| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
7. ஸத்தமஸிக்கா²பத³வண்ணனா
7. Sattamasikkhāpadavaṇṇanā
820-822. ‘‘நக³ரங் அதிஹரந்தீ’’தி பாடோ². ‘‘நக³ரத்³வாரே அதிஹரந்தீ’’தி கத்த²சி, தத்த² த்³வாரேனாதி அத்தோ². அயமேவ வா பாடோ². தங் புப்³பா³பரவிருத்³த⁴ந்தி ‘‘புனபி வுத்த’’ந்தி வுத்தங் வாத³ங் ஸந்தா⁴ய, ந ததோ புப்³பே³ தத்த² வுத்தங் வாத³ங். எத்த² ‘‘மாதரம்பி விஞ்ஞாபெத்வாதி வசனேன விருஜ்ஜ²தீ’’தி லிகி²தங், தங் து³ல்லிகி²தங், ந ஹி தேன விரோத⁴ங் ஸந்தா⁴ய இத³ங் வுத்தந்தி. கரணே சே பாசித்தியங், காராபனேபி பாசித்தியேனேவ ப⁴விதப்³ப³ங். அத² காராபனே து³க்கடங், கரணேபி து³க்கடேனேவ ப⁴விதப்³ப³ங். ந ஹி கரணே வா காராபனே வா விஸேஸோ அத்தி² ஆபஜ்ஜனே ஸதீதி அதி⁴ப்பாயோ.
820-822. ‘‘Nagaraṃ atiharantī’’ti pāṭho. ‘‘Nagaradvāre atiharantī’’ti katthaci, tattha dvārenāti attho. Ayameva vā pāṭho. Taṃ pubbāparaviruddhanti ‘‘punapi vutta’’nti vuttaṃ vādaṃ sandhāya, na tato pubbe tattha vuttaṃ vādaṃ. Ettha ‘‘mātarampi viññāpetvāti vacanena virujjhatī’’ti likhitaṃ, taṃ dullikhitaṃ, na hi tena virodhaṃ sandhāya idaṃ vuttanti. Karaṇe ce pācittiyaṃ, kārāpanepi pācittiyeneva bhavitabbaṃ. Atha kārāpane dukkaṭaṃ, karaṇepi dukkaṭeneva bhavitabbaṃ. Na hi karaṇe vā kārāpane vā viseso atthi āpajjane satīti adhippāyo.
823. ஸம்படிச்சி²துங் வட்டதீதி அப்படிக்கி²பித்வா ‘‘ஸாதூ⁴’’தி வத்துங் வட்டதீதி அதி⁴ப்பாயோ. ந ஹி படிக்³க³ஹேதுங் வட்டதி. அனாமாஸத்தா ‘‘ஆமகத⁴ஞ்ஞங் பன ஞாதகபவாரிதட்டா²னேபி ந வட்டதீ’’தி வுத்தங். அனுக³ண்டி²பதே³ பன ‘‘கப்பியேன லத்³த⁴ங் த⁴ஞ்ஞங் ப⁴ஜ்ஜித்வா பு⁴ஞ்ஜந்தியா து³க்கடங். அபரண்ணேபி ஏஸேவ நயோ’’தி ச ‘‘அனாபத்தி ஆபா³த⁴பச்சயாதி வசனதோ ஸத்த த⁴ஞ்ஞானிபி அனாமாஸானீதி ஸித்³த⁴ங், தேனேவ ஹெட்டா² அட்ட²கதா²யங் து³க்கடவத்து²ம்ஹி ஸத்த த⁴ஞ்ஞானிபி க³ஹிதானி அனாமாஸானீ’’தி ச வுத்தானி. ஆமாஸானி கப்பியவத்தூ²னி ச யதி³ ப⁴வெய்யுங், யதா² ஞாதகபவாரிதே ஸந்தா⁴ய ‘‘அபரண்ணங் விஞ்ஞாபேதீ’’தி அவிஸேஸேன