| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੭. ਸਤ੍ਤਕਨਿਦ੍ਦੇਸવਣ੍ਣਨਾ
7. Sattakaniddesavaṇṇanā
੨੦੩. ਸਤ੍ਤਕੇ – ਸਕਿਂ ਨਿਮੁਗ੍ਗੋਤਿ ਏਕવਾਰਂ ਨਿਮੁਗ੍ਗੋ। ਏਕਨ੍ਤਕਾਲ਼ਕੇਹੀਤਿ ਏਕਨ੍ਤੇਨੇવ ਕਾਲ਼ਕੇਹਿ ਨਤ੍ਥਿਕવਾਦਅਹੇਤੁਕવਾਦਅਕਿਰਿਯવਾਦਸਙ੍ਖਾਤੇਹਿ ਨਿਯਤਮਿਚ੍ਛਾਦਿਟ੍ਠਿਧਮ੍ਮੇਹਿ। ਏવਂ ਪੁਗ੍ਗਲੋਤਿ ਇਮਿਨਾ ਕਾਰਣੇਨ ਪੁਗ੍ਗਲੋ ਏਕવਾਰਂ ਨਿਮੁਗ੍ਗੋ ਤਥਾ ਨਿਮੁਗ੍ਗੋવ ਹੋਤਿ। ਏਤਸ੍ਸ ਹਿ ਪੁਨ ਭવਤੋ વੁਟ੍ਠਾਨਂ ਨਾਮ ਨਤ੍ਥੀਤਿ વਦਨ੍ਤਿ। ਮਕ੍ਖਲਿਗੋਸਾਲਾਦਯੋ વਿਯ ਹੇਟ੍ਠਾ ਨਰਕਗ੍ਗੀਨਂਯੇવ ਆਹਾਰੋ ਹੋਤਿ।
203. Sattake – sakiṃ nimuggoti ekavāraṃ nimuggo. Ekantakāḷakehīti ekanteneva kāḷakehi natthikavādaahetukavādaakiriyavādasaṅkhātehi niyatamicchādiṭṭhidhammehi. Evaṃ puggaloti iminā kāraṇena puggalo ekavāraṃ nimuggo tathā nimuggova hoti. Etassa hi puna bhavato vuṭṭhānaṃ nāma natthīti vadanti. Makkhaligosālādayo viya heṭṭhā narakaggīnaṃyeva āhāro hoti.
ਸਾਹੁ ਸਦ੍ਧਾ ਕੁਸਲੇਸੁ ਧਮ੍ਮੇਸੂਤਿ ਕੁਸਲਧਮ੍ਮੇਸੁ ਸਦ੍ਧਾ ਨਾਮ ਸਾਧੁਲਦ੍ਧਿਕਾਤਿ ਉਮ੍ਮੁਜ੍ਜਤਿ। ਸੋ ਤਾવਤਕੇਨੇવ ਕੁਸਲੇਨ ਉਮ੍ਮੁਜ੍ਜਤਿ ਨਾਮ। ਸਾਧੁ ਹਿਰੀਤਿਆਦੀਸੁਪਿ ਏਸੇવ ਨਯੋ। ਹਾਯਤਿਯੇવਾਤਿ ਚਙ੍ਕવਾਰੇ ਆਸਿਤ੍ਤਉਦਕਂ વਿਯ ਏਕਨ੍ਤੇਨ ਪਰਿਹਾਯਤੇવ। ਏવਂ ਪੁਗ੍ਗਲੋਤਿ ਏવਂ ਸਾਹੁ ਸਦ੍ਧਾਤਿ। ਇਮੇਸਂ ਸਦ੍ਧਾਦੀਨਂ વਸੇਨ ਏਕવਾਰਂ ਉਮ੍ਮੁਜ੍ਜਿਤ੍વਾ ਤੇਸਂ ਪਰਿਹਾਨਿਯਾ ਪੁਨ ਨਿਮੁਜ੍ਜਤਿਯੇવ, ਦੇવਦਤ੍ਤਾਦਯੋ વਿਯ। ਦੇવਦਤ੍ਤੋ ਹਿ ਅਟ੍ਠ ਸਮਾਪਤ੍ਤਿਯੋ, ਪਞ੍ਚ ਚ ਅਭਿਞ੍ਞਾਯੋ ਨਿਬ੍ਬਤ੍ਤੇਤ੍વਾਪਿ ਪੁਨ ਬੁਦ੍ਧਾਨਂ ਪਟਿਕਣ੍ਟਕਤਾਯ ਤੇਹਿ ਗੁਣੇਹਿ ਪਰਿਹੀਨੋ ਰੁਹਿਰੁਪ੍ਪਾਦਕਮ੍ਮਂ ਸਙ੍ਘਭੇਦਕਮ੍ਮਞ੍ਚ ਕਤ੍વਾ ਕਾਯਸ੍ਸ ਭੇਦਾ ਦੁਤਿਯਚਿਤ੍ਤવਾਰੇਨ ਨਿਰਯੇ ਨਿਬ੍ਬਤ੍ਤਿ। ਕੋਕਾਲਿਕੋ ਦ੍વੇ ਅਗ੍ਗਸਾવਕੇ ਉਪવਦਿਤ੍વਾ ਪਦੁਮਨਿਰਯੇ ਨਿਬ੍ਬਤ੍ਤੋ।
