| Library / Tipiṭaka / ತಿಪಿಟಕ • Tipiṭaka / ಕಥಾವತ್ಥುಪಾಳಿ • Kathāvatthupāḷi |
೧೨. ದ್ವಾದಸಮವಗ್ಗೋ
12. Dvādasamavaggo
(೧೨೫) ೧೦. ಸತ್ತಮಭವಿಕಕಥಾ
(125) 10. Sattamabhavikakathā
೬೫೩. ನ ವತ್ತಬ್ಬಂ ‘‘ಸತ್ತಮಭವಿಕಸ್ಸ ಪುಗ್ಗಲಸ್ಸ ಪಹೀನಾ ದುಗ್ಗತೀ’’ತಿ? ಆಮನ್ತಾ। ಸತ್ತಮಭವಿಕೋ ಪುಗ್ಗಲೋ ನಿರಯಂ ಉಪಪಜ್ಜೇಯ್ಯ, ತಿರಚ್ಛಾನಯೋನಿಂ ಉಪಪಜ್ಜೇಯ್ಯ, ಪೇತ್ತಿವಿಸಯಂ ಉಪಪಜ್ಜೇಯ್ಯಾತಿ? ನ ಹೇವಂ ವತ್ತಬ್ಬೇ। ತೇನ ಹಿ ಸತ್ತಮಭವಿಕಸ್ಸ ಪುಗ್ಗಲಸ್ಸ ಪಹೀನಾ ದುಗ್ಗತೀತಿ।
653. Na vattabbaṃ ‘‘sattamabhavikassa puggalassa pahīnā duggatī’’ti? Āmantā. Sattamabhaviko puggalo nirayaṃ upapajjeyya, tiracchānayoniṃ upapajjeyya, pettivisayaṃ upapajjeyyāti? Na hevaṃ vattabbe. Tena hi sattamabhavikassa puggalassa pahīnā duggatīti.
ಸತ್ತಮಭವಿಕಕಥಾ ನಿಟ್ಠಿತಾ।
Sattamabhavikakathā niṭṭhitā.
ದ್ವಾದಸಮವಗ್ಗೋ।
Dvādasamavaggo.
ತಸ್ಸುದ್ದಾನಂ –
Tassuddānaṃ –
ಸಂವರೋ ಕಮ್ಮಂ ತಥೇವ ಅಸಂವರೋ, ಸಬ್ಬಕಮ್ಮಂ ಸವಿಪಾಕಂ, ಸದ್ದೋ ವಿಪಾಕೋ, ಸಳಾಯತನಂ ವಿಪಾಕೋ, ಸತ್ತಕ್ಖತ್ತುಪರಮೋ ಪುಗ್ಗಲೋ ಸತ್ತಕ್ಖತ್ತುಪರಮತಾನಿಯತೋ, ಕೋಲಙ್ಕೋಲಪುಗ್ಗಲೋ ಕೋಲಙ್ಕೋಲತಾನಿಯತೋ, ಏಕಬೀಜೀ ಪುಗ್ಗಲೋ ಏಕಬೀಜಿತಾನಿಯತೋ, ದಿಟ್ಠಿಸಮ್ಪನ್ನೋ ಪುಗ್ಗಲೋ ಸಞ್ಚಿಚ್ಚ ಪಾಣಂ ಜೀವಿತಾ ವೋರೋಪೇಯ್ಯ, ದಿಟ್ಠಿಸಮ್ಪನ್ನಸ್ಸ ಪುಗ್ಗಲಸ್ಸ ಪಹೀನಾ ದುಗ್ಗತಿ, ತಥೇವ ಸತ್ತಮಭವಿಕಸ್ಸಾತಿ।
Saṃvaro kammaṃ tatheva asaṃvaro, sabbakammaṃ savipākaṃ, saddo vipāko, saḷāyatanaṃ vipāko, sattakkhattuparamo puggalo sattakkhattuparamatāniyato, kolaṅkolapuggalo kolaṅkolatāniyato, ekabījī puggalo ekabījitāniyato, diṭṭhisampanno puggalo sañcicca pāṇaṃ jīvitā voropeyya, diṭṭhisampannassa puggalassa pahīnā duggati, tatheva sattamabhavikassāti.
Related texts:
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೯. ದುಗ್ಗತಿಕಥಾವಣ್ಣನಾ • 9. Duggatikathāvaṇṇanā
