| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. д̣̇уд̇ияаваг̇г̇о
2. Dutiyavaggo
1. сад̇д̇аж̇адиласуд̇д̇аван̣н̣анаа
1. Sattajaṭilasuttavaṇṇanā
122. буб̣б̣аараамасан̇каад̇зд̇и саавад̇т̇инаг̇арасса буб̣б̣ад̣̇исааяа гад̇ад̇д̇аа буб̣б̣аараамзд̇и сан̇кам̣ г̇ад̇з. д̇ад̇раад̇и ‘‘миг̇аарамаад̇уяаа баасаад̣̇з’’д̇и д̇асмим̣ сам̣кид̇д̇аважанз. аяам̣ ид̣̇аани вужжамаанаа анубуб̣б̣игат̇аа аад̣̇ид̇о бадтааяа ануггамагат̇аа. бад̇т̇анам̣ агааси д̇асса бхаг̇авад̇о аг̇г̇убадтааяигам̣ згам̣ убаасигам̣ д̣̇исваа д̇ам̣ таананд̇арам̣ ааган̇канд̇ий. мзн̣д̣агабуд̇д̇ассаад̇и мзн̣д̣агасздтибуд̇д̇асса. маад̇идтаанз табзси д̇ассаа убагаарам̣ г̇арубхааван̃жа д̣̇исваа. д̇ааяа гаарид̇з баасаад̣̇зд̇и д̇ааяа махааубаасигааяа махаалад̇аабасаад̇ханам̣ виссаж̇ж̇зд̇ваа навахи годийхи гарийсамад̇д̇з бхуумибхааг̇з гаарид̇з сахассаг̇аб̣бхабадиман̣д̣ид̇з баасаад̣̇з.
122.Pubbārāmasaṅkhāteti sāvatthinagarassa pubbadisāya katattā pubbārāmeti saṅkhaṃ gate. Tatrāti ‘‘migāramātuyā pāsāde’’ti tasmiṃ saṃkhittavacane. Ayaṃ idāni vuccamānā anupubbikathā ādito paṭṭhāya anukkamakathā. Patthanaṃ akāsi tassa bhagavato aggupaṭṭhāyikaṃ ekaṃ upāsikaṃ disvā taṃ ṭhānantaraṃ ākaṅkhantī. Meṇḍakaputtassāti meṇḍakaseṭṭhiputtassa. Mātiṭṭhāneṭhapesi tassā upakāraṃ garubhāvañca disvā. Tāya kārite pāsādeti tāya mahāupāsikāya mahālatāpasādhanaṃ vissajjetvā navahi koṭīhi karīsamatte bhūmibhāge kārite sahassagabbhapaṭimaṇḍite pāsāde.
баруул̣хагажчаад̇и баруул̣хагажчаломаа. гаман̣д̣алугхадигаад̣̇им̣ баб̣б̣аж̇ид̇абаригкаарам̣. наг̇г̇абхог̇г̇аниссиригаананд̇и наг̇г̇аанан̃жзва бхог̇г̇аанан̃жа ниссиригаанан̃жа. д̇з хи анивад̇т̇авад̇т̇ад̇ааяа наг̇г̇аа жзва, ажзлагавад̇аад̣̇инаа бхог̇г̇асарийрад̇ааяа бхог̇г̇аа, собхаарахид̇ад̇ааяа ниссиригаа жа. ад̇д̇анаа д̣̇идтасуд̇ам̣ бадижчаад̣̇зд̇ваа на гат̇зяяунд̇и агааран̣амзд̇ам̣ д̇зсам̣ ран̃н̃аа баяуд̇д̇ажарабурисабхаавад̇о. звам̣ гад̇з бана д̇з ‘‘ан̃н̃зби баб̣б̣аж̇ид̇аа ад̇т̇ийд̇и аяам̣ ж̇аанаад̇ий’’д̇и ман̃н̃зяяунд̇и гохан̃н̃ажид̇д̇о звам̣ агаасийд̇и саггаа вин̃н̃аад̇ум̣. д̇ат̇аа хи д̇знад̇т̇зна абарид̇осамаано ‘‘абижаа’’д̇иаад̣̇имааха.
