| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
бан̃н̃ад̇д̇иваг̇г̇о
Paññattivaggo
батамаг̇аат̇аасан̇г̇ан̣игам̣
Paṭhamagāthāsaṅgaṇikaṃ
сад̇д̇анаг̇арзсу бан̃н̃ад̇д̇асигкаабад̣̇аван̣н̣анаа
Sattanagaresu paññattasikkhāpadavaṇṇanā
335. ад̣дхуд̣дхасад̇аанийд̇и бан̃н̃аасаад̇хигаани д̇ийн̣и сад̇аани. виг̇г̇ахабад̣̇зна мануссавиг̇г̇ахам̣ вуд̇д̇ам̣.
335.Aḍḍhuḍḍhasatānīti paññāsādhikāni tīṇi satāni. Viggahapadena manussaviggahaṃ vuttaṃ.
ад̇ирзганд̇и батамагат̇инам̣. гаал̣аганд̇и суд̣̇д̇хагаал̣агам̣. бхууд̇анд̇и бхууд̇аарожанам̣. бхигкунийсу жа аггосод̇и ‘‘яаа бана бхигкуний бхигкум̣ аггосзяяаа’’д̇и (баажи. 1029) вуд̇д̇ам̣ сигкаабад̣̇ам̣.
Atirekanti paṭhamakathinaṃ. Kāḷakanti suddhakāḷakaṃ. Bhūtanti bhūtārocanaṃ. Bhikkhunīsu ca akkosoti ‘‘yā pana bhikkhunī bhikkhuṃ akkoseyyā’’ti (pāci. 1029) vuttaṃ sikkhāpadaṃ.
д̣̇взби жа бхзд̣̇аад̇и д̣̇вз сан̇гхабхзд̣̇асигкаабад̣̇аани. анд̇араваасаганаамзна ан̃н̃аад̇игааяа бхигкунияаа хад̇т̇ад̇о жийварабадиг̇г̇ахан̣ам̣ вуд̇д̇ам̣. суд̇д̇анд̇и суд̇д̇ам̣ вин̃н̃аабзд̇ваа вааяаабанам̣. вигаалзд̇и вигаалабхож̇анам̣. жаарид̇д̇анд̇и бурзбхад̇д̇ам̣ бажчаабхад̇д̇ам̣ жаарид̇д̇ам̣. нахаананд̇и орзнад̣̇д̇хамаасанахаанам̣.
Dvepi ca bhedāti dve saṅghabhedasikkhāpadāni. Antaravāsakanāmena aññātikāya bhikkhuniyā hatthato cīvarapaṭiggahaṇaṃ vuttaṃ. Suttanti suttaṃ viññāpetvā vāyāpanaṃ. Vikāleti vikālabhojanaṃ. Cārittanti purebhattaṃ pacchābhattaṃ cārittaṃ. Nahānanti orenaddhamāsanahānaṃ.
жийварам̣ д̣̇ад̇ваад̇и самаг̇г̇зна сан̇гхзна жийварам̣ д̣̇ад̇ваа кияяанам̣. г̇ираг̇г̇анд̇и нажжаг̇ийд̇ам̣. жарияаад̇и анд̇овассам̣ жааригажаран̣ам̣. д̇ад̇т̇зваад̇и вассам̣вуд̇т̇ааяа жааригам̣ абаггамид̇ваа д̇ад̇т̇зва ниваасанам̣ бадижжа бан̃н̃ад̇д̇асигкаабад̣̇ам̣. чанд̣̇ад̣̇аанзнаад̇и баариваасигзна чанд̣̇ад̣̇аанзна.
Cīvaraṃ datvāti samaggena saṅghena cīvaraṃ datvā khiyyanaṃ. Giragganti naccagītaṃ. Cariyāti antovassaṃ cārikacaraṇaṃ. Tatthevāti vassaṃvutthāya cārikaṃ apakkamitvā tattheva nivāsanaṃ paṭicca paññattasikkhāpadaṃ. Chandadānenāti pārivāsikena chandadānena.
баарааж̇игаани жад̇д̇аарийд̇и бхигкунийнам̣ асаад̇хааран̣аани. сол̣асаад̇и аад̣̇ид̇о бан̃жа сигкаабад̣̇аани, гулад̣̇уусанан̃жаад̇и ча, бхигкунийнам̣ асаад̇хааран̣аани д̣̇аса ниссаг̇г̇ияаани.
Pārājikāni cattārīti bhikkhunīnaṃ asādhāraṇāni. Soḷasāti ādito pañca sikkhāpadāni, kuladūsanañcāti cha, bhikkhunīnaṃ asādhāraṇāni dasa nissaggiyāni.
