| Library / Tipiṭaka / ཏིཔིཊཀ • Tipiṭaka / པརིཝཱར-ཨཊྛཀཐཱ • Parivāra-aṭṭhakathā |
པཋམགཱཐཱསངྒཎིཀཾ
Paṭhamagāthāsaṅgaṇikaṃ
སཏྟནགརེསུ པཉྙཏྟསིཀྑཱཔདཝཎྞནཱ
Sattanagaresu paññattasikkhāpadavaṇṇanā
༣༣༥. ཨེཀཾསཾ ཙཱིཝརཾ ཀཏྭཱཏི ཨེཀསྨིཾ ཨཾསཀཱུཊེ ཙཱིཝརཾ ཀཏྭཱ; སཱདྷུཀཾ ཨུཏྟརཱསངྒཾ ཀཏྭཱཏི ཨཏྠོ། པགྒཎྷིཏྭཱན ཨཉྫལིནྟི དསནཁསམོདྷཱནསམུཛྫལཾ ཨཉྫལིཾ ཨུཀྑིཔིཏྭཱ། ཨཱསཱིསམཱནརཱུཔོ ཝཱཏི པཙྩཱསཱིསམཱནརཱུཔོ ཝིཡ། ཀིསྶ ཏྭཾ ཨིདྷ མཱགཏོཏི ཀེན ཀཱརཎེན ཀིམཏྠཾ པཏྠཡམཱནོ ཏྭཾ ཨིདྷ ཨཱགཏོ། ཀོ ཨེཝམཱཧ? སམྨཱསམྦུདྡྷོ། ཀཾ ཨེཝམཱཧ? ཨཱཡསྨནྟཾ ཨུཔཱལིཾ། ཨིཏི ཨཱཡསྨཱ ཨུཔཱལི བྷགཝནྟཾ ཨུཔསངྐམིཏྭཱ ‘‘དྭཱིསུ ཝིནཡེསཱུ’’ཏི ཨིམཾ གཱཐཾ པུཙྪི། ཨཐསྶ བྷགཝཱ ‘‘བྷདྡཀོ ཏེ ཨུམྨངྒོ’’ཏིཨཱདཱིནི ཝཏྭཱ ཏཾ ཝིསྶཛྫེསི། ཨེས ནཡོ སབྦཏྠ། ཨིཏི ཨིམེ སབྦཔཉྷེ བུདྡྷཀཱལེ ཨུཔཱལིཏྠེརོ པུཙྪི། བྷགཝཱ བྱཱཀཱསི། སངྒཱིཏིཀཱལེ པན མཧཱཀསྶཔཏྠེརོ པུཙྪི། ཨུཔཱལིཏྠེརོ བྱཱཀཱསི།
335.Ekaṃsaṃcīvaraṃ katvāti ekasmiṃ aṃsakūṭe cīvaraṃ katvā; sādhukaṃ uttarāsaṅgaṃ katvāti attho. Paggaṇhitvāna añjalinti dasanakhasamodhānasamujjalaṃ añjaliṃ ukkhipitvā. Āsīsamānarūpo vāti paccāsīsamānarūpo viya. Kissa tvaṃ idha māgatoti kena kāraṇena kimatthaṃ patthayamāno tvaṃ idha āgato. Ko evamāha? Sammāsambuddho. Kaṃ evamāha? Āyasmantaṃ upāliṃ. Iti āyasmā upāli bhagavantaṃ upasaṅkamitvā ‘‘dvīsu vinayesū’’ti imaṃ gāthaṃ pucchi. Athassa bhagavā ‘‘bhaddako te ummaṅgo’’tiādīni vatvā taṃ vissajjesi. Esa nayo sabbattha. Iti ime sabbapañhe buddhakāle upālitthero pucchi. Bhagavā byākāsi. Saṅgītikāle pana mahākassapatthero pucchi. Upālitthero byākāsi.
ཏཏྠ བྷདྡཀོ ཏེ ཨུམྨངྒོཏི བྷདྡཀཱ ཏེ པཉྷཱ; པཉྷཱ ཧི ཨཝིཛྫནྡྷཀཱརཏོ ཨུམྨུཛྫིཏྭཱ ཋིཏཏྟཱ ‘‘ཨུམྨངྒོ’’ཏི ཝུཙྩཏི། ཏགྒྷཱཏི ཀཱརཎཏྠེ ནིཔཱཏོ། ཡསྨཱ མཾ པུཙྪསི, ཏསྨཱ ཏེ ཨཧམཀྑིསྶནྟི ཨཏྠོ། སམྤཊིཙྪནཏྠེ ཝཱ, ‘‘ཏགྒྷཱ’’ཏི ཧི ཨིམིནཱ ཝཙནཾ སམྤཊིཙྪིཏྭཱ ཨཀྑིསྶནྟི ཨཱཧ། ‘‘སམཱདཧིཏྭཱ ཝིསིབྦེནྟི, སཱམིསེན, སསིཏྠཀ’’ནྟི ཨིམཱནི ཏཱིཎིཡེཝ སིཀྑཱཔདཱནི བྷགྒེསུ པཉྙཏྟཱནི།
Tattha bhaddako te ummaṅgoti bhaddakā te pañhā; pañhā hi avijjandhakārato ummujjitvā ṭhitattā ‘‘ummaṅgo’’ti vuccati. Tagghāti kāraṇatthe nipāto. Yasmā maṃ pucchasi, tasmā te ahamakkhissanti attho. Sampaṭicchanatthe vā, ‘‘tagghā’’ti hi iminā vacanaṃ sampaṭicchitvā akkhissanti āha. ‘‘Samādahitvā visibbenti, sāmisena, sasitthaka’’nti imāni tīṇiyeva sikkhāpadāni bhaggesu paññattāni.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / པརིཝཱརཔཱལི༹ • Parivārapāḷi / ༡. སཏྟནགརེསུ པཉྙཏྟསིཀྑཱཔདཾ • 1. Sattanagaresu paññattasikkhāpadaṃ
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / སཏྟནགརེསུ པཉྙཏྟསིཀྑཱཔདཝཎྞནཱ • Sattanagaresu paññattasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / སཏྟནགརེསུ པཉྙཏྟསིཀྑཱཔདཝཎྞནཱ • Sattanagaresu paññattasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / སཏྟནགརེསུ པཉྙཏྟསིཀྑཱཔདཝཎྞནཱ • Sattanagaresu paññattasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / སཏྟནགརེསུ པཉྙཏྟསིཀྑཱཔདཝཎྞནཱ • Sattanagaresu paññattasikkhāpadavaṇṇanā
