| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
7. сад̇д̇амасан̇гхаад̣̇исзсасигкаабад̣̇ам̣
7. Sattamasaṅghādisesasikkhāpadaṃ
709. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна жан̣д̣агаал̣ий бхигкуний бхигкунийхи сад̣̇д̇хим̣ бхан̣д̣ид̇ваа губид̇аа анад̇д̇аманаа звам̣ вад̣̇зд̇и – ‘‘б̣уд̣̇д̇хам̣ бажжаажигкаами, д̇хаммам̣ бажжаажигкаами, сан̇гхам̣ бажжаажигкаами, сигкам̣ бажжаажигкаами. гиннумаава саман̣ияо яаа саман̣ияо сагяад̇хийд̇аро, санд̇ан̃н̃ааби саман̣ияо лаж̇ж̇инияо гуггужжигаа сигкаагаамаа д̇аасаахам̣ санд̇игз б̣рахмажарияам̣ жариссаамий’’д̇и. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аяяаа жан̣д̣агаал̣ий 1 губид̇аа анад̇д̇аманаа звам̣ вагкад̇и – б̣уд̣̇д̇хам̣ бажжаажигкаами…бз… сигкам̣ бажжаажигкаами. гиннумаава саман̣ияо яаа саман̣ияо сагяад̇хийд̇аро, санд̇ан̃н̃ааби саман̣ияо лаж̇ж̇инияо гуггужжигаа сигкаагаамаа д̇аасаахам̣ санд̇игз б̣рахмажарияам̣ жариссаамий’’д̇и…бз… сажжам̣ гира, бхигкавз, жан̣д̣агаал̣ий бхигкуний губид̇аа анад̇д̇аманаа звам̣ вад̣̇зд̇и – ‘‘б̣уд̣̇д̇хам̣ бажжаажигкаами…бз… сигкам̣ бажжаажигкаами. гиннумаава саман̣ияо яаа саман̣ияо сагяад̇хийд̇аро, санд̇ан̃н̃ааби саман̣ияо лаж̇ж̇инияо гуггужжигаа сигкаагаамаа, д̇аасаахам̣ санд̇игз б̣рахмажарияам̣ жариссаамий’’д̇и ? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, жан̣д̣агаал̣ий бхигкуний губид̇аа анад̇д̇аманаа звам̣ вагкад̇и – ‘‘б̣уд̣̇д̇хам̣ бажжаажигкаами…бз… сигкам̣ бажжаажигкаами. гиннумаава саман̣ияо яаа саман̣ияо сагяад̇хийд̇аро, санд̇ан̃н̃ааби саман̣ияо лаж̇ж̇инияо гуггужжигаа сигкаагаамаа, д̇аасаахам̣ санд̇игз б̣рахмажарияам̣ жариссаамий’’д̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
709. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena caṇḍakāḷī bhikkhunī bhikkhunīhi saddhiṃ bhaṇḍitvā kupitā anattamanā evaṃ vadeti – ‘‘buddhaṃ paccācikkhāmi, dhammaṃ paccācikkhāmi, saṅghaṃ paccācikkhāmi, sikkhaṃ paccācikkhāmi. Kinnumāva samaṇiyo yā samaṇiyo sakyadhītaro, santaññāpi samaṇiyo lajjiniyo kukkuccikā sikkhākāmā tāsāhaṃ santike brahmacariyaṃ carissāmī’’ti. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma ayyā caṇḍakāḷī 2 kupitā anattamanā evaṃ vakkhati – buddhaṃ paccācikkhāmi…pe… sikkhaṃ paccācikkhāmi. Kinnumāva samaṇiyo yā samaṇiyo sakyadhītaro, santaññāpi samaṇiyo lajjiniyo kukkuccikā sikkhākāmā tāsāhaṃ santike brahmacariyaṃ carissāmī’’ti…pe… saccaṃ kira, bhikkhave, caṇḍakāḷī bhikkhunī kupitā anattamanā evaṃ vadeti – ‘‘buddhaṃ paccācikkhāmi…pe… sikkhaṃ paccācikkhāmi. Kinnumāva samaṇiyo yā samaṇiyo sakyadhītaro, santaññāpi samaṇiyo lajjiniyo kukkuccikā sikkhākāmā, tāsāhaṃ santike brahmacariyaṃ carissāmī’’ti ? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, caṇḍakāḷī bhikkhunī kupitā anattamanā evaṃ vakkhati – ‘‘buddhaṃ paccācikkhāmi…pe… sikkhaṃ paccācikkhāmi. Kinnumāva samaṇiyo yā samaṇiyo sakyadhītaro, santaññāpi samaṇiyo lajjiniyo kukkuccikā sikkhākāmā, tāsāhaṃ santike brahmacariyaṃ carissāmī’’ti! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
