| Library / Tipiṭaka / ਤਿਪਿਟਕ • Tipiṭaka / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā |
੭. ਸਤ੍ਤਮਨਿਸ੍ਸਗ੍ਗਿਯਪਾਚਿਤ੍ਤਿਯਸਿਕ੍ਖਾਪਦવਣ੍ਣਨਾ
7. Sattamanissaggiyapācittiyasikkhāpadavaṇṇanā
੭੬੪. ਸਤ੍ਤਮੇ ‘‘ਸਯਂ ਯਾਚਿਤਕੇਨਾ’’ਤਿ ਕਿਞ੍ਚਾਪਿ ਅવਿਸੇਸੇਨ વੁਤ੍ਤਂ। ਤਥਾਪਿ ਅਞ੍ਞਦਤ੍ਥਿਕੇਨ ਅਤ੍ਤੁਦ੍ਦੇਸਿਕੇਨ ਸਞ੍ਞਾਚਿਕੇਨਾਤਿ ਅਤ੍ਥੋ વੇਦਿਤਬ੍ਬੋ। ਅਯਮਤ੍ਥੋ ‘‘ਭਿਕ੍ਖੁਨਿਯੋ ਤੇਨ ਚ ਪਰਿਕ੍ਖਾਰੇਨ ਸਯਮ੍ਪਿ ਯਾਚਿਤ੍વਾ ਭੇਸਜ੍ਜਂ ਚੇਤਾਪੇਤ੍વਾ ਪਰਿਭੁਞ੍ਜਿਂਸੂ’’ਤਿ ਇਮਿਸ੍ਸਾ ਪਾਲ਼ਿਯਾ ਅਤ੍ਥੇਨ ਸਂਸਨ੍ਦਿਤ੍વਾ વੇਦਿਤਬ੍ਬੋ। ਤਸ੍ਸਾਯਮਤ੍ਥੋ – ਤੇਨ ਪਰਿਕ੍ਖਾਰੇਨ ਭੇਸਜ੍ਜਂ ਚੇਤਾਪੇਤ੍વਾ ਚ-ਸਦ੍ਦੇਨ ਸਞ੍ਞਾਚਿਕੇਨ ਚ ਭੇਸਜ੍ਜਂ ਚੇਤਾਪੇਤ੍વਾਤਿ ਇਮਮਤ੍ਥਂ ਦੀਪੇਨ੍ਤੋ ‘‘ਸਯਮ੍ਪਿ ਯਾਚਿਤ੍વਾ ਭੇਸਜ੍ਜਂ ਚੇਤਾਪੇਤ੍વਾ’’ਤਿ ਆਹ। ਅਞ੍ਞਥਾ ‘‘ਤੇਨ ਪਰਿਕ੍ਖਾਰੇਨ ਭੇਸਜ੍ਜਂ ਚੇਤਾਪੇਤ੍વਾ ਸਯਮ੍ਪਿ ਯਾਚਿਤ੍વਾ ਪਰਿਭੁਞ੍ਜਿਂਸੂ’’ਤਿ ਇਮਿਨਾ ਅਨੁਕ੍ਕਮੇਨ ਪਾਲ਼ਿ વਤ੍ਤਬ੍ਬਾ ਸਿਯਾ।
764. Sattame ‘‘sayaṃ yācitakenā’’ti kiñcāpi avisesena vuttaṃ. Tathāpi aññadatthikena attuddesikena saññācikenāti attho veditabbo. Ayamattho ‘‘bhikkhuniyo tena ca parikkhārena sayampi yācitvā bhesajjaṃ cetāpetvā paribhuñjiṃsū’’ti imissā pāḷiyā atthena saṃsanditvā veditabbo. Tassāyamattho – tena parikkhārena bhesajjaṃ cetāpetvā ca-saddena saññācikena ca bhesajjaṃ cetāpetvāti imamatthaṃ dīpento ‘‘sayampi yācitvā bhesajjaṃ cetāpetvā’’ti āha. Aññathā ‘‘tena parikkhārena bhesajjaṃ cetāpetvā sayampi yācitvā paribhuñjiṃsū’’ti iminā anukkamena pāḷi vattabbā siyā.
