| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
๗. สตฺตมสิกฺขาปทํ
7. Sattamasikkhāpadaṃ
๘๒๒. สตฺตเม ‘‘ปโยคทุกฺกฎํ นามา’’ติ อิมินา เหฎฺฐา วุเตฺตสุ อฎฺฐสุ ทุกฺกเฎสุ ปุพฺพปโยคทุกฺกฎํ ทเสฺสติฯ น เกวลํ ปุพฺพปโยคทุกฺกฎํ เอตฺตกเมว, อถ โข อญฺญมฺปิ พหุ โหตีติ ทเสฺสโนฺต อาห ‘‘ตสฺมา’’ติอาทิฯ สงฺฆฎฺฎเนสุปีติ วิโลฬเนสุปิฯ ทเนฺตหิ สงฺขาทตีติ ทเนฺตหิ จุณฺณวิจุณฺณํ กโรติฯ เอตฺถาติ อิมสฺมิํ สิกฺขาปเท, อญฺญาย ภิกฺขุนิยา การาเปตฺวาติ สมฺพโนฺธฯ ‘‘อญฺญายา’’ติปทํ ‘‘วิญฺญาเปตฺวา’’ติ ปเท การิตกมฺมํฯ มาตรมฺปีติ เอตฺถ ปิสโทฺท อญฺญํ วิญฺญาเปตฺวา ภุญฺชนฺติยา ปเควาติ ทเสฺสติฯ ตาย วาติ วิญฺญาปิตภิกฺขุนิยา วาฯ ตนฺติ อามกธญฺญํฯ ตนฺติ มหาปจฺจริยํ วุตฺตวจนํฯ ปุพฺพาปรวิรุทฺธนฺติ ปุพฺพาปรโต วิรุทฺธํฯ ‘‘อญฺญาย…เป.… ทุกฺกฎเมวา’’ติ ปุพฺพวจเน ทุกฺกฎเมว วุตฺตํ, ปุน ‘‘อญฺญาย…เป.… ทุกฺกฎ’’นฺติ จ ปจฺฉิมวจเน ปาจิตฺติยญฺจ ทุกฺกฎญฺจ วุตฺตํ, ตสฺมา ปุพฺพาปรวิรุทฺธนฺติ วุตฺตํ โหติฯ หีติ สจฺจํ, ยสฺมา วาฯ
822. Sattame ‘‘payogadukkaṭaṃ nāmā’’ti iminā heṭṭhā vuttesu aṭṭhasu dukkaṭesu pubbapayogadukkaṭaṃ dasseti. Na kevalaṃ pubbapayogadukkaṭaṃ ettakameva, atha kho aññampi bahu hotīti dassento āha ‘‘tasmā’’tiādi. Saṅghaṭṭanesupīti viloḷanesupi. Dantehi saṅkhādatīti dantehi cuṇṇavicuṇṇaṃ karoti. Etthāti imasmiṃ sikkhāpade, aññāya bhikkhuniyā kārāpetvāti sambandho. ‘‘Aññāyā’’tipadaṃ ‘‘viññāpetvā’’ti pade kāritakammaṃ. Mātarampīti ettha pisaddo aññaṃ viññāpetvā bhuñjantiyā pagevāti dasseti. Tāya vāti viññāpitabhikkhuniyā vā. Tanti āmakadhaññaṃ. Tanti mahāpaccariyaṃ vuttavacanaṃ. Pubbāparaviruddhanti pubbāparato viruddhaṃ. ‘‘Aññāya…pe… dukkaṭamevā’’ti pubbavacane dukkaṭameva vuttaṃ, puna ‘‘aññāya…pe… dukkaṭa’’nti ca pacchimavacane pācittiyañca dukkaṭañca vuttaṃ, tasmā pubbāparaviruddhanti vuttaṃ hoti. Hīti saccaṃ, yasmā vā.
๘๒๓. ลพฺภมานํ อามกธญฺญนฺติ สมฺพโนฺธฯ อญฺญํ วา ยํกิญฺจีติ มุคฺคมาสาทีหิ วา ลาพุกุมฺภณฺฑาทีหิ วา อญฺญํ ยํกิญฺจิ ติลาทิํ วาติฯ สตฺตมํฯ
823. Labbhamānaṃ āmakadhaññanti sambandho. Aññaṃ vā yaṃkiñcīti muggamāsādīhi vā lābukumbhaṇḍādīhi vā aññaṃ yaṃkiñci tilādiṃ vāti. Sattamaṃ.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ภิกฺขุนีวิภงฺค • Bhikkhunīvibhaṅga / ๗. สตฺตมสิกฺขาปทํ • 7. Sattamasikkhāpadaṃ
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ภิกฺขุนีวิภงฺค-อฎฺฐกถา • Bhikkhunīvibhaṅga-aṭṭhakathā / ๗. สตฺตมสิกฺขาปทวณฺณนา • 7. Sattamasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ๑. ลสุณวคฺควณฺณนา • 1. Lasuṇavaggavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ๗. สตฺตมสิกฺขาปทวณฺณนา • 7. Sattamasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ๑. ปฐมลสุณาทิสิกฺขาปทวณฺณนา • 1. Paṭhamalasuṇādisikkhāpadavaṇṇanā
