| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā |
੫. ਸਤ੍ਤਕ੍ਖਤ੍ਤੁਪਰਮਕਥਾવਣ੍ਣਨਾ
5. Sattakkhattuparamakathāvaṇṇanā
੬੪੧-੬੪੫. ਸਤ੍ਤਕ੍ਖਤ੍ਤੁਪਰਮਤਾਨਿਯਤੋਤਿ ਸਤ੍ਤਕ੍ਖਤ੍ਤੁਪਰਮਤਾਯ ਨਿਯਤੋ। ਇਮਂ વਿਭਾਗਨ੍ਤਿ ਇਮਂ વਿਸੇਸਂ। ਤ੍વਂ ਪਨਸ੍ਸ ਨਿਯਾਮਂ ਇਚ੍ਛਸੀਤਿ ਅવਿਨਿਪਾਤਧਮ੍ਮਤਾਫਲਪ੍ਪਤ੍ਤੀਹਿ ਅਞ੍ਞਸ੍ਮਿਂ ਸਤ੍ਤਕ੍ਖਤ੍ਤੁਪਰਮਭਾવੇ ਚ ਨਿਯਾਮਂ ਇਚ੍ਛਸੀਤਿ ਅਤ੍ਥੋ।
641-645. Sattakkhattuparamatāniyatoti sattakkhattuparamatāya niyato. Imaṃ vibhāganti imaṃ visesaṃ. Tvaṃ panassa niyāmaṃ icchasīti avinipātadhammatāphalappattīhi aññasmiṃ sattakkhattuparamabhāve ca niyāmaṃ icchasīti attho.
ਆਨਨ੍ਤਰਿਯਾਭਾવਨ੍ਤਿ ਯੇਨ ਸੋ ਧਮ੍ਮਾਭਿਸਮਯੇਨ ਭਬ੍ਬੋ ਨਾਮ ਹੋਤਿ, ਤਸ੍ਸ ਆਨਨ੍ਤਰਿਯਕਮ੍ਮਸ੍ਸ ਅਭਾવਨ੍ਤਿ ਅਤ੍ਥੋ, ਪੁਗ੍ਗਲਸ੍ਸ વਾ ਆਨਨ੍ਤਰਿਯਭਾવਸ੍ਸ ਅਭਾવਨ੍ਤਿ। ਕਿਂ ਪਨ ਸੋ ਅਨ੍ਤਰਾਧਮ੍ਮਂ ਅਭਿਸਮਿਸ੍ਸਤੀਤਿ? ਕੇਚਿ વਦਨ੍ਤਿ ‘‘ਸਤ੍ਤਕ੍ਖਤ੍ਤੁਪਰਮੋ ਸਤ੍ਤਮਂ ਭવਂ ਨਾਤਿਕ੍ਕਮਤਿ, ਓਰਤੋ ਪਨ ਨਤ੍ਥਿ ਪਟਿਸੇਧੋ’’ਤਿ। ਅਪਰੇ ‘‘ਯੋ ਭਗવਤਾ ਞਾਣਬਲੇਨ ਬ੍ਯਾਕਤੋ, ਤਸ੍ਸ ਅਨ੍ਤਰਾ ਅਭਿਸਮਯੋ ਨਾਮ ਨਤ੍ਥਿ, ਤਥਾਪਿ ਭવਨਿਯਾਮਸ੍ਸ ਕਸ੍ਸਚਿ ਅਭਾવਾ ਭਬ੍ਬੋਤਿ વੁਚ੍ਚਤਿ। ਯਥਾ ਕੁਸਲਾ ਅਭਿਞ੍ਞਾਚੇਤਨਾ ਕਦਾਚਿ વਿਪਾਕਂ ਅਦਦਮਾਨਾਪਿ ਸਤਿ ਕਾਰਣੇ ਦਾਤੁਂ ਭਬ੍ਬਤਾਯ વਿਪਾਕਧਮ੍ਮਧਮ੍ਮਾ ਨਾਮ, ਤਥਾ ਇਨ੍ਦ੍ਰਿਯਾਨਂ ਮੁਦੁਤਾਯ ਸਤ੍ਤਕ੍ਖਤ੍ਤੁਪਰਮੋ, ਨ ਨਿਯਾਮਸਬ੍ਭਾવਾ ਨਾਪਿ ਭਗવਤਾ ਬ੍ਯਾਕਤਤ੍ਤਾ, ਨ ਚ ਇਨ੍ਦ੍ਰਿਯਮੁਦੁਤਾ ਅਭਬ੍ਬਤਾਕਰੋ ਧਮ੍ਮੋਤਿ ਨ ਸੋ ਅਭਬ੍ਬੋ ਨਾਮ। ਅਭਬ੍ਬਤਾਕਰਧਮ੍ਮਾਭਾવਤੋ ਚੇਤ੍ਥ ਅਭਬ੍ਬਤਾ ਪਟਿਸੇਧਿਤਾ, ਨ ਪਨ ਅਨ੍ਤਰਾ ਅਭਿਸਮੇਤੁਂ ਭਬ੍ਬਤਾ વੁਤ੍ਤਾ। ਯਦਿ ਚ ਸਤ੍ਤਕ੍ਖਤ੍ਤੁਪਰਮੋ ਅਨ੍ਤਰਾ ਅਭਿਸਮੇਯ੍ਯ, ਕੋਲਂਕੋਲੋ ਸਿਯਾ’’ਤਿ। વਿਸੇਸਂ ਪਨ ਅਕਤ੍વਾ ਭਬ੍ਬਸਭਾવਤਾਯ ਭਬ੍ਬੋਤਿ વਤ੍ਤੁਂ ਯੁਤ੍ਤਂ। ਨ ਭવਨਿਯਾਮਕਂ ਕਿਞ੍ਚੀਤਿ ਏਤ੍ਥ ਪਸ੍ਸਿਤ੍વਾਤਿ વਚਨਸੇਸੋ, ਬ੍ਯਾਕਰੋਤੀਤਿ વਾ ਸਮ੍ਬਨ੍ਧੋ।
