| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
7. сад̇д̇амасигкаабад̣̇ам̣
7. Sattamasikkhāpadaṃ
961. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна бхигкунияо анд̇орадтз саасан̇гасаммад̇з саббадибхаяз асад̇т̇игаа жааригам̣ жаранд̇и. д̇худ̇д̇аа д̣̇уусзнд̇и. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкунияо анд̇орадтз саасан̇гасаммад̇з саббадибхаяз асад̇т̇игаа жааригам̣ жариссанд̇ий’’д̇и…бз… сажжам̣ гира, бхигкавз, бхигкунияо анд̇орадтз саасан̇гасаммад̇з саббадибхаяз асад̇т̇игаа жааригам̣ жаранд̇ийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, бхигкунияо анд̇орадтз саасан̇гасаммад̇з саббадибхаяз асад̇т̇игаа жааригам̣ жариссанд̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
961. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena bhikkhuniyo antoraṭṭhe sāsaṅkasammate sappaṭibhaye asatthikā cārikaṃ caranti. Dhuttā dūsenti. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma bhikkhuniyo antoraṭṭhe sāsaṅkasammate sappaṭibhaye asatthikā cārikaṃ carissantī’’ti…pe… saccaṃ kira, bhikkhave, bhikkhuniyo antoraṭṭhe sāsaṅkasammate sappaṭibhaye asatthikā cārikaṃ carantīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, bhikkhuniyo antoraṭṭhe sāsaṅkasammate sappaṭibhaye asatthikā cārikaṃ carissanti! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
962. ‘‘яаа бана бхигкуний анд̇орадтз саасан̇гасаммад̇з саббадибхаяз асад̇т̇игаа жааригам̣ жарзяяа, баажид̇д̇ияа’’нд̇и.
962.‘‘Yā pana bhikkhunī antoraṭṭhe sāsaṅkasammate sappaṭibhaye asatthikā cārikaṃ careyya, pācittiya’’nti.
963. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
963.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
анд̇орадтзд̇и яасса виж̇ид̇з вихарад̇и, д̇асса радтз.
Antoraṭṭheti yassa vijite viharati, tassa raṭṭhe.
саасан̇гам̣ наама д̇асмим̣ маг̇г̇з жораанам̣ нивидтогаасо д̣̇иссад̇и, бхуд̇д̇огаасо д̣̇иссад̇и, тид̇огаасо д̣̇иссад̇и, нисинногаасо д̣̇иссад̇и, нибанногаасо д̣̇иссад̇и.
Sāsaṅkaṃ nāma tasmiṃ magge corānaṃ niviṭṭhokāso dissati, bhuttokāso dissati, ṭhitokāso dissati, nisinnokāso dissati, nipannokāso dissati.
саббадибхаяам̣ наама д̇асмим̣ маг̇г̇з жорзхи мануссаа хад̇аа д̣̇иссанд̇и, вилуд̇д̇аа д̣̇иссанд̇и, аагодид̇аа д̣̇иссанд̇и.
Sappaṭibhayaṃ nāma tasmiṃ magge corehi manussā hatā dissanti, viluttā dissanti, ākoṭitā dissanti.
асад̇т̇игаа наама винаа сад̇т̇зна.
Asatthikā nāma vinā satthena.
жааригам̣ жарзяяаад̇и гуггудасамбаад̇з г̇аамз г̇ааманд̇арз г̇ааманд̇арз аабад̇д̇и баажид̇д̇ияасса. аг̇аамагз аран̃н̃з ад̣̇д̇хаяож̇анз ад̣̇д̇хаяож̇анз аабад̇д̇и баажид̇д̇ияасса.
Cārikaṃ careyyāti kukkuṭasampāte gāme gāmantare gāmantare āpatti pācittiyassa. Agāmake araññe addhayojane addhayojane āpatti pācittiyassa.
964. анаабад̇д̇и сад̇т̇зна саха г̇ажчад̇и, кзмз аббадибхаяз г̇ажчад̇и, аабад̣̇аасу, уммад̇д̇игааяа, аад̣̇игаммигааяаад̇и.
964. Anāpatti satthena saha gacchati, kheme appaṭibhaye gacchati, āpadāsu, ummattikāya, ādikammikāyāti.
сад̇д̇амасигкаабад̣̇ам̣ нидтид̇ам̣.
Sattamasikkhāpadaṃ niṭṭhitaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 7-8-9. сад̇д̇амаадтаманавамасигкаабад̣̇аван̣н̣анаа • 7-8-9. Sattamaaṭṭhamanavamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 6. чадтасигкаабад̣̇аван̣н̣анаа • 6. Chaṭṭhasikkhāpadavaṇṇanā