ਪਦਭਾਜਨੇ ਪਨ ‘‘ਸਂਯਾਚਿਕੇਨਾਤਿ ਸਯਂ ਯਾਚਿਤ੍વਾ’’ਤਿ ਤਸ੍ਸੇવ ਪਦਸ੍ਸ ਅਧਿਪ੍ਪਾਯਮਤ੍ਤਂ વੁਤ੍ਤਂ। ਸਾ ਹਿ ਪਦਭਾਜਨਧਮ੍ਮਤਾ। ‘‘ਸਙ੍ਘਿਕਂ ਲਾਭਂ ਪਰਿਣਤ’’ਨ੍ਤਿਆਦਿਪਦਾਨਂ ਭਾਜਨੇ ਪਨ ਸਾ ਪਾਕਟਾ। ਅਞ੍ਞਥਾ ਸਂਯਾਚਿਕਪਦੇਨ ਕੋ ਅਞ੍ਞੋ ਅਤਿਰੇਕਤ੍ਥੋ ਸਙ੍ਗਹਿਤੋ ਸਿਯਾ, ਸੋ ਨ ਦਿਸ੍ਸਤੀਤਿ ਤਦੇવ ਪਦਂ ਨਿਪ੍ਪਯੋਜਨਂ, ਇਦਞ੍ਚ ਸਿਕ੍ਖਾਪਦਂ ਪੁਰਿਮੇਨ ਨਿਨ੍ਨਾਨਾਕਰਣਂ ਸਿਯਾ। ਅਤ੍ਤਨੋ ਹਿ ਸਨ੍ਤਕਂ ਯਥਾਕਾਮਂ ਕਰਣੀਯਨ੍ਤਿ। ਏਤ੍ਥ ਚ ਸਙ੍ਘਸ੍ਸ ਯਾਚਨਾਯ વਸੇਨ ਏਕਤੋ ਹੁਤ੍વਾ ਯਾਚਨਾਯ ਲਦ੍ਧਂ ਸਂਯਾਚਿਕਨ੍ਤਿ વੇਦਿਤਬ੍ਬਂ। ਅਞ੍ਞਥਾ ਇਤੋ ਪਰੇਨ ਸਂਯਾਚਿਕ-ਸਦ੍ਦੇਨ ਇਦਂ ਨਿਬ੍ਬਿਸੇਸਂ ਆਪਜ੍ਜਤੀਤਿ ‘‘ਪੁਗ੍ਗਲਿਕੇਨ ਸਂਯਾਚਿਕੇਨਾ’’ਤਿ ਇਦਞ੍ਚ ਸਿਕ੍ਖਾਪਦਂ વਿਸੁਂ ਨ વਤ੍ਤਬ੍ਬਂ ਸਿਯਾ ਇਧੇવ ਤੇਨ ਆਪਜ੍ਜਿਤਬ੍ਬਾਪਤ੍ਤਿਯਾ ਸਙ੍ਗਹਿਤਤ੍ਤਾ, ਨ ਚ ਸਙ੍ਗਹਿਤਾ ਆਪਤ੍ਤਿਦ੍વਯਭਾવਤੋ। ਮਿਸ੍ਸੇਤ੍વਾ ਚੇਤਾਪਿਤਤ੍ਤਾ ਹਿ ਏਕਮੇવ ਆਪਤ੍ਤੀਤਿ ਚੇ? ਨ, ਸਂਯਾਚਿਕਪਦਸ੍ਸ ਨਿਪ੍ਪਯੋਜਨਭਾવਪ੍ਪਸਙ੍ਗਤੋ, ਏવਂ ਸਙ੍ਘਿਕਮਹਾਜਨਿਕਪੁਗ੍ਗਲਿਕਾਨਿ ਮਿਸ੍ਸਿਤ੍વਾ ਚੇਤਾਪਨੇ ਏਕਾਪਤ੍ਤਿਭਾવਪ੍ਪਸਙ੍ਗਤੋ ਚ।
Padabhājane pana ‘‘saṃyācikenāti sayaṃ yācitvā’’ti tasseva padassa adhippāyamattaṃ vuttaṃ. Sā hi padabhājanadhammatā. ‘‘Saṅghikaṃ lābhaṃ pariṇata’’ntiādipadānaṃ bhājane pana sā pākaṭā. Aññathā saṃyācikapadena ko añño atirekattho saṅgahito siyā, so na dissatīti tadeva padaṃ nippayojanaṃ, idañca sikkhāpadaṃ purimena ninnānākaraṇaṃ siyā. Attano hi santakaṃ yathākāmaṃ karaṇīyanti. Ettha ca saṅghassa yācanāya vasena ekato hutvā yācanāya laddhaṃ saṃyācikanti veditabbaṃ. Aññathā ito parena saṃyācika-saddena idaṃ nibbisesaṃ āpajjatīti ‘‘puggalikena saṃyācikenā’’ti idañca sikkhāpadaṃ visuṃ na vattabbaṃ siyā idheva tena āpajjitabbāpattiyā saṅgahitattā, na ca saṅgahitā āpattidvayabhāvato. Missetvā cetāpitattā hi ekameva āpattīti ce? Na, saṃyācikapadassa nippayojanabhāvappasaṅgato, evaṃ saṅghikamahājanikapuggalikāni missitvā cetāpane ekāpattibhāvappasaṅgato ca.
ਸਤ੍ਤਮਨਿਸ੍ਸਗ੍ਗਿਯਪਾਚਿਤ੍ਤਿਯਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Sattamanissaggiyapācittiyasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga / ੭. ਸਤ੍ਤਮਸਿਕ੍ਖਾਪਦਂ • 7. Sattamasikkhāpadaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਭਿਕ੍ਖੁਨੀવਿਭਙ੍ਗ-ਅਟ੍ਠਕਥਾ • Bhikkhunīvibhaṅga-aṭṭhakathā / ਸਤ੍ਤਮਨਿਸ੍ਸਗ੍ਗਿਯਪਾਚਿਤ੍ਤਿਯਸਿਕ੍ਖਾਪਦવਣ੍ਣਨਾ • Sattamanissaggiyapācittiyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੩. ਨਿਸ੍ਸਗ੍ਗਿਯਕਣ੍ਡਂ (ਭਿਕ੍ਖੁਨੀવਿਭਙ੍ਗવਣ੍ਣਨਾ) • 3. Nissaggiyakaṇḍaṃ (bhikkhunīvibhaṅgavaṇṇanā)
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੨. ਦੁਤਿਯਨਿਸ੍ਸਗ੍ਗਿਯਾਦਿਪਾਚਿਤ੍ਤਿਯਸਿਕ੍ਖਾਪਦવਣ੍ਣਨਾ • 2. Dutiyanissaggiyādipācittiyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੭. ਸਤ੍ਤਮਨਿਸ੍ਸਗ੍ਗਿਯਪਾਚਿਤ੍ਤਿਯਸਿਕ੍ਖਾਪਦਂ • 7. Sattamanissaggiyapācittiyasikkhāpadaṃ
