| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā |
੭. ਸਤ੍ਤਕਨਿਦ੍ਦੇਸવਣ੍ਣਨਾ
7. Sattakaniddesavaṇṇanā
੨੦੩. ਸਦ੍ਧਾ ਨਾਮ ਸਾਧੁਲਦ੍ਧਿਕਾਤਿ ਉਮ੍ਮੁਜ੍ਜਤੀਤਿ ਏਤੇਨ ਕੁਸਲੇਸੁ ਧਮ੍ਮੇਸੁ ਅਨ੍ਤੋਗਧਾ, ਬੋਧਿਪਕ੍ਖਿਯਧਮ੍ਮੇਸੁ વਾ ਅਧਿਮੋਕ੍ਖਭੂਤਾ ਸਦ੍ਧਾ ਸਾਧੂਤਿ ਉਮ੍ਮੁਜ੍ਜਮਾਨਂ ਕੁਸਲਂ ਦਸ੍ਸੇਤਿ, ਏવਂ ਹਿਰੀਯਾਦੀਸੁ ਚ। ਕੁਸਲੇਸੁ ਧਮ੍ਮੇਸੂਤਿ ਏਤ੍ਥ ਭੁਮ੍ਮਨਿਦ੍ਦੇਸੋ ਤਦਨ੍ਤੋਗਧਤਾਯ ਤਦੁਪਕਾਰਤਾਯ વਾ વੇਦਿਤਬ੍ਬੋ। ਏਤ੍ਥ ਚ ਉਮ੍ਮੁਜ੍ਜਤਿ ਸਾਹੁ ਸਦ੍ਧਾ ਕੁਸਲੇਸੁ ਧਮ੍ਮੇਸੂਤਿਆਦਿਨਾ ਸਦ੍ਧਾਦੀਨਂ ਉਮ੍ਮੁਜ੍ਜਨਪਞ੍ਞਾਯ ਸਦ੍ਧਾਦੀਨਂ ਉਪ੍ਪਤ੍ਤਿਂ ਦਸ੍ਸੇਤਿ। ਤੇਨੇવ ‘‘ਤਸ੍ਸ ਸਾ ਸਦ੍ਧਾ ਨੇવ ਤਿਟ੍ਠਤੀ’’ਤਿਆਦਿ વੁਤ੍ਤਂ। ‘‘ਸਾਹੁ ਸਦ੍ਧਾ ਕੁਸਲੇਸੁ ਧਮ੍ਮੇਸੂ’’ਤਿ વਾ ਉਮ੍ਮੁਜ੍ਜਨਸ੍ਸ ਉਪਕਾਰਕਂ ਆਨਿਸਂਸਦਸ੍ਸਨਂ વਤ੍વਾ ‘‘ਉਮ੍ਮੁਜ੍ਜਤੀ’’ਤਿ ਏਤੇਨ ਸਦ੍ਧਾਸਙ੍ਖਾਤਮੇવ ਉਮ੍ਮੁਜ੍ਜਨਂ ਦਸ੍ਸਿਤਨ੍ਤਿ વੇਦਿਤਬ੍ਬਂ। ਚਙ੍ਕવਾਰੇਤਿ ਰਜਕਾਨਂ ਖਾਰਪਰਿਸਾવਨੇ। ਏਕਕਮ੍ਮਨਿਬ੍ਬਤ੍ਤਾ ਪਟਿਸਨ੍ਧਿਭવਙ੍ਗਚੁਤਿਸਨ੍ਤਤਿ ਏਕੋ ਚਿਤ੍ਤવਾਰੋਤਿ ਚੁਤਿਤੋ ਅਨਨ੍ਤਰੋ ਯਥਾਗਹਿਤੋ ਦੁਤਿਯੋ ਹੋਤੀਤਿ ਆਹ ‘‘ਦੁਤਿਯਚਿਤ੍ਤવਾਰੇਨਾ’’ਤਿ। ਉਮ੍ਮੁਜ੍ਜਿਤ੍વਾ ਠਿਤਾਦਯੋ ਚਤ੍ਤਾਰੋ ਤਾਯ ਤਾਯ ਜਾਤਿਯਾ ਅਰਹਤ੍ਤਂ ਅਸਚ੍ਛਿਕਰੋਨ੍ਤਾ ਅਨੇਕੇ ਪੁਗ੍ਗਲਾ વੇਦਿਤਬ੍ਬਾ, ਸਚ੍ਛਿਕਰੋਨ੍ਤੋ ਪਨ ਏਕੋਪਿ ਪੁਬ੍ਬਭਾਗੇ ਤਤਿਯਪੁਗ੍ਗਲਾਦਿਭਾવਂ ਆਪਜ੍ਜਿਤ੍વਾ ਅਨ੍ਤੇ ਸਤ੍ਤਮਪੁਗ੍ਗਲੋ ਹੋਤੀਤਿ।
203. Saddhānāma sādhuladdhikāti ummujjatīti etena kusalesu dhammesu antogadhā, bodhipakkhiyadhammesu vā adhimokkhabhūtā saddhā sādhūti ummujjamānaṃ kusalaṃ dasseti, evaṃ hirīyādīsu ca. Kusalesu dhammesūti ettha bhummaniddeso tadantogadhatāya tadupakāratāya vā veditabbo. Ettha ca ummujjati sāhu saddhā kusalesu dhammesūtiādinā saddhādīnaṃ ummujjanapaññāya saddhādīnaṃ uppattiṃ dasseti. Teneva ‘‘tassa sā saddhā neva tiṭṭhatī’’tiādi vuttaṃ. ‘‘Sāhu saddhā kusalesu dhammesū’’ti vā ummujjanassa upakārakaṃ ānisaṃsadassanaṃ vatvā ‘‘ummujjatī’’ti etena saddhāsaṅkhātameva ummujjanaṃ dassitanti veditabbaṃ. Caṅkavāreti rajakānaṃ khāraparisāvane. Ekakammanibbattā paṭisandhibhavaṅgacutisantati eko cittavāroti cutito anantaro yathāgahito dutiyo hotīti āha ‘‘dutiyacittavārenā’’ti. Ummujjitvā ṭhitādayo cattāro tāya tāya jātiyā arahattaṃ asacchikarontā aneke puggalā veditabbā, sacchikaronto pana ekopi pubbabhāge tatiyapuggalādibhāvaṃ āpajjitvā ante sattamapuggalo hotīti.
ਸਤ੍ਤਕਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Sattakaniddesavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਪੁਗ੍ਗਲਪਞ੍ਞਤ੍ਤਿਪਾਲ਼ਿ • Puggalapaññattipāḷi / ੭. ਸਤ੍ਤਕਪੁਗ੍ਗਲਪਞ੍ਞਤ੍ਤਿ • 7. Sattakapuggalapaññatti
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੭. ਸਤ੍ਤਕਨਿਦ੍ਦੇਸવਣ੍ਣਨਾ • 7. Sattakaniddesavaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੭. ਸਤ੍ਤਕਨਿਦ੍ਦੇਸવਣ੍ਣਨਾ • 7. Sattakaniddesavaṇṇanā
