хаавасзсаломаа жа, гажчаад̣̇ийсу д̣̇ийгхаломаа д̣̇ийгханакаа жаад̇и ад̇т̇о. каарививид̇хамаад̣̇ааяаад̇и вивид̇хам̣ каараад̣̇инаанаббагаарам̣ баб̣б̣аж̇ид̇абаригкаарабхан̣д̣игам̣ г̇ахзд̇ваа. авид̣̇уурз ад̇иггаманд̇ийд̇и вихаарасса авид̣̇уурамаг̇г̇зна наг̇арам̣ бависанд̇и.
52. Dutiye bahidvārakoṭṭhaketi pāsādadvārakoṭṭhakassa bahi, na vihāradvārakoṭṭhakassa. So kira pāsādo lohapāsādo viya samantā catudvārakoṭṭhakaparivuto pākāraparikkhitto. Tesu pācīnadvārakoṭṭhakassa bahi pāsādacchāyāyaṃ pācīnalokadhātuṃ olokento paññattavarabuddhāsane nisinno hoti. Jaṭilāti jaṭāvanto tāpasavesadhārino. Nigaṇṭhāti setapaṭanigaṇṭharūpadhārino. Ekasāṭakāti ekasāṭakanigaṇṭhā viya ekaṃ pilotikakhaṇḍaṃ hatthe bandhitvā tenāpi sarīrassa purimabhāgaṃ paṭicchādetvā vicaraṇakā. Parūḷhakacchanakhalomāti parūḷhakacchalomā parūḷhanakhā parūḷhaavasesalomā ca, kacchādīsu dīghalomā dīghanakhā cāti attho. Khārivividhamādāyāti vividhaṃ khārādinānappakāraṃ pabbajitaparikkhārabhaṇḍikaṃ gahetvā. Avidūre atikkamantīti vihārassa avidūramaggena nagaraṃ pavisanti.
рааж̇аахам̣, бханд̇з, басзнад̣̇и госалод̇и ахам̣, бханд̇з, рааж̇аа басзнад̣̇и госало, маяхам̣ наамам̣ д̇умхз ж̇аанаат̇аад̇и. гасмаа бана рааж̇аа логз аг̇г̇абуг̇г̇аласса санд̇игз нисинно зваруубаанам̣ наг̇г̇аниссирийгаанам̣ ан̃ж̇алим̣ баг̇г̇ан̣хаад̇ийд̇и? сан̇г̇ан̣ханад̇т̇ааяа. зван̃хисса ахоси ‘‘сажаахам̣ зд̇д̇агамби зд̇зсам̣ на гариссаами, маяам̣ буд̇д̇ад̣̇аарам̣ бахааяа зд̇ассад̇т̇ааяа д̣̇уб̣бхож̇анад̣̇угкасзяяаад̣̇ийни анубхома, аяам̣ амхаагам̣ нибажжагаарамад̇д̇амби на гарод̇и . д̇асмин̃хи гад̇з амхз ‘ожарагаа’д̇и ж̇ано аг̇г̇ахзд̇ваа ‘баб̣б̣аж̇ид̇аа’ижжзва сан̃ж̇ааниссад̇и, гим̣ имасса бхууд̇ад̇т̇агат̇анзнаад̇и ад̇д̇анаа д̣̇идтам̣ суд̇ам̣ бадижчаад̣̇зд̇ваа на гат̇зяяум̣, звам̣ гад̇з бана аниг̇уухид̇ваа гат̇зссанд̇ий’’д̇и. абижа сад̇т̇у аж̇жхаасаяаж̇аананад̇т̇амби звамагаасийд̇и. рааж̇аа гира бхаг̇аванд̇ам̣ убасан̇гаманд̇оби гад̇ибаяагаалам̣ саммаасамб̣од̇хим̣ на сад̣̇д̣̇ахи. д̇знасса звам̣ ахоси ‘‘яад̣̇и бхаг̇аваа саб̣б̣ам̣ ж̇аанаад̇и, маяаа имзсам̣ нибажжагаарам̣ гад̇ваа ‘имз араханд̇о’д̇и вуд̇д̇з наануж̇аанзяяа, ат̇а мам̣ анувад̇д̇анд̇о ануж̇аанзяяа, гуд̇о д̇асса саб̣б̣ан̃н̃уд̇аа’’д̇и. звам̣ со сад̇т̇у аж̇жхаасаяаж̇аананад̇т̇ам̣ д̇ат̇аа агааси. бхаг̇аваа бана ‘‘уж̇угамзва ‘на имз саман̣аа ожарагаа’д̇и вуд̇д̇з яад̣̇иби рааж̇аа сад̣̇д̣̇ахад̇и, махааж̇ано бана д̇амад̇т̇ам̣ аж̇аананд̇о на сад̣̇д̣̇ахзяяа, саман̣о г̇од̇амо ‘рааж̇аа ад̇д̇ано гат̇ам̣ сун̣аад̇ий’д̇и яам̣ гин̃жи мукаарул̣хам̣ гат̇зд̇ий’д̇и вад̣̇зяяа, д̇ад̣̇асса д̣̇ийгхарад̇д̇ам̣ ахид̇ааяа д̣̇угкааяа сам̣вад̇д̇зяяа, ан̃н̃о жа г̇ул̣хагаммам̣ вивадам̣ гад̇ам̣ бхавзяяа, саяамзва рааж̇аа д̇зсам̣ ожарагабхаавам̣ гат̇зссад̇ий’’д̇и н̃ад̇ваа ‘‘д̣̇уж̇ж̇аанам̣ ко зд̇а’’нд̇иаад̣̇имааха.
Rājāhaṃ, bhante, pasenadi kosaloti ahaṃ, bhante, rājā pasenadi kosalo, mayhaṃ nāmaṃ tumhe jānāthāti. Kasmā pana rājā loke aggapuggalassa santike nisinno evarūpānaṃ nagganissirīkānaṃ añjaliṃ paggaṇhātīti? Saṅgaṇhanatthāya. Evañhissa ahosi ‘‘sacāhaṃ ettakampi etesaṃ na karissāmi, mayaṃ puttadāraṃ pahāya etassatthāya dubbhojanadukkhaseyyādīni anubhoma, ayaṃ amhākaṃ nipaccakāramattampi na karoti . Tasmiñhi kate amhe ‘ocarakā’ti jano aggahetvā ‘pabbajitā’icceva sañjānissati, kiṃ imassa bhūtatthakathanenāti attanā diṭṭhaṃ sutaṃ paṭicchādetvā na katheyyuṃ, evaṃ kate pana anigūhitvā kathessantī’’ti. Apica satthu ajjhāsayajānanatthampi evamakāsīti. Rājā kira bhagavantaṃ upasaṅkamantopi katipayakālaṃ sammāsambodhiṃ na saddahi. Tenassa evaṃ ahosi ‘‘yadi bhagavā sabbaṃ jānāti, mayā imesaṃ nipaccakāraṃ katvā ‘ime arahanto’ti vutte nānujāneyya, atha maṃ anuvattanto anujāneyya, kuto tassa sabbaññutā’’ti. Evaṃ so satthu ajjhāsayajānanatthaṃ tathā akāsi. Bhagavā pana ‘‘ujukameva ‘na ime samaṇā ocarakā’ti vutte yadipi rājā saddahati, mahājano pana tamatthaṃ ajānanto na saddaheyya, samaṇo gotamo ‘rājā attano kathaṃ suṇātī’ti yaṃ kiñci mukhāruḷhaṃ kathetī’ti vadeyya, tadassa dīgharattaṃ ahitāya dukkhāya saṃvatteyya, añño ca guḷhakammaṃ vivaṭaṃ kataṃ bhaveyya, sayameva rājā tesaṃ ocarakabhāvaṃ kathessatī’’ti ñatvā ‘‘dujjānaṃ kho eta’’ntiādimāha.
