| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
сад̇д̇агаваараван̣н̣анаа
Sattakavāravaṇṇanā
327. сад̇д̇агзсу чаггз вуд̇д̇ааниязва сад̇д̇агавасзна яож̇зд̇аб̣б̣аанийд̇и чаггз вуд̇д̇ажуд̣̇д̣̇асабарамаани д̣̇вид̇хаа гад̇ваа д̣̇виннам̣ сад̇д̇агаанам̣ васзна яож̇зд̇аб̣б̣аани.
327. Sattakesu chakke vuttāniyeva sattakavasena yojetabbānīti chakke vuttacuddasaparamāni dvidhā katvā dvinnaṃ sattakānaṃ vasena yojetabbāni.
аабад̇д̇им̣ ж̇аанаад̇ийд̇и аабад̇д̇им̣язва ‘‘аабад̇д̇ий’’д̇и ж̇аанаад̇и. сзсабад̣̇зсуби зсзва наяо. аабхижзд̇асигаананд̇и зд̇т̇а (ма. ни. адта. 1.66) абхижзд̇од̇и баагад̇игагаамааважаражид̇д̇зхи сунд̣̇арад̇ааяа бадибагкад̇о висуд̣̇д̇хад̇д̇аа жа абхигганд̇ам̣ висуд̣̇д̇хажид̇д̇ам̣ вужжад̇и, убажаараж̇жхаанажид̇д̇ассзд̇ам̣ ад̇хиважанам̣. абхижзд̇аси ж̇аад̇аани аабхижзд̇асигаани, абхижзд̇осанниссид̇аанийд̇и ваа аабхижзд̇асигаани. д̣̇идтад̇хаммасукавихаараананд̇и д̣̇идтад̇хаммз сукавихаараанам̣. д̣̇идтад̇хаммод̇и бажжагко ад̇д̇абхааво вужжад̇и, д̇ад̇т̇а сукавихаарабхууд̇аананд̇и ад̇т̇о. руубааважараж̇жхаанаанамзд̇ам̣ ад̇хиважанам̣. д̇аани хи аббзд̇ваа нисиннаа жхааяино имасмин̃н̃зва ад̇д̇абхаавз асам̣гилидтам̣ нзгкаммасукам̣ винд̣̇анд̇и, д̇асмаа ‘‘д̣̇идтад̇хаммасукавихаарааний’’д̇и вужжанд̇и. нигаамалаабхийд̇и нигаамзна лаабхий, ад̇д̇ано ижчаавасзна лаабхий, ижчид̇ижчид̇агкан̣з самаабаж̇ж̇ид̇ум̣ самад̇т̇од̇и вуд̇д̇ам̣ ход̇и. агижчалаабхийд̇и сукзнзва бажжанийгад̇хаммз вигкамбхзд̇ваа самаабаж̇ж̇ид̇ум̣ самад̇т̇од̇и вуд̇д̇ам̣ ход̇и. агасиралаабхийд̇и агасираанам̣ лаабхий вибулаанам̣, яат̇аабарижчзд̣̇знзва вудтаад̇ум̣ самад̇т̇од̇и вуд̇д̇ам̣ ход̇и. згажжо хи лаабхийязва ход̇и, на бана саггод̇и ижчид̇ижчид̇агкан̣з самаабаж̇ж̇ид̇ум̣. згажжо саггод̇и д̇ат̇аа самаабаж̇ж̇ид̇ум̣, баарибант̇игз бана гижчзна вигкамбхзд̇и. згажжо д̇ат̇аа жа самаабаж̇ж̇ад̇и, баарибант̇игз жа агижчзнзва вигкамбхзд̇и, на саггод̇и гааламаананаал̣игаяанд̇ам̣ вияа яат̇аабарижчзд̣̇зязва вудтаад̇ум̣.
Āpattiṃ jānātīti āpattiṃyeva ‘‘āpattī’’ti jānāti. Sesapadesupi eseva nayo. Ābhicetasikānanti ettha (ma. ni. aṭṭha. 1.66) abhicetoti pākatikakāmāvacaracittehi sundaratāya paṭipakkhato visuddhattā ca abhikkantaṃ visuddhacittaṃ vuccati, upacārajjhānacittassetaṃ adhivacanaṃ. Abhicetasi jātāni ābhicetasikāni, abhicetosannissitānīti vā ābhicetasikāni. Diṭṭhadhammasukhavihārānanti diṭṭhadhamme sukhavihārānaṃ. Diṭṭhadhammoti paccakkho attabhāvo vuccati, tattha sukhavihārabhūtānanti attho. Rūpāvacarajjhānānametaṃ adhivacanaṃ. Tāni hi appetvā nisinnā jhāyino imasmiññeva attabhāve asaṃkiliṭṭhaṃ nekkhammasukhaṃ vindanti, tasmā ‘‘diṭṭhadhammasukhavihārānī’’ti vuccanti. Nikāmalābhīti nikāmena lābhī, attano icchāvasena lābhī, icchiticchitakkhaṇe samāpajjituṃ samatthoti vuttaṃ hoti. Akicchalābhīti sukheneva paccanīkadhamme vikkhambhetvā samāpajjituṃ samatthoti vuttaṃ hoti. Akasiralābhīti akasirānaṃ lābhī vipulānaṃ, yathāparicchedeneva vuṭṭhātuṃ samatthoti vuttaṃ hoti. Ekacco hi lābhīyeva hoti, na pana sakkoti icchiticchitakkhaṇe samāpajjituṃ. Ekacco sakkoti tathā samāpajjituṃ, pāripanthike pana kicchena vikkhambheti. Ekacco tathā ca samāpajjati, pāripanthike ca akiccheneva vikkhambheti, na sakkoti kālamānanāḷikayantaṃ viya yathāparicchedeyeva vuṭṭhātuṃ.