Sāhu saddhā kusalesu dhammesūti kusaladhammesu saddhā nāma sādhuladdhikāti ummujjati. So tāvatakeneva kusalena ummujjati nāma. Sādhu hirītiādīsupi eseva nayo. Hāyatiyevāti caṅkavāre āsittaudakaṃ viya ekantena parihāyateva. Evaṃ puggaloti evaṃ sāhu saddhāti. Imesaṃ saddhādīnaṃ vasena ekavāraṃ ummujjitvā tesaṃ parihāniyā puna nimujjatiyeva, devadattādayo viya. Devadatto hi aṭṭha samāpattiyo, pañca ca abhiññāyo nibbattetvāpi puna buddhānaṃ paṭikaṇṭakatāya tehi guṇehi parihīno ruhiruppādakammaṃ saṅghabhedakammañca katvā kāyassa bhedā dutiyacittavārena niraye nibbatti. Kokāliko dve aggasāvake upavaditvā padumaniraye nibbatto.
ਨੇવ ਹਾਯਤਿ ਨੋ વਡ੍ਢਤੀਤਿ ਅਪ੍ਪਹੋਨਕਕਾਲੇਪਿ ਨ ਹਾਯਤਿ, ਪਹੋਨਕਕਾਲੇਪਿ ਨ વਡ੍ਢਤਿ। ਉਭਯਮ੍ਪਿ ਪਨੇਤਂ ਅਗਾਰਿਕੇਨਪਿ ਅਨਗਾਰਿਕੇਨਪਿ ਦੀਪੇਤਬ੍ਬਂ। ਏਕਚ੍ਚੋ ਹਿ ਅਗਾਰਿਕੋ ਅਪ੍ਪਹੋਨਕਕਾਲੇ ਪਕ੍ਖਿਕਭਤ੍ਤਂ વਾ ਸਲਾਕਭਤ੍ਤਂ વਾ વਸ੍ਸਾવਾਸਿਕਂ વਾ ਉਪਨਿਬਨ੍ਧਾਪੇਤਿ। ਸੋ ਪਚ੍ਛਾ ਪਹੋਨਕਕਾਲੇਪਿ ਪਕ੍ਖਿਕਭਤ੍ਤਾਦਿਮਤ੍ਤਮੇવ ਪવਤ੍ਤੇਤਿ। ਅਨਗਾਰਿਕੋਪਿ ਆਦਿਮ੍ਹਿ ਅਪ੍ਪਹੋਨਕਕਾਲੇ ਉਦ੍ਦੇਸਂ વਾ ਧੁਤਙ੍ਗਂ વਾ ਗਣ੍ਹਾਤਿ, ਮੇਧਾਬਲવੀਰਿਯਸਮ੍ਪਤ੍ਤਿਯਾ ਪਹੋਨਕਕਾਲੇਪਿ ਤਤੋ ਉਤ੍ਤਰਿਂ ਨ ਕਰੋਤਿ। ਏવਂ ਪੁਗ੍ਗਲੋਤਿ ਏવਂ ਇਮਾਯ ਸਦ੍ਧਾਦੀਨਂ ਠਿਤਿਯਾ ਪੁਗ੍ਗਲੋ ਉਮ੍ਮੁਜ੍ਜਿਤ੍વਾ ਠਿਤੋ ਨਾਮ ਹੋਤਿ।
Neva hāyati no vaḍḍhatīti appahonakakālepi na hāyati, pahonakakālepi na vaḍḍhati. Ubhayampi panetaṃ agārikenapi anagārikenapi dīpetabbaṃ. Ekacco hi agāriko appahonakakāle pakkhikabhattaṃ vā salākabhattaṃ vā vassāvāsikaṃ vā upanibandhāpeti. So pacchā pahonakakālepi pakkhikabhattādimattameva pavatteti. Anagārikopi ādimhi appahonakakāle uddesaṃ vā dhutaṅgaṃ vā gaṇhāti, medhābalavīriyasampattiyā pahonakakālepi tato uttariṃ na karoti. Evaṃ puggaloti evaṃ imāya saddhādīnaṃ ṭhitiyā puggalo ummujjitvā ṭhito nāma hoti.