д̇ад̇т̇а гаамабхог̇инаад̇и иминаа бана рааг̇аабхибхавам̣, убхаязнааби вигкид̇д̇ажид̇д̇ад̇ам̣ д̣̇ассзд̇и. буд̇д̇асамб̣аад̇хасаяананд̇и буд̇д̇зхи самб̣аад̇хасаяанам̣ . зд̇т̇а жа буд̇д̇асийсзна д̣̇аарабариг̇г̇ахам̣, буд̇д̇ад̣̇аарзсу уббилаавид̇зна д̇зсам̣ гхарааваасаад̣̇ихзд̇у согаабхибхавзна жид̇д̇асса сам̣гилидтад̇ам̣ д̣̇ассзд̇и. гаасигажанд̣̇ананд̇и сан̣хажанд̣̇анам̣, гаасигавад̇т̇ан̃жа жанд̣̇анан̃жаад̇и ваа ад̇т̇о. маалааг̇анд̇хавилзбананд̇и ван̣н̣аг̇анд̇хад̇т̇ааяа маалаа, суг̇анд̇хабхаавад̇т̇ааяа г̇анд̇хам̣, чавирааг̇агаран̣ад̇т̇ааяа вилзбанам̣ д̇хаарзнд̇зна. ж̇аад̇аруубараж̇ад̇анд̇и суван̣н̣ан̃жзва авасидтад̇ханан̃жа. саад̣̇ияанд̇знаад̇и бадиг̇г̇ан̣ханд̇зна. саб̣б̣знаби гаамзсу абхиг̇ид̣̇д̇хабхаавамзва багаасзд̇и.
Tattha kāmabhogināti iminā pana rāgābhibhavaṃ, ubhayenāpi vikkhittacittataṃ dasseti. Puttasambādhasayananti puttehi sambādhasayanaṃ . Ettha ca puttasīsena dārapariggahaṃ, puttadāresu uppilāvitena tesaṃ gharāvāsādihetu sokābhibhavena cittassa saṃkiliṭṭhataṃ dasseti. Kāsikacandananti saṇhacandanaṃ, kāsikavatthañca candanañcāti vā attho. Mālāgandhavilepananti vaṇṇagandhatthāya mālā, sugandhabhāvatthāya gandhaṃ, chavirāgakaraṇatthāya vilepanaṃ dhārentena. Jātarūparajatanti suvaṇṇañceva avasiṭṭhadhanañca. Sādiyantenāti paṭiggaṇhantena. Sabbenapi kāmesu abhigiddhabhāvameva pakāseti.
сам̣ваасзнаад̇и сахаваасзна. сийлам̣ взд̣̇ид̇аб̣б̣анд̇и ‘‘аяам̣ бзсало ваа д̣̇уссийло ваа’’д̇и сам̣васанд̇зна згасмим̣ таанз саха васанд̇зна ж̇аанид̇аб̣б̣о. д̇ан̃жа ко д̣̇ийгхзна ад̣̇д̇хунаа на ид̇д̇аранд̇и д̇ан̃жа сийлам̣ д̣̇ийгхзна гаалзна взд̣̇ид̇аб̣б̣ам̣, на ид̇д̇арзна. гад̇ибаяад̣̇ивасз хи сан̃н̃ад̇аагааро сам̣вуд̇инд̣̇рияаагааро жа худ̇ваа саггаа д̣̇ассзд̇ум̣. манаси гарод̇аа но аманаси гарод̇аад̇и д̇амби ‘‘сийламасса бариг̇г̇ан̣хиссаамий’’д̇и манаси гаронд̇зна бажжавзгканд̇зна саггаа ж̇аанид̇ум̣, на ид̇арзна. бан̃н̃авад̇аад̇и д̇амби саббан̃н̃знзва бан̣д̣ид̇зна. б̣аало хи манаси гаронд̇оби ж̇аанид̇ум̣ на саггод̇и. сам̣вохаарзнаад̇и гат̇анзна.