аасаваанам̣ каяаад̇и арахад̇д̇амаг̇г̇зна саб̣б̣агилзсаанам̣ каяаа. анаасаванд̇и аасававирахид̇ам̣. жзд̇овимуд̇д̇им̣ бан̃н̃аавимуд̇д̇инд̇и зд̇т̇а жзд̇о-важанзна арахад̇д̇апаласамбаяуд̇д̇о самаад̇хи, бан̃н̃аа-важанзна д̇ам̣самбаяуд̇д̇аа жа бан̃н̃аа вуд̇д̇аа. д̇ад̇т̇а жа самаад̇хи рааг̇ад̇о вимуд̇д̇ад̇д̇аа жзд̇овимуд̇д̇и, бан̃н̃аа авиж̇ж̇ааяа вимуд̇д̇ад̇д̇аа бан̃н̃аавимуд̇д̇ийд̇и взд̣̇ид̇аб̣б̣аа. вуд̇д̇ан̃хзд̇ам̣ бхаг̇авад̇аа ‘‘яо хисса, бхигкавз, самаад̇хи, д̇ад̣̇асса самаад̇хинд̣̇рияам̣ (сам̣. ни. 5.520). яаа хисса, бхигкавз, бан̃н̃аа, д̇ад̣̇асса бан̃н̃инд̣̇рияам̣ (сам̣. ни. 5.516). ид̇и ко, бхигкавз, рааг̇авирааг̇аа жзд̇овимуд̇д̇и авиж̇ж̇аавирааг̇аа бан̃н̃аавимуд̇д̇ий’’д̇и (а. ни. 2.32). абижзд̇т̇а самат̇апалам̣ жзд̇овимуд̇д̇и, вибассанаапалам̣ бан̃н̃аавимуд̇д̇ийд̇и взд̣̇ид̇аб̣б̣аад̇и. д̣̇идтзва д̇хаммзд̇и имасмим̣язва ад̇д̇абхаавз. саяам̣ абхин̃н̃аа сажчигад̇ваад̇и ад̇д̇анааязва бан̃н̃ааяа бажжагкам̣ гад̇ваа, абараббажжаязна н̃ад̇ваад̇и ад̇т̇о. суд̇амаяан̃аан̣аад̣̇инаа вияа бараббажжаяад̇ам̣ наяаг̇г̇аахан̃жа мун̃жид̇ваа барад̇огхосаануг̇ад̇абхааванаад̇хиг̇амабхууд̇ааяа ад̇д̇аноязва бан̃н̃ааяа бажжагкам̣ гад̇ваа, на саяамбхуун̃аан̣абхууд̇ааяаад̇и ад̇хиббааяо. убасамбаж̇ж̇а вихарад̇ийд̇и баабун̣ид̇ваа самбаад̣̇зд̇ваа вихарад̇и.
Āsavānaṃ khayāti arahattamaggena sabbakilesānaṃ khayā. Anāsavanti āsavavirahitaṃ. Cetovimuttiṃ paññāvimuttinti ettha ceto-vacanena arahattaphalasampayutto samādhi, paññā-vacanena taṃsampayuttā ca paññā vuttā. Tattha ca samādhi rāgato vimuttattā cetovimutti, paññā avijjāya vimuttattā paññāvimuttīti veditabbā. Vuttañhetaṃ bhagavatā ‘‘yo hissa, bhikkhave, samādhi, tadassa samādhindriyaṃ (saṃ. ni. 5.520). Yā hissa, bhikkhave, paññā, tadassa paññindriyaṃ (saṃ. ni. 5.516). Iti kho, bhikkhave, rāgavirāgā cetovimutti avijjāvirāgā paññāvimuttī’’ti (a. ni. 2.32). Apicettha samathaphalaṃ cetovimutti, vipassanāphalaṃ paññāvimuttīti veditabbāti. Diṭṭheva dhammeti imasmiṃyeva attabhāve. Sayaṃ abhiññā sacchikatvāti attanāyeva paññāya paccakkhaṃ katvā, aparappaccayena ñatvāti attho. Sutamayañāṇādinā viya parappaccayataṃ nayaggāhañca muñcitvā paratoghosānugatabhāvanādhigamabhūtāya attanoyeva paññāya paccakkhaṃ katvā, na sayambhūñāṇabhūtāyāti adhippāyo. Upasampajja viharatīti pāpuṇitvā sampādetvā viharati.
сад̇д̇агаваараван̣н̣анаа нидтид̇аа.
Sattakavāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 7. сад̇д̇агавааро • 7. Sattakavāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / сад̇д̇агаваараван̣н̣анаа • Sattakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / сад̇д̇агаваараван̣н̣анаа • Sattakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / згуд̇д̇ариганаяо сад̇д̇агаваараван̣н̣анаа • Ekuttarikanayo sattakavāravaṇṇanā