ਉਮ੍ਮੁਜ੍ਜਿਤ੍વਾ વਿਪਸ੍ਸਤਿ વਿਲੋਕੇਤੀਤਿ ਸੋਤਾਪਨ੍ਨੋ ਪੁਗ੍ਗਲੋ ਉਟ੍ਠਹਿਤ੍વਾ ਗਮਨਮਗ੍ਗਂ ਗਨ੍ਤਬ੍ਬਂ ਦਿਸਂ વਾ ਆਲੋਕੇਤਿ ਨਾਮ।
Ummujjitvā vipassati viloketīti sotāpanno puggalo uṭṭhahitvā gamanamaggaṃ gantabbaṃ disaṃ vā āloketi nāma.
ਉਮ੍ਮੁਜ੍ਜਿਤ੍વਾ ਪਤਰਤੀਤਿ ਸਕਦਾਗਾਮਿਪੁਗ੍ਗਲੋ ਕਿਲੇਸਤਨੁਤਾਯ ਉਟ੍ਠਹਿਤ੍વਾ ਗਨ੍ਤਬ੍ਬਦਿਸਾਭਿਮੁਖੋ ਪਤਰਤਿ ਨਾਮ।
Ummujjitvāpataratīti sakadāgāmipuggalo kilesatanutāya uṭṭhahitvā gantabbadisābhimukho patarati nāma.
ਪਤਿਗਾਧਪ੍ਪਤ੍ਤੋ ਹੋਤੀਤਿ ਅਨਾਗਾਮਿਪੁਗ੍ਗਲੋ ਉਟ੍ਠਾਯ વਿਲੋਕੇਤ੍વਾ ਪਤਰਿਤ੍વਾ ਗਨ੍ਤ੍વਾ ਏਕਸ੍ਮਿਂ ਠਾਨੇ ਪਤਿਟ੍ਠਾਪਤ੍ਤੋ ਨਾਮ ਹੋਤਿ, ਤਿਟ੍ਠਤਿ, ਨ ਪੁਨਾਗਚ੍ਛਤਿ।
Patigādhappatto hotīti anāgāmipuggalo uṭṭhāya viloketvā pataritvā gantvā ekasmiṃ ṭhāne patiṭṭhāpatto nāma hoti, tiṭṭhati, na punāgacchati.
ਤਿਣ੍ਣੋ ਪਾਰਙ੍ਗਤੋ ਥਲੇ ਤਿਟ੍ਠਤੀਤਿ ਸਬ੍ਬਕਿਲੇਸੋਘਂ ਤਰਿਤ੍વਾ ਪਰਤੀਰਂ ਗਨ੍ਤ੍વਾ ਨਿਬ੍ਬਾਨਥਲੇ ਠਿਤੋ ਨਾਮ ਹੋਤਿ। ਇਮੇ ਪਨ ਸਤ੍ਤ ਪੁਗ੍ਗਲਾ ਉਦਕੋਪਮੇਨ ਦੀਪਿਤਾ।
Tiṇṇo pāraṅgato thale tiṭṭhatīti sabbakilesoghaṃ taritvā paratīraṃ gantvā nibbānathale ṭhito nāma hoti. Ime pana satta puggalā udakopamena dīpitā.
