| Library / Tipiṭaka / তিপিটক • Tipiṭaka / ৰজিরবুদ্ধি-টীকা • Vajirabuddhi-ṭīkā |
৭. সত্তমনিস্সগ্গিযপাচিত্তিযসিক্খাপদৰণ্ণনা
7. Sattamanissaggiyapācittiyasikkhāpadavaṇṇanā
৭৬৪. সত্তমে ‘‘সযং যাচিতকেনা’’তি কিঞ্চাপি অৰিসেসেন ৰুত্তং। তথাপি অঞ্ঞদত্থিকেন অত্তুদ্দেসিকেন সঞ্ঞাচিকেনাতি অত্থো ৰেদিতব্বো। অযমত্থো ‘‘ভিক্খুনিযো তেন চ পরিক্খারেন সযম্পি যাচিত্ৰা ভেসজ্জং চেতাপেত্ৰা পরিভুঞ্জিংসূ’’তি ইমিস্সা পাল়িযা অত্থেন সংসন্দিত্ৰা ৰেদিতব্বো। তস্সাযমত্থো – তেন পরিক্খারেন ভেসজ্জং চেতাপেত্ৰা চ-সদ্দেন সঞ্ঞাচিকেন চ ভেসজ্জং চেতাপেত্ৰাতি ইমমত্থং দীপেন্তো ‘‘সযম্পি যাচিত্ৰা ভেসজ্জং চেতাপেত্ৰা’’তি আহ। অঞ্ঞথা ‘‘তেন পরিক্খারেন ভেসজ্জং চেতাপেত্ৰা সযম্পি যাচিত্ৰা পরিভুঞ্জিংসূ’’তি ইমিনা অনুক্কমেন পাল়ি ৰত্তব্বা সিযা।
764. Sattame ‘‘sayaṃ yācitakenā’’ti kiñcāpi avisesena vuttaṃ. Tathāpi aññadatthikena attuddesikena saññācikenāti attho veditabbo. Ayamattho ‘‘bhikkhuniyo tena ca parikkhārena sayampi yācitvā bhesajjaṃ cetāpetvā paribhuñjiṃsū’’ti imissā pāḷiyā atthena saṃsanditvā veditabbo. Tassāyamattho – tena parikkhārena bhesajjaṃ cetāpetvā ca-saddena saññācikena ca bhesajjaṃ cetāpetvāti imamatthaṃ dīpento ‘‘sayampi yācitvā bhesajjaṃ cetāpetvā’’ti āha. Aññathā ‘‘tena parikkhārena bhesajjaṃ cetāpetvā sayampi yācitvā paribhuñjiṃsū’’ti iminā anukkamena pāḷi vattabbā siyā.
পদভাজনে পন ‘‘সংযাচিকেনাতি সযং যাচিত্ৰা’’তি তস্সেৰ পদস্স অধিপ্পাযমত্তং ৰুত্তং। সা হি পদভাজনধম্মতা। ‘‘সঙ্ঘিকং লাভং পরিণত’’ন্তিআদিপদানং ভাজনে পন সা পাকটা। অঞ্ঞথা সংযাচিকপদেন কো অঞ্ঞো অতিরেকত্থো সঙ্গহিতো সিযা, সো ন দিস্সতীতি তদেৰ পদং নিপ্পযোজনং, ইদঞ্চ সিক্খাপদং পুরিমেন নিন্নানাকরণং সিযা। অত্তনো হি সন্তকং যথাকামং করণীযন্তি। এত্থ চ সঙ্ঘস্স যাচনায ৰসেন একতো হুত্ৰা যাচনায লদ্ধং সংযাচিকন্তি ৰেদিতব্বং। অঞ্ঞথা ইতো পরেন সংযাচিক-সদ্দেন ইদং নিব্বিসেসং আপজ্জতীতি ‘‘পুগ্গলিকেন সংযাচিকেনা’’তি ইদঞ্চ সিক্খাপদং ৰিসুং ন ৰত্তব্বং সিযা ইধেৰ তেন আপজ্জিতব্বাপত্তিযা সঙ্গহিতত্তা, ন চ সঙ্গহিতা আপত্তিদ্ৰযভাৰতো। মিস্সেত্ৰা চেতাপিতত্তা হি একমেৰ আপত্তীতি চে? ন, সংযাচিকপদস্স নিপ্পযোজনভাৰপ্পসঙ্গতো, এৰং সঙ্ঘিকমহাজনিকপুগ্গলিকানি মিস্সিত্ৰা চেতাপনে একাপত্তিভাৰপ্পসঙ্গতো চ।
Padabhājane pana ‘‘saṃyācikenāti sayaṃ yācitvā’’ti tasseva padassa adhippāyamattaṃ vuttaṃ. Sā hi padabhājanadhammatā. ‘‘Saṅghikaṃ lābhaṃ pariṇata’’ntiādipadānaṃ bhājane pana sā pākaṭā. Aññathā saṃyācikapadena ko añño atirekattho saṅgahito siyā, so na dissatīti tadeva padaṃ nippayojanaṃ, idañca sikkhāpadaṃ purimena ninnānākaraṇaṃ siyā. Attano hi santakaṃ yathākāmaṃ karaṇīyanti. Ettha ca saṅghassa yācanāya vasena ekato hutvā yācanāya laddhaṃ saṃyācikanti veditabbaṃ. Aññathā ito parena saṃyācika-saddena idaṃ nibbisesaṃ āpajjatīti ‘‘puggalikena saṃyācikenā’’ti idañca sikkhāpadaṃ visuṃ na vattabbaṃ siyā idheva tena āpajjitabbāpattiyā saṅgahitattā, na ca saṅgahitā āpattidvayabhāvato. Missetvā cetāpitattā hi ekameva āpattīti ce? Na, saṃyācikapadassa nippayojanabhāvappasaṅgato, evaṃ saṅghikamahājanikapuggalikāni missitvā cetāpane ekāpattibhāvappasaṅgato ca.
সত্তমনিস্সগ্গিযপাচিত্তিযসিক্খাপদৰণ্ণনা নিট্ঠিতা।
Sattamanissaggiyapācittiyasikkhāpadavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / ভিক্খুনীৰিভঙ্গ • Bhikkhunīvibhaṅga / ৭. সত্তমসিক্খাপদং • 7. Sattamasikkhāpadaṃ
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / ভিক্খুনীৰিভঙ্গ-অট্ঠকথা • Bhikkhunīvibhaṅga-aṭṭhakathā / সত্তমনিস্সগ্গিযপাচিত্তিযসিক্খাপদৰণ্ণনা • Sattamanissaggiyapācittiyasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৩. নিস্সগ্গিযকণ্ডং (ভিক্খুনীৰিভঙ্গৰণ্ণনা) • 3. Nissaggiyakaṇḍaṃ (bhikkhunīvibhaṅgavaṇṇanā)
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ২. দুতিযনিস্সগ্গিযাদিপাচিত্তিযসিক্খাপদৰণ্ণনা • 2. Dutiyanissaggiyādipācittiyasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৭. সত্তমনিস্সগ্গিযপাচিত্তিযসিক্খাপদং • 7. Sattamanissaggiyapācittiyasikkhāpadaṃ
