| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
сад̇д̇агаваараван̣н̣анаа
Sattakavāravaṇṇanā
327. сад̇д̇агзсу – сад̇д̇а саамийжияод̇и буб̣б̣з вуд̇д̇зсу часу ‘‘саа жа бхигкуний анаб̣бхид̇аа, д̇аа жа бхигкунияо г̇аараяхаа, аяам̣ д̇ад̇т̇а саамийжий’’д̇и имам̣ багкибид̇ваа сад̇д̇а взд̣̇ид̇аб̣б̣аа. сад̇д̇а ад̇хаммигаа бадин̃н̃аад̇агаран̣аад̇и ‘‘бхигку баарааж̇игам̣ аж̇жхаабанно ход̇и, баарааж̇игзна жод̣̇ияамаано ‘сан̇гхаад̣̇исзсам̣ аж̇жхаабанномхий’д̇и бадиж̇аанаад̇и, д̇ам̣ сан̇гхо сан̇гхаад̣̇исзсзна гаарзд̇и, ад̇хаммигам̣ бадин̃н̃аад̇агаран̣а’’нд̇и звам̣ самат̇агканд̇хагз нид̣̇д̣̇идтаа. д̇хаммигааби д̇ад̇т̇зва нид̣̇д̣̇идтаа. сад̇д̇аннам̣ анаабад̇д̇и сад̇д̇аахагаран̣ийязна г̇анд̇унд̇и вассуубанааяигагканд̇хагз вуд̇д̇ам̣ . сад̇д̇аанисам̣саа винаяад̇харзд̇и ‘‘д̇ассаад̇хзяяо убосат̇о бавааран̣аа’’д̇и имзхи сад̣̇д̇хим̣ бан̃жагз вуд̇д̇аа бан̃жа сад̇д̇а хонд̇и. сад̇д̇а барамаанийд̇и чаггз вуд̇д̇ааниязва сад̇д̇агавасзна яож̇зд̇аб̣б̣аани. гад̇ажийваранд̇иаад̣̇ийни д̣̇вз сад̇д̇агаани гат̇инагканд̇хагз нид̣̇д̣̇идтаани.
327. Sattakesu – satta sāmīciyoti pubbe vuttesu chasu ‘‘sā ca bhikkhunī anabbhitā, tā ca bhikkhuniyo gārayhā, ayaṃ tattha sāmīcī’’ti imaṃ pakkhipitvā satta veditabbā. Satta adhammikā paṭiññātakaraṇāti ‘‘bhikkhu pārājikaṃ ajjhāpanno hoti, pārājikena codiyamāno ‘saṅghādisesaṃ ajjhāpannomhī’ti paṭijānāti, taṃ saṅgho saṅghādisesena kāreti, adhammikaṃ paṭiññātakaraṇa’’nti evaṃ samathakkhandhake niddiṭṭhā. Dhammikāpi tattheva niddiṭṭhā. Sattannaṃ anāpatti sattāhakaraṇīyena gantunti vassūpanāyikakkhandhake vuttaṃ . Sattānisaṃsā vinayadhareti ‘‘tassādheyyo uposatho pavāraṇā’’ti imehi saddhiṃ pañcake vuttā pañca satta honti. Satta paramānīti chakke vuttāniyeva sattakavasena yojetabbāni. Katacīvarantiādīni dve sattakāni kathinakkhandhake niddiṭṭhāni.
бхигкусса на ход̇и аабад̇д̇и д̣̇адтаб̣б̣аа, бхигкусса ход̇и аабад̇д̇и д̣̇адтаб̣б̣аа, бхигкусса ход̇и аабад̇д̇и бадигаад̇аб̣б̣аад̇и имаани д̇ийн̣и сад̇д̇агаани, д̣̇вз ад̇хаммигаани, згам̣ д̇хаммигам̣; д̇аани д̇ийн̣иби жамбзяяагз нид̣̇д̣̇идтаани. асад̣̇д̇хаммаад̇и асад̇ам̣ д̇хаммаа, асанд̇о ваа д̇хаммаа; асобханаа хийнаа лаамагаад̇и ад̇т̇о. сад̣̇д̇хаммаад̇и сад̇ам̣ б̣уд̣̇д̇хаад̣̇ийнам̣ д̇хаммаа; санд̇о ваа д̇хаммаа сунд̣̇араа уд̇д̇амаад̇и ад̇т̇о. сзсам̣ саб̣б̣ад̇т̇а уд̇д̇аанамзваад̇и.
Bhikkhussa na hoti āpatti daṭṭhabbā, bhikkhussa hoti āpatti daṭṭhabbā, bhikkhussa hoti āpatti paṭikātabbāti imāni tīṇi sattakāni, dve adhammikāni, ekaṃ dhammikaṃ; tāni tīṇipi campeyyake niddiṭṭhāni. Asaddhammāti asataṃ dhammā, asanto vā dhammā; asobhanā hīnā lāmakāti attho. Saddhammāti sataṃ buddhādīnaṃ dhammā; santo vā dhammā sundarā uttamāti attho. Sesaṃ sabbattha uttānamevāti.
сад̇д̇агаваараван̣н̣анаа нидтид̇аа.
Sattakavāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 7. сад̇д̇агавааро • 7. Sattakavāro
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сад̇д̇агаваараван̣н̣анаа • Sattakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / сад̇д̇агаваараван̣н̣анаа • Sattakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / згуд̇д̇ариганаяо сад̇д̇агаваараван̣н̣анаа • Ekuttarikanayo sattakavāravaṇṇanā