ਸਤ੍ਤ ਕਿਰ ਜਙ੍ਘવਾਣਿਜਾ ਅਦ੍ਧਾਨਮਗ੍ਗਪਟਿਪਨ੍ਨਾ ਅਨ੍ਤਰਾਮਗ੍ਗੇ ਏਕਂ ਪੁਣ੍ਣਨਦਿਂ ਪਾਪੁਣਿਂਸੁ। ਤੇਸੁ ਪਠਮਂ ਓਤਿਣ੍ਣੋ ਉਦਕਭੀਰੁਕੋ ਪੁਰਿਸੋ ਓਤਿਣ੍ਣਟ੍ਠਾਨੇਯੇવ ਨਿਮੁਜ੍ਜਿਤ੍વਾ ਪੁਨ ਉਟ੍ਠਾਤੁਂ ਨਾਸਕ੍ਖਿ, ਅਨ੍ਤੋਯੇવ ਮਚ੍ਛਕਚ੍ਛਪਭਕ੍ਖੋ ਜਾਤੋ। ਦੁਤਿਯੋ ਓਤਿਣ੍ਣਟ੍ਠਾਨੇ ਨਿਮੁਜ੍ਜਿਤ੍વਾ ਸਕਿਂ ਉਟ੍ਠਹਿਤ੍વਾ ਪੁਨ ਨਿਮੁਗ੍ਗੋ ਉਟ੍ਠਾਤੁਂ ਨਾਸਕ੍ਖਿ, ਅਨ੍ਤੋਯੇવ ਮਚ੍ਛਕਚ੍ਛਪਭਕ੍ਖੋ ਜਾਤੋ। ਤਤਿਯੋ ਨਿਮੁਜ੍ਜਿਤ੍વਾ ਉਟ੍ਠਹਿ। ਸੋ ਮਜ੍ਝੇ ਨਦਿਯਾ ਠਤ੍વਾ ਨੇવ ਓਰਤੋ ਆਗਨ੍ਤੁਂ, ਨ ਪਰਤੋ ਗਨ੍ਤੁਂ ਅਸਕ੍ਖਿ । ਚਤੁਤ੍ਥੋ ਉਟ੍ਠਾਯ ਠਿਤੋ ਉਤ੍ਤਰਣਤਿਤ੍ਥਂ ਓਲੋਕੇਸਿ। ਪਞ੍ਚਮੋ ਓਤਰਣਤਿਤ੍ਥਂ ਓਲੋਕੇਤ੍વਾ ਪਤਰਿ। ਛਟ੍ਠੋ ਤਰਿਤ੍વਾ ਪਾਰਿਮਤੀਰਂ ਗਨ੍ਤ੍વਾ ਕਟਿਪ੍ਪਮਾਣੇ ਉਦਕੇ ਠਿਤੋ। ਸਤ੍ਤਮੋ ਪਾਰਿਮਤੀਰਂ ਗਨ੍ਤ੍વਾ ਗਨ੍ਧਚੁਣ੍ਣਾਦੀਹਿ ਨ੍ਹਾਤ੍વਾ વਰવਤ੍ਥਾਨਿ ਨਿવਾਸੇਤ੍વਾ ਸੁਰਭਿવਿਲੇਪਨਂ વਿਲਿਮ੍ਪਿਤ੍વਾ ਨੀਲੁਪ੍ਪਲਾਦੀਨਿ ਪਿਲ਼ਨ੍ਧਿਤ੍વਾ ਨਾਨਾਲਙ੍ਕਾਰਪਟਿਮਣ੍ਡਿਤੋ ਮਹਾਨਗਰਂ ਪવਿਸਿਤ੍વਾ ਪਾਸਾਦવਰਮਾਰੁਯ੍ਹ ਉਤ੍ਤਮਭੋਜਨਂ ਭੁਞ੍ਜਿ।
Satta kira jaṅghavāṇijā addhānamaggapaṭipannā antarāmagge ekaṃ puṇṇanadiṃ pāpuṇiṃsu. Tesu paṭhamaṃ otiṇṇo udakabhīruko puriso otiṇṇaṭṭhāneyeva nimujjitvā puna uṭṭhātuṃ nāsakkhi, antoyeva macchakacchapabhakkho jāto. Dutiyo otiṇṇaṭṭhāne nimujjitvā sakiṃ uṭṭhahitvā puna nimuggo uṭṭhātuṃ nāsakkhi, antoyeva macchakacchapabhakkho jāto. Tatiyo nimujjitvā uṭṭhahi. So majjhe nadiyā ṭhatvā neva orato āgantuṃ, na parato gantuṃ asakkhi . Catuttho uṭṭhāya ṭhito uttaraṇatitthaṃ olokesi. Pañcamo otaraṇatitthaṃ oloketvā patari. Chaṭṭho taritvā