| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
7. сад̇д̇аманаяо самбаяуд̇д̇знавиббаяуд̇д̇абад̣̇аван̣н̣анаа
7. Sattamanayo sampayuttenavippayuttapadavaṇṇanā
306. ид̣̇аани самбаяуд̇д̇знавиббаяуд̇д̇абад̣̇ам̣ бхааж̇зд̇ум̣ взд̣̇анаагканд̇хзнаад̇иаад̣̇и аарад̣̇д̇хам̣. д̇ад̇рид̣̇ам̣ лагкан̣ам̣ – имасмин̃хи ваарз бужчааяа уд̣̇д̇хадабад̣̇зна яз д̇хаммаа самбаяуд̇д̇аа, д̇зхи яз д̇хаммаа виббаяуд̇д̇аа, д̇зсам̣ канд̇хаад̣̇ийхи виббаяог̇ам̣ бужчид̇ваа виссаж̇ж̇анам̣ гад̇ам̣. д̇ам̣ бана руубагканд̇хаад̣̇ийсу на яуж̇ж̇ад̇и. руубагканд̇хзна хи самбаяуд̇д̇аа наама над̇т̇и. д̇асмаа д̇ан̃жа ан̃н̃аани жа зваруубаани бад̣̇аани имасмим̣ ваарз на г̇ахид̇аани. яаани бана бад̣̇аани д̇хаммад̇хаад̇уяаа самбаяуд̇д̇з д̇хаммз вин̃н̃аан̣ан̃жа ан̃н̃зна асаммиссам̣ д̣̇ийбзнд̇и, д̇аани ид̇ха г̇ахид̇аани. д̇зсам̣ ид̣̇амуд̣̇д̣̇аанам̣ –
306. Idāni sampayuttenavippayuttapadaṃ bhājetuṃ vedanākkhandhenātiādi āraddhaṃ. Tatridaṃ lakkhaṇaṃ – imasmiñhi vāre pucchāya uddhaṭapadena ye dhammā sampayuttā, tehi ye dhammā vippayuttā, tesaṃ khandhādīhi vippayogaṃ pucchitvā vissajjanaṃ kataṃ. Taṃ pana rūpakkhandhādīsu na yujjati. Rūpakkhandhena hi sampayuttā nāma natthi. Tasmā tañca aññāni ca evarūpāni padāni imasmiṃ vāre na gahitāni. Yāni pana padāni dhammadhātuyā sampayutte dhamme viññāṇañca aññena asammissaṃ dīpenti, tāni idha gahitāni. Tesaṃ idamuddānaṃ –
‘‘жад̇д̇ааро канд̇хааяад̇анан̃жа згам̣,
‘‘Cattāro khandhāyatanañca ekaṃ,
д̣̇вз инд̣̇рияаа д̇хаад̇убад̣̇аани сад̇д̇а;
Dve indriyā dhātupadāni satta;
д̇аяо бадижжаа ат̇а пассасад̇д̇агам̣,
Tayo paṭiccā atha phassasattakaṃ,
д̇игз д̇аяо сад̇д̇а маханд̇арз жа.
Tike tayo satta mahantare ca.
‘‘згам̣ савид̇аггам̣, савижаарамзгам̣;
‘‘Ekaṃ savitakkaṃ, savicāramekaṃ;
яуд̇д̇ам̣ убзгкааяа жа згамзваа’’д̇и.
Yuttaṃ upekkhāya ca ekamevā’’ti.
