| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੭. ਸਤ੍ਤਮਸਿਕ੍ਖਾਪਦਂ
7. Sattamasikkhāpadaṃ
੮੨੨. ਸਤ੍ਤਮੇ ‘‘ਪਯੋਗਦੁਕ੍ਕਟਂ ਨਾਮਾ’’ਤਿ ਇਮਿਨਾ ਹੇਟ੍ਠਾ વੁਤ੍ਤੇਸੁ ਅਟ੍ਠਸੁ ਦੁਕ੍ਕਟੇਸੁ ਪੁਬ੍ਬਪਯੋਗਦੁਕ੍ਕਟਂ ਦਸ੍ਸੇਤਿ। ਨ ਕੇવਲਂ ਪੁਬ੍ਬਪਯੋਗਦੁਕ੍ਕਟਂ ਏਤ੍ਤਕਮੇવ, ਅਥ ਖੋ ਅਞ੍ਞਮ੍ਪਿ ਬਹੁ ਹੋਤੀਤਿ ਦਸ੍ਸੇਨ੍ਤੋ ਆਹ ‘‘ਤਸ੍ਮਾ’’ਤਿਆਦਿ। ਸਙ੍ਘਟ੍ਟਨੇਸੁਪੀਤਿ વਿਲੋਲ਼ਨੇਸੁਪਿ। ਦਨ੍ਤੇਹਿ ਸਙ੍ਖਾਦਤੀਤਿ ਦਨ੍ਤੇਹਿ ਚੁਣ੍ਣવਿਚੁਣ੍ਣਂ ਕਰੋਤਿ। ਏਤ੍ਥਾਤਿ ਇਮਸ੍ਮਿਂ ਸਿਕ੍ਖਾਪਦੇ, ਅਞ੍ਞਾਯ ਭਿਕ੍ਖੁਨਿਯਾ ਕਾਰਾਪੇਤ੍વਾਤਿ ਸਮ੍ਬਨ੍ਧੋ। ‘‘ਅਞ੍ਞਾਯਾ’’ਤਿਪਦਂ ‘‘વਿਞ੍ਞਾਪੇਤ੍વਾ’’ਤਿ ਪਦੇ ਕਾਰਿਤਕਮ੍ਮਂ। ਮਾਤਰਮ੍ਪੀਤਿ ਏਤ੍ਥ ਪਿਸਦ੍ਦੋ ਅਞ੍ਞਂ વਿਞ੍ਞਾਪੇਤ੍વਾ ਭੁਞ੍ਜਨ੍ਤਿਯਾ ਪਗੇવਾਤਿ ਦਸ੍ਸੇਤਿ। ਤਾਯ વਾਤਿ વਿਞ੍ਞਾਪਿਤਭਿਕ੍ਖੁਨਿਯਾ વਾ। ਤਨ੍ਤਿ ਆਮਕਧਞ੍ਞਂ। ਤਨ੍ਤਿ ਮਹਾਪਚ੍ਚਰਿਯਂ વੁਤ੍ਤવਚਨਂ। ਪੁਬ੍ਬਾਪਰવਿਰੁਦ੍ਧਨ੍ਤਿ ਪੁਬ੍ਬਾਪਰਤੋ વਿਰੁਦ੍ਧਂ। ‘‘ਅਞ੍ਞਾਯ…ਪੇ॰… ਦੁਕ੍ਕਟਮੇવਾ’’ਤਿ ਪੁਬ੍ਬવਚਨੇ ਦੁਕ੍ਕਟਮੇવ વੁਤ੍ਤਂ, ਪੁਨ ‘‘ਅਞ੍ਞਾਯ…ਪੇ॰… ਦੁਕ੍ਕਟ’’ਨ੍ਤਿ ਚ ਪਚ੍ਛਿਮવਚਨੇ ਪਾਚਿਤ੍ਤਿਯਞ੍ਚ ਦੁਕ੍ਕਟਞ੍ਚ વੁਤ੍ਤਂ, ਤਸ੍ਮਾ ਪੁਬ੍ਬਾਪਰવਿਰੁਦ੍ਧਨ੍ਤਿ વੁਤ੍ਤਂ ਹੋਤਿ। ਹੀਤਿ ਸਚ੍ਚਂ, ਯਸ੍ਮਾ વਾ।
822. Sattame ‘‘payogadukkaṭaṃ nāmā’’ti iminā heṭṭhā vuttesu aṭṭhasu dukkaṭesu pubbapayogadukkaṭaṃ dasseti. Na kevalaṃ pubbapayogadukkaṭaṃ ettakameva, atha kho aññampi bahu hotīti dassento āha ‘‘tasmā’’tiādi. Saṅghaṭṭanesupīti viloḷanesupi. Dantehi saṅkhādatīti dantehi cuṇṇavicuṇṇaṃ karoti. Etthāti imasmiṃ sikkhāpade, aññāya bhikkhuniyā kārāpetvāti sambandho. ‘‘Aññāyā’’tipadaṃ ‘‘viññāpetvā’’ti pade kāritakammaṃ. Mātarampīti ettha pisaddo aññaṃ viññāpetvā bhuñjantiyā pagevāti dasseti. Tāya vāti viññāpitabhikkhuniyā vā. Tanti āmakadhaññaṃ. Tanti mahāpaccariyaṃ vuttavacanaṃ. Pubbāparaviruddhanti pubbāparato viruddhaṃ. ‘‘Aññāya…pe… dukkaṭamevā’’ti pubbavacane dukkaṭameva vuttaṃ, puna ‘‘aññāya…pe… dukkaṭa’’nti ca pacchimavacane pācittiyañca dukkaṭañca vuttaṃ, tasmā pubbāparaviruddhanti vuttaṃ hoti. Hīti saccaṃ, yasmā vā.
੮੨੩. ਲਬ੍ਭਮਾਨਂ ਆਮਕਧਞ੍ਞਨ੍ਤਿ ਸਮ੍ਬਨ੍ਧੋ। ਅਞ੍ਞਂ વਾ ਯਂਕਿਞ੍ਚੀਤਿ ਮੁਗ੍ਗਮਾਸਾਦੀਹਿ વਾ ਲਾਬੁਕੁਮ੍ਭਣ੍ਡਾਦੀਹਿ વਾ ਅਞ੍ਞਂ ਯਂਕਿਞ੍ਚਿ ਤਿਲਾਦਿਂ વਾਤਿ। ਸਤ੍ਤਮਂ।
823. Labbhamānaṃ āmakadhaññanti sambandho. Aññaṃ vā yaṃkiñcīti muggamāsādīhi vā lābukumbhaṇḍādīhi vā aññaṃ yaṃkiñci tilādiṃ vāti. Sattamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga / ੭. ਸਤ੍ਤਮਸਿਕ੍ਖਾਪਦਂ • 7. Sattamasikkhāpadaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਭਿਕ੍ਖੁਨੀવਿਭਙ੍ਗ-ਅਟ੍ਠਕਥਾ • Bhikkhunīvibhaṅga-aṭṭhakathā / ੭. ਸਤ੍ਤਮਸਿਕ੍ਖਾਪਦવਣ੍ਣਨਾ • 7. Sattamasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੧. ਲਸੁਣવਗ੍ਗવਣ੍ਣਨਾ • 1. Lasuṇavaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੭. ਸਤ੍ਤਮਸਿਕ੍ਖਾਪਦવਣ੍ਣਨਾ • 7. Sattamasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੧. ਪਠਮਲਸੁਣਾਦਿਸਿਕ੍ਖਾਪਦવਣ੍ਣਨਾ • 1. Paṭhamalasuṇādisikkhāpadavaṇṇanā
