| Library / Tipiṭaka / තිපිටක • Tipiṭaka / වජිරබුද්‌ධි-ටීකා • Vajirabuddhi-ṭīkā |
7. සත්‌තමසික්‌ඛාපදවණ්‌ණනා
7. Sattamasikkhāpadavaṇṇanā
867. අනාපත්‌තිවාරෙ ‘‘ධුවපඤ්‌ඤත්‌තෙ’’ති න වුත්‌තං ‘‘සන්‌ථරිත්‌වා වා සන්‌ථරාපෙත්‌වා වා’’ති වුත්‌තත්‌තා . ඉධ ඡට්‌ඨෙ වුත්‌තනයෙන පකතියා පඤ්‌ඤත්‌තෙ අභිනිසීදති වා අභිනිපජ්‌ජති වා, පාචිත්‌තියමෙව. අඤ්‌ඤත්‌ථ ධුවපඤ්‌ඤත්‌තං. ඉධ වුත්‌තනයෙන සන්‌ථරිත්‌වා වා සන්‌ථරාපෙත්‌වා වා අභිනිසීදති වා අභිනිපජ්‌ජති වා, පාචිත්‌තියමෙව. උභයත්‌ථාපි පඤ්‌චමෙ වුත්‌තනයෙන අනාපුච්‌ඡා පක්‌කමෙය්‍ය, පාචිත්‌තියමෙව, අනාපත්‌තිවාරෙ මාතිකායං වුත්‌තකාලතො අඤ්‌ඤකාලස්‌ස අපරාමට්‌ඨත්‌තාති නො තක්‌කොති ආචරියො. අපිච අත්‌ථාපත්‌තිකාලෙ ආපජ්‌ජති, නො විකාලෙතිආදිත්‌තිකෙ, අත්‌ථාපත්‌ති රත්‌තිං ආපජ්‌ජති, නො දිවාතිආදිත්‌තිකෙ ච අට්‌ඨකථායං ඉධ පඤ්‌චමඡට්‌ඨසත්‌තමසික්‌ඛාපදෙහි සඞ්‌ගහිතාපත්‌තීනං අපරාමට්‌ඨත්‌තා යථාසම්‌භවං තිවිධකාලෙ තිවිධමෙතං යොජෙත්‌වා දස්‌සෙතුං වට්‌ටති එව මහාපදෙසනයානුලොමතො.
867. Anāpattivāre ‘‘dhuvapaññatte’’ti na vuttaṃ ‘‘santharitvā vā santharāpetvā vā’’ti vuttattā . Idha chaṭṭhe vuttanayena pakatiyā paññatte abhinisīdati vā abhinipajjati vā, pācittiyameva. Aññattha dhuvapaññattaṃ. Idha vuttanayena santharitvā vā santharāpetvā vā abhinisīdati vā abhinipajjati vā, pācittiyameva. Ubhayatthāpi pañcame vuttanayena anāpucchā pakkameyya, pācittiyameva, anāpattivāre mātikāyaṃ vuttakālato aññakālassa aparāmaṭṭhattāti no takkoti ācariyo. Apica atthāpattikāle āpajjati, no vikāletiādittike, atthāpatti rattiṃ āpajjati, no divātiādittike ca aṭṭhakathāyaṃ idha pañcamachaṭṭhasattamasikkhāpadehi saṅgahitāpattīnaṃ aparāmaṭṭhattā yathāsambhavaṃ tividhakāle tividhametaṃ yojetvā dassetuṃ vaṭṭati eva mahāpadesanayānulomato.
සත්‌තමසික්‌ඛාපදවණ්‌ණනා නිට්‌ඨිතා.
Sattamasikkhāpadavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / භික්‌ඛුනීවිභඞ්‌ග • Bhikkhunīvibhaṅga / 7. සත්‌තමසික්‌ඛාපදං • 7. Sattamasikkhāpadaṃ
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 1. පඨමාදිසික්‌ඛාපදවණ්‌ණනා • 1. Paṭhamādisikkhāpadavaṇṇanā