710. ‘‘яаа бана бхигкуний губид̇аа анад̇д̇аманаа звам̣ вад̣̇зяяа – ‘б̣уд̣̇д̇хам̣ бажжаажигкаами, д̇хаммам̣ бажжаажигкаами, сан̇гхам̣ бажжаажигкаами, сигкам̣ бажжаажигкаами. гиннумаава саман̣ияо яаа саман̣ияо сагяад̇хийд̇аро! санд̇ан̃н̃ааби саман̣ияо лаж̇ж̇инияо гуггужжигаа сигкаагаамаа, д̇аасаахам̣ санд̇игз б̣рахмажарияам̣ жариссаамий’д̇и, саа бхигкуний бхигкунийхи звамасса важанийяаа – ‘мааяяз, губид̇аа анад̇д̇аманаа звам̣ аважа – б̣уд̣̇д̇хам̣ бажжаажигкаами, д̇хаммам̣ бажжаажигкаами, сан̇гхам̣ бажжаажигкаами, сигкам̣ бажжаажигкаами. гиннумаава саман̣ияо яаа саман̣ияо сагяад̇хийд̇аро! санд̇ан̃н̃ааби саман̣ияо лаж̇ж̇инияо гуггужжигаа сигкаагаамаа, д̇аасаахам̣ санд̇игз б̣рахмажарияам̣ жариссаамийд̇и, абхирамааяяз, сваагкаад̇о д̇хаммо; жара б̣рахмажарияам̣ саммаа д̣̇угкасса анд̇агирияааяаа’д̇и. зван̃жа саа бхигкуний бхигкунийхи вужжамаанаа д̇ат̇зва баг̇г̇ан̣хзяяа, саа бхигкуний бхигкунийхи яаавад̇ад̇ияам̣ саманубхаасид̇аб̣б̣аа д̇асса бадиниссаг̇г̇ааяа. яаавад̇ад̇ияан̃жз саманубхаасийяамаанаа д̇ам̣ бадиниссаж̇ж̇зяяа ижжзд̇ам̣ гусалам̣; но жз бадиниссаж̇ж̇зяяа , аяамби бхигкуний яаавад̇ад̇ияагам̣ д̇хаммам̣ аабаннаа ниссааран̣ийяам̣ сан̇гхаад̣̇исзса’’нд̇и.
710.‘‘Yā pana bhikkhunī kupitā anattamanā evaṃ vadeyya – ‘buddhaṃ paccācikkhāmi, dhammaṃ paccācikkhāmi, saṅghaṃ paccācikkhāmi, sikkhaṃ paccācikkhāmi. Kinnumāva samaṇiyo yā samaṇiyo sakyadhītaro! Santaññāpi samaṇiyo lajjiniyo kukkuccikā sikkhākāmā, tāsāhaṃ santike brahmacariyaṃ carissāmī’ti, sā bhikkhunī bhikkhunīhi evamassa vacanīyā – ‘māyye, kupitā anattamanā evaṃ avaca – buddhaṃ paccācikkhāmi, dhammaṃ paccācikkhāmi, saṅghaṃ paccācikkhāmi, sikkhaṃ paccācikkhāmi. Kinnumāva samaṇiyo yā samaṇiyo sakyadhītaro! Santaññāpi samaṇiyo lajjiniyo kukkuccikā sikkhākāmā, tāsāhaṃ santike brahmacariyaṃ carissāmīti, abhiramāyye, svākkhāto dhammo; cara brahmacariyaṃ sammā dukkhassa antakiriyāyā’ti. Evañca sā bhikkhunī bhikkhunīhi vuccamānā tatheva paggaṇheyya, sā bhikkhunī bhikkhunīhi yāvatatiyaṃ samanubhāsitabbā tassa paṭinissaggāya. Yāvatatiyañce samanubhāsīyamānā taṃ paṭinissajjeyya iccetaṃ kusalaṃ; no ce paṭinissajjeyya , ayampi bhikkhunī yāvatatiyakaṃ dhammaṃ āpannā nissāraṇīyaṃ saṅghādisesa’’nti.
711. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
711.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
губид̇аа анад̇д̇аманаад̇и анабхирад̣̇д̇хаа аахад̇ажид̇д̇аа килаж̇аад̇аа.
Kupitā anattamanāti anabhiraddhā āhatacittā khilajātā.
звам̣ вад̣̇зяяаад̇и – ‘‘б̣уд̣̇д̇хам̣ бажжаажигкаами…бз… сигкам̣ бажжаажигкаами. гиннумаава саман̣ияо яаа саман̣ияо сагяад̇хийд̇аро! санд̇ан̃н̃ааби саман̣ияо лаж̇ж̇инияо гуггужжигаа сигкаагаамаа, д̇аасаахам̣ санд̇игз б̣рахмажарияам̣ жариссаамий’’д̇и.
Evaṃ vadeyyāti – ‘‘buddhaṃ paccācikkhāmi…pe… sikkhaṃ paccācikkhāmi. Kinnumāva samaṇiyo yā samaṇiyo sakyadhītaro! Santaññāpi samaṇiyo lajjiniyo kukkuccikā sikkhākāmā, tāsāhaṃ santike brahmacariyaṃ carissāmī’’ti.
саа бхигкунийд̇и яаа саа звам̣ваад̣̇иний бхигкуний. бхигкунийхийд̇и ан̃н̃аахи бхигкунийхи.
Sābhikkhunīti yā sā evaṃvādinī bhikkhunī. Bhikkhunīhīti aññāhi bhikkhunīhi.
яаа бассанд̇и яаа сун̣анд̇и д̇аахи вад̇д̇аб̣б̣аа – ‘‘мааяяз, губид̇аа анад̇д̇аманаа звам̣ аважа – ‘б̣уд̣̇д̇хам̣ бажжаажигкаами…бз… сигкам̣ бажжаажигкаами. гиннумаава саман̣ияо яаа саман̣ияо сагяад̇хийд̇аро! санд̇ан̃н̃ааби саман̣ияо лаж̇ж̇инияо гуггужжигаа сигкаагаамаа, д̇аасаахам̣ санд̇игз б̣рахмажарияам̣ жариссаамий’д̇и. абхирамааяяз, сваагкаад̇о д̇хаммо; жара б̣рахмажарияам̣ саммаа д̣̇угкасса анд̇агирияааяаа’’д̇и. д̣̇уд̇ияамби вад̇д̇аб̣б̣аа. д̇ад̇ияамби вад̇д̇аб̣б̣аа. сажз бадиниссаж̇ж̇ад̇и ижжзд̇ам̣ гусалам̣, но жз бадиниссаж̇ж̇ад̇и аабад̇д̇и д̣̇уггадасса. суд̇ваа на вад̣̇анд̇и, аабад̇д̇и д̣̇уггадасса. саа бхигкуний сан̇гхамаж̇жхамби аагад̣дхид̇ваа вад̇д̇аб̣б̣аа – ‘‘мааяяз, губид̇аа анад̇д̇аманаа звам̣ аважа – ‘б̣уд̣̇д̇хам̣ бажжаажигкаами…бз… сигкам̣ бажжаажигкаами . гиннумаава саман̣ияо яаа саман̣ияо сагяад̇хийд̇аро! санд̇ан̃н̃ааби саман̣ияо лаж̇ж̇инияо гуггужжигаа сигкаагаамаа, д̇аасаахам̣ санд̇игз б̣рахмажарияам̣ жариссаамий’д̇и. абхирамааяяз, сваагкаад̇о д̇хаммо; жара б̣рахмажарияам̣ саммаа д̣̇угкасса анд̇агирияааяаа’’д̇и. д̣̇уд̇ияамби вад̇д̇аб̣б̣аа. д̇ад̇ияамби вад̇д̇аб̣б̣аа. сажз бадиниссаж̇ж̇ад̇и ижжзд̇ам̣ гусалам̣, но жз бадиниссаж̇ж̇ад̇и аабад̇д̇и д̣̇уггадасса. саа бхигкуний саманубхаасид̇аб̣б̣аа. зван̃жа бана, бхигкавз, саманубхаасид̇аб̣б̣аа. б̣яад̇д̇ааяа бхигкунияаа бадиб̣алааяа сан̇гхо н̃аабзд̇аб̣б̣о –
