| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
батамаг̇аат̇аасан̇г̇ан̣игаван̣н̣анаа
Paṭhamagāthāsaṅgaṇikavaṇṇanā
сад̇д̇анаг̇арзсу бан̃н̃ад̇д̇асигкаабад̣̇аван̣н̣анаа
Sattanagaresu paññattasikkhāpadavaṇṇanā
335. важанасамбадижчанад̇т̇з ваа нибаад̇од̇и ад̇т̇о. ад̣дхуд̣дхасад̇аанийд̇и д̇ийн̣и сад̇аани, бан̃н̃аасаани жа. виг̇г̇аханд̇и мануссавиг̇г̇ахам̣. ад̇ирзгам̣ ваад̇и д̣̇асаахабарамам̣ ад̇ирзгажийварам̣. гаал̣аганд̇и ‘‘суд̣̇д̇хагаал̣агаана’’нд̇и (баараа. 552-554) вуд̇д̇агаал̣агам̣. бхууд̇анд̇и бхууд̇аарожанам̣. барамбарабхад̇д̇анд̇и барамбарабхож̇анам̣. бхигкунийсу жа аггосод̇и яаа бана бхигкуний бхигкум̣ аггосзяяа ваа барибхаасзяяа ваа (баажи. 1029). анд̇араваасаганд̇и ан̃н̃аад̇игааяа бхигкунияаа жийварабадиг̇г̇ахан̣ам̣. руубияанд̇и руубияасаб̣б̣охаарам̣. суд̇д̇анд̇и саамам̣ суд̇д̇ам̣ вин̃н̃аабзд̇ваа д̇анд̇авааязхи. уж̇жхаабанагзд̇и уж̇жхаабанагз кийяанагз. баажид̇абин̣д̣анд̇и бхигкунийбаабаажид̇абин̣д̣абаад̇ам̣. жаарид̇д̇анд̇и ниманд̇ид̇о сабхад̇д̇о самаано санд̇ам̣. жийварам̣ д̣̇ад̇ваад̇и самаг̇г̇зна сан̇гхзна жийварам̣ д̣̇ад̇ваа. восаасанд̇ийд̇и бхигкуу банзва гулзсу ниманд̇ид̇аа бхун̃ж̇анд̇и (баажи. 558), д̇ад̇т̇а жзсаа. г̇ираг̇г̇ажарияаад̇и ‘‘яаа бана бхигкуний нажжам̣ ваа г̇ийд̇ам̣ ваа’’д̇и (баажи. 834) жа, ‘‘анд̇овассам̣ жааригам̣ жарзяяаа’’д̇и (баажи. 970) жа вуд̇д̇ад̣̇ваяам̣. чанд̣̇ад̣̇аанзнаад̇и баариваасигачанд̣̇ад̣̇аанзна сигкамаанам̣ вудтаабзяяа (баажи. 1167). баарааж̇игаани жад̇д̇аари, бхигкунийнам̣ сан̃н̃аажигагудин̃жа госияамиссасант̇ад̇ан̃жа сзяяаа жа анубасамбаннзна саха бат̇авийкан̣анам̣. г̇ажча д̣̇звад̇зд̇и бхууд̇аг̇аамабаад̇аб̣яад̇аа саббаан̣агауд̣̇агасин̃жананд̇и ад̇т̇о. махаавихаарод̇и махаллагавихааро. ан̃н̃анд̇и ан̃н̃аваад̣̇агам̣. д̣̇вааранд̇и яаавад̣̇ваарагосаа. ‘‘анаад̣̇арияабаажид̇д̇ийд̇и жа сахад̇хаммигам̣ вужжамаано’’д̇и баато. баяобаананд̇и сурусуругаарагам̣. зл̣агаломаани бад̇д̇о жаад̇и зл̣агаломад̇ховаабанан̃жа уунабан̃жаб̣анд̇ханабад̇д̇о жа. оваад̣̇о жзва бхзсаж̇ж̇анд̇и бхигкунубассаяам̣ убасан̇гамид̇ваа оваад̣̇о д̇ад̣̇уд̇д̇арибхзсаж̇ж̇авин̃н̃аабанан̃жа. суужи аран̃н̃агод̇и ‘‘адтимаяам̣ ваа д̣̇анд̇амаяам̣ ваа висаан̣амаяам̣ ваа суужигхара’’нд̇и (баажи. 517) жа ‘‘яаани ко бана д̇аани ааран̃н̃агаани сзнаасанаани саасан̇га…бз… бадид̣̇зсзд̇аб̣б̣а’’нд̇и (баажи. 570) жа. оваад̣̇од̇и яаа бана бхигкуний оваад̣̇ааяа ваа сам̣ваасааяа ваа на г̇ажчзяяа (баажи. 1055). баарааж̇игаани жад̇д̇аарийд̇иаад̣̇и д̣̇вийсу наг̇арзсу бан̃н̃ад̇д̇асамбин̣д̣анам̣.
