| Library / Tipiṭaka / තිපිටක • Tipiṭaka / කථාවත්‌ථුපාළි • Kathāvatthupāḷi |
12. ද්‌වාදසමවග්‌ගො
12. Dvādasamavaggo
(125) 10. සත්‌තමභවිකකථා
(125) 10. Sattamabhavikakathā
653. න වත්‌තබ්‌බං ‘‘සත්‌තමභවිකස්‌ස පුග්‌ගලස්‌ස පහීනා දුග්‌ගතී’’ති? ආමන්‌තා. සත්‌තමභවිකො පුග්‌ගලො නිරයං උපපජ්‌ජෙය්‍ය, තිරච්‌ඡානයොනිං උපපජ්‌ජෙය්‍ය, පෙත්‌තිවිසයං උපපජ්‌ජෙය්‍යාති? න හෙවං වත්‌තබ්‌බෙ. තෙන හි සත්‌තමභවිකස්‌ස පුග්‌ගලස්‌ස පහීනා දුග්‌ගතීති.
653. Na vattabbaṃ ‘‘sattamabhavikassa puggalassa pahīnā duggatī’’ti? Āmantā. Sattamabhaviko puggalo nirayaṃ upapajjeyya, tiracchānayoniṃ upapajjeyya, pettivisayaṃ upapajjeyyāti? Na hevaṃ vattabbe. Tena hi sattamabhavikassa puggalassa pahīnā duggatīti.
සත්‌තමභවිකකථා නිට්‌ඨිතා.
Sattamabhavikakathā niṭṭhitā.
ද්‌වාදසමවග්‌ගො.
Dvādasamavaggo.
තස්‌සුද්‌දානං –
Tassuddānaṃ –
සංවරො කම්‌මං තථෙව අසංවරො, සබ්‌බකම්‌මං සවිපාකං, සද්‌දො විපාකො, සළායතනං විපාකො, සත්‌තක්‌ඛත්‌තුපරමො පුග්‌ගලො සත්‌තක්‌ඛත්‌තුපරමතානියතො, කොලඞ්‌කොලපුග්‌ගලො කොලඞ්‌කොලතානියතො, එකබීජී පුග්‌ගලො එකබීජිතානියතො, දිට්‌ඨිසම්‌පන්‌නො පුග්‌ගලො සඤ්‌චිච්‌ච පාණං ජීවිතා වොරොපෙය්‍ය, දිට්‌ඨිසම්‌පන්‌නස්‌ස පුග්‌ගලස්‌ස පහීනා දුග්‌ගති, තථෙව සත්‌තමභවිකස්‌සාති.
Saṃvaro kammaṃ tatheva asaṃvaro, sabbakammaṃ savipākaṃ, saddo vipāko, saḷāyatanaṃ vipāko, sattakkhattuparamo puggalo sattakkhattuparamatāniyato, kolaṅkolapuggalo kolaṅkolatāniyato, ekabījī puggalo ekabījitāniyato, diṭṭhisampanno puggalo sañcicca pāṇaṃ jīvitā voropeyya, diṭṭhisampannassa puggalassa pahīnā duggati, tatheva sattamabhavikassāti.
Related texts:
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / පඤ්‌චපකරණ-අට්‌ඨකථා • Pañcapakaraṇa-aṭṭhakathā / 9. දුග්‌ගතිකථාවණ්‌ණනා • 9. Duggatikathāvaṇṇanā
