| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
(7.) сад̇д̇аганид̣̇д̣̇зсаад̣̇иван̣н̣анаа
(7.) Sattakaniddesādivaṇṇanā
806. сад̇д̇авид̇хзна н̃аан̣авад̇т̇унид̣̇д̣̇зсз ж̇аад̇ибажжаяаа ж̇араамаран̣анд̇иаад̣̇инаа наязна бавад̇д̇инивад̇д̇ивасзна згаад̣̇асасу бадижжасамуббаад̣̇ан̇г̇зсу згзгасмим̣ гаалад̇д̇аяабхзд̣̇ад̇о бажжавзгкан̣ан̃аан̣ам̣ вад̇ваа буна ‘‘яамбисса д̇ам̣ д̇хаммадтид̇ин̃аан̣а’’нд̇и звам̣ д̇ад̣̇зва н̃аан̣ам̣ сан̇кзбад̇о каяад̇хаммад̇аад̣̇ийхи багаарзхи вуд̇д̇ам̣. д̇ад̇т̇а ж̇аад̇ибажжаяаа ж̇араамаран̣ам̣, асад̇и ж̇аад̇ияаа над̇т̇и ж̇араамаран̣анд̇и н̃аан̣ад̣̇ваяам̣ бажжуббаннад̣̇д̇хаанавасзна вуд̇д̇ам̣. ад̇ийд̇амби ад̣̇д̇хаанам̣, анааг̇ад̇амби ад̣̇д̇хаананд̇и звам̣ ад̇ийд̇з н̃аан̣ад̣̇ваяам̣, анааг̇ад̇з н̃аан̣ад̣̇ваяанд̇и ча. д̇аани д̇хаммадтид̇ин̃аан̣зна сад̣̇д̇хим̣ сад̇д̇а. д̇ад̇т̇а д̇хаммадтид̇ин̃аан̣анд̇и бажжаяаагааран̃аан̣ам̣. бажжаяаагааро хи д̇хаммаанам̣ бавад̇д̇идтид̇игааран̣ад̇д̇аа д̇хаммадтид̇ийд̇и вужжад̇и; д̇ад̇т̇а н̃аан̣ам̣ д̇хаммадтид̇ин̃аан̣ам̣. зд̇ассзва чаб̣б̣ид̇хасса н̃аан̣ассзд̇ам̣ ад̇хиважанам̣. звам̣ згзгасмим̣ ан̇г̇з имаани сад̇д̇а сад̇д̇а гад̇ваа згаад̣̇асасу ан̇г̇зсу сад̇д̇асад̇д̇ад̇и хонд̇и. д̇ад̇т̇а каяад̇хамманд̇и каяаг̇аманасабхаавам̣. ваяад̇хамманд̇и ваяаг̇аманасабхаавам̣. вирааг̇ад̇хамманд̇и вираж̇ж̇анасабхаавам̣. нирод̇хад̇хамманд̇и нируж̇жханасабхаавам̣. иминаа гим̣ гат̇ид̇ам̣? абаравибассанааяа буримавибассанаасаммасанам̣ гат̇ид̇ам̣. д̇зна гим̣ гат̇ид̇ам̣ ход̇и? сад̇д̇агкад̇д̇ум̣ вибассанаабадивибассанаа гат̇ид̇аа. батаман̃аан̣зна хи саб̣б̣асан̇каарз анижжаа д̣̇угкаа анад̇д̇аад̇и д̣̇исваа д̇ам̣ н̃аан̣ам̣ д̣̇уд̇иязна д̣̇адтум̣ ваддад̇и, д̣̇уд̇ияам̣ д̇ад̇иязна, д̇ад̇ияам̣ жад̇уд̇т̇зна, жад̇уд̇т̇ам̣ бан̃жамзна, бан̃жамам̣ чадтзна, чадтам̣ сад̇д̇амзна. звам̣ сад̇д̇а вибассанаабадивибассанаа гат̇ид̇аа хонд̇ийд̇и.
