| Library / Tipiṭaka / ਤਿਪਿਟਕ • Tipiṭaka / ਸਮ੍ਮੋਹવਿਨੋਦਨੀ-ਅਟ੍ਠਕਥਾ • Sammohavinodanī-aṭṭhakathā |
(੭.) ਸਤ੍ਤਕਨਿਦ੍ਦੇਸવਣ੍ਣਨਾ
(7.) Sattakaniddesavaṇṇanā
੯੪੯. ਸਤ੍ਤਕਨਿਦ੍ਦੇਸੇ ਥਾਮਗਤਟ੍ਠੇਨ ਅਪ੍ਪਹੀਨਟ੍ਠੇਨ ਚ ਅਨੁਸੇਨ੍ਤੀਤਿ ਅਨੁਸਯਾ। વਟ੍ਟਸ੍ਮਿਂ ਸਤ੍ਤੇ ਸਂਯੋਜੇਨ੍ਤਿ ਘਟੇਨ੍ਤੀਤਿ ਸਂਯੋਜਨਾਨਿ। ਸਮੁਦਾਚਾਰવਸੇਨ ਪਰਿਯੁਟ੍ਠਹਨ੍ਤੀਤਿ ਪਰਿਯੁਟ੍ਠਾਨਾਨਿ। ਕਾਮਰਾਗੋવ ਪਰਿਯੁਟ੍ਠਾਨਂ ਕਾਮਰਾਗਪਰਿਯੁਟ੍ਠਾਨਂ। ਸੇਸੇਸੁਪਿ ਏਸੇવ ਨਯੋ।
949. Sattakaniddese thāmagataṭṭhena appahīnaṭṭhena ca anusentīti anusayā. Vaṭṭasmiṃ satte saṃyojenti ghaṭentīti saṃyojanāni. Samudācāravasena pariyuṭṭhahantīti pariyuṭṭhānāni. Kāmarāgova pariyuṭṭhānaṃ kāmarāgapariyuṭṭhānaṃ. Sesesupi eseva nayo.
੯੫੦. ਅਸਤਂ ਧਮ੍ਮਾ, ਲਾਮਕਟ੍ਠੇਨ વਾ ਅਸਨ੍ਤਾ ਧਮ੍ਮਾਤਿ ਅਸਦ੍ਧਮ੍ਮਾ। ਰਾਗਾਦੀਹਿ ਦੋਸੇਹਿ ਦੁਟ੍ਠਾਨਿ ਚਰਿਤਾਨੀਤਿ ਦੁਚ੍ਚਰਿਤਾਨਿ। ਤੇਨ ਤੇਨਾਕਾਰੇਨ ਮਞ੍ਞਨ੍ਤੀਤਿ ਮਾਨਾ।
950. Asataṃ dhammā, lāmakaṭṭhena vā asantā dhammāti asaddhammā. Rāgādīhi dosehi duṭṭhāni caritānīti duccaritāni. Tena tenākārena maññantīti mānā.