Saṃvāsenāti sahavāsena. Sīlaṃ veditabbanti ‘‘ayaṃ pesalo vā dussīlo vā’’ti saṃvasantena ekasmiṃ ṭhāne saha vasantena jānitabbo. Tañca kho dīghena addhunā na ittaranti tañca sīlaṃ dīghena kālena veditabbaṃ, na ittarena. Katipayadivase hi saññatākāro saṃvutindriyākāro ca hutvā sakkā dassetuṃ. Manasi karotā no amanasi karotāti tampi ‘‘sīlamassa pariggaṇhissāmī’’ti manasi karontena paccavekkhantena sakkā jānituṃ, na itarena. Paññavatāti tampi sappaññeneva paṇḍitena. Bālo hi manasi karontopi jānituṃ na sakkoti. Saṃvohārenāti kathanena.
‘‘яо хи гожи мануссзсу, вохаарам̣ убаж̇ийвад̇и;
‘‘Yo hi koci manussesu, vohāraṃ upajīvati;
звам̣ ваасздта ж̇аанаахи, ваан̣иж̇о со на б̣раахман̣о’’д̇и. (су. ни. 619) –
Evaṃ vāseṭṭha jānāhi, vāṇijo so na brāhmaṇo’’ti. (su. ni. 619) –
зд̇т̇а хи ваан̣иж̇ж̇ам̣ вохааро наама. ‘‘жад̇д̇ааро арияавохаараа’’д̇и (д̣̇ий. ни. 3.313) зд̇т̇а жзд̇анаа. ‘‘сан̇каа саман̃н̃аа бан̃н̃ад̇д̇и вохааро’’д̇и (д̇ха. са. 1313-1315) зд̇т̇а бан̃н̃ад̇д̇и. ‘‘вохаарамад̇д̇зна со вохарзяяаа’’д̇и (сам̣. ни. 1.25) зд̇т̇а гат̇аа вохааро. ид̇хааби со зва ад̇хиббзд̇о. згажжасса хи саммукаагат̇аа бараммукаагат̇ааяа на самзд̇и, бараммукаагат̇аа саммукаагат̇ааяа, д̇ат̇аа буримагат̇аа бажчимагат̇ааяа, бажчимагат̇аа жа буримагат̇ааяа. со гат̇знд̇оязва саггаа ж̇аанид̇ум̣ ‘‘асужи зсо буг̇г̇ало’’д̇и. сужисийласса бана буримам̣ бажчимзна, бажчиман̃жа буримзна, саммукаа гат̇ид̇ан̃жа бараммукаа гат̇ид̇зна, бараммукаа гат̇ид̇ан̃жа саммукаа гат̇ид̇зна самзд̇и, д̇асмаа гат̇знд̇зна саггаа сужибхааво ж̇аанид̇унд̇и багаасзнд̇о ааха – ‘‘сам̣вохаарзна сожзяяам̣ взд̣̇ид̇аб̣б̣а’’нд̇и.
Ettha hi vāṇijjaṃ vohāro nāma. ‘‘Cattāro ariyavohārā’’ti (dī. ni. 3.313) ettha cetanā. ‘‘Saṅkhā samaññā paññatti vohāro’’ti (dha. sa. 1313-1315) ettha paññatti. ‘‘Vohāramattena so vohareyyā’’ti (saṃ. ni. 1.25) ettha kathā vohāro. Idhāpi so eva adhippeto. Ekaccassa hi sammukhākathā parammukhākathāya na sameti, parammukhākathā sammukhākathāya, tathā purimakathā pacchimakathāya, pacchimakathā ca purimakathāya. So kathentoyeva sakkā jānituṃ ‘‘asuci eso puggalo’’ti. Sucisīlassa pana purimaṃ pacchimena, pacchimañca purimena, sammukhā kathitañca parammukhā kathitena, parammukhā kathitañca sammukhā kathitena sameti, tasmā kathentena sakkā sucibhāvo jānitunti pakāsento āha – ‘‘saṃvohārena soceyyaṃ veditabba’’nti.