жад̇уд̇д̇им̣саад̇и батамагат̇инасуд̣̇д̇хагаал̣агажийварабадиг̇г̇ахан̣аруубияажийваравааяаабанагосзяяамиссагазл̣агаломад̇ховаабанад̣̇уд̇ияабад̇д̇аваж̇ж̇ид̇аани бхигкувибхан̇г̇з д̣̇ваавийсад̇и, бхигкунийнам̣ асаад̇хааран̣аани д̣̇ваад̣̇аса жаад̇и жад̇уд̇д̇им̣са. чабан̃н̃аасасад̇анд̇и взсаалияаад̣̇ийсу бан̃н̃ад̇д̇аани д̣̇вад̇д̇им̣сасигкаабад̣̇аани табзд̇ваа сзсаа чабан̃н̃аасасад̇ам̣.
Catuttiṃsāti paṭhamakathinasuddhakāḷakacīvarapaṭiggahaṇarūpiyacīvaravāyāpanakoseyyamissakaeḷakalomadhovāpanadutiyapattavajjitāni bhikkhuvibhaṅge dvāvīsati, bhikkhunīnaṃ asādhāraṇāni dvādasa cāti catuttiṃsa. Chapaññāsasatanti vesāliyādīsu paññattāni dvattiṃsasikkhāpadāni ṭhapetvā sesā chapaññāsasataṃ.
д̣̇аса г̇аараяхаад̇и восаасааббадисам̣ вид̣̇ид̇асигкаабад̣̇ад̣̇ваяан̃жа табзд̇ваа сзсаани д̣̇аса баадид̣̇зсанийяаани. д̣̇вз сад̇д̇ад̇и сзкияаани сурусуругаарагасаамисзнахад̇т̇знабаанийяат̇аалагабадиг̇г̇ахан̣асасид̇т̇агабад̇д̇ад̇хованаани д̇ийн̣и табзд̇ваа сзсаани сзкияаани.
Dasagārayhāti vosāsaappaṭisaṃ viditasikkhāpadadvayañca ṭhapetvā sesāni dasa pāṭidesanīyāni. Dve sattati sekhiyāni surusurukārakasāmisenahatthenapānīyathālakapaṭiggahaṇasasitthakapattadhovanāni tīṇi ṭhapetvā sesāni sekhiyāni.
сзяяаад̇и анубасамбаннзна сахасзяяасигкаабад̣̇ам̣. кан̣анзд̇и бат̇авийкан̣анам̣. г̇ажча д̣̇звад̇зд̇и бхууд̇аг̇аамасигкаабад̣̇ам̣ вуд̇д̇ам̣. саббаан̣агам̣ син̃жанд̇и саббаан̣од̣̇агасин̃жанам̣. махаавихаарод̇и махаллагавихааро.
Seyyāti anupasampannena sahaseyyasikkhāpadaṃ. Khaṇaneti pathavīkhaṇanaṃ. Gaccha devateti bhūtagāmasikkhāpadaṃ vuttaṃ. Sappāṇakaṃ siñcanti sappāṇodakasiñcanaṃ. Mahāvihāroti mahallakavihāro.
ан̃н̃анд̇и ан̃н̃аваад̣̇агам̣. д̣̇вааранд̇и яаава д̣̇ваарагосаа аг̇г̇ал̣адтабанам̣. сахад̇хаммод̇и сахад̇хаммигам̣ вужжамаано. баяобаананд̇и сурусуругаарагасигкаабад̣̇ам̣.
Aññanti aññavādakaṃ. Dvāranti yāva dvārakosā aggaḷaṭṭhapanaṃ. Sahadhammoti sahadhammikaṃ vuccamāno. Payopānanti surusurukārakasikkhāpadaṃ.
зл̣агаломод̇и зл̣агаломад̇ховаабанам̣. бад̇д̇о жаад̇и д̣̇уд̇ияабад̇д̇о. оваад̣̇од̇и бхигкунубассаяам̣ убасан̇гамид̇ваа оваад̣̇о. бхзсаж̇ж̇анд̇и жад̇умаасабажжаяабавааран̣аасигкаабад̣̇ам̣. ааран̃н̃игод̇и жад̇уд̇т̇абаадид̣̇зсанийяам̣. оваад̣̇од̇и оваад̣̇ааяа ваа сам̣ваасааяа ваа аг̇аманам̣.
Eḷakalomoti eḷakalomadhovāpanaṃ. Patto cāti dutiyapatto. Ovādoti bhikkhunupassayaṃ upasaṅkamitvā ovādo. Bhesajjanti catumāsapaccayapavāraṇāsikkhāpadaṃ. Āraññikoti catutthapāṭidesanīyaṃ. Ovādoti ovādāya vā saṃvāsāya vā agamanaṃ.