Yā passanti yā suṇanti tāhi vattabbā – ‘‘māyye, kupitā anattamanā evaṃ avaca – ‘buddhaṃ paccācikkhāmi…pe… sikkhaṃ paccācikkhāmi. Kinnumāva samaṇiyo yā samaṇiyo sakyadhītaro! Santaññāpi samaṇiyo lajjiniyo kukkuccikā sikkhākāmā, tāsāhaṃ santike brahmacariyaṃ carissāmī’ti. Abhiramāyye, svākkhāto dhammo; cara brahmacariyaṃ sammā dukkhassa antakiriyāyā’’ti. Dutiyampi vattabbā. Tatiyampi vattabbā. Sace paṭinissajjati iccetaṃ kusalaṃ, no ce paṭinissajjati āpatti dukkaṭassa. Sutvā na vadanti, āpatti dukkaṭassa. Sā bhikkhunī saṅghamajjhampi ākaḍḍhitvā vattabbā – ‘‘māyye, kupitā anattamanā evaṃ avaca – ‘buddhaṃ paccācikkhāmi…pe… sikkhaṃ paccācikkhāmi . Kinnumāva samaṇiyo yā samaṇiyo sakyadhītaro! Santaññāpi samaṇiyo lajjiniyo kukkuccikā sikkhākāmā, tāsāhaṃ santike brahmacariyaṃ carissāmī’ti. Abhiramāyye, svākkhāto dhammo; cara brahmacariyaṃ sammā dukkhassa antakiriyāyā’’ti. Dutiyampi vattabbā. Tatiyampi vattabbā. Sace paṭinissajjati iccetaṃ kusalaṃ, no ce paṭinissajjati āpatti dukkaṭassa. Sā bhikkhunī samanubhāsitabbā. Evañca pana, bhikkhave, samanubhāsitabbā. Byattāya bhikkhuniyā paṭibalāya saṅgho ñāpetabbo –
712. ‘‘сун̣аад̇у мз, аяяз, сан̇гхо. аяам̣ ид̇т̇аннаамаа бхигкуний губид̇аа анад̇д̇аманаа звам̣ вад̣̇зд̇и – ‘б̣уд̣̇д̇хам̣ бажжаажигкаами, д̇хаммам̣ бажжаажигкаами, сан̇гхам̣ бажжаажигкаами, сигкам̣ бажжаажигкаами. гиннумаава саман̣ияо яаа саман̣ияо сагяад̇хийд̇аро! санд̇ан̃н̃ааби саман̣ияо лаж̇ж̇инияо гуггужжигаа сигкаагаамаа д̇аасаахам̣ санд̇игз б̣рахмажарияам̣ жариссаамий’д̇и. саа д̇ам̣ вад̇т̇ум̣ на бадиниссаж̇ж̇ад̇и. яад̣̇и сан̇гхасса бад̇д̇агаллам̣, сан̇гхо ид̇т̇аннаамам̣ бхигкуним̣ саманубхаасзяяа д̇асса вад̇т̇усса бадиниссаг̇г̇ааяа. зсаа н̃ад̇д̇и.
