| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
பட²மகா³தா²ஸங்க³ணிகங்
Paṭhamagāthāsaṅgaṇikaṃ
ஸத்தனக³ரேஸு பஞ்ஞத்தஸிக்கா²பத³வண்ணனா
Sattanagaresu paññattasikkhāpadavaṇṇanā
335. அட்³டு⁴ட்³ட⁴ஸதானீதி தீணி ஸதானி பஞ்ஞாஸஞ்ச ஸிக்கா²பதா³னி. விக்³க³ஹந்தி மனுஸ்ஸவிக்³க³ஹங். அதிரேகந்தி த³ஸாஹபரமங் அதிரேகசீவரங். காளகந்தி ‘‘ஸுத்³த⁴காளகான’’ந்தி வுத்தகாளகங். பூ⁴தந்தி பூ⁴தாரோசனங். பரம்பரப⁴த்தந்தி பரம்பரபோ⁴ஜனங். பி⁴க்கு²னீஸு ச அக்கோஸோதி ‘‘யா பன பி⁴க்கு²னீ பி⁴க்கு²ங் அக்கோஸெய்ய வா பரிபா⁴ஸெய்ய வா’’தி (பாசி॰ 1029) வுத்தஸிக்கா²பத³ங். அந்தரவாஸகந்தி அஞ்ஞாதிகாய பி⁴க்கு²னியா சீவரபடிக்³க³ண்ஹனங். ரூபியந்தி ரூபியஸங்வோஹாரங். ஸுத்தந்தி ‘‘ஸாமங் ஸுத்தங் விஞ்ஞாபெத்வா தந்தவாயேஹீ’’தி (பாரா॰ 637) வுத்தஸிக்கா²பத³ங். உஜ்ஜா²பனகேதி உஜ்ஜா²பனகே கி²ய்யனகே பாசித்தியங். பாசிதபிண்ட³ந்தி பி⁴க்கு²னீபரிபாசிதங். சீவரங் த³த்வாதி ‘‘ஸமக்³கே³ன ஸங்கே⁴ன சீவரங் த³த்வா’’தி (பாசி॰ 485) வுத்தஸிக்கா²பத³ங். வோஸாஸந்தீதி ‘‘பி⁴க்கூ² பனேவ குலேஸு நிமந்திதா பு⁴ஞ்ஜந்தி, தத்ர சேஸா பி⁴க்கு²னீ’’தி (பாசி॰ 558) வுத்தபாடிதே³ஸனீயங். கி³ரக்³க³ந்தி ‘‘யா பன பி⁴க்கு²னீ நச்சங் வா கீ³தங் வா’’தி (பாசி॰ 834) வுத்தஸிக்கா²பத³ங். சரியாதி ‘‘அந்தோவஸ்ஸங் சாரிகங் சரெய்யா’’தி (பாசி॰ 970) ச, ‘‘வஸ்ஸங்வுத்தா² சாரிகங் ந பக்கமெய்யா’’தி (பாசி॰ 974) ச வுத்தஸிக்கா²பத³த்³வயங். ச²ந்த³தா³னேனாதி பாரிவாஸிகேன ச²ந்த³தா³னேன.
335.Aḍḍhuḍḍhasatānīti tīṇi satāni paññāsañca sikkhāpadāni. Viggahanti manussaviggahaṃ. Atirekanti dasāhaparamaṃ atirekacīvaraṃ. Kāḷakanti ‘‘suddhakāḷakāna’’nti vuttakāḷakaṃ. Bhūtanti bhūtārocanaṃ. Paramparabhattanti paramparabhojanaṃ. Bhikkhunīsu ca akkosoti ‘‘yā pana bhikkhunī bhikkhuṃ akkoseyya vā paribhāseyya vā’’ti (pāci. 1029) vuttasikkhāpadaṃ. Antaravāsakanti aññātikāya bhikkhuniyā cīvarapaṭiggaṇhanaṃ. Rūpiyanti rūpiyasaṃvohāraṃ. Suttanti ‘‘sāmaṃ suttaṃ viññāpetvā tantavāyehī’’ti (pārā. 637) vuttasikkhāpadaṃ. Ujjhāpanaketi ujjhāpanake khiyyanake pācittiyaṃ. Pācitapiṇḍanti bhikkhunīparipācitaṃ. Cīvaraṃ datvāti ‘‘samaggena saṅghena cīvaraṃ datvā’’ti (pāci. 485) vuttasikkhāpadaṃ. Vosāsantīti ‘‘bhikkhū paneva kulesu nimantitā bhuñjanti, tatra cesā bhikkhunī’’ti (pāci. 558) vuttapāṭidesanīyaṃ. Giragganti ‘‘yā pana bhikkhunī naccaṃ vā gītaṃ vā’’ti (pāci. 834) vuttasikkhāpadaṃ. Cariyāti ‘‘antovassaṃ cārikaṃ careyyā’’ti (pāci. 970) ca, ‘‘vassaṃvutthā cārikaṃ na pakkameyyā’’ti (pāci. 974) ca vuttasikkhāpadadvayaṃ. Chandadānenāti pārivāsikena chandadānena.
