| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
5. сад̇д̇агкад̇д̇убарамагат̇ааван̣н̣анаа
5. Sattakkhattuparamakathāvaṇṇanā
541-545. ид̣̇аани сад̇д̇агкад̇д̇убарамагат̇аа наама ход̇и, д̇ад̇т̇а яасмаа ‘‘сад̇д̇агкад̇д̇убарамо’’д̇и вуд̇д̇ам̣, д̇асмаа ‘‘сад̇д̇агкад̇д̇убарамо буг̇г̇ало сад̇д̇агкад̇д̇убарамад̇ааяа нияад̇о’’д̇и язсам̣ лад̣̇д̇хи, сзяяат̇ааби уд̇д̇араабат̇агаанам̣; д̇зсам̣ табзд̇ваа ‘‘арияамаг̇г̇ам̣ ан̃н̃о д̇асса нияамо над̇т̇и, язна со сад̇д̇агкад̇д̇убарамад̇ааяа нияад̇о бхавзяяаа’’д̇и имам̣ вибхааг̇ам̣ д̣̇ассзд̇ум̣ бужчаа сагаваад̣̇исса, бадин̃н̃аа ид̇арасса.
641-645. Idāni sattakkhattuparamakathā nāma hoti, tattha yasmā ‘‘sattakkhattuparamo’’ti vuttaṃ, tasmā ‘‘sattakkhattuparamo puggalo sattakkhattuparamatāya niyato’’ti yesaṃ laddhi, seyyathāpi uttarāpathakānaṃ; tesaṃ ṭhapetvā ‘‘ariyamaggaṃ añño tassa niyamo natthi, yena so sattakkhattuparamatāya niyato bhaveyyā’’ti imaṃ vibhāgaṃ dassetuṃ pucchā sakavādissa, paṭiññā itarassa.
маад̇аа ж̇ийвид̇аад̇иаад̣̇ийсу аяамад̇хиббааяо – д̣̇вз нияаамаа саммад̇д̇анияаамо жа мижчад̇д̇анияаамо жа. саммад̇д̇анияаамо арияамаг̇г̇о. со авинибаад̇ад̇хаммад̇ан̃жзва палуббад̇д̇ин̃жа нияамзд̇и. мижчад̇д̇анияаамо аананд̇арияагаммам̣. д̇ам̣ ананд̇араа нираяуубабад̇д̇им̣ нияамзд̇и. д̇ад̇т̇а сад̇д̇агкад̇д̇убарамо сод̇аабад̇д̇имаг̇г̇зна авинибаад̇ад̇хаммад̇ааяа жа палуббад̇д̇ияаа жа нияамид̇о. сзсамаг̇г̇анияаамо банасса над̇т̇и анад̇хиг̇ад̇ад̇д̇аа, аананд̇арияамби гаад̇ум̣ со абхаб̣б̣о. д̇вам̣ банасса нияаамам̣ ижчаси, д̇зна д̇ам̣ вад̣̇аама – ‘‘гим̣ д̇з со иминаа мижчад̇д̇анияаамзна нияамид̇о’’д̇и.
Mātā jīvitātiādīsu ayamadhippāyo – dve niyāmā sammattaniyāmo ca micchattaniyāmo ca. Sammattaniyāmo ariyamaggo. So avinipātadhammatañceva phaluppattiñca niyameti. Micchattaniyāmo ānantariyakammaṃ. Taṃ anantarā nirayūpapattiṃ niyameti. Tattha sattakkhattuparamo sotāpattimaggena avinipātadhammatāya ca phaluppattiyā ca niyamito. Sesamagganiyāmo panassa natthi anadhigatattā, ānantariyampi kātuṃ so abhabbo. Tvaṃ panassa niyāmaṃ icchasi, tena taṃ vadāma – ‘‘kiṃ te so iminā micchattaniyāmena niyamito’’ti.
абхаб̣б̣о анд̇араад̇и бан̃хзсу аананд̇арияаабхаавам̣ санд̇хааяа бадигкибад̇и, сад̇д̇агкад̇д̇убарамам̣ санд̇хааяа бадиж̇аанаад̇и. ад̇т̇и со нияаамод̇и бан̃хз сад̇д̇агкад̇д̇убарамад̇ааяа нияаамам̣ абассанд̇о бадигкибад̇и. ад̇т̇и д̇з сад̇ибадтаанаад̇иаад̣̇и нияаамасан̇каад̇з маг̇г̇ад̇хаммз д̣̇ассзд̇ум̣ вуд̇д̇ам̣. д̇асса бана буна батамамаг̇г̇аануббад̇д̇ид̇о д̇зби над̇т̇и, д̇асмаа бадигкибад̇и. сзсамзд̇т̇а уд̇д̇аанад̇т̇амзва. нану со сад̇д̇агкад̇д̇убарамод̇и зд̇т̇а бхаг̇аваа ‘‘аяам̣ буг̇г̇ало зд̇д̇агз бхавз санд̇хаавид̇ваа бариниб̣б̣ааяиссад̇и, аяам̣ зд̇д̇агз’’д̇и ад̇д̇ано н̃аан̣аб̣алзна б̣яаагарод̇и, на бхаванияаамам̣ наама гин̃жи д̇зна сад̇д̇агкад̇д̇убарамо, голам̣голо, згаб̣ийж̇ий ваад̇и вуд̇д̇ам̣, д̇асмаа асаад̇хагамзд̇анд̇и.
Abhabbo antarāti pañhesu ānantariyābhāvaṃ sandhāya paṭikkhipati, sattakkhattuparamaṃ sandhāya paṭijānāti. Atthi so niyāmoti pañhe sattakkhattuparamatāya niyāmaṃ apassanto paṭikkhipati. Atthi te satipaṭṭhānātiādi niyāmasaṅkhāte maggadhamme dassetuṃ vuttaṃ. Tassa pana puna paṭhamamaggānuppattito tepi natthi, tasmā paṭikkhipati. Sesamettha uttānatthameva. Nanu so sattakkhattuparamoti ettha bhagavā ‘‘ayaṃ puggalo ettake bhave sandhāvitvā parinibbāyissati, ayaṃ ettake’’ti attano ñāṇabalena byākaroti, na bhavaniyāmaṃ nāma kiñci tena sattakkhattuparamo, kolaṃkolo, ekabījī vāti vuttaṃ, tasmā asādhakametanti.
сад̇д̇агкад̇д̇убарамагат̇ааван̣н̣анаа.
Sattakkhattuparamakathāvaṇṇanā.
646-647. голам̣голазгаб̣ийж̇игат̇ааяоби иминаавубааязна взд̣̇ид̇аб̣б̣аа.
646-647. Kolaṃkolaekabījikathāyopi imināvupāyena veditabbā.
голам̣голазгаб̣ийж̇игат̇ааван̣н̣анаа.
Kolaṃkolaekabījikathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi
(120) 5. сад̇д̇агкад̇д̇убарамагат̇аа • (120) 5. Sattakkhattuparamakathā
(121) 6. голан̇голагат̇аа • (121) 6. Kolaṅkolakathā
(122) 7. згаб̣ийж̇ийгат̇аа • (122) 7. Ekabījīkathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 5. сад̇д̇агкад̇д̇убарамагат̇ааван̣н̣анаа • 5. Sattakkhattuparamakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 5. сад̇д̇агкад̇д̇убарамагат̇ааван̣н̣анаа • 5. Sattakkhattuparamakathāvaṇṇanā
