| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
7. сад̇д̇амасигкаабад̣̇ам̣
7. Sattamasikkhāpadaṃ
1003. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна т̇уллананд̣̇аа бхигкуний аавасат̇ажийварам̣ аниссаж̇ж̇ид̇ваа барибхун̃ж̇ад̇и. ан̃н̃аа уд̇унияо бхигкунияо на лабханд̇и. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аяяаа т̇уллананд̣̇аа аавасат̇ажийварам̣ аниссаж̇ж̇ид̇ваа барибхун̃ж̇иссад̇ий’’д̇и…бз… сажжам̣ гира, бхигкавз, т̇уллананд̣̇аа бхигкуний аавасат̇ажийварам̣ аниссаж̇ж̇ид̇ваа барибхун̃ж̇ад̇ийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, т̇уллананд̣̇аа бхигкуний аавасат̇ажийварам̣ аниссаж̇ж̇ид̇ваа барибхун̃ж̇иссад̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
1003. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena thullanandā bhikkhunī āvasathacīvaraṃ anissajjitvā paribhuñjati. Aññā utuniyo bhikkhuniyo na labhanti. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma ayyā thullanandā āvasathacīvaraṃ anissajjitvā paribhuñjissatī’’ti…pe… saccaṃ kira, bhikkhave, thullanandā bhikkhunī āvasathacīvaraṃ anissajjitvā paribhuñjatīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, thullanandā bhikkhunī āvasathacīvaraṃ anissajjitvā paribhuñjissati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
1004. ‘‘яаа бана бхигкуний аавасат̇ажийварам̣ аниссаж̇ж̇ид̇ваа барибхун̃ж̇зяяа, баажид̇д̇ияа’’нд̇и.
1004.‘‘Yā pana bhikkhunī āvasathacīvaraṃ anissajjitvā paribhuñjeyya, pācittiya’’nti.
1005. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
1005.Yāpanāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
аавасат̇ажийварам̣ наама ‘‘уд̇унияо бхигкунияо барибхун̃ж̇анд̇уу’’д̇и д̣̇иннам̣ ход̇и.
Āvasathacīvaraṃ nāma ‘‘utuniyo bhikkhuniyo paribhuñjantū’’ti dinnaṃ hoti.
аниссаж̇ж̇ид̇ваа барибхун̃ж̇зяяаад̇и д̣̇взд̇иссо рад̇д̇ияо барибхун̃ж̇ид̇ваа жад̇уд̇т̇ад̣̇ивасз д̇ховид̇ваа бхигкунияаа ваа сигкамаанааяа ваа сааман̣зрияаа ваа аниссаж̇ж̇ид̇ваа барибхун̃ж̇ад̇и , аабад̇д̇и баажид̇д̇ияасса.
Anissajjitvā paribhuñjeyyāti dvetisso rattiyo paribhuñjitvā catutthadivase dhovitvā bhikkhuniyā vā sikkhamānāya vā sāmaṇeriyā vā anissajjitvā paribhuñjati , āpatti pācittiyassa.
1006. аниссаж̇ж̇ид̇з аниссаж̇ж̇ид̇асан̃н̃аа барибхун̃ж̇ад̇и, аабад̇д̇и баажид̇д̇ияасса. аниссаж̇ж̇ид̇з взмад̇игаа барибхун̃ж̇ад̇и, аабад̇д̇и баажид̇д̇ияасса. аниссаж̇ж̇ид̇з ниссаж̇ж̇ид̇асан̃н̃аа барибхун̃ж̇ад̇и, аабад̇д̇и баажид̇д̇ияасса.
1006. Anissajjite anissajjitasaññā paribhuñjati, āpatti pācittiyassa. Anissajjite vematikā paribhuñjati, āpatti pācittiyassa. Anissajjite nissajjitasaññā paribhuñjati, āpatti pācittiyassa.
ниссаж̇ж̇ид̇з аниссаж̇ж̇ид̇асан̃н̃аа, аабад̇д̇и д̣̇уггадасса. ниссаж̇ж̇ид̇з взмад̇игаа, аабад̇д̇и д̣̇уггадасса. ниссаж̇ж̇ид̇з ниссаж̇ж̇ид̇асан̃н̃аа анаабад̇д̇и.
Nissajjite anissajjitasaññā, āpatti dukkaṭassa. Nissajjite vematikā, āpatti dukkaṭassa. Nissajjite nissajjitasaññā anāpatti.
1007. анаабад̇д̇и ниссаж̇ж̇ид̇ваа барибхун̃ж̇ад̇и, буна барияааязна барибхун̃ж̇ад̇и, ан̃н̃аа уд̇унияо бхигкунияо на хонд̇и, ажчиннажийваригааяа, надтажийваригааяа, аабад̣̇аасу, уммад̇д̇игааяа, аад̣̇игаммигааяаад̇и.
1007. Anāpatti nissajjitvā paribhuñjati, puna pariyāyena paribhuñjati, aññā utuniyo bhikkhuniyo na honti, acchinnacīvarikāya, naṭṭhacīvarikāya, āpadāsu, ummattikāya, ādikammikāyāti.
сад̇д̇амасигкаабад̣̇ам̣ нидтид̇ам̣.
Sattamasikkhāpadaṃ niṭṭhitaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 7. сад̇д̇амасигкаабад̣̇аван̣н̣анаа • 7. Sattamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 6. чадтасигкаабад̣̇аван̣н̣анаа • 6. Chaṭṭhasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 7. сад̇д̇амасигкаабад̣̇ам̣ • 7. Sattamasikkhāpadaṃ