வுத்தங், ஏவங் ‘‘அனாபத்தி ஞாதகானங் பவாரிதானங் அஞ்ஞஸ்ஸ அத்தா²ய விஞ்ஞாபேதி, உம்மத்திகாய ஆதி³கம்மிகாயா’’தி வத்தப்³ப³ங். யஸ்மா து³க்கடவத்து²த்தா ச அனாமாஸத்தா ச மாதரம்பி ஸத்தவித⁴ங் த⁴ஞ்ஞங் விஞ்ஞாபேதுங் ந வட்டதி , தஸ்மா தத³த்த²தீ³பனத்த²ங் ஸத்தவித⁴ங் த⁴ஞ்ஞங் ஸந்தா⁴ய ‘‘அனாபத்தி ஆபா³த⁴பச்சயா’’தி வுத்தங், யதா² பி⁴க்கு²னியா ஆபா³த⁴பச்சயா வட்டதி, ததா² பி⁴க்கு²ஸ்ஸாபீதி ச. யதா² வா பன பி⁴க்கு²னியா ப⁴ஜ்ஜனாதீ³னி காராபேதுங் ந வட்டதி, ஏவங் பி⁴க்கு²ஸ்ஸாபி. வுத்தம்பி சேதங் அந்த⁴கட்ட²கதா²யங் ‘‘அஞ்ஞதரோ பா³லபி⁴க்கு² கப்பியங் அஜானந்தோ ஏதத³வோச ‘ஆமகத⁴ஞ்ஞங் ஸம்படிச்சி²துங் பி⁴க்கூ²னங் ந வட்டதி. ஏதங் த⁴ஞ்ஞங் ப⁴ஜ்ஜித்வா கொட்டெத்வா பசித்வா யாகு³க²ஜ்ஜகங் ப⁴த்தஞ்ச தே³தா²’தி, ஆணாபகஸ்ஸேவ பி⁴க்கு²ஸ்ஸ ஆபத்தி, ஸப்³பே³ஸங் அனாபத்தீ’’தி. தஸ்மா ‘‘ஸங்க⁴வாரிகானங் த⁴ஞ்ஞங் கொட்டேதா²’’தி ஆராமிகானங் வத்துஞ்ச ந வட்டதி. ‘‘தி³வஸங் பரிப்³ப³யங் க³ண்ஹத², தண்டு³லே ஸம்பாதே³த², த்வங் எத்தகே க³ண்ஹ, த்வங் எத்தகே’’தி ஏவமாதீ³னி பன வத்துங் வட்டதீதி ச. யங் பன ‘‘அவிஞ்ஞத்தியா லப்³ப⁴மானங் பன நவகம்மத்தா²ய ஸம்படிச்சி²துங் வட்டதீ’’தி வுத்தங், தம்பி ஹெட்டா² ‘‘இமங் தளாகங் கெ²த்தங் வத்து²ங் விஹாரஸ்ஸ தே³மா’தி வுத்தே ‘ஸம்படிச்சி²துங் வட்டதீ’’தி வுத்தங் நயங் ஸந்தா⁴ய வுத்தத்தா ஸுவுத்தமேவ. ‘‘நவகம்மத்தா²ய த⁴ஞ்ஞங் தே³மா’’தி வுத்தே ‘‘ஸாதூ⁴’’தி வத்தப்³ப³ங். யங் பன ஹெட்டா² ‘‘தத்த² நிஸ்ஸக்³கி³யவத்து²ங் அத்தனோ வா ஸங்க⁴க³ணபுக்³க³லசேதியானங் வா அத்தா²ய ஸம்படிச்சி²துங் ந வட்டதி…பே॰… து³க்கடவத்து²ங் ஸப்³பே³ஸம்பி அத்தா²ய ஸம்படிச்ச²தோ து³க்கடமேவா’’தி வுத்தங், தம்பி ஸுவுத்தமேவ. கஸ்மா? ‘‘சேதியஸ்ஸ அத்தா²ய த⁴ஞ்ஞங் தா³துகாமொம்ஹி, தும்ஹே ப⁴ந்தே தத³த்தா²ய ஸம்படிச்ச²தா²’’தி வுத்தே படிக்³க³ஹேதுங் அகப்பியத்தா. ‘‘இத³ங் பன தாதி³ஸங் ந ஹோதீ’’தி ச வுத்தங். ஸப்³போ³பாயங் உபதிஸ்ஸத்தே²ரவாதோ³ கிர. த⁴ம்மஸிரித்தே²ரோ பனேவமாஹ ‘‘புப்³பே³பி நவகம்மத்தா²ய படிக்³க³ஹோ ந வாரிதோ, ஸங்க⁴ஸ்ஸத்தா²ய படிக்³க³ஹிதம்பி படிக்³கா³ஹகஸ்ஸேவ அகப்பிய’’ந்தி.