337. ‘‘яз жа яаавад̇ад̇ияагаа’’д̇и бан̃хасса ‘‘имз ко яаавад̇ад̇ияагаа’’д̇и виссаж̇ж̇анам̣ вад̇ваа д̇ад̣̇ананд̇арам̣ ‘‘саад̇хааран̣ам̣ асаад̇хааран̣а’’нд̇иаад̣̇ибан̃хаанам̣ виссаж̇ж̇анз вад̇д̇аб̣б̣з яасмаа д̇ам̣ авад̇ваа ‘‘гад̇и чзд̣̇анагааний’’д̇иаад̣̇игз адта бан̃хз анд̇араа виссаж̇ж̇зд̇ваа д̇зсам̣ ананд̇араа ‘‘вийсам̣ д̣̇вз сад̇аани бхигкуунам̣…бз… чажад̇д̇аарийсаа бхигкуунам̣, бхигкунийхи асаад̇хааран̣аа’’д̇иаад̣̇инаа уггамзнзва саад̇хааран̣аад̣̇ибан̃хаа виссаж̇ж̇ид̇аа, д̇асмаа д̇ам̣ уггамависсаж̇ж̇анагааран̣ам̣ д̣̇ассзд̇ум̣ ‘‘яасмаа бана яз жа яаавад̇ад̇ияагаад̇и аяам̣ бан̃хо’’д̇иаад̣̇имааха.
337. ‘‘Ye ca yāvatatiyakā’’ti pañhassa ‘‘ime kho yāvatatiyakā’’ti vissajjanaṃ vatvā tadanantaraṃ ‘‘sādhāraṇaṃ asādhāraṇa’’ntiādipañhānaṃ vissajjane vattabbe yasmā taṃ avatvā ‘‘kati chedanakānī’’tiādike aṭṭha pañhe antarā vissajjetvā tesaṃ anantarā ‘‘vīsaṃ dve satāni bhikkhūnaṃ…pe… chacattārīsā bhikkhūnaṃ, bhikkhunīhi asādhāraṇā’’tiādinā ukkameneva sādhāraṇādipañhā vissajjitā, tasmā taṃ ukkamavissajjanakāraṇaṃ dassetuṃ ‘‘yasmā pana ye ca yāvatatiyakāti ayaṃ pañho’’tiādimāha.
338. д̇хованан̃жа бадиг̇г̇аход̇иаад̣̇иг̇аат̇аа адтагат̇аажарияаанам̣ г̇аат̇аава. чаб̣б̣ассаани нисийд̣̇ананд̇и д̣̇вз сигкаабад̣̇аани. д̣̇вз ломаад̇и д̇ияож̇анаад̇иггамад̇ховаабанавасзна д̣̇вз зл̣агаломасигкаабад̣̇аани. вассигаа ааран̃н̃агзна жаад̇и вассигасаадигаа бариязсанааран̃н̃агзсу сзнаасанзсу вихаран̣асигкаабад̣̇зна саха.
338.Dhovanañca paṭiggahotiādigāthā aṭṭhakathācariyānaṃ gāthāva. Chabbassāni nisīdananti dve sikkhāpadāni. Dve lomāti tiyojanātikkamadhovāpanavasena dve eḷakalomasikkhāpadāni. Vassikā āraññakena cāti vassikasāṭikā pariyesanaaraññakesu senāsanesu viharaṇasikkhāpadena saha.
бан̣ийд̇анд̇и бан̣ийд̇абхож̇анавин̃н̃аабанам̣. уунанд̇и уунавийсад̇ивассуубасамбаад̣̇анам̣. маад̇уг̇аамзна сад̣̇д̇хинд̇и сам̣вид̇хааяа г̇аманам̣ вуд̇д̇ам̣. яаа сигкаад̇и яам̣ сигкаабад̣̇ам̣. нисийд̣̇анз жа яаа сигкаад̇и бамаан̣аад̇игганд̇анисийд̣̇анагаараабанз яам̣ сигкаабад̣̇ам̣. д̇ат̇аа вассигаа яаа жа саадигаад̇и зд̇т̇ааби.
Paṇītanti paṇītabhojanaviññāpanaṃ. Ūnanti ūnavīsativassūpasampādanaṃ. Mātugāmena saddhinti saṃvidhāya gamanaṃ vuttaṃ. Yā sikkhāti yaṃ sikkhāpadaṃ. Nisīdaneca yā sikkhāti pamāṇātikkantanisīdanakārāpane yaṃ sikkhāpadaṃ. Tathā vassikā yā ca sāṭikāti etthāpi.
баал̣ияам̣ сад̇ам̣ сад̇д̇ад̇и чажжзвимз хонд̇и убхиннам̣ асаад̇хааран̣аад̇и бхигкуунам̣ бхигкунийхи асаад̇хааран̣аа чажад̇д̇аарийса, бхигкунийнам̣ бхигкуухи асаад̇хааран̣аа д̇им̣саад̇хигам̣ сад̇ан̃жаад̇и звам̣ убхиннам̣ асаад̇хааран̣аа жа часад̇д̇ад̇иад̇хигам̣ сад̇ам̣ сигкаабад̣̇аанийд̇и ад̇т̇о. сад̇ам̣ сад̇д̇ад̇и жад̇д̇аарийд̇и убхиннам̣ саад̇хааран̣асигкаанам̣ г̇ан̣анаа жад̇усад̇д̇ад̇иад̇хигам̣ сад̇ам̣ сигкаабад̣̇аанийд̇и ад̇т̇о.
Pāḷiyaṃ sataṃ sattati chaccevime honti ubhinnaṃ asādhāraṇāti bhikkhūnaṃ bhikkhunīhi asādhāraṇā chacattārīsa, bhikkhunīnaṃ bhikkhūhi asādhāraṇā tiṃsādhikaṃ satañcāti evaṃ ubhinnaṃ asādhāraṇā ca chasattatiadhikaṃ sataṃ sikkhāpadānīti attho. Sataṃ sattati cattārīti ubhinnaṃ sādhāraṇasikkhānaṃ gaṇanā catusattatiadhikaṃ sataṃ sikkhāpadānīti attho.
вибхад̇д̇ияод̇и аабад̇д̇игканд̇хаа жзва убосат̇абавааран̣аад̣̇аяо жа ад̇хиббзд̇аа. д̇з хи баарааж̇игаад̣̇ибхзд̣̇зна, бхигкуубосат̇аад̣̇ибхзд̣̇зна жа вибхаж̇ийяанд̇и. д̇знааха ‘‘вибхад̇д̇ияо’’д̇иаад̣̇и. д̇зсанд̇и адтаннам̣ баарааж̇игаад̣̇ийнам̣. д̣̇вийхийд̇иаад̣̇и виваад̣̇аад̇хигаран̣аад̣̇ийнам̣ самат̇зхи вуубасамад̣̇ассанам̣.
Vibhattiyoti āpattikkhandhā ceva uposathapavāraṇādayo ca adhippetā. Te hi pārājikādibhedena, bhikkhuuposathādibhedena ca vibhajīyanti. Tenāha ‘‘vibhattiyo’’tiādi. Tesanti aṭṭhannaṃ pārājikādīnaṃ. Dvīhītiādi vivādādhikaraṇādīnaṃ samathehi vūpasamadassanaṃ.
сад̇д̇анаг̇арзсу бан̃н̃ад̇д̇асигкаабад̣̇аван̣н̣анаа нидтид̇аа.
Sattanagaresu paññattasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi
1. сад̇д̇анаг̇арзсу бан̃н̃ад̇д̇асигкаабад̣̇ам̣ • 1. Sattanagaresu paññattasikkhāpadaṃ
3. чзд̣̇анагаад̣̇и • 3. Chedanakādi
4. асаад̇хааран̣аад̣̇и • 4. Asādhāraṇādi
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā
сад̇д̇анаг̇арзсу бан̃н̃ад̇д̇асигкаабад̣̇аван̣н̣анаа • Sattanagaresu paññattasikkhāpadavaṇṇanā
чзд̣̇анагаад̣̇иван̣н̣анаа • Chedanakādivaṇṇanā
асаад̇хааран̣аад̣̇иван̣н̣анаа • Asādhāraṇādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
сад̇д̇анаг̇арзсу бан̃н̃ад̇д̇асигкаабад̣̇аван̣н̣анаа • Sattanagaresu paññattasikkhāpadavaṇṇanā
асаад̇хааран̣аад̣̇иван̣н̣анаа • Asādhāraṇādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā
сад̇д̇анаг̇арзсу бан̃н̃ад̇д̇асигкаабад̣̇аван̣н̣анаа • Sattanagaresu paññattasikkhāpadavaṇṇanā
чзд̣̇анагаад̣̇иван̣н̣анаа • Chedanakādivaṇṇanā
асаад̇хааран̣аад̣̇иван̣н̣анаа • Asādhāraṇādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi
сад̇д̇анаг̇арзсу бан̃н̃ад̇д̇асигкаабад̣̇аван̣н̣анаа • Sattanagaresu paññattasikkhāpadavaṇṇanā
чзд̣̇анагаад̣̇иван̣н̣анаа • Chedanakādivaṇṇanā
асаад̇хааран̣аад̣̇иван̣н̣анаа • Asādhāraṇādivaṇṇanā
