| Library / Tipiṭaka / ਤਿਪਿਟਕ • Tipiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga |
੭. ਸਤ੍ਤਮਸਿਕ੍ਖਾਪਦਂ
7. Sattamasikkhāpadaṃ
੯੧੧. ਤੇਨ ਸਮਯੇਨ ਬੁਦ੍ਧੋ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤੇਨ ਖੋ ਪਨ ਸਮਯੇਨ ਭਿਕ੍ਖੁਨਿਸਙ੍ਘਸ੍ਸ ਅਕਾਲਚੀવਰਂ ਉਪ੍ਪਨ੍ਨਂ ਹੋਤਿ। ਅਥ ਖੋ ਭਿਕ੍ਖੁਨਿਸਙ੍ਘੋ ਤਂ ਚੀવਰਂ ਭਾਜੇਤੁਕਾਮੋ ਸਨ੍ਨਿਪਤਿ। ਤੇਨ ਖੋ ਪਨ ਸਮਯੇਨ ਥੁਲ੍ਲਨਨ੍ਦਾਯ ਭਿਕ੍ਖੁਨਿਯਾ ਅਨ੍ਤੇવਾਸਿਨਿਯੋ ਭਿਕ੍ਖੁਨਿਯੋ ਪਕ੍ਕਨ੍ਤਾ ਹੋਨ੍ਤਿ। ਥੁਲ੍ਲਨਨ੍ਦਾ ਭਿਕ੍ਖੁਨੀ ਤਾ ਭਿਕ੍ਖੁਨਿਯੋ ਏਤਦવੋਚ – ‘‘ਅਯ੍ਯੇ, ਭਿਕ੍ਖੁਨਿਯੋ ਪਕ੍ਕਨ੍ਤਾ, ਨ ਤਾવ ਚੀવਰਂ ਭਾਜੀਯਿਸ੍ਸਤੀ’’ਤਿ। ਚੀવਰવਿਭਙ੍ਗਂ ਪਟਿਬਾਹਿ। ਭਿਕ੍ਖੁਨਿਯੋ ਨ ਤਾવ ਚੀવਰਂ ਭਾਜੀਯਿਸ੍ਸਤੀਤਿ ਪਕ੍ਕਮਿਂਸੁ 1। ਥੁਲ੍ਲਨਨ੍ਦਾ ਭਿਕ੍ਖੁਨੀ ਅਨ੍ਤੇવਾਸਿਨੀਸੁ ਭਿਕ੍ਖੁਨੀਸੁ ਆਗਤਾਸੁ ਤਂ ਚੀવਰਂ ਭਾਜਾਪੇਸਿ। ਯਾ ਤਾ ਭਿਕ੍ਖੁਨਿਯੋ ਅਪ੍ਪਿਚ੍ਛਾ…ਪੇ॰… ਤਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਅਯ੍ਯਾ ਥੁਲ੍ਲਨਨ੍ਦਾ ਧਮ੍ਮਿਕਂ ਚੀવਰવਿਭਙ੍ਗਂ ਪਟਿਬਾਹਿਸ੍ਸਤੀ’’ਤਿ…ਪੇ॰… ਸਚ੍ਚਂ ਕਿਰ, ਭਿਕ੍ਖવੇ, ਥੁਲ੍ਲਨਨ੍ਦਾ ਭਿਕ੍ਖੁਨੀ ਧਮ੍ਮਿਕਂ ਚੀવਰવਿਭਙ੍ਗਂ ਪਟਿਬਾਹਤੀਤਿ 2? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ਕਥਞ੍ਹਿ ਨਾਮ, ਭਿਕ੍ਖવੇ, ਥੁਲ੍ਲਨਨ੍ਦਾ ਭਿਕ੍ਖੁਨੀ ਧਮ੍ਮਿਕਂ ਚੀવਰવਿਭਙ੍ਗਂ ਪਟਿਬਾਹਿਸ੍ਸਤਿ! ਨੇਤਂ, ਭਿਕ੍ਖવੇ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਭਿਕ੍ਖੁਨਿਯੋ ਇਮਂ ਸਿਕ੍ਖਾਪਦਂ ਉਦ੍ਦਿਸਨ੍ਤੁ –
911. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena bhikkhunisaṅghassa akālacīvaraṃ uppannaṃ hoti. Atha kho bhikkhunisaṅgho taṃ cīvaraṃ bhājetukāmo sannipati. Tena kho pana samayena thullanandāya bhikkhuniyā antevāsiniyo bhikkhuniyo pakkantā honti. Thullanandā bhikkhunī tā bhikkhuniyo etadavoca – ‘‘ayye, bhikkhuniyo pakkantā, na tāva cīvaraṃ bhājīyissatī’’ti. Cīvaravibhaṅgaṃ paṭibāhi. Bhikkhuniyo na tāva cīvaraṃ bhājīyissatīti pakkamiṃsu 3. Thullanandā bhikkhunī antevāsinīsu bhikkhunīsu āgatāsu taṃ cīvaraṃ bhājāpesi. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma ayyā thullanandā dhammikaṃ cīvaravibhaṅgaṃ paṭibāhissatī’’ti…pe… saccaṃ kira, bhikkhave, thullanandā bhikkhunī dhammikaṃ cīvaravibhaṅgaṃ paṭibāhatīti 4? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, thullanandā bhikkhunī dhammikaṃ cīvaravibhaṅgaṃ paṭibāhissati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
੯੧੨. ‘‘ਯਾ ਪਨ ਭਿਕ੍ਖੁਨੀ ਧਮ੍ਮਿਕਂ ਚੀવਰવਿਭਙ੍ਗਂ ਪਟਿਬਾਹੇਯ੍ਯ, ਪਾਚਿਤ੍ਤਿਯ’’ਨ੍ਤਿ।
912.‘‘Yā pana bhikkhunī dhammikaṃ cīvaravibhaṅgaṃpaṭibāheyya, pācittiya’’nti.
