| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
7. сад̇д̇амасигкаабад̣̇ам̣
7. Sattamasikkhāpadaṃ
864. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна самб̣ахулаа бхигкунияо госалзсу ж̇анабад̣̇з саавад̇т̇им̣ г̇ажчанд̇ияо сааяам̣ ан̃н̃ад̇арам̣ г̇аамам̣ убаг̇анд̇ваа ан̃н̃ад̇арам̣ б̣раахман̣агулам̣ убасан̇гамид̇ваа огаасам̣ яаажим̣су. ат̇а ко саа б̣раахман̣ий д̇аа бхигкунияо зд̇ад̣̇авожа – ‘‘ааг̇амзт̇а, аяяз, яаава б̣раахман̣о ааг̇ажчад̇ий’’д̇и. бхигкунияо – ‘‘яаава б̣раахман̣о ааг̇ажчад̇ий’’д̇и сзяяам̣ сант̇арид̇ваа згажжаа нисийд̣̇им̣су згажжаа нибаж̇ж̇им̣су. ат̇а ко со б̣раахман̣о рад̇д̇им̣ ааг̇анд̇ваа д̇ам̣ б̣раахман̣им̣ зд̇ад̣̇авожа – ‘‘гаа имаа’’д̇и? ‘‘бхигкунияо, аяяаа’’д̇и. ‘‘ниггад̣дхат̇а имаа мун̣д̣аа б̣анд̇хагинияо’’д̇и, гхарад̇о ниггад̣дхаабзси. ат̇а ко д̇аа бхигкунияо саавад̇т̇им̣ г̇анд̇ваа бхигкунийнам̣ зд̇амад̇т̇ам̣ аарожзсум̣. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкунияо вигаалз гулаани убасан̇гамид̇ваа саамигз анаабужчаа сзяяам̣ сант̇арид̇ваа абхинисийд̣̇иссанд̇иби абхинибаж̇ж̇иссанд̇ибий’’д̇и…бз… сажжам̣ гира, бхигкавз, бхигкунияо вигаалз гулаани убасан̇гамид̇ваа саамигз анаабужчаа сзяяам̣ сант̇арид̇ваа абхинисийд̣̇анд̇иби абхинибаж̇ж̇анд̇ибийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, бхигкунияо вигаалз гулаани убасан̇гамид̇ваа саамигз анаабужчаа сзяяам̣ сант̇арид̇ваа абхинисийд̣̇иссанд̇иби абхинибаж̇ж̇иссанд̇иби! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
864. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena sambahulā bhikkhuniyo kosalesu janapade sāvatthiṃ gacchantiyo sāyaṃ aññataraṃ gāmaṃ upagantvā aññataraṃ brāhmaṇakulaṃ upasaṅkamitvā okāsaṃ yāciṃsu. Atha kho sā brāhmaṇī tā bhikkhuniyo etadavoca – ‘‘āgametha, ayye, yāva brāhmaṇo āgacchatī’’ti. Bhikkhuniyo – ‘‘yāva brāhmaṇo āgacchatī’’ti seyyaṃ santharitvā ekaccā nisīdiṃsu ekaccā nipajjiṃsu. Atha kho so brāhmaṇo rattiṃ āgantvā taṃ brāhmaṇiṃ etadavoca – ‘‘kā imā’’ti? ‘‘Bhikkhuniyo, ayyā’’ti. ‘‘Nikkaḍḍhatha imā muṇḍā bandhakiniyo’’ti, gharato nikkaḍḍhāpesi. Atha kho tā bhikkhuniyo sāvatthiṃ gantvā bhikkhunīnaṃ etamatthaṃ ārocesuṃ. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma bhikkhuniyo vikāle kulāni upasaṅkamitvā sāmike anāpucchā seyyaṃ santharitvā abhinisīdissantipi abhinipajjissantipī’’ti…pe… saccaṃ kira, bhikkhave, bhikkhuniyo vikāle kulāni upasaṅkamitvā sāmike anāpucchā seyyaṃ santharitvā abhinisīdantipi abhinipajjantipīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, bhikkhuniyo vikāle kulāni upasaṅkamitvā sāmike anāpucchā seyyaṃ santharitvā abhinisīdissantipi abhinipajjissantipi! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
865. ‘‘яаа бана бхигкуний вигаалз гулаани убасан̇гамид̇ваа саамигз анаабужчаа сзяяам̣ сант̇арид̇ваа ваа сант̇араабзд̇ваа ваа абхинисийд̣̇зяяа ваа абхинибаж̇ж̇зяяа ваа, баажид̇д̇ияа’’нд̇и.
865.‘‘Yāpana bhikkhunī vikāle kulāni upasaṅkamitvā sāmike anāpucchā seyyaṃ santharitvā vā santharāpetvā vā abhinisīdeyya vā abhinipajjeyya vā, pācittiya’’nti.
866. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
866.Yāpanāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
вигаало наама ад̇т̇ан̇г̇ад̇з суурияз яаава арун̣уг̇г̇аманаа.