712. ‘‘Suṇātu me, ayye, saṅgho. Ayaṃ itthannāmā bhikkhunī kupitā anattamanā evaṃ vadeti – ‘buddhaṃ paccācikkhāmi, dhammaṃ paccācikkhāmi, saṅghaṃ paccācikkhāmi, sikkhaṃ paccācikkhāmi. Kinnumāva samaṇiyo yā samaṇiyo sakyadhītaro! Santaññāpi samaṇiyo lajjiniyo kukkuccikā sikkhākāmā tāsāhaṃ santike brahmacariyaṃ carissāmī’ti. Sā taṃ vatthuṃ na paṭinissajjati. Yadi saṅghassa pattakallaṃ, saṅgho itthannāmaṃ bhikkhuniṃ samanubhāseyya tassa vatthussa paṭinissaggāya. Esā ñatti.
‘‘сун̣аад̇у мз, аяяз, сан̇гхо. аяам̣ ид̇т̇аннаамаа бхигкуний губид̇аа анад̇д̇аманаа звам̣ вад̣̇зд̇и – ‘б̣уд̣̇д̇хам̣ бажжаажигкаами…бз… сигкам̣ бажжаажигкаами. гиннумаава саман̣ияо яаа саман̣ияо сагяад̇хийд̇аро! санд̇ан̃н̃ааби саман̣ияо лаж̇ж̇инияо гуггужжигаа сигкаагаамаа, д̇аасаахам̣ санд̇игз б̣рахмажарияам̣ жариссаамий’д̇и . саа д̇ам̣ вад̇т̇ум̣ на бадиниссаж̇ж̇ад̇и. сан̇гхо ид̇т̇аннаамам̣ бхигкуним̣ саманубхаасад̇и д̇асса вад̇т̇усса бадиниссаг̇г̇ааяа. яассаа аяяааяа камад̇и ид̇т̇аннаамааяа бхигкунияаа саманубхаасанаа д̇асса вад̇т̇усса бадиниссаг̇г̇ааяа, саа д̇ун̣хасса; яассаа нагкамад̇и саа, бхаасзяяа.
‘‘Suṇātu me, ayye, saṅgho. Ayaṃ itthannāmā bhikkhunī kupitā anattamanā evaṃ vadeti – ‘buddhaṃ paccācikkhāmi…pe… sikkhaṃ paccācikkhāmi. Kinnumāva samaṇiyo yā samaṇiyo sakyadhītaro! Santaññāpi samaṇiyo lajjiniyo kukkuccikā sikkhākāmā, tāsāhaṃ santike brahmacariyaṃ carissāmī’ti . Sā taṃ vatthuṃ na paṭinissajjati. Saṅgho itthannāmaṃ bhikkhuniṃ samanubhāsati tassa vatthussa paṭinissaggāya. Yassā ayyāya khamati itthannāmāya bhikkhuniyā samanubhāsanā tassa vatthussa paṭinissaggāya, sā tuṇhassa; yassā nakkhamati sā, bhāseyya.
‘‘д̣̇уд̇ияамби зд̇амад̇т̇ам̣ вад̣̇аами…бз… д̇ад̇ияамби зд̇амад̇т̇ам̣ вад̣̇аами…бз….
‘‘Dutiyampi etamatthaṃ vadāmi…pe… tatiyampi etamatthaṃ vadāmi…pe….
‘‘саманубхадтаа сан̇гхзна ид̇т̇аннаамаа бхигкуний д̇асса вад̇т̇усса бадиниссаг̇г̇ааяа. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Samanubhaṭṭhā saṅghena itthannāmā bhikkhunī tassa vatthussa paṭinissaggāya. Khamati saṅghassa, tasmā tuṇhī, evametaṃ dhārayāmī’’ti.
н̃ад̇д̇ияаа д̣̇уггадам̣. д̣̇вийхи гаммаваажаахи т̇уллажжаяаа. гаммаваажаабарияосаанз аабад̇д̇и сан̇гхаад̣̇исзсасса. сан̇гхаад̣̇исзсам̣ аж̇жхаабаж̇ж̇анд̇ияаа н̃ад̇д̇ияаа д̣̇уггадам̣, д̣̇вийхи гаммаваажаахи т̇уллажжаяаа бадиббассамбханд̇и.