੯੧੩. ਯਾ ਪਨਾਤਿ ਯਾ ਯਾਦਿਸਾ…ਪੇ॰… ਭਿਕ੍ਖੁਨੀਤਿ…ਪੇ॰… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤਾ ਭਿਕ੍ਖੁਨੀਤਿ।
913.Yāpanāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
ਧਮ੍ਮਿਕੋਨਾਮ ਚੀવਰવਿਭਙ੍ਗੋ ਸਮਗ੍ਗੋ ਭਿਕ੍ਖੁਨਿਸਙ੍ਘੋ ਸਨ੍ਨਿਪਤਿਤ੍વਾ ਭਾਜੇਤਿ।
Dhammikonāma cīvaravibhaṅgo samaggo bhikkhunisaṅgho sannipatitvā bhājeti.
ਪਟਿਬਾਹੇਯ੍ਯਾਤਿ ਕਥਂ ਇਮਂ ਚੀવਰਂ ਨ ਭਾਜੇਯ੍ਯਾਤਿ 5 ਪਟਿਬਾਹਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Paṭibāheyyāti kathaṃ imaṃ cīvaraṃ na bhājeyyāti 6 paṭibāhati, āpatti pācittiyassa.
੯੧੪. ਧਮ੍ਮਿਕੇ ਧਮ੍ਮਿਕਸਞ੍ਞਾ ਪਟਿਬਾਹਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਧਮ੍ਮਿਕੇ વੇਮਤਿਕਾ ਪਟਿਬਾਹਤਿ, ਆਪਤ੍ਤਿ ਦੁਕ੍ਕਟਸ੍ਸ। ਧਮ੍ਮਿਕੇ ਅਧਮ੍ਮਿਕਸਞ੍ਞਾ ਪਟਿਬਾਹਤਿ, ਅਨਾਪਤ੍ਤਿ। ਅਧਮ੍ਮਿਕੇ ਧਮ੍ਮਿਕਸਞ੍ਞਾ, ਆਪਤ੍ਤਿ ਦੁਕ੍ਕਟਸ੍ਸ। ਅਧਮ੍ਮਿਕੇ વੇਮਤਿਕਾ, ਆਪਤ੍ਤਿ ਦੁਕ੍ਕਟਸ੍ਸ। ਅਧਮ੍ਮਿਕੇ ਅਧਮ੍ਮਿਕਸਞ੍ਞਾ, ਅਨਾਪਤ੍ਤਿ।
914. Dhammike dhammikasaññā paṭibāhati, āpatti pācittiyassa. Dhammike vematikā paṭibāhati, āpatti dukkaṭassa. Dhammike adhammikasaññā paṭibāhati, anāpatti. Adhammike dhammikasaññā, āpatti dukkaṭassa. Adhammike vematikā, āpatti dukkaṭassa. Adhammike adhammikasaññā, anāpatti.
੯੧੫. ਅਨਾਪਤ੍ਤਿ ਆਨਿਸਂਸਂ ਦਸ੍ਸੇਤ੍વਾ ਪਟਿਬਾਹਤਿ, ਉਮ੍ਮਤ੍ਤਿਕਾਯ, ਆਦਿਕਮ੍ਮਿਕਾਯਾਤਿ।
915. Anāpatti ānisaṃsaṃ dassetvā paṭibāhati, ummattikāya, ādikammikāyāti.
ਸਤ੍ਤਮਸਿਕ੍ਖਾਪਦਂ ਨਿਟ੍ਠਿਤਂ।
Sattamasikkhāpadaṃ niṭṭhitaṃ.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਭਿਕ੍ਖੁਨੀવਿਭਙ੍ਗ-ਅਟ੍ਠਕਥਾ • Bhikkhunīvibhaṅga-aṭṭhakathā / ੭. ਸਤ੍ਤਮਸਿਕ੍ਖਾਪਦવਣ੍ਣਨਾ • 7. Sattamasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੩. ਨਗ੍ਗવਗ੍ਗવਣ੍ਣਨਾ • 3. Naggavaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੫. ਪਞ੍ਚਮਸਿਕ੍ਖਾਪਦવਣ੍ਣਨਾ • 5. Pañcamasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੧. ਪਠਮਾਦਿਸਿਕ੍ਖਾਪਦવਣ੍ਣਨਾ • 1. Paṭhamādisikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੭. ਸਤ੍ਤਮਸਿਕ੍ਖਾਪਦਂ • 7. Sattamasikkhāpadaṃ