੯੫੧. ਦਿਟ੍ਠਿਨਿਦ੍ਦੇਸੇ ਰੂਪੀਤਿ ਰੂਪવਾ। ਚਾਤੁਮਹਾਭੂਤਿਕੋਤਿ ਚਤੁਮਹਾਭੂਤਮਯੋ। ਮਾਤਾਪਿਤੂਨਂ ਏਤਨ੍ਤਿ ਮਾਤਾਪੇਤ੍ਤਿਕਂ। ਕਿਨ੍ਤਂ? ਸੁਕ੍ਕਸੋਣਿਤਂ। ਮਾਤਾਪੇਤ੍ਤਿਕੇ ਸਮ੍ਭੂਤੋ ਜਾਤੋਤਿ ਮਾਤਾਪੇਤ੍ਤਿਕਸਮ੍ਭવੋ। ਇਧ ਰੂਪਕਾਯਸੀਸੇਨ ਮਨੁਸ੍ਸਤ੍ਤਭਾવਂ ਅਤ੍ਤਾਤਿ વਦਤਿ। ਦੁਤਿਯੋ ਤਂ ਪਟਿਕ੍ਖਿਪਿਤ੍વਾ ਦਿਬ੍ਬਤ੍ਤਭਾવਂ વਦਤਿ। ਦਿਬ੍ਬੋਤਿ ਦੇવਲੋਕੇ ਸਮ੍ਭੂਤੋ। ਕਾਮਾવਚਰੋਤਿ ਛਕਾਮਾવਚਰਦੇવਪਰਿਯਾਪਨ੍ਨੋ । ਕਬਲ਼ੀਕਾਰਂ ਭਕ੍ਖਯਤੀਤਿ ਕਬਲ਼ੀਕਾਰਭਕ੍ਖੋ। ਮਨੋਮਯੋਤਿ ਝਾਨਮਨੇਨ ਨਿਬ੍ਬਤ੍ਤੋ। ਸਬ੍ਬਙ੍ਗਪਚ੍ਚਙ੍ਗੀਤਿ ਸਬ੍ਬਙ੍ਗਪਚ੍ਚਙ੍ਗਯੁਤ੍ਤੋ। ਅਹੀਨਿਨ੍ਦ੍ਰਿਯੋਤਿ ਪਰਿਪੁਣ੍ਣਿਨ੍ਦ੍ਰਿਯੋ; ਯਾਨਿ ਬ੍ਰਹ੍ਮਲੋਕੇ ਅਤ੍ਥਿ ਤੇਸਂ વਸੇਨ, ਇਤਰੇਸਞ੍ਚ ਸਣ੍ਠਾਨવਸੇਨੇਤਂ વੁਤ੍ਤਂ। ਆਕਾਸਾਨਞ੍ਚਾਯਤਨੂਪਗੋਤਿ ਆਕਾਸਾਨਞ੍ਚਾਯਤਨਭਾવਂ ਉਪਗਤੋ। ਇਤਰੇਸੁਪਿ ਏਸੇવ ਨਯੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਤ੍ਥਮੇવਾਤਿ।
951. Diṭṭhiniddese rūpīti rūpavā. Cātumahābhūtikoti catumahābhūtamayo. Mātāpitūnaṃ etanti mātāpettikaṃ. Kintaṃ? Sukkasoṇitaṃ. Mātāpettike sambhūto jātoti mātāpettikasambhavo. Idha rūpakāyasīsena manussattabhāvaṃ attāti vadati. Dutiyo taṃ paṭikkhipitvā dibbattabhāvaṃ vadati. Dibboti devaloke sambhūto. Kāmāvacaroti chakāmāvacaradevapariyāpanno . Kabaḷīkāraṃ bhakkhayatīti kabaḷīkārabhakkho. Manomayoti jhānamanena nibbatto. Sabbaṅgapaccaṅgīti sabbaṅgapaccaṅgayutto. Ahīnindriyoti paripuṇṇindriyo; yāni brahmaloke atthi tesaṃ vasena, itaresañca saṇṭhānavasenetaṃ vuttaṃ. Ākāsānañcāyatanūpagoti ākāsānañcāyatanabhāvaṃ upagato. Itaresupi eseva nayo. Sesaṃ sabbattha uttānatthamevāti.
ਸਤ੍ਤਕਨਿਦ੍ਦੇਸવਣ੍ਣਨਾ।
Sattakaniddesavaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / વਿਭਙ੍ਗਪਾਲ਼ਿ • Vibhaṅgapāḷi / ੧੭. ਖੁਦ੍ਦਕવਤ੍ਥੁવਿਭਙ੍ਗੋ • 17. Khuddakavatthuvibhaṅgo
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / વਿਭਙ੍ਗ-ਮੂਲਟੀਕਾ • Vibhaṅga-mūlaṭīkā / ੧੭. ਖੁਦ੍ਦਕવਤ੍ਥੁવਿਭਙ੍ਗੋ • 17. Khuddakavatthuvibhaṅgo
