| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৭. সত্তমনযো সম্পযুত্তেনৰিপ্পযুত্তপদৰণ্ণনা
7. Sattamanayo sampayuttenavippayuttapadavaṇṇanā
৩০৬. ইদানি সম্পযুত্তেনৰিপ্পযুত্তপদং ভাজেতুং ৰেদনাক্খন্ধেনাতিআদি আরদ্ধং। তত্রিদং লক্খণং – ইমস্মিঞ্হি ৰারে পুচ্ছায উদ্ধটপদেন যে ধম্মা সম্পযুত্তা, তেহি যে ধম্মা ৰিপ্পযুত্তা, তেসং খন্ধাদীহি ৰিপ্পযোগং পুচ্ছিত্ৰা ৰিস্সজ্জনং কতং। তং পন রূপক্খন্ধাদীসু ন যুজ্জতি। রূপক্খন্ধেন হি সম্পযুত্তা নাম নত্থি। তস্মা তঞ্চ অঞ্ঞানি চ এৰরূপানি পদানি ইমস্মিং ৰারে ন গহিতানি। যানি পন পদানি ধম্মধাতুযা সম্পযুত্তে ধম্মে ৰিঞ্ঞাণঞ্চ অঞ্ঞেন অসম্মিস্সং দীপেন্তি, তানি ইধ গহিতানি। তেসং ইদমুদ্দানং –
306. Idāni sampayuttenavippayuttapadaṃ bhājetuṃ vedanākkhandhenātiādi āraddhaṃ. Tatridaṃ lakkhaṇaṃ – imasmiñhi vāre pucchāya uddhaṭapadena ye dhammā sampayuttā, tehi ye dhammā vippayuttā, tesaṃ khandhādīhi vippayogaṃ pucchitvā vissajjanaṃ kataṃ. Taṃ pana rūpakkhandhādīsu na yujjati. Rūpakkhandhena hi sampayuttā nāma natthi. Tasmā tañca aññāni ca evarūpāni padāni imasmiṃ vāre na gahitāni. Yāni pana padāni dhammadhātuyā sampayutte dhamme viññāṇañca aññena asammissaṃ dīpenti, tāni idha gahitāni. Tesaṃ idamuddānaṃ –
‘‘চত্তারো খন্ধাযতনঞ্চ একং,
‘‘Cattāro khandhāyatanañca ekaṃ,
দ্ৰে ইন্দ্রিযা ধাতুপদানি সত্ত।
Dve indriyā dhātupadāni satta;
তযো পটিচ্চা অথ ফস্সসত্তকং,
Tayo paṭiccā atha phassasattakaṃ,
তিকে তযো সত্ত মহন্তরে চ॥
Tike tayo satta mahantare ca.
‘‘একং সৰিতক্কং, সৰিচারমেকং।
‘‘Ekaṃ savitakkaṃ, savicāramekaṃ;
যুত্তং উপেক্খায চ একমেৰা’’তি॥
Yuttaṃ upekkhāya ca ekamevā’’ti.
পরিযোসানে – খন্ধা চতুরোতিআদিনাপি অযমেৰত্থো সঙ্গহিতো। তত্থ যানি পদানি সদিসৰিস্সজ্জনানি, তানি উপ্পটিপাটিযাপি সমোধানেত্ৰা তত্থ ৰেদনাক্খন্ধাদিকা পঞ্হা কতা। তেসু এৰং খন্ধাদিৰিভাগো ৰেদিতব্বো। ৰেদনাক্খন্ধাদিপঞ্হে তাৰ – একেনাতি মনাযতনেন। সত্তহীতি ৰিঞ্ঞাণধাতূহি। কেহিচীতি ধম্মাযতনে ৰেদনাদীহি। ৰিঞ্ঞাণধাতুপঞ্হে – তে ধম্মা ন কেহিচীতি তে পুচ্ছায উদ্ধটপদং ৰিঞ্ঞাণধাতুং ঠপেত্ৰা সেসা ছ ৰিঞ্ঞাণধাতুধম্মা, রূপং, নিব্বানঞ্চ। তেহি সব্বেসং খন্ধাযতনানং সঙ্গহিতত্তা ন কেহিচি খন্ধেহি আযতনেহি ৰা ৰিপ্পযুত্তা। একায ধাতুযাতি যা যা পুচ্ছায উদ্ধটা হোতি তায তায।
Pariyosāne – khandhā caturotiādināpi ayamevattho saṅgahito. Tattha yāni padāni sadisavissajjanāni, tāni uppaṭipāṭiyāpi samodhānetvā tattha vedanākkhandhādikā pañhā katā. Tesu evaṃ khandhādivibhāgo veditabbo. Vedanākkhandhādipañhe tāva – ekenāti manāyatanena. Sattahīti viññāṇadhātūhi. Kehicīti dhammāyatane vedanādīhi. Viññāṇadhātupañhe – te dhammā na kehicīti te pucchāya uddhaṭapadaṃ viññāṇadhātuṃ ṭhapetvā sesā cha viññāṇadhātudhammā, rūpaṃ, nibbānañca. Tehi sabbesaṃ khandhāyatanānaṃ saṅgahitattā na kehici khandhehi āyatanehi vā vippayuttā. Ekāya dhātuyāti yā yā pucchāya uddhaṭā hoti tāya tāya.
৩০৯. উপেক্খিন্দ্রিযপঞ্হে – পঞ্চহীতি উপেক্খাসম্পযুত্তাহি চক্খুৰিঞ্ঞাণধাতুআদীহি। ইমিনা নযেন সব্বত্থ পুচ্ছায উদ্ধটপদেনেৰ সদ্ধিং ৰিপ্পযুত্তানং ৰসেন অত্থো ৰেদিতব্বোতি।
309. Upekkhindriyapañhe – pañcahīti upekkhāsampayuttāhi cakkhuviññāṇadhātuādīhi. Iminā nayena sabbattha pucchāya uddhaṭapadeneva saddhiṃ vippayuttānaṃ vasena attho veditabboti.
সম্পযুত্তেনৰিপ্পযুত্তপদৰণ্ণনা।
Sampayuttenavippayuttapadavaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / ধাতুকথাপাল়ি • Dhātukathāpāḷi / ৭. সম্পযুত্তেনৰিপ্পযুত্তপদনিদ্দেসো • 7. Sampayuttenavippayuttapadaniddeso
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৭. সত্তমনযো সম্পযুত্তেনৰিপ্পযুত্তপদৰণ্ণনা • 7. Sattamanayo sampayuttenavippayuttapadavaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৭. সত্তমনযো সম্পযুত্তেনৰিপ্পযুত্তপদৰণ্ণনা • 7. Sattamanayo sampayuttenavippayuttapadavaṇṇanā
