| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੫. ਸਤ੍ਤਕ੍ਖਤ੍ਤੁਪਰਮਕਥਾવਣ੍ਣਨਾ
5. Sattakkhattuparamakathāvaṇṇanā
੫੪੧-੫੪੫. ਇਦਾਨਿ ਸਤ੍ਤਕ੍ਖਤ੍ਤੁਪਰਮਕਥਾ ਨਾਮ ਹੋਤਿ, ਤਤ੍ਥ ਯਸ੍ਮਾ ‘‘ਸਤ੍ਤਕ੍ਖਤ੍ਤੁਪਰਮੋ’’ਤਿ વੁਤ੍ਤਂ, ਤਸ੍ਮਾ ‘‘ਸਤ੍ਤਕ੍ਖਤ੍ਤੁਪਰਮੋ ਪੁਗ੍ਗਲੋ ਸਤ੍ਤਕ੍ਖਤ੍ਤੁਪਰਮਤਾਯ ਨਿਯਤੋ’’ਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਉਤ੍ਤਰਾਪਥਕਾਨਂ; ਤੇਸਂ ਠਪੇਤ੍વਾ ‘‘ਅਰਿਯਮਗ੍ਗਂ ਅਞ੍ਞੋ ਤਸ੍ਸ ਨਿਯਮੋ ਨਤ੍ਥਿ, ਯੇਨ ਸੋ ਸਤ੍ਤਕ੍ਖਤ੍ਤੁਪਰਮਤਾਯ ਨਿਯਤੋ ਭવੇਯ੍ਯਾ’’ਤਿ ਇਮਂ વਿਭਾਗਂ ਦਸ੍ਸੇਤੁਂ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ।
641-645. Idāni sattakkhattuparamakathā nāma hoti, tattha yasmā ‘‘sattakkhattuparamo’’ti vuttaṃ, tasmā ‘‘sattakkhattuparamo puggalo sattakkhattuparamatāya niyato’’ti yesaṃ laddhi, seyyathāpi uttarāpathakānaṃ; tesaṃ ṭhapetvā ‘‘ariyamaggaṃ añño tassa niyamo natthi, yena so sattakkhattuparamatāya niyato bhaveyyā’’ti imaṃ vibhāgaṃ dassetuṃ pucchā sakavādissa, paṭiññā itarassa.
ਮਾਤਾ ਜੀવਿਤਾਤਿਆਦੀਸੁ ਅਯਮਧਿਪ੍ਪਾਯੋ – ਦ੍વੇ ਨਿਯਾਮਾ ਸਮ੍ਮਤ੍ਤਨਿਯਾਮੋ ਚ ਮਿਚ੍ਛਤ੍ਤਨਿਯਾਮੋ ਚ। ਸਮ੍ਮਤ੍ਤਨਿਯਾਮੋ ਅਰਿਯਮਗ੍ਗੋ। ਸੋ ਅવਿਨਿਪਾਤਧਮ੍ਮਤਞ੍ਚੇવ ਫਲੁਪ੍ਪਤ੍ਤਿਞ੍ਚ ਨਿਯਮੇਤਿ। ਮਿਚ੍ਛਤ੍ਤਨਿਯਾਮੋ ਆਨਨ੍ਤਰਿਯਕਮ੍ਮਂ। ਤਂ ਅਨਨ੍ਤਰਾ ਨਿਰਯੂਪਪਤ੍ਤਿਂ ਨਿਯਮੇਤਿ। ਤਤ੍ਥ ਸਤ੍ਤਕ੍ਖਤ੍ਤੁਪਰਮੋ ਸੋਤਾਪਤ੍ਤਿਮਗ੍ਗੇਨ ਅવਿਨਿਪਾਤਧਮ੍ਮਤਾਯ ਚ ਫਲੁਪ੍ਪਤ੍ਤਿਯਾ ਚ ਨਿਯਮਿਤੋ। ਸੇਸਮਗ੍ਗਨਿਯਾਮੋ ਪਨਸ੍ਸ ਨਤ੍ਥਿ ਅਨਧਿਗਤਤ੍ਤਾ, ਆਨਨ੍ਤਰਿਯਮ੍ਪਿ ਕਾਤੁਂ ਸੋ ਅਭਬ੍ਬੋ। ਤ੍વਂ ਪਨਸ੍ਸ ਨਿਯਾਮਂ ਇਚ੍ਛਸਿ, ਤੇਨ ਤਂ વਦਾਮ – ‘‘ਕਿਂ ਤੇ ਸੋ ਇਮਿਨਾ ਮਿਚ੍ਛਤ੍ਤਨਿਯਾਮੇਨ ਨਿਯਮਿਤੋ’’ਤਿ।
Mātā jīvitātiādīsu ayamadhippāyo – dve niyāmā sammattaniyāmo ca micchattaniyāmo ca. Sammattaniyāmo ariyamaggo. So avinipātadhammatañceva phaluppattiñca niyameti. Micchattaniyāmo ānantariyakammaṃ. Taṃ anantarā nirayūpapattiṃ niyameti. Tattha sattakkhattuparamo sotāpattimaggena avinipātadhammatāya ca phaluppattiyā ca niyamito. Sesamagganiyāmo panassa natthi anadhigatattā, ānantariyampi kātuṃ so abhabbo. Tvaṃ panassa niyāmaṃ icchasi, tena taṃ vadāma – ‘‘kiṃ te so iminā micchattaniyāmena niyamito’’ti.
