| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
பட²மகா³தா²ஸங்க³ணிகவண்ணனா
Paṭhamagāthāsaṅgaṇikavaṇṇanā
ஸத்தனக³ரேஸு பஞ்ஞத்தஸிக்கா²பத³வண்ணனா
Sattanagaresu paññattasikkhāpadavaṇṇanā
335. வசனஸம்படிச்ச²னத்தே² வா நிபாதோதி அத்தோ². அட்³டு⁴ட்³ட⁴ஸதானீதி தீணி ஸதானி, பஞ்ஞாஸானி ச. விக்³க³ஹந்தி மனுஸ்ஸவிக்³க³ஹங். அதிரேகங் வாதி த³ஸாஹபரமங் அதிரேகசீவரங். காளகந்தி ‘‘ஸுத்³த⁴காளகான’’ந்தி (பாரா॰ 552-554) வுத்தகாளகங். பூ⁴தந்தி பூ⁴தாரோசனங். பரம்பரப⁴த்தந்தி பரம்பரபோ⁴ஜனங். பி⁴க்கு²னீஸு ச அக்கோஸோதி யா பன பி⁴க்கு²னீ பி⁴க்கு²ங் அக்கோஸெய்ய வா பரிபா⁴ஸெய்ய வா (பாசி॰ 1029). அந்தரவாஸகந்தி அஞ்ஞாதிகாய பி⁴க்கு²னியா சீவரபடிக்³க³ஹணங். ரூபியந்தி ரூபியஸப்³போ³ஹாரங். ஸுத்தந்தி ஸாமங் ஸுத்தங் விஞ்ஞாபெத்வா தந்தவாயேஹி. உஜ்ஜா²பனகேதி உஜ்ஜா²பனகே கீ²யனகே. பாசிதபிண்ட³ந்தி பி⁴க்கு²னீபஅபாசிதபிண்ட³பாதங். சாரித்தந்தி நிமந்திதோ ஸப⁴த்தோ ஸமானோ ஸந்தங். சீவரங் த³த்வாதி ஸமக்³கே³ன ஸங்கே⁴ன சீவரங் த³த்வா. வோஸாஸந்தீதி பி⁴க்கூ² பனேவ குலேஸு நிமந்திதா பு⁴ஞ்ஜந்தி (பாசி॰ 558), தத்த² சேஸா. கி³ரக்³க³சரியாதி ‘‘யா பன பி⁴க்கு²னீ நச்சங் வா கீ³தங் வா’’தி (பாசி॰ 834) ச, ‘‘அந்தோவஸ்ஸங் சாரிகங் சரெய்யா’’தி (பாசி॰ 970) ச வுத்தத்³வயங். ச²ந்த³தா³னேனாதி பாரிவாஸிகச²ந்த³தா³னேன ஸிக்க²மானங் வுட்டா²பெய்ய (பாசி॰ 1167). பாராஜிகானி சத்தாரி, பி⁴க்கு²னீனங் ஸஞ்ஞாசிககுடிஞ்ச கோஸியமிஸ்ஸஸந்த²தஞ்ச ஸெய்யா ச அனுபஸம்பன்னேன ஸஹ பத²வீக²ணனங். க³ச்ச² தே³வதேதி பூ⁴தகா³மபாதப்³யதா ஸப்பாணகஉத³கஸிஞ்சனந்தி அத்தோ². மஹாவிஹாரோதி மஹல்லகவிஹாரோ. அஞ்ஞந்தி அஞ்ஞவாத³கங். த்³வாரந்தி யாவத்³வாரகோஸா. ‘‘அனாத³ரியபாசித்தீதி ச ஸஹத⁴ம்மிகங் வுச்சமானோ’’தி பாடோ². பயோபானந்தி ஸுருஸுருகாரகங். ஏளகலோமானி பத்தோ சாதி ஏளகலோமதோ⁴வாபனஞ்ச ஊனபஞ்சப³ந்த⁴னபத்தோ ச. ஓவாதோ³ சேவ பே⁴ஸஜ்ஜந்தி பி⁴க்கு²னுபஸ்ஸயங் உபஸங்கமித்வா ஓவாதோ³ தது³த்தரிபே⁴ஸஜ்ஜவிஞ்ஞாபனஞ்ச. ஸூசி அரஞ்ஞகோதி ‘‘அட்டி²மயங் வா த³ந்தமயங் வா விஸாணமயங் வா ஸூசிக⁴ர’’ந்தி (பாசி॰ 517) ச ‘‘யானி கோ² பன தானி ஆரஞ்ஞகானி ஸேனாஸனானி ஸாஸங்க…பே॰… படிதே³ஸேதப்³ப³’’ந்தி (பாசி॰ 570) ச. ஓவாதோ³தி யா பன பி⁴க்கு²னீ ஓவாதா³ய வா ஸங்வாஸாய வா ந க³ச்செ²ய்ய (பாசி॰ 1055). பாராஜிகானி சத்தாரீதிஆதி³ த்³வீஸு நக³ரேஸு பஞ்ஞத்தஸம்பிண்ட³னங்.