823.Sampaṭicchituṃ vaṭṭatīti appaṭikkhipitvā ‘‘sādhū’’ti vattuṃ vaṭṭatīti adhippāyo. Na hi paṭiggahetuṃ vaṭṭati. Anāmāsattā ‘‘āmakadhaññaṃ pana ñātakapavāritaṭṭhānepi na vaṭṭatī’’ti vuttaṃ. Anugaṇṭhipade pana ‘‘kappiyena laddhaṃ dhaññaṃ bhajjitvā bhuñjantiyā dukkaṭaṃ. Aparaṇṇepi eseva nayo’’ti ca ‘‘anāpatti ābādhapaccayāti vacanato satta dhaññānipi anāmāsānīti siddhaṃ, teneva heṭṭhā aṭṭhakathāyaṃ dukkaṭavatthumhi satta dhaññānipi gahitāni anāmāsānī’’ti ca vuttāni. Āmāsāni kappiyavatthūni ca yadi bhaveyyuṃ, yathā ñātakapavārite sandhāya ‘‘aparaṇṇaṃ viññāpetī’’ti avisesena vuttaṃ, evaṃ ‘‘anāpatti ñātakānaṃ pavāritānaṃ aññassa atthāya viññāpeti, ummattikāya ādikammikāyā’’ti vattabbaṃ. Yasmā dukkaṭavatthuttā ca anāmāsattā ca mātarampi sattavidhaṃ dhaññaṃ viññāpetuṃ na vaṭṭati , tasmā tadatthadīpanatthaṃ sattavidhaṃ dhaññaṃ sandhāya ‘‘anāpatti ābādhapaccayā’’ti vuttaṃ, yathā bhikkhuniyā ābādhapaccayā vaṭṭati, tathā bhikkhussāpīti ca. Yathā vā pana bhikkhuniyā bhajjanādīni kārāpetuṃ na vaṭṭati, evaṃ bhikkhussāpi. Vuttampi cetaṃ andhakaṭṭhakathāyaṃ ‘‘aññataro bālabhikkhu kappiyaṃ ajānanto etadavoca ‘āmakadhaññaṃ sampaṭicchituṃ bhikkhūnaṃ na vaṭṭati. Etaṃ dhaññaṃ bhajjitvā koṭṭetvā pacitvā yāgukhajjakaṃ bhattañca dethā’ti, āṇāpakasseva bhikkhussa āpatti, sabbesaṃ anāpattī’’ti. Tasmā ‘‘saṅghavārikānaṃ dhaññaṃ koṭṭethā’’ti ārāmikānaṃ vattuñca na vaṭṭati. ‘‘Divasaṃ paribbayaṃ gaṇhatha, taṇḍule sampādetha, tvaṃ ettake gaṇha, tvaṃ ettake’’ti evamādīni pana vattuṃ vaṭṭatīti ca. Yaṃ pana ‘‘aviññattiyā labbhamānaṃ pana navakammatthāya sampaṭicchituṃ vaṭṭatī’’ti vuttaṃ, tampi heṭṭhā ‘‘imaṃ taḷākaṃ khettaṃ vatthuṃ vihārassa demā’ti vutte ‘sampaṭicchituṃ vaṭṭatī’’ti vuttaṃ nayaṃ sandhāya vuttattā suvuttameva. ‘‘Navakammatthāya dhaññaṃ demā’’ti vutte ‘‘sādhū’’ti vattabbaṃ. Yaṃ pana heṭṭhā ‘‘tattha nissaggiyavatthuṃ attano vā saṅghagaṇapuggalacetiyānaṃ vā atthāya sampaṭicchituṃ na vaṭṭati…pe… dukkaṭavatthuṃ sabbesampi atthāya sampaṭicchato dukkaṭamevā’’ti vuttaṃ, tampi suvuttameva. Kasmā? ‘‘Cetiyassa atthāya dhaññaṃ dātukāmomhi, tumhe bhante tadatthāya sampaṭicchathā’’ti vutte paṭiggahetuṃ akappiyattā. ‘‘Idaṃ pana tādisaṃ na hotī’’ti ca vuttaṃ. Sabbopāyaṃ upatissattheravādo kira. Dhammasiritthero panevamāha ‘‘pubbepi navakammatthāya paṭiggaho na vārito, saṅghassatthāya paṭiggahitampi paṭiggāhakasseva akappiya’’nti.
ஸத்தமஸிக்கா²பத³வண்ணனா நிட்டி²தா.
Sattamasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பி⁴க்கு²னீவிப⁴ங்க³ • Bhikkhunīvibhaṅga / 7. ஸத்தமஸிக்கா²பத³ங் • 7. Sattamasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā / 7. ஸத்தமஸிக்கா²பத³வண்ணனா • 7. Sattamasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 1. லஸுணவக்³க³வண்ணனா • 1. Lasuṇavaggavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 1. பட²மலஸுணாதி³ஸிக்கா²பத³வண்ணனா • 1. Paṭhamalasuṇādisikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 7. ஸத்தமஸிக்கா²பத³ங் • 7. Sattamasikkhāpadaṃ
