| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
7. сад̇д̇аманиссаг̇г̇ияабаажид̇д̇ияасигкаабад̣̇аван̣н̣анаа
7. Sattamanissaggiyapācittiyasikkhāpadavaṇṇanā
764. сад̇д̇амз ‘‘саяам̣ яаажид̇агзнаа’’д̇и гин̃жааби ависзсзна вуд̇д̇ам̣. д̇ат̇ааби ан̃н̃ад̣̇ад̇т̇игзна ад̇д̇уд̣̇д̣̇зсигзна сан̃н̃аажигзнаад̇и ад̇т̇о взд̣̇ид̇аб̣б̣о. аяамад̇т̇о ‘‘бхигкунияо д̇зна жа баригкаарзна саяамби яаажид̇ваа бхзсаж̇ж̇ам̣ жзд̇аабзд̇ваа барибхун̃ж̇им̣суу’’д̇и имиссаа баал̣ияаа ад̇т̇зна сам̣санд̣̇ид̇ваа взд̣̇ид̇аб̣б̣о. д̇ассааяамад̇т̇о – д̇зна баригкаарзна бхзсаж̇ж̇ам̣ жзд̇аабзд̇ваа жа-сад̣̇д̣̇зна сан̃н̃аажигзна жа бхзсаж̇ж̇ам̣ жзд̇аабзд̇ваад̇и имамад̇т̇ам̣ д̣̇ийбзнд̇о ‘‘саяамби яаажид̇ваа бхзсаж̇ж̇ам̣ жзд̇аабзд̇ваа’’д̇и ааха. ан̃н̃ат̇аа ‘‘д̇зна баригкаарзна бхзсаж̇ж̇ам̣ жзд̇аабзд̇ваа саяамби яаажид̇ваа барибхун̃ж̇им̣суу’’д̇и иминаа ануггамзна баал̣и вад̇д̇аб̣б̣аа сияаа.
764. Sattame ‘‘sayaṃ yācitakenā’’ti kiñcāpi avisesena vuttaṃ. Tathāpi aññadatthikena attuddesikena saññācikenāti attho veditabbo. Ayamattho ‘‘bhikkhuniyo tena ca parikkhārena sayampi yācitvā bhesajjaṃ cetāpetvā paribhuñjiṃsū’’ti imissā pāḷiyā atthena saṃsanditvā veditabbo. Tassāyamattho – tena parikkhārena bhesajjaṃ cetāpetvā ca-saddena saññācikena ca bhesajjaṃ cetāpetvāti imamatthaṃ dīpento ‘‘sayampi yācitvā bhesajjaṃ cetāpetvā’’ti āha. Aññathā ‘‘tena parikkhārena bhesajjaṃ cetāpetvā sayampi yācitvā paribhuñjiṃsū’’ti iminā anukkamena pāḷi vattabbā siyā.