335. Vacanasampaṭicchanatthe vā nipātoti attho. Aḍḍhuḍḍhasatānīti tīṇi satāni, paññāsāni ca. Viggahanti manussaviggahaṃ. Atirekaṃ vāti dasāhaparamaṃ atirekacīvaraṃ. Kāḷakanti ‘‘suddhakāḷakāna’’nti (pārā. 552-554) vuttakāḷakaṃ. Bhūtanti bhūtārocanaṃ. Paramparabhattanti paramparabhojanaṃ. Bhikkhunīsu ca akkosoti yā pana bhikkhunī bhikkhuṃ akkoseyya vā paribhāseyya vā (pāci. 1029). Antaravāsakanti aññātikāya bhikkhuniyā cīvarapaṭiggahaṇaṃ. Rūpiyanti rūpiyasabbohāraṃ. Suttanti sāmaṃ suttaṃ viññāpetvā tantavāyehi. Ujjhāpanaketi ujjhāpanake khīyanake. Pācitapiṇḍanti bhikkhunīpaapācitapiṇḍapātaṃ. Cārittanti nimantito sabhatto samāno santaṃ. Cīvaraṃ datvāti samaggena saṅghena cīvaraṃ datvā. Vosāsantīti bhikkhū paneva kulesu nimantitā bhuñjanti (pāci. 558), tattha cesā. Giraggacariyāti ‘‘yā pana bhikkhunī naccaṃ vā gītaṃ vā’’ti (pāci. 834) ca, ‘‘antovassaṃ cārikaṃ careyyā’’ti (pāci. 970) ca vuttadvayaṃ. Chandadānenāti pārivāsikachandadānena sikkhamānaṃ vuṭṭhāpeyya (pāci. 1167). Pārājikāni cattāri, bhikkhunīnaṃ saññācikakuṭiñca kosiyamissasanthatañca seyyā ca anupasampannena saha pathavīkhaṇanaṃ. Gaccha devateti bhūtagāmapātabyatā sappāṇakaudakasiñcananti attho. Mahāvihāroti mahallakavihāro. Aññanti aññavādakaṃ. Dvāranti yāvadvārakosā. ‘‘Anādariyapācittīti ca sahadhammikaṃ vuccamāno’’ti pāṭho. Payopānanti surusurukārakaṃ. Eḷakalomāni patto cāti eḷakalomadhovāpanañca ūnapañcabandhanapatto ca. Ovādo ceva bhesajjanti bhikkhunupassayaṃ upasaṅkamitvā ovādo taduttaribhesajjaviññāpanañca. Sūci araññakoti ‘‘aṭṭhimayaṃ vā dantamayaṃ vā visāṇamayaṃ vā sūcighara’’nti (pāci. 517) ca ‘‘yāni kho pana tāni āraññakāni senāsanāni sāsaṅka…pe… paṭidesetabba’’nti (pāci. 570) ca. Ovādoti yā pana bhikkhunī ovādāya vā saṃvāsāya vā na gaccheyya (pāci. 1055). Pārājikāni cattārītiādi dvīsu nagaresu paññattasampiṇḍanaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi / 1. ஸத்தனக³ரேஸு பஞ்ஞத்தஸிக்கா²பத³ங் • 1. Sattanagaresu paññattasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பரிவார-அட்ட²கதா² • Parivāra-aṭṭhakathā / ஸத்தனக³ரேஸு பஞ்ஞத்தஸிக்கா²பத³வண்ணனா • Sattanagaresu paññattasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / ஸத்தனக³ரேஸு பஞ்ஞத்தஸிக்கா²பத³வண்ணனா • Sattanagaresu paññattasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / ஸத்தனக³ரேஸு பஞ்ஞத்தஸிக்கா²பத³வண்ணனா • Sattanagaresu paññattasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / ஸத்தனக³ரேஸு பஞ்ஞத்தஸிக்கா²பத³வண்ணனா • Sattanagaresu paññattasikkhāpadavaṇṇanā
