| Library / Tipiṭaka / ਤਿਪਿਟਕ • Tipiṭaka / ਪਰਿવਾਰ-ਅਟ੍ਠਕਥਾ • Parivāra-aṭṭhakathā |
ਸਤ੍ਤਕવਾਰવਣ੍ਣਨਾ
Sattakavāravaṇṇanā
੩੨੭. ਸਤ੍ਤਕੇਸੁ – ਸਤ੍ਤ ਸਾਮੀਚਿਯੋਤਿ ਪੁਬ੍ਬੇ વੁਤ੍ਤੇਸੁ ਛਸੁ ‘‘ਸਾ ਚ ਭਿਕ੍ਖੁਨੀ ਅਨਬ੍ਭਿਤਾ, ਤਾ ਚ ਭਿਕ੍ਖੁਨਿਯੋ ਗਾਰਯ੍ਹਾ, ਅਯਂ ਤਤ੍ਥ ਸਾਮੀਚੀ’’ਤਿ ਇਮਂ ਪਕ੍ਖਿਪਿਤ੍વਾ ਸਤ੍ਤ વੇਦਿਤਬ੍ਬਾ। ਸਤ੍ਤ ਅਧਮ੍ਮਿਕਾ ਪਟਿਞ੍ਞਾਤਕਰਣਾਤਿ ‘‘ਭਿਕ੍ਖੁ ਪਾਰਾਜਿਕਂ ਅਜ੍ਝਾਪਨ੍ਨੋ ਹੋਤਿ, ਪਾਰਾਜਿਕੇਨ ਚੋਦਿਯਮਾਨੋ ‘ਸਙ੍ਘਾਦਿਸੇਸਂ ਅਜ੍ਝਾਪਨ੍ਨੋਮ੍ਹੀ’ਤਿ ਪਟਿਜਾਨਾਤਿ, ਤਂ ਸਙ੍ਘੋ ਸਙ੍ਘਾਦਿਸੇਸੇਨ ਕਾਰੇਤਿ, ਅਧਮ੍ਮਿਕਂ ਪਟਿਞ੍ਞਾਤਕਰਣ’’ਨ੍ਤਿ ਏવਂ ਸਮਥਕ੍ਖਨ੍ਧਕੇ ਨਿਦ੍ਦਿਟ੍ਠਾ। ਧਮ੍ਮਿਕਾਪਿ ਤਤ੍ਥੇવ ਨਿਦ੍ਦਿਟ੍ਠਾ। ਸਤ੍ਤਨ੍ਨਂ ਅਨਾਪਤ੍ਤਿ ਸਤ੍ਤਾਹਕਰਣੀਯੇਨ ਗਨ੍ਤੁਨ੍ਤਿ વਸ੍ਸੂਪਨਾਯਿਕਕ੍ਖਨ੍ਧਕੇ વੁਤ੍ਤਂ । ਸਤ੍ਤਾਨਿਸਂਸਾ વਿਨਯਧਰੇਤਿ ‘‘ਤਸ੍ਸਾਧੇਯ੍ਯੋ ਉਪੋਸਥੋ ਪવਾਰਣਾ’’ਤਿ ਇਮੇਹਿ ਸਦ੍ਧਿਂ ਪਞ੍ਚਕੇ વੁਤ੍ਤਾ ਪਞ੍ਚ ਸਤ੍ਤ ਹੋਨ੍ਤਿ। ਸਤ੍ਤ ਪਰਮਾਨੀਤਿ ਛਕ੍ਕੇ વੁਤ੍ਤਾਨਿਯੇવ ਸਤ੍ਤਕવਸੇਨ ਯੋਜੇਤਬ੍ਬਾਨਿ। ਕਤਚੀવਰਨ੍ਤਿਆਦੀਨਿ ਦ੍વੇ ਸਤ੍ਤਕਾਨਿ ਕਥਿਨਕ੍ਖਨ੍ਧਕੇ ਨਿਦ੍ਦਿਟ੍ਠਾਨਿ।
327. Sattakesu – satta sāmīciyoti pubbe vuttesu chasu ‘‘sā ca bhikkhunī anabbhitā, tā ca bhikkhuniyo gārayhā, ayaṃ tattha sāmīcī’’ti imaṃ pakkhipitvā satta veditabbā. Satta adhammikā paṭiññātakaraṇāti ‘‘bhikkhu pārājikaṃ ajjhāpanno hoti, pārājikena codiyamāno ‘saṅghādisesaṃ ajjhāpannomhī’ti paṭijānāti, taṃ saṅgho saṅghādisesena kāreti, adhammikaṃ paṭiññātakaraṇa’’nti evaṃ samathakkhandhake niddiṭṭhā. Dhammikāpi tattheva niddiṭṭhā. Sattannaṃ anāpatti sattāhakaraṇīyena gantunti vassūpanāyikakkhandhake vuttaṃ . Sattānisaṃsā vinayadhareti ‘‘tassādheyyo uposatho pavāraṇā’’ti imehi saddhiṃ pañcake vuttā pañca satta honti. Satta paramānīti chakke vuttāniyeva sattakavasena yojetabbāni. Katacīvarantiādīni dve sattakāni kathinakkhandhake niddiṭṭhāni.