т̇аамод̇и н̃аан̣ат̇аамо. яасса хи н̃аан̣ат̇аамо над̇т̇и, со уббаннзсу убад̣̇д̣̇авзсу г̇ахзд̇аб̣б̣аг̇ахан̣ам̣ гад̇д̇аб̣б̣агаран̣ам̣ абассанд̇о ад̣̇вааригам̣ гхарам̣ бавидто вияа жарад̇и. д̇знааха – ‘‘аабад̣̇аасу ко, махаарааж̇а, т̇аамо взд̣̇ид̇аб̣б̣о’’д̇и. саагажчааяаад̇и сахагат̇ааяа. д̣̇уббан̃н̃асса хи гат̇аа уд̣̇агз г̇зн̣д̣у вияа ублавад̇и, бан̃н̃авад̇о гат̇знд̇асса бадибхаанам̣ ананд̇ам̣ ход̇и. уд̣̇агавибпанд̣̇анзнзва хи мажчо куд̣̇д̣̇аго маханд̇о ваад̇и бан̃н̃ааяад̇и.
Thāmoti ñāṇathāmo. Yassa hi ñāṇathāmo natthi, so uppannesu upaddavesu gahetabbagahaṇaṃ kattabbakaraṇaṃ apassanto advārikaṃ gharaṃ paviṭṭho viya carati. Tenāha – ‘‘āpadāsu kho, mahārāja,thāmo veditabbo’’ti. Sākacchāyāti sahakathāya. Duppaññassa hi kathā udake geṇḍu viya uplavati, paññavato kathentassa paṭibhānaṃ anantaṃ hoti. Udakavipphandaneneva hi maccho khuddako mahanto vāti paññāyati.
ид̇и бхаг̇аваа ран̃н̃о уж̇угамзва д̇з ‘‘имз наамаа’’д̇и авад̇ваа араханд̇аанам̣ анараханд̇аанан̃жа ж̇аанануубааяам̣ багаасзси. рааж̇аа д̇ам̣ суд̇ваа бхаг̇авад̇о саб̣б̣ан̃н̃уд̇ааяа д̣̇зсанаавилаасзна жа абхиббасанно ‘‘ажчарияам̣, бханд̇з’’д̇иаад̣̇инаа ад̇д̇ано басаад̣̇ам̣ багаасзд̇ваа ид̣̇аани д̇з яаат̇аавад̇о бхаг̇авад̇о аарожзнд̇о ‘‘зд̇з, бханд̇з, мама бурисаа жараа’’д̇иаад̣̇имааха. д̇ад̇т̇а жараад̇и абаб̣б̣аж̇ид̇аа зва баб̣б̣аж̇ид̇аруубзна радтабин̣д̣ам̣ бхун̃ж̇анд̇аа бадижчаннагамманд̇ад̇д̇аа. ожарагаад̇и хздтаа жарагаа. жараа хи баб̣б̣ад̇амад̇т̇агзна жаранд̇ааби хздтаа жарагаава нихийнагаммад̇д̇аа. ат̇а ваа ожарагаад̇и жарабурисаа. ожарид̇ваад̇и аважарид̇ваа виймам̣сид̇ваа, д̇асмим̣ д̇асмим̣ д̣̇зсз д̇ам̣ д̇ам̣ бавад̇д̇им̣ н̃ад̇ваад̇и ад̇т̇о. осаариссаамийд̇и бадибаж̇ж̇иссаами, гариссаамийд̇и ад̇т̇о. раж̇ож̇алланд̇и раж̇ан̃жа малан̃жа. баваахзд̇ваад̇и судту вигкааланавасзна абанзд̇ваа. габбид̇агзсамассууд̇и алан̇гаарасад̇т̇з вуд̇д̇авид̇хинаа габбагзхи чиннагзсамассуу. гаамаг̇ун̣зхийд̇и гаамагодтаасзхи, гаамаб̣анд̇ханзхи ваа самаббид̇аад̇и судту аббид̇аа аллийнаа. саман̇г̇ибхууд̇аад̇и сахабхууд̇аа . барижаарзссанд̇ийд̇и инд̣̇рияаани саманд̇ад̇о жаарзссанд̇и гийл̣аабзссанд̇и ваа.