Parūḷhakacchāti parūḷhakacchalomā. Kamaṇḍalughaṭikādiṃ pabbajitaparikkhāraṃ. Naggabhogganissirikānanti naggānañceva bhoggānañca nissirikānañca. Te hi anivatthavatthatāya naggā ceva, acelakavatādinā bhoggasarīratāya bhoggā, sobhārahitatāya nissirikā ca. Attanā diṭṭhasutaṃpaṭicchādetvā na katheyyunti akāraṇametaṃ tesaṃ raññā payuttacarapurisabhāvato. Evaṃ kate pana te ‘‘aññepi pabbajitā atthīti ayaṃ jānātī’’ti maññeyyunti kohaññacitto evaṃ akāsīti sakkā viññātuṃ. Tathā hi tenatthena aparitosamāno ‘‘apicā’’tiādimāha.
гаасигажанд̣̇ананд̇и уж̇ж̇алажанд̣̇анам̣. д̇ам̣ гира ван̣н̣авасзна самуж̇ж̇алам̣ ход̇и бабхассарам̣, д̇ад̣̇ад̇т̇амзва нам̣ сан̣хад̇арам̣ гаронд̇и. д̇знааха ‘‘гаасигажанд̣̇ананд̇и сан̣хажанд̣̇ана’’нд̇и. ван̣н̣аг̇анд̇хад̇т̇ааяаад̇и ван̣н̣асобхад̇т̇ан̃жзва суг̇анд̇хабхаавад̇т̇ан̃жа. ван̣н̣аг̇анд̇хад̇т̇ааяаад̇и чавирааг̇агаран̣ад̇т̇ан̃жзва суг̇анд̇хад̇т̇ааяа жа. ‘‘г̇ихинаа’’д̇иаад̣̇ийхи бад̣̇зхи звам̣ бамаад̣̇авихааринаа д̇аяаа араханд̇о д̣̇увин̃н̃зяяаад̇и д̣̇ассзд̇и.
Kāsikacandananti ujjalacandanaṃ. Taṃ kira vaṇṇavasena samujjalaṃ hoti pabhassaraṃ, tadatthameva naṃ saṇhataraṃ karonti. Tenāha ‘‘kāsikacandananti saṇhacandana’’nti. Vaṇṇagandhatthāyāti vaṇṇasobhatthañceva sugandhabhāvatthañca. Vaṇṇagandhatthāyāti chavirāgakaraṇatthañceva sugandhatthāya ca. ‘‘Gihinā’’tiādīhi padehi evaṃ pamādavihārinā tayā arahanto duviññeyyāti dasseti.
сам̣ваасо наама ид̇ха гаалзна убасан̇гамананд̇и д̣̇ассзнд̇о ‘‘убасан̇гаманд̇знаа’’д̇и ааха. гааяаваажаахи асам̣яад̇знаби сам̣яад̇аагааро, асам̣вуд̇инд̣̇риязнаби сам̣вуд̇инд̣̇рияаагааро. бариг̇г̇ахзссаамийд̇и виймам̣сиссаами ‘‘барисуд̣̇д̇хам̣ ну ко, но’’д̇и. саббан̃н̃знаад̇и сийлабариг̇г̇ан̣ханабан̃н̃ааяа саббан̃н̃зна. ж̇аанид̇ум̣ на саггод̇и сабхаавасса сад̇о сийласса анубад̇хааран̣ад̇о.
Saṃvāso nāma idha kālena upasaṅkamananti dassento ‘‘upasaṅkamantenā’’ti āha. Kāyavācāhi asaṃyatenapi saṃyatākāro, asaṃvutindriyenapi saṃvutindriyākāro. Pariggahessāmīti vīmaṃsissāmi ‘‘parisuddhaṃ nu kho, no’’ti. Sappaññenāti sīlapariggaṇhanapaññāya sappaññena. Jānituṃ na sakkoti sabhāvassa sato sīlassa anupadhāraṇato.
