| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
7. сад̇д̇амасигкаабад̣̇аван̣н̣анаа
7. Sattamasikkhāpadavaṇṇanā
820-822. ‘‘наг̇арам̣ ад̇ихаранд̇ий’’д̇и баато. ‘‘наг̇арад̣̇ваарз ад̇ихаранд̇ий’’д̇и гад̇т̇ажи, д̇ад̇т̇а д̣̇ваарзнаад̇и ад̇т̇о. аяамзва ваа баато. д̇ам̣ буб̣б̣аабаравируд̣̇д̇ханд̇и ‘‘бунаби вуд̇д̇а’’нд̇и вуд̇д̇ам̣ ваад̣̇ам̣ санд̇хааяа, на д̇ад̇о буб̣б̣з д̇ад̇т̇а вуд̇д̇ам̣ ваад̣̇ам̣. зд̇т̇а ‘‘маад̇арамби вин̃н̃аабзд̇ваад̇и важанзна вируж̇жхад̇ий’’д̇и ликид̇ам̣, д̇ам̣ д̣̇улликид̇ам̣, на хи д̇зна вирод̇хам̣ санд̇хааяа ид̣̇ам̣ вуд̇д̇анд̇и. гаран̣з жз баажид̇д̇ияам̣, гаараабанзби баажид̇д̇иязнзва бхавид̇аб̣б̣ам̣. ат̇а гаараабанз д̣̇уггадам̣, гаран̣зби д̣̇уггадзнзва бхавид̇аб̣б̣ам̣. на хи гаран̣з ваа гаараабанз ваа висзсо ад̇т̇и аабаж̇ж̇анз сад̇ийд̇и ад̇хиббааяо.
820-822. ‘‘Nagaraṃ atiharantī’’ti pāṭho. ‘‘Nagaradvāre atiharantī’’ti katthaci, tattha dvārenāti attho. Ayameva vā pāṭho. Taṃ pubbāparaviruddhanti ‘‘punapi vutta’’nti vuttaṃ vādaṃ sandhāya, na tato pubbe tattha vuttaṃ vādaṃ. Ettha ‘‘mātarampi viññāpetvāti vacanena virujjhatī’’ti likhitaṃ, taṃ dullikhitaṃ, na hi tena virodhaṃ sandhāya idaṃ vuttanti. Karaṇe ce pācittiyaṃ, kārāpanepi pācittiyeneva bhavitabbaṃ. Atha kārāpane dukkaṭaṃ, karaṇepi dukkaṭeneva bhavitabbaṃ. Na hi karaṇe vā kārāpane vā viseso atthi āpajjane satīti adhippāyo.
823. самбадижчид̇ум̣ ваддад̇ийд̇и аббадигкибид̇ваа ‘‘саад̇хуу’’д̇и вад̇д̇ум̣ ваддад̇ийд̇и ад̇хиббааяо. на хи бадиг̇г̇ахзд̇ум̣ ваддад̇и. анаамаасад̇д̇аа ‘‘аамагад̇хан̃н̃ам̣ бана н̃аад̇агабаваарид̇адтаанзби на ваддад̇ий’’д̇и вуд̇д̇ам̣. ануг̇ан̣тибад̣̇з бана ‘‘габбиязна лад̣̇д̇хам̣ д̇хан̃н̃ам̣ бхаж̇ж̇ид̇ваа бхун̃ж̇анд̇ияаа д̣̇уггадам̣. абаран̣н̣зби зсзва наяо’’д̇и жа ‘‘анаабад̇д̇и ааб̣аад̇хабажжаяаад̇и важанад̇о сад̇д̇а д̇хан̃н̃ааниби анаамаасаанийд̇и сид̣̇д̇хам̣, д̇знзва хздтаа адтагат̇ааяам̣ д̣̇уггадавад̇т̇умхи сад̇д̇а д̇хан̃н̃ааниби г̇ахид̇аани анаамаасааний’’д̇и жа вуд̇д̇аани. аамаасаани габбияавад̇т̇ууни жа яад̣̇и бхавзяяум̣, яат̇аа н̃аад̇агабаваарид̇з санд̇хааяа ‘‘абаран̣н̣ам̣ вин̃н̃аабзд̇ий’’д̇и ависзсзна вуд̇д̇ам̣, звам̣ ‘‘анаабад̇д̇и н̃аад̇агаанам̣ баваарид̇аанам̣ ан̃н̃асса