Ānantariyābhāvanti yena so dhammābhisamayena bhabbo nāma hoti, tassa ānantariyakammassa abhāvanti attho, puggalassa vā ānantariyabhāvassa abhāvanti. Kiṃ pana so antarādhammaṃ abhisamissatīti? Keci vadanti ‘‘sattakkhattuparamo sattamaṃ bhavaṃ nātikkamati, orato pana natthi paṭisedho’’ti. Apare ‘‘yo bhagavatā ñāṇabalena byākato, tassa antarā abhisamayo nāma natthi, tathāpi bhavaniyāmassa kassaci abhāvā bhabboti vuccati. Yathā kusalā abhiññācetanā kadāci vipākaṃ adadamānāpi sati kāraṇe dātuṃ bhabbatāya vipākadhammadhammā nāma, tathā indriyānaṃ mudutāya sattakkhattuparamo, na niyāmasabbhāvā nāpi bhagavatā byākatattā, na ca indriyamudutā abhabbatākaro dhammoti na so abhabbo nāma. Abhabbatākaradhammābhāvato cettha abhabbatā paṭisedhitā, na pana antarā abhisametuṃ bhabbatā vuttā. Yadi ca sattakkhattuparamo antarā abhisameyya, kolaṃkolo siyā’’ti. Visesaṃ pana akatvā bhabbasabhāvatāya bhabboti vattuṃ yuttaṃ. Na bhavaniyāmakaṃ kiñcīti ettha passitvāti vacanaseso, byākarotīti vā sambandho.
ਸਤ੍ਤਕ੍ਖਤ੍ਤੁਪਰਮਕਥਾવਣ੍ਣਨਾ ਨਿਟ੍ਠਿਤਾ।
Sattakkhattuparamakathāvaṇṇanā niṭṭhitā.
ਦ੍વਾਦਸਮવਗ੍ਗવਣ੍ਣਨਾ ਨਿਟ੍ਠਿਤਾ।
Dvādasamavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੨੦) ੫. ਸਤ੍ਤਕ੍ਖਤ੍ਤੁਪਰਮਕਥਾ • (120) 5. Sattakkhattuparamakathā
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੫. ਸਤ੍ਤਕ੍ਖਤ੍ਤੁਪਰਮਕਥਾવਣ੍ਣਨਾ • 5. Sattakkhattuparamakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੫. ਸਤ੍ਤਕ੍ਖਤ੍ਤੁਪਰਮਕਥਾવਣ੍ਣਨਾ • 5. Sattakkhattuparamakathāvaṇṇanā