Ñattiyā dukkaṭaṃ. Dvīhi kammavācāhi thullaccayā. Kammavācāpariyosāne āpatti saṅghādisesassa. Saṅghādisesaṃ ajjhāpajjantiyā ñattiyā dukkaṭaṃ, dvīhi kammavācāhi thullaccayā paṭippassambhanti.
аяамбийд̇и буримааяо убаад̣̇ааяа вужжад̇и.
Ayampīti purimāyo upādāya vuccati.
яаавад̇ад̇ияаганд̇и яаавад̇ад̇ияам̣ саманубхаасанааяа аабаж̇ж̇ад̇и, на саха вад̇т̇уж̇жхаажаараа.
Yāvatatiyakanti yāvatatiyaṃ samanubhāsanāya āpajjati, na saha vatthujjhācārā.
ниссааран̣ийяанд̇и сан̇гхамхаа ниссаарийяад̇и.
Nissāraṇīyanti saṅghamhā nissārīyati.
сан̇гхаад̣̇исзсод̇и…бз… д̇знаби вужжад̇и сан̇гхаад̣̇исзсод̇и.
Saṅghādisesoti…pe… tenapi vuccati saṅghādisesoti.
713. д̇хаммагаммз д̇хаммагаммасан̃н̃аа на бадиниссаж̇ж̇ад̇и, аабад̇д̇и сан̇гхаад̣̇исзсасса. д̇хаммагаммз взмад̇игаа на бадиниссаж̇ж̇ад̇и, аабад̇д̇и сан̇гхаад̣̇исзсасса. д̇хаммагаммз ад̇хаммагаммасан̃н̃аа на бадиниссаж̇ж̇ад̇и, аабад̇д̇и сан̇гхаад̣̇исзсасса.
713. Dhammakamme dhammakammasaññā na paṭinissajjati, āpatti saṅghādisesassa. Dhammakamme vematikā na paṭinissajjati, āpatti saṅghādisesassa. Dhammakamme adhammakammasaññā na paṭinissajjati, āpatti saṅghādisesassa.
ад̇хаммагаммз д̇хаммагаммасан̃н̃аа, аабад̇д̇и д̣̇уггадасса . ад̇хаммагаммз взмад̇игаа, аабад̇д̇и д̣̇уггадасса. ад̇хаммагаммз ад̇хаммагаммасан̃н̃аа, аабад̇д̇и д̣̇уггадасса.
Adhammakamme dhammakammasaññā, āpatti dukkaṭassa . Adhammakamme vematikā, āpatti dukkaṭassa. Adhammakamme adhammakammasaññā, āpatti dukkaṭassa.
714. анаабад̇д̇и асаманубхаасанд̇ияаа, бадиниссаж̇ж̇анд̇ияаа, уммад̇д̇игааяа, аад̣̇игаммигааяаад̇и.
714. Anāpatti asamanubhāsantiyā, paṭinissajjantiyā, ummattikāya, ādikammikāyāti.
сад̇д̇амасан̇гхаад̣̇исзсасигкаабад̣̇ам̣ нидтид̇ам̣.
Sattamasaṅghādisesasikkhāpadaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 7. сад̇д̇амасан̇гхаад̣̇исзсасигкаабад̣̇аван̣н̣анаа • 7. Sattamasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 7. сад̇д̇амасан̇гхаад̣̇исзсасигкаабад̣̇аван̣н̣анаа • 7. Sattamasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 7. сад̇д̇амасан̇гхаад̣̇исзсасигкаабад̣̇аван̣н̣анаа • 7. Sattamasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 6. чадтасан̇гхаад̣̇исзсасигкаабад̣̇аван̣н̣анаа • 6. Chaṭṭhasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 7. сад̇д̇амасан̇гхаад̣̇исзсасигкаабад̣̇ам̣ • 7. Sattamasaṅghādisesasikkhāpadaṃ