335. Vacanasampaṭicchanatthe vā nipātoti attho. Aḍḍhuḍḍhasatānīti tīṇi satāni, paññāsāni ca. Viggahanti manussaviggahaṃ. Atirekaṃ vāti dasāhaparamaṃ atirekacīvaraṃ. Kāḷakanti ‘‘suddhakāḷakāna’’nti (pārā. 552-554) vuttakāḷakaṃ. Bhūtanti bhūtārocanaṃ. Paramparabhattanti paramparabhojanaṃ. Bhikkhunīsu ca akkosoti yā pana bhikkhunī bhikkhuṃ akkoseyya vā paribhāseyya vā (pāci. 1029). Antaravāsakanti aññātikāya bhikkhuniyā cīvarapaṭiggahaṇaṃ. Rūpiyanti rūpiyasabbohāraṃ. Suttanti sāmaṃ suttaṃ viññāpetvā tantavāyehi. Ujjhāpanaketi ujjhāpanake khīyanake. Pācitapiṇḍanti bhikkhunīpaapācitapiṇḍapātaṃ. Cārittanti nimantito sabhatto samāno santaṃ. Cīvaraṃ datvāti samaggena saṅghena cīvaraṃ datvā. Vosāsantīti bhikkhū paneva kulesu nimantitā bhuñjanti (pāci. 558), tattha cesā. Giraggacariyāti ‘‘yā pana bhikkhunī naccaṃ vā gītaṃ vā’’ti (pāci. 834) ca, ‘‘antovassaṃ cārikaṃ careyyā’’ti (pāci. 970) ca vuttadvayaṃ. Chandadānenāti pārivāsikachandadānena sikkhamānaṃ vuṭṭhāpeyya (pāci. 1167). Pārājikāni cattāri, bhikkhunīnaṃ saññācikakuṭiñca kosiyamissasanthatañca seyyā ca anupasampannena saha pathavīkhaṇanaṃ. Gaccha devateti bhūtagāmapātabyatā sappāṇakaudakasiñcananti attho. Mahāvihāroti mahallakavihāro. Aññanti aññavādakaṃ. Dvāranti yāvadvārakosā. ‘‘Anādariyapācittīti ca sahadhammikaṃ vuccamāno’’ti pāṭho. Payopānanti surusurukārakaṃ. Eḷakalomāni patto cāti eḷakalomadhovāpanañca ūnapañcabandhanapatto ca. Ovādo ceva bhesajjanti bhikkhunupassayaṃ upasaṅkamitvā ovādo taduttaribhesajjaviññāpanañca. Sūci araññakoti ‘‘aṭṭhimayaṃ vā dantamayaṃ vā visāṇamayaṃ vā sūcighara’’nti (pāci. 517) ca ‘‘yāni kho pana tāni āraññakāni senāsanāni sāsaṅka…pe… paṭidesetabba’’nti (pāci. 570) ca. Ovādoti yā pana bhikkhunī ovādāya vā saṃvāsāya vā na gaccheyya (pāci. 1055). Pārājikāni cattārītiādi dvīsu nagaresu paññattasampiṇḍanaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 1. сад̇д̇анаг̇арзсу бан̃н̃ад̇д̇асигкаабад̣̇ам̣ • 1. Sattanagaresu paññattasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / сад̇д̇анаг̇арзсу бан̃н̃ад̇д̇асигкаабад̣̇аван̣н̣анаа • Sattanagaresu paññattasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сад̇д̇анаг̇арзсу бан̃н̃ад̇д̇асигкаабад̣̇аван̣н̣анаа • Sattanagaresu paññattasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / сад̇д̇анаг̇арзсу бан̃н̃ад̇д̇асигкаабад̣̇аван̣н̣анаа • Sattanagaresu paññattasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / сад̇д̇анаг̇арзсу бан̃н̃ад̇д̇асигкаабад̣̇аван̣н̣анаа • Sattanagaresu paññattasikkhāpadavaṇṇanā
