| Library / Tipiṭaka / តិបិដក • Tipiṭaka / កថាវត្ថុបាឡិ • Kathāvatthupāḷi |
១២. ទ្វាទសមវគ្គោ
12. Dvādasamavaggo
(១២៥) ១០. សត្តមភវិកកថា
(125) 10. Sattamabhavikakathā
៦៥៣. ន វត្តព្ពំ ‘‘សត្តមភវិកស្ស បុគ្គលស្ស បហីនា ទុគ្គតី’’តិ? អាមន្តា។ សត្តមភវិកោ បុគ្គលោ និរយំ ឧបបជ្ជេយ្យ, តិរច្ឆានយោនិំ ឧបបជ្ជេយ្យ, បេត្តិវិសយំ ឧបបជ្ជេយ្យាតិ? ន ហេវំ វត្តព្ពេ។ តេន ហិ សត្តមភវិកស្ស បុគ្គលស្ស បហីនា ទុគ្គតីតិ។
653. Na vattabbaṃ ‘‘sattamabhavikassa puggalassa pahīnā duggatī’’ti? Āmantā. Sattamabhaviko puggalo nirayaṃ upapajjeyya, tiracchānayoniṃ upapajjeyya, pettivisayaṃ upapajjeyyāti? Na hevaṃ vattabbe. Tena hi sattamabhavikassa puggalassa pahīnā duggatīti.
សត្តមភវិកកថា និដ្ឋិតា។
Sattamabhavikakathā niṭṭhitā.
ទ្វាទសមវគ្គោ។
Dvādasamavaggo.
តស្សុទ្ទានំ –
Tassuddānaṃ –
សំវរោ កម្មំ តថេវ អសំវរោ, សព្ពកម្មំ សវិបាកំ, សទ្ទោ វិបាកោ, សឡាយតនំ វិបាកោ, សត្តក្ខត្តុបរមោ បុគ្គលោ សត្តក្ខត្តុបរមតានិយតោ, កោលង្កោលបុគ្គលោ កោលង្កោលតានិយតោ, ឯកពីជី បុគ្គលោ ឯកពីជិតានិយតោ, ទិដ្ឋិសម្បន្នោ បុគ្គលោ សញ្ចិច្ច បាណំ ជីវិតា វោរោបេយ្យ, ទិដ្ឋិសម្បន្នស្ស បុគ្គលស្ស បហីនា ទុគ្គតិ, តថេវ សត្តមភវិកស្សាតិ។
Saṃvaro kammaṃ tatheva asaṃvaro, sabbakammaṃ savipākaṃ, saddo vipāko, saḷāyatanaṃ vipāko, sattakkhattuparamo puggalo sattakkhattuparamatāniyato, kolaṅkolapuggalo kolaṅkolatāniyato, ekabījī puggalo ekabījitāniyato, diṭṭhisampanno puggalo sañcicca pāṇaṃ jīvitā voropeyya, diṭṭhisampannassa puggalassa pahīnā duggati, tatheva sattamabhavikassāti.
Related texts:
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ៩. ទុគ្គតិកថាវណ្ណនា • 9. Duggatikathāvaṇṇanā