806. Sattavidhena ñāṇavatthuniddese jātipaccayā jarāmaraṇantiādinā nayena pavattinivattivasena ekādasasu paṭiccasamuppādaṅgesu ekekasmiṃ kālattayabhedato paccavekkhaṇañāṇaṃ vatvā puna ‘‘yampissa taṃ dhammaṭṭhitiñāṇa’’nti evaṃ tadeva ñāṇaṃ saṅkhepato khayadhammatādīhi pakārehi vuttaṃ. Tattha jātipaccayā jarāmaraṇaṃ, asati jātiyā natthi jarāmaraṇanti ñāṇadvayaṃ paccuppannaddhānavasena vuttaṃ. Atītampi addhānaṃ, anāgatampi addhānanti evaṃ atīte ñāṇadvayaṃ, anāgate ñāṇadvayanti cha. Tāni dhammaṭṭhitiñāṇena saddhiṃ satta. Tattha dhammaṭṭhitiñāṇanti paccayākārañāṇaṃ. Paccayākāro hi dhammānaṃ pavattiṭṭhitikāraṇattā dhammaṭṭhitīti vuccati; tattha ñāṇaṃ dhammaṭṭhitiñāṇaṃ. Etasseva chabbidhassa ñāṇassetaṃ adhivacanaṃ. Evaṃ ekekasmiṃ aṅge imāni satta satta katvā ekādasasu aṅgesu sattasattati honti. Tattha khayadhammanti khayagamanasabhāvaṃ. Vayadhammanti vayagamanasabhāvaṃ. Virāgadhammanti virajjanasabhāvaṃ. Nirodhadhammanti nirujjhanasabhāvaṃ. Iminā kiṃ kathitaṃ? Aparavipassanāya purimavipassanāsammasanaṃ kathitaṃ. Tena kiṃ kathitaṃ hoti? Sattakkhattuṃ vipassanāpaṭivipassanā kathitā. Paṭhamañāṇena hi sabbasaṅkhāre aniccā dukkhā anattāti disvā taṃ ñāṇaṃ dutiyena daṭṭhuṃ vaṭṭati, dutiyaṃ tatiyena, tatiyaṃ catutthena, catutthaṃ pañcamena, pañcamaṃ chaṭṭhena, chaṭṭhaṃ sattamena. Evaṃ satta vipassanāpaṭivipassanā kathitā hontīti.
сад̇д̇аганид̣̇д̣̇зсаван̣н̣анаа.
Sattakaniddesavaṇṇanā.
807. адтавид̇хзна н̃аан̣авад̇т̇унид̣̇д̣̇зсз сод̇аабад̇д̇имаг̇г̇з бан̃н̃аад̇и сод̇аабад̇д̇имаг̇г̇амхи бан̃н̃аа. иминаа самбаяуд̇д̇абан̃н̃аава гат̇ид̇аа. сзсабад̣̇зсуби зсзва наяод̇и.
807. Aṭṭhavidhena ñāṇavatthuniddese sotāpattimagge paññāti sotāpattimaggamhi paññā. Iminā sampayuttapaññāva kathitā. Sesapadesupi eseva nayoti.
адтаганид̣̇д̣̇зсаван̣н̣анаа.
Aṭṭhakaniddesavaṇṇanā.
808. нававид̇хзна н̃аан̣авад̇т̇унид̣̇д̣̇зсз анубуб̣б̣авихаарасамаабад̇д̇ийсууд̇и анубуб̣б̣авихаарасан̇каад̇аасу самаабад̇д̇ийсу. д̇аасам̣ анубуб̣б̣зна анубадибаадияаа вихаарид̇аб̣б̣адтзна анубуб̣б̣авихаарад̇аа, самаабаж̇ж̇ид̇аб̣б̣адтзна самаабад̇д̇ид̇аа д̣̇адтаб̣б̣аа. д̇ад̇т̇а батамаж̇жхаанасамаабад̇д̇ияаа бан̃н̃аад̇иаад̣̇аяо адта самбаяуд̇д̇абан̃н̃аа взд̣̇ид̇аб̣б̣аа . навамаа бажжавзгкан̣абан̃н̃аа. саа хи нирод̇хасамаабад̇д̇им̣ санд̇ад̇о бан̣ийд̇ад̇о бажжавзгкамаанасса бавад̇д̇ад̇и. д̇зна вуд̇д̇ам̣ – ‘‘сан̃н̃аавзд̣̇аяид̇анирод̇хасамаабад̇д̇ияаа вудтид̇асса бажжавзгкан̣ан̃аан̣а’’нд̇и.
808. Navavidhena ñāṇavatthuniddese anupubbavihārasamāpattīsūti anupubbavihārasaṅkhātāsu samāpattīsu. Tāsaṃ anupubbena anupaṭipāṭiyā vihāritabbaṭṭhena anupubbavihāratā, samāpajjitabbaṭṭhena samāpattitā daṭṭhabbā. Tattha paṭhamajjhānasamāpattiyā paññātiādayo aṭṭha sampayuttapaññā veditabbā . Navamā paccavekkhaṇapaññā. Sā hi nirodhasamāpattiṃ santato paṇītato paccavekkhamānassa pavattati. Tena vuttaṃ – ‘‘saññāvedayitanirodhasamāpattiyā vuṭṭhitassa paccavekkhaṇañāṇa’’nti.
наваганид̣̇д̣̇зсаван̣н̣анаа.
Navakaniddesavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 16. н̃аан̣авибхан̇г̇о • 16. Ñāṇavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 16. н̃аан̣авибхан̇г̇о • 16. Ñāṇavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 16. н̃аан̣авибхан̇г̇о • 16. Ñāṇavibhaṅgo
