| Library / Tipiṭaka / திபிடக • Tipiṭaka / ஸம்மோஹவினோத³னீ-அட்ட²கதா² • Sammohavinodanī-aṭṭhakathā |
(7.) ஸத்தகனித்³தே³ஸவண்ணனா
(7.) Sattakaniddesavaṇṇanā
949. ஸத்தகனித்³தே³ஸே தா²மக³தட்டே²ன அப்பஹீனட்டே²ன ச அனுஸெந்தீதி அனுஸயா. வட்டஸ்மிங் ஸத்தே ஸங்யோஜெந்தி க⁴டெந்தீதி ஸங்யோஜனானி. ஸமுதா³சாரவஸேன பரியுட்ட²ஹந்தீதி பரியுட்டா²னானி. காமராகோ³வ பரியுட்டா²னங் காமராக³பரியுட்டா²னங். ஸேஸேஸுபி ஏஸேவ நயோ.
949. Sattakaniddese thāmagataṭṭhena appahīnaṭṭhena ca anusentīti anusayā. Vaṭṭasmiṃ satte saṃyojenti ghaṭentīti saṃyojanāni. Samudācāravasena pariyuṭṭhahantīti pariyuṭṭhānāni. Kāmarāgova pariyuṭṭhānaṃ kāmarāgapariyuṭṭhānaṃ. Sesesupi eseva nayo.
950. அஸதங் த⁴ம்மா, லாமகட்டே²ன வா அஸந்தா த⁴ம்மாதி அஸத்³த⁴ம்மா. ராகா³தீ³ஹி தோ³ஸேஹி து³ட்டா²னி சரிதானீதி து³ச்சரிதானி. தேன தேனாகாரேன மஞ்ஞந்தீதி மானா.
950. Asataṃ dhammā, lāmakaṭṭhena vā asantā dhammāti asaddhammā. Rāgādīhi dosehi duṭṭhāni caritānīti duccaritāni. Tena tenākārena maññantīti mānā.
951. தி³ட்டி²னித்³தே³ஸே ரூபீதி ரூபவா. சாதுமஹாபூ⁴திகோதி சதுமஹாபூ⁴தமயோ. மாதாபிதூனங் ஏதந்தி மாதாபெத்திகங். கிந்தங்? ஸுக்கஸோணிதங். மாதாபெத்திகே ஸம்பூ⁴தோ ஜாதோதி மாதாபெத்திகஸம்ப⁴வோ. இத⁴ ரூபகாயஸீஸேன மனுஸ்ஸத்தபா⁴வங் அத்தாதி வத³தி. து³தியோ தங் படிக்கி²பித்வா தி³ப்³ப³த்தபா⁴வங் வத³தி. தி³ப்³போ³தி தே³வலோகே ஸம்பூ⁴தோ. காமாவசரோதி ச²காமாவசரதே³வபரியாபன்னோ . கப³ளீகாரங் ப⁴க்க²யதீதி கப³ளீகாரப⁴க்கோ². மனோமயோதி ஜா²னமனேன நிப்³ப³த்தோ. ஸப்³ப³ங்க³பச்சங்கீ³தி ஸப்³ப³ங்க³பச்சங்க³யுத்தோ. அஹீனிந்த்³ரியோதி பரிபுண்ணிந்த்³ரியோ; யானி ப்³ரஹ்மலோகே அத்தி² தேஸங் வஸேன, இதரேஸஞ்ச ஸண்டா²னவஸேனேதங் வுத்தங். ஆகாஸானஞ்சாயதனூபகோ³தி ஆகாஸானஞ்சாயதனபா⁴வங் உபக³தோ. இதரேஸுபி ஏஸேவ நயோ. ஸேஸங் ஸப்³ப³த்த² உத்தானத்த²மேவாதி.
951. Diṭṭhiniddese rūpīti rūpavā. Cātumahābhūtikoti catumahābhūtamayo. Mātāpitūnaṃ etanti mātāpettikaṃ. Kintaṃ? Sukkasoṇitaṃ. Mātāpettike sambhūto jātoti mātāpettikasambhavo. Idha rūpakāyasīsena manussattabhāvaṃ attāti vadati. Dutiyo taṃ paṭikkhipitvā dibbattabhāvaṃ vadati. Dibboti devaloke sambhūto. Kāmāvacaroti chakāmāvacaradevapariyāpanno . Kabaḷīkāraṃ bhakkhayatīti kabaḷīkārabhakkho. Manomayoti jhānamanena nibbatto. Sabbaṅgapaccaṅgīti sabbaṅgapaccaṅgayutto. Ahīnindriyoti paripuṇṇindriyo; yāni brahmaloke atthi tesaṃ vasena, itaresañca saṇṭhānavasenetaṃ vuttaṃ. Ākāsānañcāyatanūpagoti ākāsānañcāyatanabhāvaṃ upagato. Itaresupi eseva nayo. Sesaṃ sabbattha uttānatthamevāti.
ஸத்தகனித்³தே³ஸவண்ணனா.
Sattakaniddesavaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / விப⁴ங்க³பாளி • Vibhaṅgapāḷi / 17. கு²த்³த³கவத்து²விப⁴ங்கோ³ • 17. Khuddakavatthuvibhaṅgo
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / விப⁴ங்க³-மூலடீகா • Vibhaṅga-mūlaṭīkā / 17. கு²த்³த³கவத்து²விப⁴ங்கோ³ • 17. Khuddakavatthuvibhaṅgo
