| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
4. ஸத்தகம்மபத²ஸுத்தங்
4. Sattakammapathasuttaṃ
110. ஸாவத்தி²யங் விஹரதி…பே॰… ‘‘தா⁴துஸோவ, பி⁴க்க²வே, ஸத்தா ஸங்ஸந்த³ந்தி ஸமெந்தி. பாணாதிபாதினோ பாணாதிபாதீஹி ஸத்³தி⁴ங் ஸங்ஸந்த³ந்தி ஸமெந்தி; அதி³ன்னாதா³யினோ அதி³ன்னாதா³யீஹி ஸத்³தி⁴ங் ஸங்ஸந்த³ந்தி ஸமெந்தி; காமேஸுமிச்சா²சாரினோ காமேஸுமிச்சா²சாரீஹி ஸத்³தி⁴ங் ஸங்ஸந்த³ந்தி ஸமெந்தி; முஸாவாதி³னோ முஸாவாதீ³ஹி ஸத்³தி⁴ங் ஸங்ஸந்த³ந்தி ஸமெந்தி; பிஸுணவாசா பிஸுணவாசேஹி ஸத்³தி⁴ங் ஸங்ஸந்த³ந்தி ஸமெந்தி; ப²ருஸவாசா ப²ருஸவாசேஹி ஸத்³தி⁴ங் ஸங்ஸந்த³ந்தி ஸமெந்தி; ஸம்ப²ப்பலாபினோ ஸம்ப²ப்பலாபீஹி ஸத்³தி⁴ங் ஸங்ஸந்த³ந்தி ஸமெந்தி’’.
110. Sāvatthiyaṃ viharati…pe… ‘‘dhātusova, bhikkhave, sattā saṃsandanti samenti. Pāṇātipātino pāṇātipātīhi saddhiṃ saṃsandanti samenti; adinnādāyino adinnādāyīhi saddhiṃ saṃsandanti samenti; kāmesumicchācārino kāmesumicchācārīhi saddhiṃ saṃsandanti samenti; musāvādino musāvādīhi saddhiṃ saṃsandanti samenti; pisuṇavācā pisuṇavācehi saddhiṃ saṃsandanti samenti; pharusavācā pharusavācehi saddhiṃ saṃsandanti samenti; samphappalāpino samphappalāpīhi saddhiṃ saṃsandanti samenti’’.
‘‘பாணாதிபாதா படிவிரதா…பே॰… அதி³ன்னாதா³னா படிவிரதா… காமேஸுமிச்சா²சாரா படிவிரதா… முஸாவாதா³ படிவிரதா… பிஸுணாய வாசாய படிவிரதா பிஸுணாய வாசாய படிவிரதேஹி ஸத்³தி⁴ங் ஸங்ஸந்த³ந்தி ஸமெந்தி; ப²ருஸாய வாசாய படிவிரதா ப²ருஸாய வாசாய படிவிரதேஹி ஸத்³தி⁴ங் ஸங்ஸந்த³ந்தி ஸமெந்தி; ஸம்ப²ப்பலாபா படிவிரதா ஸம்ப²ப்பலாபா படிவிரதேஹி ஸத்³தி⁴ங் ஸங்ஸந்த³ந்தி ஸமெந்தீ’’தி. சதுத்த²ங்.
‘‘Pāṇātipātā paṭiviratā…pe… adinnādānā paṭiviratā… kāmesumicchācārā paṭiviratā… musāvādā paṭiviratā… pisuṇāya vācāya paṭiviratā pisuṇāya vācāya paṭiviratehi saddhiṃ saṃsandanti samenti; pharusāya vācāya paṭiviratā pharusāya vācāya paṭiviratehi saddhiṃ saṃsandanti samenti; samphappalāpā paṭiviratā samphappalāpā paṭiviratehi saddhiṃ saṃsandanti samentī’’ti. Catutthaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3-5. பஞ்சஸிக்கா²பத³ஸுத்தாதி³வண்ணனா • 3-5. Pañcasikkhāpadasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 3-5. பஞ்சஸிக்கா²பத³ஸுத்தாதி³வண்ணனா • 3-5. Pañcasikkhāpadasuttādivaṇṇanā