бад̣̇абхааж̇анз бана ‘‘сам̣яаажигзнаад̇и саяам̣ яаажид̇ваа’’д̇и д̇ассзва бад̣̇асса ад̇хиббааяамад̇д̇ам̣ вуд̇д̇ам̣. саа хи бад̣̇абхааж̇анад̇хаммад̇аа. ‘‘сан̇гхигам̣ лаабхам̣ барин̣ад̇а’’нд̇иаад̣̇ибад̣̇аанам̣ бхааж̇анз бана саа баагадаа. ан̃н̃ат̇аа сам̣яаажигабад̣̇зна го ан̃н̃о ад̇ирзгад̇т̇о сан̇г̇ахид̇о сияаа, со на д̣̇иссад̇ийд̇и д̇ад̣̇зва бад̣̇ам̣ ниббаяож̇анам̣, ид̣̇ан̃жа сигкаабад̣̇ам̣ буримзна ниннаанаагаран̣ам̣ сияаа. ад̇д̇ано хи санд̇агам̣ яат̇аагаамам̣ гаран̣ийяанд̇и. зд̇т̇а жа сан̇гхасса яаажанааяа васзна згад̇о худ̇ваа яаажанааяа лад̣̇д̇хам̣ сам̣яаажиганд̇и взд̣̇ид̇аб̣б̣ам̣. ан̃н̃ат̇аа ид̇о барзна сам̣яаажига-сад̣̇д̣̇зна ид̣̇ам̣ ниб̣б̣исзсам̣ аабаж̇ж̇ад̇ийд̇и ‘‘буг̇г̇алигзна сам̣яаажигзнаа’’д̇и ид̣̇ан̃жа сигкаабад̣̇ам̣ висум̣ на вад̇д̇аб̣б̣ам̣ сияаа ид̇хзва д̇зна аабаж̇ж̇ид̇аб̣б̣аабад̇д̇ияаа сан̇г̇ахид̇ад̇д̇аа, на жа сан̇г̇ахид̇аа аабад̇д̇ид̣̇ваяабхаавад̇о. миссзд̇ваа жзд̇аабид̇ад̇д̇аа хи згамзва аабад̇д̇ийд̇и жз? на, сам̣яаажигабад̣̇асса ниббаяож̇анабхааваббасан̇г̇ад̇о, звам̣ сан̇гхигамахааж̇анигабуг̇г̇алигаани миссид̇ваа жзд̇аабанз згаабад̇д̇ибхааваббасан̇г̇ад̇о жа.
Padabhājane pana ‘‘saṃyācikenāti sayaṃ yācitvā’’ti tasseva padassa adhippāyamattaṃ vuttaṃ. Sā hi padabhājanadhammatā. ‘‘Saṅghikaṃ lābhaṃ pariṇata’’ntiādipadānaṃ bhājane pana sā pākaṭā. Aññathā saṃyācikapadena ko añño atirekattho saṅgahito siyā, so na dissatīti tadeva padaṃ nippayojanaṃ, idañca sikkhāpadaṃ purimena ninnānākaraṇaṃ siyā. Attano hi santakaṃ yathākāmaṃ karaṇīyanti. Ettha ca saṅghassa yācanāya vasena ekato hutvā yācanāya laddhaṃ saṃyācikanti veditabbaṃ. Aññathā ito parena saṃyācika-saddena idaṃ nibbisesaṃ āpajjatīti ‘‘puggalikena saṃyācikenā’’ti idañca sikkhāpadaṃ visuṃ na vattabbaṃ siyā idheva tena āpajjitabbāpattiyā saṅgahitattā, na ca saṅgahitā āpattidvayabhāvato. Missetvā cetāpitattā hi ekameva āpattīti ce? Na, saṃyācikapadassa nippayojanabhāvappasaṅgato, evaṃ saṅghikamahājanikapuggalikāni missitvā cetāpane ekāpattibhāvappasaṅgato ca.
сад̇д̇аманиссаг̇г̇ияабаажид̇д̇ияасигкаабад̣̇аван̣н̣анаа нидтид̇аа.
Sattamanissaggiyapācittiyasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бхигкунийвибхан̇г̇а • Bhikkhunīvibhaṅga / 7. сад̇д̇амасигкаабад̣̇ам̣ • 7. Sattamasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / сад̇д̇аманиссаг̇г̇ияабаажид̇д̇ияасигкаабад̣̇аван̣н̣анаа • Sattamanissaggiyapācittiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. ниссаг̇г̇ияаган̣д̣ам̣ (бхигкунийвибхан̇г̇аван̣н̣анаа) • 3. Nissaggiyakaṇḍaṃ (bhikkhunīvibhaṅgavaṇṇanā)
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. д̣̇уд̇ияаниссаг̇г̇ияаад̣̇ибаажид̇д̇ияасигкаабад̣̇аван̣н̣анаа • 2. Dutiyanissaggiyādipācittiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 7. сад̇д̇аманиссаг̇г̇ияабаажид̇д̇ияасигкаабад̣̇ам̣ • 7. Sattamanissaggiyapācittiyasikkhāpadaṃ
