| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
4. සත්‌තකම්‌මපථසුත්‌තං
4. Sattakammapathasuttaṃ
110. සාවත්‌ථියං විහරති…පෙ.… ‘‘ධාතුසොව, භික්‌ඛවෙ, සත්‌තා සංසන්‌දන්‌ති සමෙන්‌ති. පාණාතිපාතිනො පාණාතිපාතීහි සද්‌ධිං සංසන්‌දන්‌ති සමෙන්‌ති; අදින්‌නාදායිනො අදින්‌නාදායීහි සද්‌ධිං සංසන්‌දන්‌ති සමෙන්‌ති; කාමෙසුමිච්‌ඡාචාරිනො කාමෙසුමිච්‌ඡාචාරීහි සද්‌ධිං සංසන්‌දන්‌ති සමෙන්‌ති; මුසාවාදිනො මුසාවාදීහි සද්‌ධිං සංසන්‌දන්‌ති සමෙන්‌ති; පිසුණවාචා පිසුණවාචෙහි සද්‌ධිං සංසන්‌දන්‌ති සමෙන්‌ති; ඵරුසවාචා ඵරුසවාචෙහි සද්‌ධිං සංසන්‌දන්‌ති සමෙන්‌ති; සම්‌ඵප්‌පලාපිනො සම්‌ඵප්‌පලාපීහි සද්‌ධිං සංසන්‌දන්‌ති සමෙන්‌ති’’.
110. Sāvatthiyaṃ viharati…pe… ‘‘dhātusova, bhikkhave, sattā saṃsandanti samenti. Pāṇātipātino pāṇātipātīhi saddhiṃ saṃsandanti samenti; adinnādāyino adinnādāyīhi saddhiṃ saṃsandanti samenti; kāmesumicchācārino kāmesumicchācārīhi saddhiṃ saṃsandanti samenti; musāvādino musāvādīhi saddhiṃ saṃsandanti samenti; pisuṇavācā pisuṇavācehi saddhiṃ saṃsandanti samenti; pharusavācā pharusavācehi saddhiṃ saṃsandanti samenti; samphappalāpino samphappalāpīhi saddhiṃ saṃsandanti samenti’’.
‘‘පාණාතිපාතා පටිවිරතා…පෙ.… අදින්‌නාදානා පටිවිරතා… කාමෙසුමිච්‌ඡාචාරා පටිවිරතා… මුසාවාදා පටිවිරතා… පිසුණාය වාචාය පටිවිරතා පිසුණාය වාචාය පටිවිරතෙහි සද්‌ධිං සංසන්‌දන්‌ති සමෙන්‌ති; ඵරුසාය වාචාය පටිවිරතා ඵරුසාය වාචාය පටිවිරතෙහි සද්‌ධිං සංසන්‌දන්‌ති සමෙන්‌ති; සම්‌ඵප්‌පලාපා පටිවිරතා සම්‌ඵප්‌පලාපා පටිවිරතෙහි සද්‌ධිං සංසන්‌දන්‌ති සමෙන්‌තී’’ති. චතුත්‌ථං.
‘‘Pāṇātipātā paṭiviratā…pe… adinnādānā paṭiviratā… kāmesumicchācārā paṭiviratā… musāvādā paṭiviratā… pisuṇāya vācāya paṭiviratā pisuṇāya vācāya paṭiviratehi saddhiṃ saṃsandanti samenti; pharusāya vācāya paṭiviratā pharusāya vācāya paṭiviratehi saddhiṃ saṃsandanti samenti; samphappalāpā paṭiviratā samphappalāpā paṭiviratehi saddhiṃ saṃsandanti samentī’’ti. Catutthaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 3-5. පඤ්‌චසික්‌ඛාපදසුත්‌තාදිවණ්‌ණනා • 3-5. Pañcasikkhāpadasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 3-5. පඤ්‌චසික්‌ඛාපදසුත්‌තාදිවණ්‌ණනා • 3-5. Pañcasikkhāpadasuttādivaṇṇanā