pārimatīraṃ gantvā kaṭippamāṇe udake ṭhito. Sattamo pārimatīraṃ gantvā gandhacuṇṇādīhi nhātvā varavatthāni nivāsetvā surabhivilepanaṃ vilimpitvā nīluppalādīni piḷandhitvā nānālaṅkārapaṭimaṇḍito mahānagaraṃ pavisitvā pāsādavaramāruyha uttamabhojanaṃ bhuñji.
ਤਤ੍ਥ ਸਤ੍ਤ ਜਙ੍ਘવਾਣਿਜਾ વਿਯ ਇਮੇ ਸਤ੍ਤ ਪੁਗ੍ਗਲਾ। ਨਦੀ વਿਯ વਟ੍ਟਂ। ਪਠਮਸ੍ਸ ਉਦਕਭੀਰੁਕਸ੍ਸ ਪੁਰਿਸਸ੍ਸ ਓਤਿਣ੍ਣਟ੍ਠਾਨੇਯੇવ ਨਿਮੁਜ੍ਜਨਂ વਿਯ ਮਿਚ੍ਛਾਦਿਟ੍ਠਿਕਸ੍ਸ વਟ੍ਟੇ ਨਿਮੁਜ੍ਜਨਂ। ਉਮ੍ਮੁਜ੍ਜਿਤ੍વਾ ਨਿਮੁਗ੍ਗਪੁਰਿਸੋ વਿਯ ਸਦ੍ਧਾਦੀਨਂ ਉਪ੍ਪਤ੍ਤਿਮਤ੍ਤਕੇਨ ਉਮ੍ਮੁਜ੍ਜਿਤ੍વਾ ਤੇਸਂ ਪਰਿਹਾਨਿਯਾ ਨਿਮੁਗ੍ਗਪੁਗ੍ਗਲੋ। ਮਜ੍ਝੇ ਨਦਿਯਾ ਠਿਤੋ વਿਯ ਸਦ੍ਧਾਦੀਨਂ ਠਿਤਿਯਾ ਠਿਤਪੁਗ੍ਗਲੋ। ਉਤ੍ਤਰਣਤਿਤ੍ਥਂ ਓਲੋਕੇਨ੍ਤੋ વਿਯ ਗਨ੍ਤਬ੍ਬਮਗ੍ਗਂ ਗਨ੍ਤਬ੍ਬਦਿਸਂ વਾ ਓਲੋਕੇਨ੍ਤੋ ਸੋਤਾਪਨ੍ਨੋ। ਪਤਰਿਤਪੁਰਿਸੋ વਿਯ ਕਿਲੇਸਤਨੁਤਾਯ ਪਤਰਨ੍ਤੋ ਸਕਦਾਗਾਮੀ। ਤਰਿਤ੍વਾ ਕਟਿਮਤ੍ਤੇ ਉਦਕੇ ਠਿਤਪੁਰਿਸੋ વਿਯ ਅਨਾવਤ੍ਤਿਤਧਮ੍ਮਤਾਯ ਠਿਤੋ ਅਨਾਗਾਮੀ। ਨ੍ਹਤ੍વਾ ਪਾਰਿਮਤੀਰਂ ਉਤ੍ਤਰਿਤ੍વਾ ਥਲੇ ਠਿਤਪੁਰਿਸੋ વਿਯ ਚਤ੍ਤਾਰੋ ਓਘੇ ਅਤਿਕ੍ਕਮਿਤ੍વਾ ਨਿਬ੍ਬਾਨਥਲੇ ਠਿਤੋ ਖੀਣਾਸવਬ੍ਰਾਹ੍ਮਣੋ। ਥਲੇ ਠਿਤਪੁਰਿਸਸ੍ਸ ਨਗਰਂ ਪવਿਸਿਤ੍વਾ ਪਾਸਾਦવਰਂ ਆਰੁਯ੍ਹ ਉਤ੍ਤਮਭੋਜਨਭੁਞ੍ਜਨਂ વਿਯ ਖੀਣਾਸવਸ੍ਸ ਨਿਬ੍ਬਾਨਾਰਮ੍ਮਣਂ ਫਲਸਮਾਪਤ੍ਤਿਂ ਅਪ੍ਪੇਤ੍વਾ વੀਤਿਨਾਮਨਂ વੇਦਿਤਬ੍ਬਂ। ਉਭਤੋਭਾਗવਿਮੁਤ੍ਤਾਦਯੋ ਹੇਟ੍ਠਾ ਪਕਾਸਿਤਾਯੇવਾਤਿ।
Tattha satta jaṅghavāṇijā viya ime satta puggalā. Nadī viya vaṭṭaṃ. Paṭhamassa udakabhīrukassa purisassa otiṇṇaṭṭhāneyeva nimujjanaṃ viya micchādiṭṭhikassa vaṭṭe nimujjanaṃ. Ummujjitvā nimuggapuriso viya saddhādīnaṃ uppattimattakena ummujjitvā tesaṃ parihāniyā nimuggapuggalo. Majjhe nadiyā ṭhito viya saddhādīnaṃ ṭhitiyā ṭhitapuggalo. Uttaraṇatitthaṃ olokento viya gantabbamaggaṃ gantabbadisaṃ vā olokento sotāpanno. Pataritapuriso viya kilesatanutāya pataranto sakadāgāmī. Taritvā kaṭimatte udake ṭhitapuriso viya anāvattitadhammatāya ṭhito anāgāmī. Nhatvā pārimatīraṃ uttaritvā thale ṭhitapuriso viya cattāro oghe atikkamitvā nibbānathale ṭhito khīṇāsavabrāhmaṇo. Thale ṭhitapurisassa nagaraṃ pavisitvā pāsādavaraṃ āruyha uttamabhojanabhuñjanaṃ viya khīṇāsavassa nibbānārammaṇaṃ phalasamāpattiṃ appetvā vītināmanaṃ veditabbaṃ. Ubhatobhāgavimuttādayo heṭṭhā pakāsitāyevāti.
ਸਤ੍ਤਕਨਿਦ੍ਦੇਸવਣ੍ਣਨਾ।
Sattakaniddesavaṇṇanā.
੨੦੭. ਅਟ੍ਠਕਨવਕਨਿਦ੍ਦੇਸਾਪਿ ਹੇਟ੍ਠਾ વੁਤ੍ਤਨਯੇਨੇવ વੇਦਿਤਬ੍ਬਾ।
207. Aṭṭhakanavakaniddesāpi heṭṭhā vuttanayeneva veditabbā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਪੁਗ੍ਗਲਪਞ੍ਞਤ੍ਤਿਪਾਲ਼ਿ • Puggalapaññattipāḷi
੭. ਸਤ੍ਤਕਪੁਗ੍ਗਲਪਞ੍ਞਤ੍ਤਿ • 7. Sattakapuggalapaññatti
੮. ਅਟ੍ਠਕਪੁਗ੍ਗਲਪਞ੍ਞਤ੍ਤਿ • 8. Aṭṭhakapuggalapaññatti
੯. ਨવਕਪੁਗ੍ਗਲਪਞ੍ਞਤ੍ਤਿ • 9. Navakapuggalapaññatti
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੭. ਸਤ੍ਤਕਨਿਦ੍ਦੇਸવਣ੍ਣਨਾ • 7. Sattakaniddesavaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੭. ਸਤ੍ਤਕਨਿਦ੍ਦੇਸવਣ੍ਣਨਾ • 7. Sattakaniddesavaṇṇanā