ਭਿਕ੍ਖੁਸ੍ਸ ਨ ਹੋਤਿ ਆਪਤ੍ਤਿ ਦਟ੍ਠਬ੍ਬਾ, ਭਿਕ੍ਖੁਸ੍ਸ ਹੋਤਿ ਆਪਤ੍ਤਿ ਦਟ੍ਠਬ੍ਬਾ, ਭਿਕ੍ਖੁਸ੍ਸ ਹੋਤਿ ਆਪਤ੍ਤਿ ਪਟਿਕਾਤਬ੍ਬਾਤਿ ਇਮਾਨਿ ਤੀਣਿ ਸਤ੍ਤਕਾਨਿ, ਦ੍વੇ ਅਧਮ੍ਮਿਕਾਨਿ, ਏਕਂ ਧਮ੍ਮਿਕਂ; ਤਾਨਿ ਤੀਣਿਪਿ ਚਮ੍ਪੇਯ੍ਯਕੇ ਨਿਦ੍ਦਿਟ੍ਠਾਨਿ। ਅਸਦ੍ਧਮ੍ਮਾਤਿ ਅਸਤਂ ਧਮ੍ਮਾ, ਅਸਨ੍ਤੋ વਾ ਧਮ੍ਮਾ; ਅਸੋਭਨਾ ਹੀਨਾ ਲਾਮਕਾਤਿ ਅਤ੍ਥੋ। ਸਦ੍ਧਮ੍ਮਾਤਿ ਸਤਂ ਬੁਦ੍ਧਾਦੀਨਂ ਧਮ੍ਮਾ; ਸਨ੍ਤੋ વਾ ਧਮ੍ਮਾ ਸੁਨ੍ਦਰਾ ਉਤ੍ਤਮਾਤਿ ਅਤ੍ਥੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
Bhikkhussa na hoti āpatti daṭṭhabbā, bhikkhussa hoti āpatti daṭṭhabbā, bhikkhussa hoti āpatti paṭikātabbāti imāni tīṇi sattakāni, dve adhammikāni, ekaṃ dhammikaṃ; tāni tīṇipi campeyyake niddiṭṭhāni. Asaddhammāti asataṃ dhammā, asanto vā dhammā; asobhanā hīnā lāmakāti attho. Saddhammāti sataṃ buddhādīnaṃ dhammā; santo vā dhammā sundarā uttamāti attho. Sesaṃ sabbattha uttānamevāti.
ਸਤ੍ਤਕવਾਰવਣ੍ਣਨਾ ਨਿਟ੍ਠਿਤਾ।
Sattakavāravaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੭. ਸਤ੍ਤਕવਾਰੋ • 7. Sattakavāro
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਸਤ੍ਤਕવਾਰવਣ੍ਣਨਾ • Sattakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਸਤ੍ਤਕવਾਰવਣ੍ਣਨਾ • Sattakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਏਕੁਤ੍ਤਰਿਕਨਯੋ ਸਤ੍ਤਕવਾਰવਣ੍ਣਨਾ • Ekuttarikanayo sattakavāravaṇṇanā