барияосаанз – канд̇хаа жад̇урод̇иаад̣̇инааби аяамзвад̇т̇о сан̇г̇ахид̇о. д̇ад̇т̇а яаани бад̣̇аани сад̣̇исависсаж̇ж̇анаани, д̇аани уббадибаадияааби самод̇хаанзд̇ваа д̇ад̇т̇а взд̣̇анаагканд̇хаад̣̇игаа бан̃хаа гад̇аа. д̇зсу звам̣ канд̇хаад̣̇ивибхааг̇о взд̣̇ид̇аб̣б̣о. взд̣̇анаагканд̇хаад̣̇ибан̃хз д̇аава – згзнаад̇и манааяад̇анзна. сад̇д̇ахийд̇и вин̃н̃аан̣ад̇хаад̇уухи. гзхижийд̇и д̇хаммааяад̇анз взд̣̇анаад̣̇ийхи. вин̃н̃аан̣ад̇хаад̇убан̃хз – д̇з д̇хаммаа на гзхижийд̇и д̇з бужчааяа уд̣̇д̇хадабад̣̇ам̣ вин̃н̃аан̣ад̇хаад̇ум̣ табзд̇ваа сзсаа ча вин̃н̃аан̣ад̇хаад̇уд̇хаммаа, руубам̣, ниб̣б̣аанан̃жа. д̇зхи саб̣б̣зсам̣ канд̇хааяад̇анаанам̣ сан̇г̇ахид̇ад̇д̇аа на гзхижи канд̇хзхи ааяад̇анзхи ваа виббаяуд̇д̇аа. згааяа д̇хаад̇уяаад̇и яаа яаа бужчааяа уд̣̇д̇хадаа ход̇и д̇ааяа д̇ааяа.
Pariyosāne – khandhā caturotiādināpi ayamevattho saṅgahito. Tattha yāni padāni sadisavissajjanāni, tāni uppaṭipāṭiyāpi samodhānetvā tattha vedanākkhandhādikā pañhā katā. Tesu evaṃ khandhādivibhāgo veditabbo. Vedanākkhandhādipañhe tāva – ekenāti manāyatanena. Sattahīti viññāṇadhātūhi. Kehicīti dhammāyatane vedanādīhi. Viññāṇadhātupañhe – te dhammā na kehicīti te pucchāya uddhaṭapadaṃ viññāṇadhātuṃ ṭhapetvā sesā cha viññāṇadhātudhammā, rūpaṃ, nibbānañca. Tehi sabbesaṃ khandhāyatanānaṃ saṅgahitattā na kehici khandhehi āyatanehi vā vippayuttā. Ekāya dhātuyāti yā yā pucchāya uddhaṭā hoti tāya tāya.
309. убзгкинд̣̇рияабан̃хз – бан̃жахийд̇и убзгкаасамбаяуд̇д̇аахи жагкувин̃н̃аан̣ад̇хаад̇уаад̣̇ийхи. иминаа наязна саб̣б̣ад̇т̇а бужчааяа уд̣̇д̇хадабад̣̇знзва сад̣̇д̇хим̣ виббаяуд̇д̇аанам̣ васзна ад̇т̇о взд̣̇ид̇аб̣б̣од̇и.
309. Upekkhindriyapañhe – pañcahīti upekkhāsampayuttāhi cakkhuviññāṇadhātuādīhi. Iminā nayena sabbattha pucchāya uddhaṭapadeneva saddhiṃ vippayuttānaṃ vasena attho veditabboti.
самбаяуд̇д̇знавиббаяуд̇д̇абад̣̇аван̣н̣анаа.
Sampayuttenavippayuttapadavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаад̇угат̇аабаал̣и • Dhātukathāpāḷi / 7. самбаяуд̇д̇знавиббаяуд̇д̇абад̣̇анид̣̇д̣̇зсо • 7. Sampayuttenavippayuttapadaniddeso
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 7. сад̇д̇аманаяо самбаяуд̇д̇знавиббаяуд̇д̇абад̣̇аван̣н̣анаа • 7. Sattamanayo sampayuttenavippayuttapadavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 7. сад̇д̇аманаяо самбаяуд̇д̇знавиббаяуд̇д̇абад̣̇аван̣н̣анаа • 7. Sattamanayo sampayuttenavippayuttapadavaṇṇanā