ਅਭਬ੍ਬੋ ਅਨ੍ਤਰਾਤਿ ਪਞ੍ਹੇਸੁ ਆਨਨ੍ਤਰਿਯਾਭਾવਂ ਸਨ੍ਧਾਯ ਪਟਿਕ੍ਖਿਪਤਿ, ਸਤ੍ਤਕ੍ਖਤ੍ਤੁਪਰਮਂ ਸਨ੍ਧਾਯ ਪਟਿਜਾਨਾਤਿ। ਅਤ੍ਥਿ ਸੋ ਨਿਯਾਮੋਤਿ ਪਞ੍ਹੇ ਸਤ੍ਤਕ੍ਖਤ੍ਤੁਪਰਮਤਾਯ ਨਿਯਾਮਂ ਅਪਸ੍ਸਨ੍ਤੋ ਪਟਿਕ੍ਖਿਪਤਿ। ਅਤ੍ਥਿ ਤੇ ਸਤਿਪਟ੍ਠਾਨਾਤਿਆਦਿ ਨਿਯਾਮਸਙ੍ਖਾਤੇ ਮਗ੍ਗਧਮ੍ਮੇ ਦਸ੍ਸੇਤੁਂ વੁਤ੍ਤਂ। ਤਸ੍ਸ ਪਨ ਪੁਨ ਪਠਮਮਗ੍ਗਾਨੁਪ੍ਪਤ੍ਤਿਤੋ ਤੇਪਿ ਨਤ੍ਥਿ, ਤਸ੍ਮਾ ਪਟਿਕ੍ਖਿਪਤਿ। ਸੇਸਮੇਤ੍ਥ ਉਤ੍ਤਾਨਤ੍ਥਮੇવ। ਨਨੁ ਸੋ ਸਤ੍ਤਕ੍ਖਤ੍ਤੁਪਰਮੋਤਿ ਏਤ੍ਥ ਭਗવਾ ‘‘ਅਯਂ ਪੁਗ੍ਗਲੋ ਏਤ੍ਤਕੇ ਭવੇ ਸਨ੍ਧਾવਿਤ੍વਾ ਪਰਿਨਿਬ੍ਬਾਯਿਸ੍ਸਤਿ, ਅਯਂ ਏਤ੍ਤਕੇ’’ਤਿ ਅਤ੍ਤਨੋ ਞਾਣਬਲੇਨ ਬ੍ਯਾਕਰੋਤਿ, ਨ ਭવਨਿਯਾਮਂ ਨਾਮ ਕਿਞ੍ਚਿ ਤੇਨ ਸਤ੍ਤਕ੍ਖਤ੍ਤੁਪਰਮੋ, ਕੋਲਂਕੋਲੋ, ਏਕਬੀਜੀ વਾਤਿ વੁਤ੍ਤਂ, ਤਸ੍ਮਾ ਅਸਾਧਕਮੇਤਨ੍ਤਿ।
Abhabbo antarāti pañhesu ānantariyābhāvaṃ sandhāya paṭikkhipati, sattakkhattuparamaṃ sandhāya paṭijānāti. Atthi so niyāmoti pañhe sattakkhattuparamatāya niyāmaṃ apassanto paṭikkhipati. Atthi te satipaṭṭhānātiādi niyāmasaṅkhāte maggadhamme dassetuṃ vuttaṃ. Tassa pana puna paṭhamamaggānuppattito tepi natthi, tasmā paṭikkhipati. Sesamettha uttānatthameva. Nanu so sattakkhattuparamoti ettha bhagavā ‘‘ayaṃ puggalo ettake bhave sandhāvitvā parinibbāyissati, ayaṃ ettake’’ti attano ñāṇabalena byākaroti, na bhavaniyāmaṃ nāma kiñci tena sattakkhattuparamo, kolaṃkolo, ekabījī vāti vuttaṃ, tasmā asādhakametanti.
ਸਤ੍ਤਕ੍ਖਤ੍ਤੁਪਰਮਕਥਾવਣ੍ਣਨਾ।
Sattakkhattuparamakathāvaṇṇanā.
੬੪੬-੬੪੭. ਕੋਲਂਕੋਲਏਕਬੀਜਿਕਥਾਯੋਪਿ ਇਮਿਨਾવੁਪਾਯੇਨ વੇਦਿਤਬ੍ਬਾ।
646-647. Kolaṃkolaekabījikathāyopi imināvupāyena veditabbā.
ਕੋਲਂਕੋਲਏਕਬੀਜਿਕਥਾવਣ੍ਣਨਾ।
Kolaṃkolaekabījikathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi
(੧੨੦) ੫. ਸਤ੍ਤਕ੍ਖਤ੍ਤੁਪਰਮਕਥਾ • (120) 5. Sattakkhattuparamakathā
(੧੨੧) ੬. ਕੋਲਙ੍ਕੋਲਕਥਾ • (121) 6. Kolaṅkolakathā
(੧੨੨) ੭. ਏਕਬੀਜੀਕਥਾ • (122) 7. Ekabījīkathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੫. ਸਤ੍ਤਕ੍ਖਤ੍ਤੁਪਰਮਕਥਾવਣ੍ਣਨਾ • 5. Sattakkhattuparamakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੫. ਸਤ੍ਤਕ੍ਖਤ੍ਤੁਪਰਮਕਥਾવਣ੍ਣਨਾ • 5. Sattakkhattuparamakathāvaṇṇanā