ад̇т̇ааяа вин̃н̃аабзд̇и, уммад̇д̇игааяа аад̣̇игаммигааяаа’’д̇и вад̇д̇аб̣б̣ам̣. яасмаа д̣̇уггадавад̇т̇уд̇д̇аа жа анаамаасад̇д̇аа жа маад̇арамби сад̇д̇авид̇хам̣ д̇хан̃н̃ам̣ вин̃н̃аабзд̇ум̣ на ваддад̇и , д̇асмаа д̇ад̣̇ад̇т̇ад̣̇ийбанад̇т̇ам̣ сад̇д̇авид̇хам̣ д̇хан̃н̃ам̣ санд̇хааяа ‘‘анаабад̇д̇и ааб̣аад̇хабажжаяаа’’д̇и вуд̇д̇ам̣, яат̇аа бхигкунияаа ааб̣аад̇хабажжаяаа ваддад̇и, д̇ат̇аа бхигкуссаабийд̇и жа. яат̇аа ваа бана бхигкунияаа бхаж̇ж̇анаад̣̇ийни гаараабзд̇ум̣ на ваддад̇и, звам̣ бхигкуссааби. вуд̇д̇амби жзд̇ам̣ анд̇хагадтагат̇ааяам̣ ‘‘ан̃н̃ад̇аро б̣аалабхигку габбияам̣ аж̇аананд̇о зд̇ад̣̇авожа ‘аамагад̇хан̃н̃ам̣ самбадижчид̇ум̣ бхигкуунам̣ на ваддад̇и. зд̇ам̣ д̇хан̃н̃ам̣ бхаж̇ж̇ид̇ваа годдзд̇ваа бажид̇ваа яааг̇укаж̇ж̇агам̣ бхад̇д̇ан̃жа д̣̇зт̇аа’д̇и, аан̣аабагассзва бхигкусса аабад̇д̇и, саб̣б̣зсам̣ анаабад̇д̇ий’’д̇и. д̇асмаа ‘‘сан̇гхавааригаанам̣ д̇хан̃н̃ам̣ годдзт̇аа’’д̇и аараамигаанам̣ вад̇д̇ун̃жа на ваддад̇и. ‘‘д̣̇ивасам̣ бариб̣б̣аяам̣ г̇ан̣хат̇а, д̇ан̣д̣улз самбаад̣̇зт̇а, д̇вам̣ зд̇д̇агз г̇ан̣ха, д̇вам̣ зд̇д̇агз’’д̇и звамаад̣̇ийни бана вад̇д̇ум̣ ваддад̇ийд̇и жа. яам̣ бана ‘‘авин̃н̃ад̇д̇ияаа лаб̣бхамаанам̣ бана навагаммад̇т̇ааяа самбадижчид̇ум̣ ваддад̇ий’’д̇и вуд̇д̇ам̣, д̇амби хздтаа ‘‘имам̣ д̇ал̣аагам̣ кзд̇д̇ам̣ вад̇т̇ум̣ вихаарасса д̣̇змаа’д̇и вуд̇д̇з ‘самбадижчид̇ум̣ ваддад̇ий’’д̇и вуд̇д̇ам̣ наяам̣ санд̇хааяа вуд̇д̇ад̇д̇аа сувуд̇д̇амзва. ‘‘навагаммад̇т̇ааяа д̇хан̃н̃ам̣ д̣̇змаа’’д̇и вуд̇д̇з ‘‘саад̇хуу’’д̇и вад̇д̇аб̣б̣ам̣. яам̣ бана хздтаа ‘‘д̇ад̇т̇а ниссаг̇г̇ияавад̇т̇ум̣ ад̇д̇ано ваа сан̇гхаг̇ан̣абуг̇г̇алажзд̇ияаанам̣ ваа ад̇т̇ааяа самбадижчид̇ум̣ на ваддад̇и…бз… д̣̇уггадавад̇т̇ум̣ саб̣б̣зсамби ад̇т̇ааяа самбадижчад̇о д̣̇уггадамзваа’’д̇и вуд̇д̇ам̣, д̇амби сувуд̇д̇амзва. гасмаа? ‘‘жзд̇ияасса ад̇т̇ааяа д̇хан̃н̃ам̣ д̣̇аад̇угаамомхи, д̇умхз бханд̇з д̇ад̣̇ад̇т̇ааяа самбадижчат̇аа’’д̇и вуд̇д̇з бадиг̇г̇ахзд̇ум̣ агаббияад̇д̇аа. ‘‘ид̣̇ам̣ бана д̇аад̣̇исам̣ на ход̇ий’’д̇и жа вуд̇д̇ам̣. саб̣б̣обааяам̣ убад̇иссад̇т̇зраваад̣̇о гира. д̇хаммасирид̇т̇зро банзвамааха ‘‘буб̣б̣зби навагаммад̇т̇ааяа бадиг̇г̇ахо на ваарид̇о, сан̇гхассад̇т̇ааяа бадиг̇г̇ахид̇амби бадиг̇г̇аахагассзва агаббияа’’нд̇и.