гат̇анзнаад̇и абараабарам̣ гат̇анзна. д̇ат̇аа хи вагкад̇и ‘‘згажжасса хий’’д̇иаад̣̇и. арияавохаарод̇и д̣̇идтаад̣̇илагкан̣зна вохарид̇о ‘‘д̣̇идтам̣ ад̣̇идта’’нд̇иаад̣̇инаа бавуд̇д̇асад̣̇д̣̇авохааро. д̇асса бана гааран̣амзва г̇ан̣ханд̇о ‘‘зд̇т̇а жзд̇анаа’’д̇и ааха. зса наяо анарияавохаарзби. барамад̇т̇ад̇о хи сажжаваажаад̣̇аяо мусааваад̣̇аад̣̇аяо жзд̇анаалагкан̣аад̇и. бан̃н̃ад̇д̇ивохааро д̇ат̇аа д̇ат̇аа вохарид̇аб̣б̣ад̇о звамааха ‘‘сам̣вохаарзна ко, махаарааж̇а, сожзяяам̣ взд̣̇ид̇аб̣б̣а’’нд̇и.
Kathanenāti aparāparaṃ kathanena. Tathā hi vakkhati ‘‘ekaccassa hī’’tiādi. Ariyavohāroti diṭṭhādilakkhaṇena voharito ‘‘diṭṭhaṃ adiṭṭha’’ntiādinā pavuttasaddavohāro. Tassa pana kāraṇameva gaṇhanto ‘‘ettha cetanā’’ti āha. Esa nayo anariyavohārepi. Paramatthato hi saccavācādayo musāvādādayo cetanālakkhaṇāti. Paññattivohāro tathā tathā voharitabbato evamāha ‘‘saṃvohārena kho, mahārāja, soceyyaṃ veditabba’’nti.
н̃аан̣ат̇аамод̇и н̃аан̣аг̇ун̣аб̣алам̣, язна таануббад̇д̇игабадибхаанаад̣̇инаа ажжааяигагижжагаран̣ийяаани нидтаабзд̇и. сам̣гат̇ааяаад̇и ад̇т̇авиймам̣санавасзна бавад̇д̇ааяа саммаагат̇ааяа. уббилавад̇и лахугабхаавад̇о. хздтаажарагаад̇и аважарагаа. яз анубависид̇ваа барзсам̣ рахассавиймам̣санавасзна бавад̇д̇аа, д̇зсу ожарагавохаарод̇и вуд̇д̇ам̣ ‘‘жараа хий’’д̇иаад̣̇и.
Ñāṇathāmoti ñāṇaguṇabalaṃ, yena ṭhānuppattikapaṭibhānādinā accāyikakiccakaraṇīyāni niṭṭhāpeti. Saṃkathāyāti atthavīmaṃsanavasena pavattāya sammākathāya. Uppilavati lahukabhāvato. Heṭṭhācarakāti avacarakā. Ye anupavisitvā paresaṃ rahassavīmaṃsanavasena pavattā, tesu ocarakavohāroti vuttaṃ ‘‘carā hī’’tiādi.
ван̣н̣асан̣таанзнаад̇и ван̣н̣зна ваа сан̣таанзна ваа ван̣н̣абогкарад̇ааяа ваа сан̣таанасамбад̇д̇ияаа ваа. суж̇аано бзсало виссасзд̇и яож̇анаа. лахугад̣̇ассанзнаад̇и барид̇д̇ад̣̇ассанзна виж̇ж̇угзна вияа. баригкаарабхан̣д̣агзнаад̇и баб̣б̣аж̇ид̇абаригкаарабхууд̇зна бхан̣д̣агзна. лохад̣дхамаасод̇и лохамаяо убад̣дхаг̇гханагамаасо.
Vaṇṇasaṇṭhānenāti vaṇṇena vā saṇṭhānena vā vaṇṇapokkharatāya vā saṇṭhānasampattiyā vā. Sujāno pesalo vissaseti yojanā. Lahukadassanenāti parittadassanena vijjukena viya. Parikkhārabhaṇḍakenāti pabbajitaparikkhārabhūtena bhaṇḍakena. Lohaḍḍhamāsoti lohamayo upaḍḍhagghanakamāso.
сад̇д̇аж̇адиласуд̇д̇аван̣н̣анаа нидтид̇аа.
Sattajaṭilasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. сад̇д̇аж̇адиласуд̇д̇ам̣ • 1. Sattajaṭilasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. сад̇д̇аж̇адиласуд̇д̇аван̣н̣анаа • 1. Sattajaṭilasuttavaṇṇanā
