| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
7. ஸத்தமஸிக்கா²பத³ங்
7. Sattamasikkhāpadaṃ
822. ஸத்தமே ‘‘பயோக³து³க்கடங் நாமா’’தி இமினா ஹெட்டா² வுத்தேஸு அட்ட²ஸு து³க்கடேஸு புப்³ப³பயோக³து³க்கடங் த³ஸ்ஸேதி. ந கேவலங் புப்³ப³பயோக³து³க்கடங் எத்தகமேவ, அத² கோ² அஞ்ஞம்பி ப³ஹு ஹோதீதி த³ஸ்ஸெந்தோ ஆஹ ‘‘தஸ்மா’’திஆதி³. ஸங்க⁴ட்டனேஸுபீதி விலோளனேஸுபி. த³ந்தேஹி ஸங்கா²த³தீதி த³ந்தேஹி சுண்ணவிசுண்ணங் கரோதி. எத்தா²தி இமஸ்மிங் ஸிக்கா²பதே³, அஞ்ஞாய பி⁴க்கு²னியா காராபெத்வாதி ஸம்ப³ந்தோ⁴. ‘‘அஞ்ஞாயா’’திபத³ங் ‘‘விஞ்ஞாபெத்வா’’தி பதே³ காரிதகம்மங். மாதரம்பீதி எத்த² பிஸத்³தோ³ அஞ்ஞங் விஞ்ஞாபெத்வா பு⁴ஞ்ஜந்தியா பகே³வாதி த³ஸ்ஸேதி. தாய வாதி விஞ்ஞாபிதபி⁴க்கு²னியா வா. தந்தி ஆமகத⁴ஞ்ஞங். தந்தி மஹாபச்சரியங் வுத்தவசனங். புப்³பா³பரவிருத்³த⁴ந்தி புப்³பா³பரதோ விருத்³த⁴ங். ‘‘அஞ்ஞாய…பே॰… து³க்கடமேவா’’தி புப்³ப³வசனே து³க்கடமேவ வுத்தங், புன ‘‘அஞ்ஞாய…பே॰… து³க்கட’’ந்தி ச பச்சி²மவசனே பாசித்தியஞ்ச து³க்கடஞ்ச வுத்தங், தஸ்மா புப்³பா³பரவிருத்³த⁴ந்தி வுத்தங் ஹோதி. ஹீதி ஸச்சங், யஸ்மா வா.
822. Sattame ‘‘payogadukkaṭaṃ nāmā’’ti iminā heṭṭhā vuttesu aṭṭhasu dukkaṭesu pubbapayogadukkaṭaṃ dasseti. Na kevalaṃ pubbapayogadukkaṭaṃ ettakameva, atha kho aññampi bahu hotīti dassento āha ‘‘tasmā’’tiādi. Saṅghaṭṭanesupīti viloḷanesupi. Dantehi saṅkhādatīti dantehi cuṇṇavicuṇṇaṃ karoti. Etthāti imasmiṃ sikkhāpade, aññāya bhikkhuniyā kārāpetvāti sambandho. ‘‘Aññāyā’’tipadaṃ ‘‘viññāpetvā’’ti pade kāritakammaṃ. Mātarampīti ettha pisaddo aññaṃ viññāpetvā bhuñjantiyā pagevāti dasseti. Tāya vāti viññāpitabhikkhuniyā vā. Tanti āmakadhaññaṃ. Tanti mahāpaccariyaṃ vuttavacanaṃ. Pubbāparaviruddhanti pubbāparato viruddhaṃ. ‘‘Aññāya…pe… dukkaṭamevā’’ti pubbavacane dukkaṭameva vuttaṃ, puna ‘‘aññāya…pe… dukkaṭa’’nti ca pacchimavacane pācittiyañca dukkaṭañca vuttaṃ, tasmā pubbāparaviruddhanti vuttaṃ hoti. Hīti saccaṃ, yasmā vā.
823. லப்³ப⁴மானங் ஆமகத⁴ஞ்ஞந்தி ஸம்ப³ந்தோ⁴. அஞ்ஞங் வா யங்கிஞ்சீதி முக்³க³மாஸாதீ³ஹி வா லாபு³கும்ப⁴ண்டா³தீ³ஹி வா அஞ்ஞங் யங்கிஞ்சி திலாதி³ங் வாதி. ஸத்தமங்.
823. Labbhamānaṃ āmakadhaññanti sambandho. Aññaṃ vā yaṃkiñcīti muggamāsādīhi vā lābukumbhaṇḍādīhi vā aññaṃ yaṃkiñci tilādiṃ vāti. Sattamaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பி⁴க்கு²னீவிப⁴ங்க³ • Bhikkhunīvibhaṅga / 7. ஸத்தமஸிக்கா²பத³ங் • 7. Sattamasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā / 7. ஸத்தமஸிக்கா²பத³வண்ணனா • 7. Sattamasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 1. லஸுணவக்³க³வண்ணனா • 1. Lasuṇavaggavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 7. ஸத்தமஸிக்கா²பத³வண்ணனா • 7. Sattamasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 1. பட²மலஸுணாதி³ஸிக்கா²பத³வண்ணனா • 1. Paṭhamalasuṇādisikkhāpadavaṇṇanā