823.Sampaṭicchituṃ vaṭṭatīti appaṭikkhipitvā ‘‘sādhū’’ti vattuṃ vaṭṭatīti adhippāyo. Na hi paṭiggahetuṃ vaṭṭati. Anāmāsattā ‘‘āmakadhaññaṃ pana ñātakapavāritaṭṭhānepi na vaṭṭatī’’ti vuttaṃ. Anugaṇṭhipade pana ‘‘kappiyena laddhaṃ dhaññaṃ bhajjitvā bhuñjantiyā dukkaṭaṃ. Aparaṇṇepi eseva nayo’’ti ca ‘‘anāpatti ābādhapaccayāti vacanato satta dhaññānipi anāmāsānīti siddhaṃ, teneva heṭṭhā aṭṭhakathāyaṃ dukkaṭavatthumhi satta dhaññānipi gahitāni anāmāsānī’’ti ca vuttāni. Āmāsāni kappiyavatthūni ca yadi bhaveyyuṃ, yathā ñātakapavārite sandhāya ‘‘aparaṇṇaṃ viññāpetī’’ti avisesena vuttaṃ, evaṃ ‘‘anāpatti ñātakānaṃ pavāritānaṃ aññassa atthāya viññāpeti, ummattikāya ādikammikāyā’’ti vattabbaṃ. Yasmā dukkaṭavatthuttā ca anāmāsattā ca mātarampi sattavidhaṃ dhaññaṃ viññāpetuṃ na vaṭṭati , tasmā tadatthadīpanatthaṃ sattavidhaṃ dhaññaṃ sandhāya ‘‘anāpatti ābādhapaccayā’’ti vuttaṃ, yathā bhikkhuniyā ābādhapaccayā vaṭṭati, tathā bhikkhussāpīti ca. Yathā vā pana bhikkhuniyā bhajjanādīni kārāpetuṃ na vaṭṭati, evaṃ bhikkhussāpi. Vuttampi cetaṃ andhakaṭṭhakathāyaṃ ‘‘aññataro bālabhikkhu kappiyaṃ ajānanto etadavoca ‘āmakadhaññaṃ sampaṭicchituṃ bhikkhūnaṃ na vaṭṭati. Etaṃ dhaññaṃ bhajjitvā koṭṭetvā pacitvā yāgukhajjakaṃ bhattañca dethā’ti, āṇāpakasseva bhikkhussa āpatti, sabbesaṃ anāpattī’’ti. Tasmā ‘‘saṅghavārikānaṃ dhaññaṃ koṭṭethā’’ti ārāmikānaṃ vattuñca na vaṭṭati. ‘‘Divasaṃ paribbayaṃ gaṇhatha, taṇḍule sampādetha, tvaṃ ettake gaṇha, tvaṃ ettake’’ti evamādīni pana vattuṃ vaṭṭatīti ca. Yaṃ pana ‘‘aviññattiyā labbhamānaṃ pana navakammatthāya sampaṭicchituṃ vaṭṭatī’’ti vuttaṃ, tampi heṭṭhā ‘‘imaṃ taḷākaṃ khettaṃ vatthuṃ vihārassa demā’ti vutte ‘sampaṭicchituṃ vaṭṭatī’’ti vuttaṃ nayaṃ sandhāya vuttattā suvuttameva. ‘‘Navakammatthāya dhaññaṃ demā’’ti vutte ‘‘sādhū’’ti vattabbaṃ. Yaṃ pana heṭṭhā ‘‘tattha nissaggiyavatthuṃ attano vā saṅghagaṇapuggalacetiyānaṃ vā atthāya sampaṭicchituṃ na vaṭṭati…pe… dukkaṭavatthuṃ sabbesampi atthāya sampaṭicchato dukkaṭamevā’’ti vuttaṃ, tampi suvuttameva. Kasmā? ‘‘Cetiyassa atthāya dhaññaṃ dātukāmomhi, tumhe bhante tadatthāya sampaṭicchathā’’ti vutte paṭiggahetuṃ akappiyattā. ‘‘Idaṃ pana tādisaṃ na hotī’’ti ca vuttaṃ. Sabbopāyaṃ upatissattheravādo kira. Dhammasiritthero panevamāha ‘‘pubbepi navakammatthāya paṭiggaho na vārito, saṅghassatthāya paṭiggahitampi paṭiggāhakasseva akappiya’’nti.
сад̇д̇амасигкаабад̣̇аван̣н̣анаа нидтид̇аа.
Sattamasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бхигкунийвибхан̇г̇а • Bhikkhunīvibhaṅga / 7. сад̇д̇амасигкаабад̣̇ам̣ • 7. Sattamasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 7. сад̇д̇амасигкаабад̣̇аван̣н̣анаа • 7. Sattamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. ласун̣аваг̇г̇аван̣н̣анаа • 1. Lasuṇavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаласун̣аад̣̇исигкаабад̣̇аван̣н̣анаа • 1. Paṭhamalasuṇādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 7. сад̇д̇амасигкаабад̣̇ам̣ • 7. Sattamasikkhāpadaṃ