Iti bhagavā rañño ujukameva te ‘‘ime nāmā’’ti avatvā arahantānaṃ anarahantānañca jānanūpāyaṃ pakāsesi. Rājā taṃ sutvā bhagavato sabbaññutāya desanāvilāsena ca abhippasanno ‘‘acchariyaṃ, bhante’’tiādinā attano pasādaṃ pakāsetvā idāni te yāthāvato bhagavato ārocento ‘‘ete, bhante, mama purisā carā’’tiādimāha. Tattha carāti apabbajitā eva pabbajitarūpena raṭṭhapiṇḍaṃ bhuñjantā paṭicchannakammantattā. Ocarakāti heṭṭhā carakā. Carā hi pabbatamatthakena carantāpi heṭṭhā carakāva nihīnakammattā. Atha vā ocarakāti carapurisā. Ocaritvāti avacaritvā vīmaṃsitvā, tasmiṃ tasmiṃ dese taṃ taṃ pavattiṃ ñatvāti attho. Osārissāmīti paṭipajjissāmi, karissāmīti attho. Rajojallanti rajañca malañca. Pavāhetvāti suṭṭhu vikkhālanavasena apanetvā. Kappitakesamassūti alaṅkārasatthe vuttavidhinā kappakehi chinnakesamassū. Kāmaguṇehīti kāmakoṭṭhāsehi, kāmabandhanehi vā samappitāti suṭṭhu appitā allīnā. Samaṅgibhūtāti sahabhūtā . Paricāressantīti indriyāni samantato cāressanti kīḷāpessanti vā.
зд̇амад̇т̇ам̣ вид̣̇ид̇ваад̇и зд̇ам̣ д̇зсам̣ рааж̇абурисаанам̣ ад̇д̇ано уд̣̇арасса гааран̣аа баб̣б̣аж̇ид̇авзсзна логаван̃жанасан̇каад̇ам̣ ад̇т̇ам̣ вид̣̇ид̇ваа. имам̣ уд̣̇аананд̇и имам̣ бараад̇хийнад̇аабараван̃жанад̇аабадигкзбавибхааванам̣ уд̣̇аанам̣ уд̣̇аанзси.
Etamatthaṃ viditvāti etaṃ tesaṃ rājapurisānaṃ attano udarassa kāraṇā pabbajitavesena lokavañcanasaṅkhātaṃ atthaṃ viditvā. Imaṃ udānanti imaṃ parādhīnatāparavañcanatāpaṭikkhepavibhāvanaṃ udānaṃ udānesi.
д̇ад̇т̇а на вааяамзяяа саб̣б̣ад̇т̇аад̇и д̣̇ууд̇зяяаожарагагаммаад̣̇игз саб̣б̣асмим̣ баабад̇хаммз имз рааж̇абурисаа вияа баб̣б̣аж̇ид̇о на вааяамзяяа, вааяаамам̣ уссаахам̣ на гарзяяа, саб̣б̣ад̇т̇а яад̇т̇а гад̇т̇ажи вааяаамам̣ агад̇ваа аббамад̇д̇агзби бун̃н̃асмим̣язва вааяамзяяаад̇и ад̇хиббааяо. наан̃н̃асса бурисо сияаад̇и баб̣б̣аж̇ид̇аруубзна ан̃н̃асса буг̇г̇аласса сзвагабурисо на сияаа. гасмаа? зваруубассаби ожарагаад̣̇ибаабагаммасса гад̇д̇аб̣б̣ад̇д̇аа. наан̃н̃ам̣ ниссааяа ж̇ийвзяяаад̇и ан̃н̃ам̣ барам̣ иссараад̣̇им̣ ниссааяа ‘‘д̇аббадиб̣ад̣̇д̇хам̣ мз сукад̣̇угка’’нд̇и звам̣жид̇д̇о худ̇ваа на ж̇ийвигам̣ бавад̇д̇зяяа, ад̇д̇ад̣̇ийбо ад̇д̇асаран̣о