| Library / Tipiṭaka / തിപിടക • Tipiṭaka / കഥാവത്ഥുപാളി • Kathāvatthupāḷi |
൧൨. ദ്വാദസമവഗ്ഗോ
12. Dvādasamavaggo
(൧൨൫) ൧൦. സത്തമഭവികകഥാ
(125) 10. Sattamabhavikakathā
൬൫൩. ന വത്തബ്ബം ‘‘സത്തമഭവികസ്സ പുഗ്ഗലസ്സ പഹീനാ ദുഗ്ഗതീ’’തി? ആമന്താ. സത്തമഭവികോ പുഗ്ഗലോ നിരയം ഉപപജ്ജേയ്യ, തിരച്ഛാനയോനിം ഉപപജ്ജേയ്യ, പേത്തിവിസയം ഉപപജ്ജേയ്യാതി? ന ഹേവം വത്തബ്ബേ. തേന ഹി സത്തമഭവികസ്സ പുഗ്ഗലസ്സ പഹീനാ ദുഗ്ഗതീതി.
653. Na vattabbaṃ ‘‘sattamabhavikassa puggalassa pahīnā duggatī’’ti? Āmantā. Sattamabhaviko puggalo nirayaṃ upapajjeyya, tiracchānayoniṃ upapajjeyya, pettivisayaṃ upapajjeyyāti? Na hevaṃ vattabbe. Tena hi sattamabhavikassa puggalassa pahīnā duggatīti.
സത്തമഭവികകഥാ നിട്ഠിതാ.
Sattamabhavikakathā niṭṭhitā.
ദ്വാദസമവഗ്ഗോ.
Dvādasamavaggo.
തസ്സുദ്ദാനം –
Tassuddānaṃ –
സംവരോ കമ്മം തഥേവ അസംവരോ, സബ്ബകമ്മം സവിപാകം, സദ്ദോ വിപാകോ, സളായതനം വിപാകോ, സത്തക്ഖത്തുപരമോ പുഗ്ഗലോ സത്തക്ഖത്തുപരമതാനിയതോ, കോലങ്കോലപുഗ്ഗലോ കോലങ്കോലതാനിയതോ, ഏകബീജീ പുഗ്ഗലോ ഏകബീജിതാനിയതോ, ദിട്ഠിസമ്പന്നോ പുഗ്ഗലോ സഞ്ചിച്ച പാണം ജീവിതാ വോരോപേയ്യ, ദിട്ഠിസമ്പന്നസ്സ പുഗ്ഗലസ്സ പഹീനാ ദുഗ്ഗതി, തഥേവ സത്തമഭവികസ്സാതി.
Saṃvaro kammaṃ tatheva asaṃvaro, sabbakammaṃ savipākaṃ, saddo vipāko, saḷāyatanaṃ vipāko, sattakkhattuparamo puggalo sattakkhattuparamatāniyato, kolaṅkolapuggalo kolaṅkolatāniyato, ekabījī puggalo ekabījitāniyato, diṭṭhisampanno puggalo sañcicca pāṇaṃ jīvitā voropeyya, diṭṭhisampannassa puggalassa pahīnā duggati, tatheva sattamabhavikassāti.
Related texts:
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൯. ദുഗ്ഗതികഥാവണ്ണനാ • 9. Duggatikathāvaṇṇanā
