| Library / Tipiṭaka / ติปิฎก • Tipiṭaka / ปริวาร-อฎฺฐกถา • Parivāra-aṭṭhakathā |
สตฺตกวารวณฺณนา
Sattakavāravaṇṇanā
๓๒๗. สตฺตเกสุ – สตฺต สามีจิโยติ ปุเพฺพ วุเตฺตสุ ฉสุ ‘‘สา จ ภิกฺขุนี อนพฺภิตา, ตา จ ภิกฺขุนิโย คารยฺหา, อยํ ตตฺถ สามีจี’’ติ อิมํ ปกฺขิปิตฺวา สตฺต เวทิตพฺพาฯ สตฺต อธมฺมิกา ปฎิญฺญาตกรณาติ ‘‘ภิกฺขุ ปาราชิกํ อชฺฌาปโนฺน โหติ, ปาราชิเกน โจทิยมาโน ‘สงฺฆาทิเสสํ อชฺฌาปโนฺนมฺหี’ติ ปฎิชานาติ, ตํ สโงฺฆ สงฺฆาทิเสเสน กาเรติ, อธมฺมิกํ ปฎิญฺญาตกรณ’’นฺติ เอวํ สมถกฺขนฺธเก นิทฺทิฎฺฐาฯ ธมฺมิกาปิ ตเตฺถว นิทฺทิฎฺฐาฯ สตฺตนฺนํ อนาปตฺติ สตฺตาหกรณีเยน คนฺตุนฺติ วสฺสูปนายิกกฺขนฺธเก วุตฺตํ ฯ สตฺตานิสํสา วินยธเรติ ‘‘ตสฺสาเธโยฺย อุโปสโถ ปวารณา’’ติ อิเมหิ สทฺธิํ ปญฺจเก วุตฺตา ปญฺจ สตฺต โหนฺติฯ สตฺต ปรมานีติ ฉเกฺก วุตฺตานิเยว สตฺตกวเสน โยเชตพฺพานิฯ กตจีวรนฺติอาทีนิ เทฺว สตฺตกานิ กถินกฺขนฺธเก นิทฺทิฎฺฐานิฯ
327. Sattakesu – satta sāmīciyoti pubbe vuttesu chasu ‘‘sā ca bhikkhunī anabbhitā, tā ca bhikkhuniyo gārayhā, ayaṃ tattha sāmīcī’’ti imaṃ pakkhipitvā satta veditabbā. Satta adhammikā paṭiññātakaraṇāti ‘‘bhikkhu pārājikaṃ ajjhāpanno hoti, pārājikena codiyamāno ‘saṅghādisesaṃ ajjhāpannomhī’ti paṭijānāti, taṃ saṅgho saṅghādisesena kāreti, adhammikaṃ paṭiññātakaraṇa’’nti evaṃ samathakkhandhake niddiṭṭhā. Dhammikāpi tattheva niddiṭṭhā. Sattannaṃ anāpatti sattāhakaraṇīyena gantunti vassūpanāyikakkhandhake vuttaṃ . Sattānisaṃsā vinayadhareti ‘‘tassādheyyo uposatho pavāraṇā’’ti imehi saddhiṃ pañcake vuttā pañca satta honti. Satta paramānīti chakke vuttāniyeva sattakavasena yojetabbāni. Katacīvarantiādīni dve sattakāni kathinakkhandhake niddiṭṭhāni.
ภิกฺขุสฺส น โหติ อาปตฺติ ทฎฺฐพฺพา, ภิกฺขุสฺส โหติ อาปตฺติ ทฎฺฐพฺพา, ภิกฺขุสฺส โหติ อาปตฺติ ปฎิกาตพฺพาติ อิมานิ ตีณิ สตฺตกานิ, เทฺว อธมฺมิกานิ, เอกํ ธมฺมิกํ; ตานิ ตีณิปิ จเมฺปยฺยเก นิทฺทิฎฺฐานิฯ อสทฺธมฺมาติ อสตํ ธมฺมา, อสโนฺต วา ธมฺมา; อโสภนา หีนา ลามกาติ อโตฺถฯ สทฺธมฺมาติ สตํ พุทฺธาทีนํ ธมฺมา; สโนฺต วา ธมฺมา สุนฺทรา อุตฺตมาติ อโตฺถฯ เสสํ สพฺพตฺถ อุตฺตานเมวาติฯ
Bhikkhussa na hoti āpatti daṭṭhabbā, bhikkhussa hoti āpatti daṭṭhabbā, bhikkhussa hoti āpatti paṭikātabbāti imāni tīṇi sattakāni, dve adhammikāni, ekaṃ dhammikaṃ; tāni tīṇipi campeyyake niddiṭṭhāni. Asaddhammāti asataṃ dhammā, asanto vā dhammā; asobhanā hīnā lāmakāti attho. Saddhammāti sataṃ buddhādīnaṃ dhammā; santo vā dhammā sundarā uttamāti attho. Sesaṃ sabbattha uttānamevāti.
สตฺตกวารวณฺณนา นิฎฺฐิตาฯ
Sattakavāravaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ปริวารปาฬิ • Parivārapāḷi / ๗. สตฺตกวาโร • 7. Sattakavāro
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / สตฺตกวารวณฺณนา • Sattakavāravaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / สตฺตกวารวณฺณนา • Sattakavāravaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / เอกุตฺตริกนโย สตฺตกวารวณฺณนา • Ekuttarikanayo sattakavāravaṇṇanā