பாராஜிகானி சத்தாரீதி பி⁴க்கு²னீனங் சத்தாரி பாராஜிகானி. குடீதி குடிகாரஸிக்கா²பத³ங். கோஸியந்தி கோஸியமிஸ்ஸகஸிக்கா²பத³ங். ஸெய்யாதி அனுபஸம்பன்னேன ஸஹஸெய்யஸிக்கா²பத³ங். க²ணனேதி பத²வீக²ணனங். க³ச்ச² தே³வதேதி பூ⁴தகா³மஸிக்கா²பத³ங். ஸிஞ்சந்தி ஸப்பாணகஉத³கஸிஞ்சனங். மஹாவிஹாரோதி மஹல்லகவிஹாரோ. அஞ்ஞந்தி அஞ்ஞவாத³கங். த்³வாரந்தி யாவ த்³வாரகோஸா. ஸஹத⁴ம்மோதி ஸஹத⁴ம்மிகங் வுச்சமானோ. பயோபானந்தி ஸுருஸுருகாரகங். ஏளகலோமானீதி ஏளகலோமதோ⁴வாபனங். பத்தோதி ஊனபஞ்சப³ந்த⁴னபத்தோ. ஓவாதோ³தி பி⁴க்கு²னுபஸ்ஸயங் உபஸங்கமித்வா ஓவாதோ³. பே⁴ஸஜ்ஜந்தி தது³த்தரிபே⁴ஸஜ்ஜவிஞ்ஞாபனங். ஸூசீதி அட்டி²மயாதி³ஸூசிக⁴ரங். ஆரஞ்ஞிகோதி ‘‘யானி கோ² பன தானி ஆரஞ்ஞகானி ஸேனாஸனானீ’’திஆதி³னா (பாசி॰ 570) வுத்தபாடிதே³ஸனீயங் . ஓவாதோ³தி ‘‘யா பன பி⁴க்கு²னீ ஓவாதா³ய வா ஸங்வாஸாய வா ந க³ச்செ²ய்யா’’தி (பாசி॰ 1055) வுத்தஸிக்கா²பத³ங்.
Pārājikāni cattārīti bhikkhunīnaṃ cattāri pārājikāni. Kuṭīti kuṭikārasikkhāpadaṃ. Kosiyanti kosiyamissakasikkhāpadaṃ. Seyyāti anupasampannena sahaseyyasikkhāpadaṃ. Khaṇaneti pathavīkhaṇanaṃ. Gaccha devateti bhūtagāmasikkhāpadaṃ. Siñcanti sappāṇakaudakasiñcanaṃ. Mahāvihāroti mahallakavihāro. Aññanti aññavādakaṃ. Dvāranti yāva dvārakosā. Sahadhammoti sahadhammikaṃ vuccamāno. Payopānanti surusurukārakaṃ. Eḷakalomānīti eḷakalomadhovāpanaṃ. Pattoti ūnapañcabandhanapatto. Ovādoti bhikkhunupassayaṃ upasaṅkamitvā ovādo. Bhesajjanti taduttaribhesajjaviññāpanaṃ. Sūcīti aṭṭhimayādisūcigharaṃ. Āraññikoti ‘‘yāni kho pana tāni āraññakāni senāsanānī’’tiādinā (pāci. 570) vuttapāṭidesanīyaṃ . Ovādoti ‘‘yā pana bhikkhunī ovādāya vā saṃvāsāya vā na gaccheyyā’’ti (pāci. 1055) vuttasikkhāpadaṃ.
பாராஜிகானி சத்தாரீதிஆதி³னா ச²ஸு நக³ரேஸு பஞ்ஞத்தங் ஏகதோ ஸம்பிண்டி³த்வா ஸாவத்தி²யா பஞ்ஞத்தங் விஸுங் க³ணெத்வா ஸப்³பா³னேவ ஸிக்கா²பதா³னி த்³வீஹி ராஸீஹி ஸங்க³ண்ஹாதி.
Pārājikāni cattārītiādinā chasu nagaresu paññattaṃ ekato sampiṇḍitvā sāvatthiyā paññattaṃ visuṃ gaṇetvā sabbāneva sikkhāpadāni dvīhi rāsīhi saṅgaṇhāti.
ஸத்தனக³ரேஸு பஞ்ஞத்தஸிக்கா²பத³வண்ணனா நிட்டி²தா.
Sattanagaresu paññattasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi / 1. ஸத்தனக³ரேஸு பஞ்ஞத்தஸிக்கா²பத³ங் • 1. Sattanagaresu paññattasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பரிவார-அட்ட²கதா² • Parivāra-aṭṭhakathā / ஸத்தனக³ரேஸு பஞ்ஞத்தஸிக்கா²பத³வண்ணனா • Sattanagaresu paññattasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / ஸத்தனக³ரேஸு பஞ்ஞத்தஸிக்கா²பத³வண்ணனா • Sattanagaresu paññattasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / ஸத்தனக³ரேஸு பஞ்ஞத்தஸிக்கா²பத³வண்ணனா • Sattanagaresu paññattasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / ஸத்தனக³ரேஸு பஞ்ஞத்தஸிக்கா²பத³வண்ணனா • Sattanagaresu paññattasikkhāpadavaṇṇanā
