| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
7. сад̇д̇амасигкаабад̣̇ам̣
7. Sattamasikkhāpadaṃ
911. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна бхигкунисан̇гхасса агаалажийварам̣ уббаннам̣ ход̇и. ат̇а ко бхигкунисан̇гхо д̇ам̣ жийварам̣ бхааж̇зд̇угаамо саннибад̇и. д̇зна ко бана самаязна т̇уллананд̣̇ааяа бхигкунияаа анд̇зваасинияо бхигкунияо багганд̇аа хонд̇и. т̇уллананд̣̇аа бхигкуний д̇аа бхигкунияо зд̇ад̣̇авожа – ‘‘аяяз, бхигкунияо багганд̇аа, на д̇аава жийварам̣ бхааж̇ийяиссад̇ий’’д̇и. жийваравибхан̇г̇ам̣ бадиб̣аахи. бхигкунияо на д̇аава жийварам̣ бхааж̇ийяиссад̇ийд̇и баггамим̣су 1. т̇уллананд̣̇аа бхигкуний анд̇зваасинийсу бхигкунийсу ааг̇ад̇аасу д̇ам̣ жийварам̣ бхааж̇аабзси. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аяяаа т̇уллананд̣̇аа д̇хаммигам̣ жийваравибхан̇г̇ам̣ бадиб̣аахиссад̇ий’’д̇и…бз… сажжам̣ гира, бхигкавз, т̇уллананд̣̇аа бхигкуний д̇хаммигам̣ жийваравибхан̇г̇ам̣ бадиб̣аахад̇ийд̇и 2? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, т̇уллананд̣̇аа бхигкуний д̇хаммигам̣ жийваравибхан̇г̇ам̣ бадиб̣аахиссад̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
911. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena bhikkhunisaṅghassa akālacīvaraṃ uppannaṃ hoti. Atha kho bhikkhunisaṅgho taṃ cīvaraṃ bhājetukāmo sannipati. Tena kho pana samayena thullanandāya bhikkhuniyā antevāsiniyo bhikkhuniyo pakkantā honti. Thullanandā bhikkhunī tā bhikkhuniyo etadavoca – ‘‘ayye, bhikkhuniyo pakkantā, na tāva cīvaraṃ bhājīyissatī’’ti. Cīvaravibhaṅgaṃ paṭibāhi. Bhikkhuniyo na tāva cīvaraṃ bhājīyissatīti pakkamiṃsu 3. Thullanandā bhikkhunī antevāsinīsu bhikkhunīsu āgatāsu taṃ cīvaraṃ bhājāpesi. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma ayyā thullanandā dhammikaṃ cīvaravibhaṅgaṃ paṭibāhissatī’’ti…pe… saccaṃ kira, bhikkhave, thullanandā bhikkhunī dhammikaṃ cīvaravibhaṅgaṃ paṭibāhatīti 4? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, thullanandā bhikkhunī dhammikaṃ cīvaravibhaṅgaṃ paṭibāhissati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
912. ‘‘яаа бана бхигкуний д̇хаммигам̣ жийваравибхан̇г̇ам̣ бадиб̣аахзяяа, баажид̇д̇ияа’’нд̇и.
912.‘‘Yā pana bhikkhunī dhammikaṃ cīvaravibhaṅgaṃpaṭibāheyya, pācittiya’’nti.
913. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
913.Yāpanāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
д̇хаммигонаама жийваравибхан̇г̇о самаг̇г̇о бхигкунисан̇гхо саннибад̇ид̇ваа бхааж̇зд̇и.
Dhammikonāma cīvaravibhaṅgo samaggo bhikkhunisaṅgho sannipatitvā bhājeti.
бадиб̣аахзяяаад̇и гат̇ам̣ имам̣ жийварам̣ на бхааж̇зяяаад̇и 5 бадиб̣аахад̇и, аабад̇д̇и баажид̇д̇ияасса.
Paṭibāheyyāti kathaṃ imaṃ cīvaraṃ na bhājeyyāti 6 paṭibāhati, āpatti pācittiyassa.
914. д̇хаммигз д̇хаммигасан̃н̃аа бадиб̣аахад̇и, аабад̇д̇и баажид̇д̇ияасса. д̇хаммигз взмад̇игаа бадиб̣аахад̇и, аабад̇д̇и д̣̇уггадасса. д̇хаммигз ад̇хаммигасан̃н̃аа бадиб̣аахад̇и, анаабад̇д̇и. ад̇хаммигз д̇хаммигасан̃н̃аа, аабад̇д̇и д̣̇уггадасса. ад̇хаммигз взмад̇игаа, аабад̇д̇и д̣̇уггадасса. ад̇хаммигз ад̇хаммигасан̃н̃аа, анаабад̇д̇и.
914. Dhammike dhammikasaññā paṭibāhati, āpatti pācittiyassa. Dhammike vematikā paṭibāhati, āpatti dukkaṭassa. Dhammike adhammikasaññā paṭibāhati, anāpatti. Adhammike dhammikasaññā, āpatti dukkaṭassa. Adhammike vematikā, āpatti dukkaṭassa. Adhammike adhammikasaññā, anāpatti.
915. анаабад̇д̇и аанисам̣сам̣ д̣̇ассзд̇ваа бадиб̣аахад̇и, уммад̇д̇игааяа, аад̣̇игаммигааяаад̇и.
915. Anāpatti ānisaṃsaṃ dassetvā paṭibāhati, ummattikāya, ādikammikāyāti.
сад̇д̇амасигкаабад̣̇ам̣ нидтид̇ам̣.
Sattamasikkhāpadaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 7. сад̇д̇амасигкаабад̣̇аван̣н̣анаа • 7. Sattamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. наг̇г̇аваг̇г̇аван̣н̣анаа • 3. Naggavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 5. бан̃жамасигкаабад̣̇аван̣н̣анаа • 5. Pañcamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаад̣̇исигкаабад̣̇аван̣н̣анаа • 1. Paṭhamādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 7. сад̇д̇амасигкаабад̣̇ам̣ • 7. Sattamasikkhāpadaṃ
