| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
5. сад̇д̇агкад̇д̇убарамагат̇ааван̣н̣анаа
5. Sattakkhattuparamakathāvaṇṇanā
641-645. сад̇д̇агкад̇д̇убарамад̇аанияад̇од̇и сад̇д̇агкад̇д̇убарамад̇ааяа нияад̇о. имам̣ вибхааг̇анд̇и имам̣ висзсам̣. д̇вам̣ банасса нияаамам̣ ижчасийд̇и авинибаад̇ад̇хаммад̇аапалаббад̇д̇ийхи ан̃н̃асмим̣ сад̇д̇агкад̇д̇убарамабхаавз жа нияаамам̣ ижчасийд̇и ад̇т̇о.
641-645. Sattakkhattuparamatāniyatoti sattakkhattuparamatāya niyato. Imaṃ vibhāganti imaṃ visesaṃ. Tvaṃ panassa niyāmaṃ icchasīti avinipātadhammatāphalappattīhi aññasmiṃ sattakkhattuparamabhāve ca niyāmaṃ icchasīti attho.
аананд̇арияаабхааванд̇и язна со д̇хаммаабхисамаязна бхаб̣б̣о наама ход̇и, д̇асса аананд̇арияагаммасса абхааванд̇и ад̇т̇о, буг̇г̇аласса ваа аананд̇арияабхаавасса абхааванд̇и. гим̣ бана со анд̇араад̇хаммам̣ абхисамиссад̇ийд̇и? гзжи вад̣̇анд̇и ‘‘сад̇д̇агкад̇д̇убарамо сад̇д̇амам̣ бхавам̣ наад̇иггамад̇и, орад̇о бана над̇т̇и бадисзд̇хо’’д̇и. абарз ‘‘яо бхаг̇авад̇аа н̃аан̣аб̣алзна б̣яаагад̇о, д̇асса анд̇араа абхисамаяо наама над̇т̇и, д̇ат̇ааби бхаванияаамасса гассажи абхааваа бхаб̣б̣од̇и вужжад̇и. яат̇аа гусалаа абхин̃н̃аажзд̇анаа гад̣̇аажи вибаагам̣ ад̣̇ад̣̇амаанааби сад̇и гааран̣з д̣̇аад̇ум̣ бхаб̣б̣ад̇ааяа вибаагад̇хаммад̇хаммаа наама, д̇ат̇аа инд̣̇рияаанам̣ муд̣̇уд̇ааяа сад̇д̇агкад̇д̇убарамо, на нияаамасаб̣бхааваа нааби бхаг̇авад̇аа б̣яаагад̇ад̇д̇аа, на жа инд̣̇рияамуд̣̇уд̇аа абхаб̣б̣ад̇аагаро д̇хаммод̇и на со абхаб̣б̣о наама. абхаб̣б̣ад̇аагарад̇хаммаабхаавад̇о жзд̇т̇а абхаб̣б̣ад̇аа бадисзд̇хид̇аа, на бана анд̇араа абхисамзд̇ум̣ бхаб̣б̣ад̇аа вуд̇д̇аа. яад̣̇и жа сад̇д̇агкад̇д̇убарамо анд̇араа абхисамзяяа, голам̣голо сияаа’’д̇и. висзсам̣ бана агад̇ваа бхаб̣б̣асабхаавад̇ааяа бхаб̣б̣од̇и вад̇д̇ум̣ яуд̇д̇ам̣. на бхаванияаамагам̣ гин̃жийд̇и зд̇т̇а бассид̇ваад̇и важанасзсо, б̣яаагарод̇ийд̇и ваа самб̣анд̇хо.
Ānantariyābhāvanti yena so dhammābhisamayena bhabbo nāma hoti, tassa ānantariyakammassa abhāvanti attho, puggalassa vā ānantariyabhāvassa abhāvanti. Kiṃ pana so antarādhammaṃ abhisamissatīti? Keci vadanti ‘‘sattakkhattuparamo sattamaṃ bhavaṃ nātikkamati, orato pana natthi paṭisedho’’ti. Apare ‘‘yo bhagavatā ñāṇabalena byākato, tassa antarā abhisamayo nāma natthi, tathāpi bhavaniyāmassa kassaci abhāvā bhabboti vuccati. Yathā kusalā abhiññācetanā kadāci vipākaṃ adadamānāpi sati kāraṇe dātuṃ bhabbatāya vipākadhammadhammā nāma, tathā indriyānaṃ mudutāya sattakkhattuparamo, na niyāmasabbhāvā nāpi bhagavatā byākatattā, na ca indriyamudutā abhabbatākaro dhammoti na so abhabbo nāma. Abhabbatākaradhammābhāvato cettha abhabbatā paṭisedhitā, na pana antarā abhisametuṃ bhabbatā vuttā. Yadi ca sattakkhattuparamo antarā abhisameyya, kolaṃkolo siyā’’ti. Visesaṃ pana akatvā bhabbasabhāvatāya bhabboti vattuṃ yuttaṃ. Na bhavaniyāmakaṃ kiñcīti ettha passitvāti vacanaseso, byākarotīti vā sambandho.
сад̇д̇агкад̇д̇убарамагат̇ааван̣н̣анаа нидтид̇аа.
Sattakkhattuparamakathāvaṇṇanā niṭṭhitā.
д̣̇ваад̣̇асамаваг̇г̇аван̣н̣анаа нидтид̇аа.
Dvādasamavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (120) 5. сад̇д̇агкад̇д̇убарамагат̇аа • (120) 5. Sattakkhattuparamakathā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 5. сад̇д̇агкад̇д̇убарамагат̇ааван̣н̣анаа • 5. Sattakkhattuparamakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 5. сад̇д̇агкад̇д̇убарамагат̇ааван̣н̣анаа • 5. Sattakkhattuparamakathāvaṇṇanā