Vikālo nāma atthaṅgate sūriye yāva aruṇuggamanā.
гулам̣ наама жад̇д̇аари гулаани – кад̇д̇ияагулам̣, б̣раахман̣агулам̣, взссагулам̣ суд̣̇д̣̇агулам̣. убасан̇гамид̇ваад̇и д̇ад̇т̇а г̇анд̇ваа.
Kulaṃ nāma cattāri kulāni – khattiyakulaṃ, brāhmaṇakulaṃ, vessakulaṃ suddakulaṃ. Upasaṅkamitvāti tattha gantvā.
саамигз анаабужчаад̇и яо д̇асмим̣ гулз мануссо саамиго д̣̇аад̇ум̣, д̇ам̣ анаабужчаа.
Sāmike anāpucchāti yo tasmiṃ kule manusso sāmiko dātuṃ, taṃ anāpucchā.
сзяяам̣ наама анд̇амасо бан̣н̣асант̇аароби. сант̇арид̇ваад̇и саяам̣ сант̇арид̇ваа. сант̇араабзд̇ваад̇и ан̃н̃ам̣ сант̇араабзд̇ваа. абхинисийд̣̇зяяаад̇и д̇асмим̣ абхинисийд̣̇ад̇и, аабад̇д̇и баажид̇д̇ияасса. абхинибаж̇ж̇зяяаад̇и д̇асмим̣ абхинибаж̇ж̇ад̇и, аабад̇д̇и баажид̇д̇ияасса.
Seyyaṃ nāma antamaso paṇṇasanthāropi. Santharitvāti sayaṃ santharitvā. Santharāpetvāti aññaṃ santharāpetvā. Abhinisīdeyyāti tasmiṃ abhinisīdati, āpatti pācittiyassa. Abhinipajjeyyāti tasmiṃ abhinipajjati, āpatti pācittiyassa.
867. анаабужчид̇з анаабужчид̇асан̃н̃аа сзяяам̣ сант̇арид̇ваа ваа сант̇араабзд̇ваа ваа абхинисийд̣̇ад̇и ваа абхинибаж̇ж̇ад̇и ваа, аабад̇д̇и баажид̇д̇ияасса. анаабужчид̇з взмад̇игаа сзяяам̣ сант̇арид̇ваа ваа сант̇араабзд̇ваа ваа абхинисийд̣̇ад̇и ваа абхинибаж̇ж̇ад̇и ваа, аабад̇д̇и баажид̇д̇ияасса. анаабужчид̇з аабужчид̇асан̃н̃аа сзяяам̣ сант̇арид̇ваа ваа сант̇араабзд̇ваа ваа абхинисийд̣̇ад̇и ваа абхинибаж̇ж̇ад̇и ваа, аабад̇д̇и баажид̇д̇ияасса.
867. Anāpucchite anāpucchitasaññā seyyaṃ santharitvā vā santharāpetvā vā abhinisīdati vā abhinipajjati vā, āpatti pācittiyassa. Anāpucchite vematikā seyyaṃ santharitvā vā santharāpetvā vā abhinisīdati vā abhinipajjati vā, āpatti pācittiyassa. Anāpucchite āpucchitasaññā seyyaṃ santharitvā vā santharāpetvā vā abhinisīdati vā abhinipajjati vā, āpatti pācittiyassa.
аабужчид̇з анаабужчид̇асан̃н̃аа, аабад̇д̇и д̣̇уггадасса. аабужчид̇з взмад̇игаа, аабад̇д̇и д̣̇уггадасса. аабужчид̇з аабужчид̇асан̃н̃аа, анаабад̇д̇и.
Āpucchite anāpucchitasaññā, āpatti dukkaṭassa. Āpucchite vematikā, āpatti dukkaṭassa. Āpucchite āpucchitasaññā, anāpatti.
868. анаабад̇д̇и аабужчаа сзяяам̣ сант̇арид̇ваа ваа сант̇араабзд̇ваа ваа абхинисийд̣̇ад̇и ваа абхинибаж̇ж̇ад̇и ваа, г̇илаанааяа, аабад̣̇аасу, уммад̇д̇игааяа, аад̣̇игаммигааяаад̇и.
868. Anāpatti āpucchā seyyaṃ santharitvā vā santharāpetvā vā abhinisīdati vā abhinipajjati vā, gilānāya, āpadāsu, ummattikāya, ādikammikāyāti.
сад̇д̇амасигкаабад̣̇ам̣ нидтид̇ам̣.
Sattamasikkhāpadaṃ niṭṭhitaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 7. сад̇д̇амасигкаабад̣̇аван̣н̣анаа • 7. Sattamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. анд̇хагаараваг̇г̇аван̣н̣анаа • 2. Andhakāravaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 7. сад̇д̇амасигкаабад̣̇аван̣н̣анаа • 7. Sattamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаад̣̇исигкаабад̣̇аван̣н̣анаа • 1. Paṭhamādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 7. сад̇д̇амасигкаабад̣̇ам̣ • 7. Sattamasikkhāpadaṃ