анан̃н̃асаран̣о зва бхавзяяа. ат̇а ваа анад̇т̇аавахад̇о ‘‘ожаран̣а’’нд̇и лад̣̇д̇ханаамагад̇д̇аа ан̃н̃ам̣ агусалагаммам̣ ниссааяа на ж̇ийвзяяа. д̇хаммзна на ван̣им̣ жарзд̇и д̇ханаад̣̇иад̇т̇ааяа д̇хаммам̣ на гат̇зяяа. яо хи д̇ханаад̣̇ихзд̇у барзсам̣ д̇хаммам̣ д̣̇зсзд̇и, со д̇хаммзна ваан̣иж̇ж̇ам̣ гарод̇и наама, звам̣ д̇хаммзна д̇ам̣ на жарзяяа. ат̇а ваа д̇ханаад̣̇ийнам̣ ад̇т̇ааяа госаларан̃н̃о бурисо вияа ожарагаад̣̇игаммам̣ гаронд̇о барзхи анаасан̇ганийяад̇ааяа баб̣б̣аж̇ж̇аалин̇г̇асамаад̣̇аанаад̣̇ийни ануд̇идтанд̇о д̇хаммзна ваан̣иж̇ж̇ам̣ гарод̇и наама. яоби ид̇ха барисуд̣̇д̇хам̣ б̣рахмажарияам̣ жаранд̇оби ан̃н̃ад̇арам̣ д̣̇званигааяам̣ бан̣ид̇хааяа б̣рахмажарияам̣ жарад̇и, соби д̇хаммзна ваан̣иж̇ж̇ам̣ гарод̇и наама, звам̣ д̇хаммзна ваан̣иж̇ж̇ам̣ на жарз, на гарзяяаад̇и ад̇т̇о.
Tattha na vāyameyya sabbatthāti dūteyyaocarakakammādike sabbasmiṃ pāpadhamme ime rājapurisā viya pabbajito na vāyameyya, vāyāmaṃ ussāhaṃ na kareyya, sabbattha yattha katthaci vāyāmaṃ akatvā appamattakepi puññasmiṃyeva vāyameyyāti adhippāyo. Nāññassa puriso siyāti pabbajitarūpena aññassa puggalassa sevakapuriso na siyā. Kasmā? Evarūpassapi ocarakādipāpakammassa kattabbattā. Nāññaṃ nissāya jīveyyāti aññaṃ paraṃ issarādiṃ nissāya ‘‘tappaṭibaddhaṃ me sukhadukkha’’nti evaṃcitto hutvā na jīvikaṃ pavatteyya, attadīpo attasaraṇo anaññasaraṇo eva bhaveyya. Atha vā anatthāvahato ‘‘ocaraṇa’’nti laddhanāmakattā aññaṃ akusalakammaṃ nissāya na jīveyya. Dhammena na vaṇiṃ careti dhanādiatthāya dhammaṃ na katheyya. Yo hi dhanādihetu paresaṃ dhammaṃ deseti, so dhammena vāṇijjaṃ karoti nāma, evaṃ dhammena taṃ na careyya. Atha vā dhanādīnaṃ atthāya kosalarañño puriso viya ocarakādikammaṃ karonto parehi anāsaṅkanīyatāya pabbajjāliṅgasamādānādīni anutiṭṭhanto dhammena vāṇijjaṃ karoti nāma. Yopi idha parisuddhaṃ brahmacariyaṃ carantopi aññataraṃ devanikāyaṃ paṇidhāya brahmacariyaṃ carati, sopi dhammena vāṇijjaṃ karoti nāma, evaṃ dhammena vāṇijjaṃ na care, na kareyyāti attho.
д̣̇уд̇ияасуд̇д̇аван̣н̣анаа нидтид̇аа.
Dutiyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 2. сад̇д̇аж̇адиласуд̇д̇ам̣ • 2. Sattajaṭilasuttaṃ
